大小姐冰室

营业中

休息中

11月13日 星期日下午茶時段，見到有間新開叫大小姐冰室就入去試吓，一入去就見好多人心諗嘢食應該都唔會差！結果…. 真係幾得喎😀😀叫咗個吉列豬扒拼炒蛋（冇影相，下先再幫襯再影^^)，首先必讚炒蛋好滑，唔似某某冰室，炒到熟哂，呢度d炒蛋調味幾好（唔中意太咸）！再黎食左啖吉列豬，切落去好crunchy，食落去好juicy🥰🥰 （利申，非打手，但好想讚一讚），試過附近d餐廳，吉列魚同吉列豬都炸得太硬，但呢間d豬扒係炸得岩岩好，個色又靚（最可惜冇影到！），黎緊一定會再試埋吉列魚同介紹fd黎食。美中不足：樓面可能太忙，想要杯水好耐冇人理😭😭😭😭同埋冷氣真係好凍！！！！

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 坐位都尚算可以😌 少少逼啦，都可以。有啲員工都幾nice 👍🏻叫咗個星洲炒米 ，流心西多，美綠脆脆 同埋 lunch set 嘅葡汁雞意粉 同 海鮮炒烏冬。星洲炒米都幾好，比出面炒得香又多料。唔會得個顏色😂 流心西多 omg 唔開心個時食依個就不得了！心情即刻變好。美綠脆脆真心濃，唔會好水。萄汁雞扒意粉，雞扒個皮可以脆返少少。海鮮炒烏冬就不過不失，都算幾大碟。ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ ◇◇◇◇◇◇◇◇◇🔎 #cass_冰室🔎 #cass_茶記 🔎 #cass_炮台山🔎 #cass_foretresshill 🔎 #eatwccinhk

一入去到完全唔似冰室，木系簡約既裝修有啲似cafe，仲要有outdoor 空間，環境好舒服。晚巿一支公諗住食個dinner，見到佢有dinner set就岩哂，有成十款揀咁多，仲要原來每日都唔同，一定有野岩食。見到鐵板德國咸豬手就想試下，諗住係切好左既，好似超級巿場咁既，再加鐵板上。一黎到我都o左咀，係原隻大豬手😯真係勁大隻，黑椒洋蔥汁配豬手味道好夾，洋蔥都好林唔係好生岩我食。豬手大舊之外仲要勁林，一定係煮夠時間，小小入口即溶嘅感覺，唔會柴，唔怕食完痴住哂。另下套餐係包埋野飲、白飯同燉湯，燉湯係蟲草花燉雞腳湯，燉湯好飲，好多料，有蟲草花、雞腳同豬肉，真材實料同唔似味精。野飲叫左大小姐紅豆奶茶，又係勁勁勁大杯，紅豆份量多，奶茶唔係好甜，加埋本身紅豆甜就岩岩好。咁大隻豬手係超級市場買都唔平，仲要有埋飯、飲品同燉湯，又唔洗煮，食完又唔洗野，真係好方便，價錢又合理，晚巿幾抵食，下次試埋其他先。

見炮台山有餐廳新開，裝修好似唔錯，心諗唔會差得去邊，點知就仲大伏🥲下午茶時段，見到有個餐寫住「煙三文魚沙律牛角酥」，期待嘅畫面係一個夾住煙三文魚沙律嘅牛角包，結果上到枱兩件事係分開，變咗做煙三文魚牛角酥加個沙律（見圖），‍完全唔係想像中嗰樣嘢🤦🏻‍♀️都算，如果配料ok我都唔介意自己將兩樣嘢拼返埋一齊，但食咗一啖發覺真係強差人意，個包又塌又韌，超重油溢味；塊煙三文魚明顯係平價貨，一啲都唔香；沙律就係罐頭水果沙律撈沙律醬🙂

昨天下午茶試了這間冰室，地方整潔，食物質素中等，炸雞脾外脆內軟juicy但薯角太乾了，服務員態度幾好，但收銀員冇同客人付款後說多謝（不少茶記的收銀員也一樣通病），極為不專業，希望管理層好好改善一下！而下次去試炒粉麵飯。

新開張，待應有禮貌，但混亂。冷氣一係好熱，一係好凍。食物質素普通，偏淡，而且係凍嘅，仲有乜嘢早餐湯麵（連火腿通）都放䓤，結果令到好多唔食䓤既食客措手不，製造混亂，短期內應該唔會再試。

見佢新開，就幫襯下自己用qr code落單叫左鰻魚溫泉蛋飯+例湯+凍飲個飯係常溫偏涼，條鰻魚係凍既張圖無影到例湯，因為佢無比，我問職員，佢大聲叫我張枱要例湯當做左野，到我食完晒都係無黎聽到對面有枱仲嬲，舉手同職員講，點解我叫2個飯都係凍既，得杯茶熱又聽到另一枱客問職員，用QR code叫不到常餐，職員勁不耐煩話，小姐，你呢個早餐黎，早餐過左一間餐廳，野食唔得，職員態度唔得，勸大家唔好因為個裝修入去，除非你想比人無視，或者想試下凍食午餐，唔係你一定後悔。

喺炮台山地鐵站對面開咗間新嘅冰室，叫大小姐冰室，環境裝修好有格調，坐嘅卡位都好舒服可能我喺Lunch 時間去，所以客人比較多，都要等位。 餐廳主要係食一般茶餐廳食物，有午餐，茶餐(冇煩惱餐)，即炒粉麵，咖喱，焗飯，同埋有東南亞食物等等…… 仲有All day breakfast 添….估佢唔到吖 我今次試 馬拉海鮮喇沙同埋冰檸茶，食物都好快上枱，海鮮喇沙都好大碗，用料充足，有蝦，帶子，青口，魷魚，蟹柳同埋豆腐扑，麵底係油麵，都好大碗，食落有椰香味，但偏少少辣，魷魚好彈牙，帶子青口蝦都好新鮮，飲埋杯凍檸茶，簡直一流下次可以再試下佢嘅皇牌介紹，星加坡海南雞，系威嘅蝦多士同埋大小姐花膠魚翅撈飯，下午茶餐都好抵食，都係$38起呀

簡單一個午餐，梅菜扣肉，做得好入味，連肥豬肉都好味，好似東坡肉咁，所以食多左，梅菜明顯用心揀過，無沙無根，希望其他菜式，櫥房大佬也用心做，樓面的小兄弟也很賣力，包括部長（或者是經理）下次再去過！