大小姐冰室

营业中

休息中

外賣嗌左個黯然銷魂飯，嚟到打開以為嗌錯餐，叉燒又黑又硬又乾，咬錯去係會牙骹酸軟，同牛肉乾一樣，以為一舊半舊個位唔靚，撩開舊舊都係咁。咁大個人未見過咁差嘅叉燒，完全擺唔到落口，話明黯然銷魂飯梗係有煎蛋啦，煎蛋正常所以食左兩隻煎蛋成盒掉左，收8十幾蚊，去燒味舖買盒瘦叉飯都冇咁差，可能大厨整開米芝蓮菜式，港式燒味睇唔上眼，咁都出得餐應該係勸客人下次唔好嗌燒味，嗌返啲東南亞名菜。食嗰陣冇影相，掉咗之後越諗越唔對路，大家唔信可以去試下，返正我就唔會再試冇回頭👍🏻

男朋友最鍾意去冰室食飯，因為佢覺得有好多選擇，一定會揀到大家想食嘅嘢，有啲冰室仲大大碟，超抵食，今晚又俾佢搵到間好嘢！冰室整齊企理，環境光猛，座位都唔少，有多張梳化卡座、長梳化座嘅二人枱和四人枱，仲有幾張圓枱添，坐得幾舒適。餐簿都幾厚，選擇多，但我地就睇中「暖笠笠煲仔小菜」嘅二人餐（$228），有兩款自選小菜、油菜一碟、白飯、燉湯和凍/熱飲兩杯，樣樣有齊，仲有燉湯都係呢個價，真係好吸引！先上大大盅的桂圓雪梨燉湯，熱度十足，正！湯身清澈，沒有泛油光，湯料有桂圓、紅棗、瘦肉、雞腳、雪梨等，好足料！味道甘香清甜，滋潤順喉，飲完全身暖笠笠，好滿足！足足有四十煲仔小菜任擇，真係眼花撩亂。要咗紅酒牛尾煲，大大煲，好有份量。牛尾肥瘦參半，嫩肉夾雜着油潤的肥膏，唔止炆得腍嫩，仲好入味，牛味亦香濃，用啲汁來撈飯一流，全煲都好正！另一款揀咗口水雞（例牌），除咗脾翼外，件件都已去骨，啖啖肉，正呀！嫩滑的雞肉連埋滑嘟嘟的雞皮，吃出份油香，好吃！加埋香辣惹味的醬汁和香脆可口的花生碎，風味十足，喜歡！菜不能少，附送一碟油菜 就最岩我。生菜翠綠爽嫩，好新鮮，只係加咗少少豉油，少油少鹽，夠健康。飲品轉咗特飲，超驚喜！

入得黎冰室大家就無分彼此，舊式又好，新派又好，講既都係一份人情味，你試想下普普通通一碟碟頭飯，望落好似簡簡單單，但背後足以養活一眾打工仔，包括我在內。👇📌暖笠笠煲仔小菜2人餐 - $228▪️ 紅 酒 牛 尾 煲 -  ▫️ 二人餐包左兩個小菜、一個燉湯、一個油菜、兩杯野飲，佢地小菜選擇好多，我首先揀左呢個「紅酒牛尾煲」，紅酒加上蕃茄燴煮而成，令牛尾煮燴非常軟腍鬆化，極容易離骨，仲要非常大舊，非常足料，啖啖肉連埋筋位煙煙韌韌，充滿住骨膠原，正！-▪️ 鹹 魚 雞 粒 豆 腐 煲 -▫️ 另一個小菜「鹹魚雞粒豆腐煲」比預期中更加香濃，一打開蓋鹹香味十足，月口感滑溜，雞粒爽滑，用黎送飯認真一流。▪️ 油 菜 - ▪️ 是 日 燉 湯 -▫️ 套餐仲附送一碟「油菜」同埋「是日燉湯」，今日油菜係唐生菜，新鮮爽脆，今日燉湯係「紅棗杞子燉雞腳湯」，湯頭包括紅棗、杞子、准山、豬肉，夠哂滋補。▪️ 一 顆 檸 檬 鮮 果 茶 - ▪️ 仙 草 菠 蘿 冬 瓜 茶 -▫️ 佢地既特飲都幾吸引，呢杯「一顆檸檬鮮果茶」一次過落左火龍果、菠蘿、青檸、椰果、檸檬、櫻桃，飲落唔會太甜，啖啖果香；而「仙草菠蘿冬瓜茶」幾有台式風味，涼粉

大小姐冰室 (北角)北角英皇道165-175號公主大廈01及10-13號地舖幾高質嘅冰室！同朋友喺北角行街，經過呢間叫大小姐冰室，俾佢門口嘅光猛招牌吸引咗！揭一揭佢個餐牌，見到食物價錢都OK！正常價，圖片亦都非常吸引！見到啲枱櫈啊裝修啊都幾乾淨，入邊亦都坐咗唔少食客，好似可以試一試！好彩我哋嗰日都算早去到，等多一陣間就有位啦，見到有一個二人餐幾吸引， $228就可以有一碟菜、兩個小菜、兩個燉湯同兩杯嘢飲☺️我哋叫咗椒鹽魷魚同埋五柳魚塊試一試！兩款小菜味道唔錯，份量足！嘢飲方面叫咗熱咖啡同埋可樂可樂，可樂係要加$6既，食客可以留意一下，不過服務員都好細心，落單嘅時候會話俾你知，提醒一下！我朋友大讚呢度既熱咖啡，估唔到冰室都可以沖到咁滑既咖啡！鐘意咖啡既朋友可以試一試！

最近要去北角返工，知道新開左一間「大小姐冰室」，收工就同同事去食夜晚。「暖笠笠煲仔小菜」分別有一人餐$138、二人餐$228和三人餐$338，小菜款式多，多達40款。小編點了一個二人餐$228。⭐️⭐️好欣賞呢碗燉湯😋湯係紅棗蘋果桂圓雞燉測，每一碗都放滿材加一碗水燉，非常入味。啫啫滑雞煲第一次吃「啫啫滑雞煲」是配叉燒，滿特別又新穎。雞和叉燒的分量多，雞件斬得好，沒有碎骨，雞件入味之餘又滑嫩。叉燒肥瘦適中，大大件又多肉。附送油菜(碟）生菜川味水煮牛肉賣相100分！！牛肉的分量算多，配菜有萵筍、紅薯粉和雲耳。䈑筍略為大件，紅薯粉相當有咬口感。華田暴龍脆脆爆多華田脆脆，成座山甘高😂華田味勁濃，值得推介。大小姐紅豆奶茶二人份量剛剛好

今日放假同朋友去北角睇文青嘢，我知道北角有個展覽叫油街實現，細個住過北角，所以就有興趣入去睇吓了解吓北角嘅特色，了解吓北角油街實現係咩嚟，當然行咗成日，梗係好肚餓啦！過條馬路就見到呢間裝修唔錯，燈光光猛嘅冰室叫大小姐冰室， J餐廳出邊有一個寫住Grand opening 既花束💐，我估呢間北角大小姐冰室應該係新開無耐嘅！見入邊坐咗唔少食客，於是就排一排隊試一試！等咗一陣就有位啦我地見到二人餐好抵食$228 可以喺四十款小菜內選擇兩款，我地揀咗椒鹽魷魚和五柳魚塊，仲有兩個燉湯，有一碟油菜仲有兩個白飯和兩杯飲品，凍飲仲唔洗加錢！我地有三個人，再叫多一個蕃茄焗豬扒飯我地好滿意果燉湯，飲得出係真材實料！ 仲有果椒鹽魷魚和五柳魚塊都炸得好好味😋，炸到岩岩好，唔會過油

因為家人認為這家味道煮得比較好，1如以往家人特意前去餐廳買外賣。回家後，在包裝完好及沒有溢出滲漏的情況下，未知是當天生意太好所致湯水準備不足或是其他原因，（*燉湯好喝）可是餐湯的份量真的少得可憐，失望，連半碗都沒有，僅得浸住湯渣的份量(*如圖，湯漬線位）。希望有心店家多注意一下。

今日黎到北角～見到#大小姐冰室 餐廳名字好特別！入面裝修都好大好乾淨！人流都好多！排左一陣隊先入到去食個早餐😜位置夠寬敞舒適！員工都好有善有禮貌👍🏻上餐好快到！🍜馬來沙嗲牛肉麵(牛仔腸,黑松露炒蛋,薯餅)沙嗲牛肉麵基本上係港人必食早餐🥣味道同出面食開有啲唔同，就係個湯底啦，好有馬拉味道！夠晒濃郁～黑松露炒蛋好高質享受😎碎蛋流心蛋治入面醬汁好好味，愈食愈開胃！仲配上流心蛋🫶🏻好滋味呀！真係好食停唔到口！

今日去咗朋友屋企，之後就落咗嚟食呢間大小姐冰室！喺砲台山一出地鐵站就到，裝修都好優美，女仔打卡可以啊，我同老公叫左個二人餐，先200零蚊 ，包左兩個小菜，一個時菜，兩碗飯，仲有燉湯同嘢飲，真係好抵食呀！係3十幾款小菜入面，我地揀左咖哩牛筋腩煲同 豆豉炒鮮魷！！上碟快，店員服務都好！ 全部都好大碟，尤其係牛腩煲，全部都係牛腩嚟，真係好抵食呀！炒鮮魷都好好味，魷魚好新鮮彈牙，而且份量都好多，真係抵食。時菜比左生菜，好嫩，又洗得乾淨，加點蠔油，菜新鮮又靚所以簡簡單單都好好食！原本餐是跟燉湯 ，但已經冇曬，送左例湯，應該係紅蘿蔔豬骨湯，吾咸感覺冇乜味精咁，都吾錯。整體感覺抵食，價錢合理，又好味，會介紹朋友來食！

個日係北角見到佢地先岩岩開張，門口放哂花牌咁💐有別於一般既茶餐廳🍴淨係睇門面仲以為係一間西餐廳，已經好有興趣一試❤️今日終於有機會一試呢間富有西餐風味但茶仔價錢既餐廳。🐒馬來沙嗲砂鍋牛肉麵💰$56👉🏻黑松露炒蛋，牛角包沙嗲牛麵基本上係早餐首選，但呢到既沙嗲牛肉麵係用砂鍋上，冬天食就岩哂🐮夠哂暖笠笠🔥呢個set會包埋黑松露炒蛋同牛角包🥐呢個港西既組合真係好特別，佩服店長會諗到👍🏼。🐒大小姐焗豬扒飯💰$78呢個係店員推薦俾我地，有別於出面茶仔既焗豬🐷食得出佢地個醬汁係自家去調配，而成個既份量都夠一個人食，岩岩好🔥豬扒方面都夠哂軟熟，肥瘦適中。🐒華田暴龍脆脆💰$32🐒西班牙特濃朱古力咖啡💰$32最後緊係要試埋佢地既特飲🍫令我好有驚喜既係華田脆脆一啲都唔會過甜，反而配埋啲脆脆係岩岩好而特濃朱古力咖啡on top既cream岩哂我，十分滿足地一啖食🍦咖啡味道無想像中咁濃☕️所以即使小朋友都可以一試

見門面同menu幾靚，諗住應該嘢食唔會太差，食完後完全中伏。我叫咗兩個餐，乾炒牛河，另一個係常餐乾炒牛河menu到話招牌菜，出到來好失望，第一大錯就係唔係即炒，出到來俾我已經唔熱只係微暖，呢D嘢一凍咗就唔好食，再加上河粉冇煮軟，仲係偏硬，成碟嘢食起上來就係又凍又難以嘴嚼！更加離譜係因為唔係午餐常餐，普通凍飲收$20正價！收正價唔緊要，你個河炒得好，係即叫即炒我都冇咁嬲 依家我俾$68+$20成舊水食低質嘢真係好失望好慶另一個係叫咗個白汁芝士海鮮焗飯，D白汁好似憲汁咁半透明，味道更加唔似係忌廉既白汁，芝士得果少少仲要放落半透明白汁上焗完既效果就係好似漿糊上既黃點，一點都冇金黃烤芝士既效果！食咗咁多年焗飯，邊D好食邊D唔好食真係一食就知，呢個焗飯簡直係垃圾！我地特登散叫就係想叫午餐碟頭飯以外既飯，諗住冇咁例牌，應該質素會好D，冇即叫即炒，焗飯劣質，每杯嘢飲額外加$20蚊一杯真係極度不滿！機會只俾一次，你一流失了街坊客就等執！

要係港島區做飲食從來不易⋯要開一間港式茶餐廳係港島區更加大挑戰。呢間港式茶餐廳個名改得好大牌 「大小姐冰室」個環境當然要有翻咁上下乾淨😬食物方面：無諗過佢嘅雞煲會咁入，🧄味好香口，好啱餸飯食！鮮尤炸得啱啱好，個皮唔會好厚身個餐仲有跟個湯，一飲就知係中藥味，飲完暖粒粒，個餐仲有份菜送～最後叫左兩杯野飲，好特別！茶記會有咁特色嘅飲品係會加分。華田暴龍脆脆。特濃朱古力咖啡餐牌方面：整體價錢都好合理最後值得一讚 個經理好有禮貌會跟住我地差咩未到！好細心

炮台山B出口對面就係大小姐冰室呢間冰室個主廚大有來頭精通中菜、川菜、越南同泰國菜所以餐牌上種類好多 真係選擇困難呀！🙀職員好有禮及親切燉湯🥣💚💚💚💚💚超級足料 有雞腳 龍眼肉 豬肉 紅棗 杞子天氣凍飲岩哂飲完唔口渴 冇味精枱枱都有叫咁濟仙草菠蘿冬瓜茶🧋💚💚💚💚💚三樣mix埋又幾夾仙草都比得好多下又冇珍珠奶茶咁肥 正桂花烏龍茶🫖💚💚💚💚用咗兩個茶包好夠濃好鍾意桂花陣味芋頭滑雞煲🐤💚💚💚💚 💚一上枱超級熱辣辣 熱到好似鐵板燒咁😿芋頭夠晒粉 雞件多同堅滑豉椒炒魷🦑💚💚💚💚 好有鑊氣 夠味加埋三色椒 洋蔥🧅 大大碟 好似食左好多菜咁

今日1125去到 想食早餐 即刻諗好食乜 舉極手冇職員應 再咁啱有人鬧交個個食花生冇人理 終於1131有伙記嚟到 話早餐停左喇叫午餐好唔好唔好囉明明你哋唔睬我就唔俾我叫早餐

行完工展會，當然就喺北角食埋晚飯呀，行到英皇道就見到間應該開張無耐嘅大小姐冰室，裝潢好靚好新淨，入去坐落亦都極之舒服，而香港人最鍾意坐嘅卡位，佢都有好大量供應；咁行工展會行到又肚餓又凍，當然要點返個羊腩煲嚟到暖下個身喇，再加埋呢度出名嘅大小姐豬扒焗飯和燉湯就完美喇；最後加杯勁大杯嘅爆珠薄荷特飲和西班牙咖啡當甜品或者飲品都係極之適合！首先講講個羊腩煲，真係好抵食好多嚿羊腩，好淋好入味就算唔點腐乳醬都夠曬味，仲有一碟生菜可以畀你清清喉嚨，實在係完美嘅組合，個羊腩煲入面啲配菜亦都好豐富，有馬蹄冬菇同埋腐竹，真係可以用淋，滑，香嚟形容；至於個大小姐焗豬扒飯，賣相當然係畀大家樂嘅豬扒飯好好多啦，更加上佢焗到溶和脆嘅芝士都溶曬入豬扒同埋飯入面，食落特別有芝士香味，仲有啲拉絲添，豬扒先炸後焗，表面脆而鎖住肉汁，加上番茄同芝士嘅味道，真係齒頰留香，而服務員既專業服務，令到客人有賓至如歸嘅感覺。