大將 (已結業)

#日式eatcovery #將軍澳eatcovery💡高質日式火鍋將軍澳愈來愈多高質餐廳，除左有好多靚cafe外，其實仲有好正一人火鍋，咁岩朋友同我都係食肉獸，就黎食左呢間北海道黑毛和牛餐放題加配羊肉放題。店內以日式木系裝修為主，樓底掛左好多好有藝術既波波，而且空間感十足。而門口位仲有大將檔位，有得買不同打邊爐配料，真係食完再買番屋企第二日再打過都得😂🍽豆乳美人鍋及完熟蕃茄海老濃湯豆乳美人鍋既湯就比較清清地好順滑易入口，而且好有奶香味。完熟蕃茄海老濃湯蕃茄味濃郁，就算放左幾次野食同加水都仲保持到味道。🍽和牛放題🐮雖然是仼食放題，但肉質都有一定保證！選擇好多，北海道黑毛和牛呢個一定要推介，牛肉的肥脂均勻、紋路都好靚，每一片都好大塊，色澤紅潤，好香牛味。另外仲有好多不同種類和牛，美國SRF和牛、美國特上牛、美國極上和牛等等，都係好好食，燙一燙就食得。而且仲有豚肉、山原島阿古豬雞肉可以選擇。🍽自助區除左本身可以order肉類外，出邊都有自助區，都有多款菜類及丸類，有生菜、金菇、蘿蔔等，另外熟食區有炸雞，玉子燒，生薑豚肉燒，關東煮🍢🍽飲品及甜品區飲品除左有樽裝飲品外，仲有汽水機及奶茶咖啡機。甜

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝑒𝓊𝓃𝑔 𝒦𝓌𝒶𝓃 𝒪🌟美國𝗦𝗥𝗙 和牛放題𝗨𝗦 𝗦𝗥𝗙 𝗕𝗲𝗲𝗳 𝗪𝗮𝗴𝘆𝘂 𝗔𝗹𝗹 𝗬𝗼𝘂 𝗖𝗮𝗻 𝗘𝗮𝘁 ($𝟮𝟰𝟴) 加配羊肉放題🌟追加大蟹棒 𝗖𝗿𝗮𝗯 𝗦𝘁𝗶𝗰𝗸 (+$𝟯𝟮)日式火鍋餐廳， 裝潢係和木𝘧𝘦𝘦𝘭好日系，感覺好乾淨。入門口就係大將檔位，有得買鮮和牛同配料，所以食完堂食想買番屋企都得 🤣自助放題區可以自制窩夫🧇雪糕，仲提供左好多材料同口味比你𝘥𝘪𝘺 👍🏻👍🏻💓飲品區就有咖啡機同汽水機，可以飲朱古力、菊花茶、有氣飲品等，種類都幾豐富。而湯就有紅豆湯 、關東煮🍢等既現成食物 。 今次試左一個🥣味噌泡菜湯底𝗠𝗶𝘀𝗼 𝗮𝗻𝗱 𝗞𝗶𝗺𝗰𝗵𝗶 𝗦𝗼𝘂𝗽同豆乳美人鍋𝗧𝗼𝘂𝗻𝘆𝘂𝘂 𝗗𝗮𝘀𝗵𝗶 (+$𝟭𝟱)， 相輔相成。 泡菜湯少少辣，聞落好香好野味🤣 用黎食羊肉就一流，因為我唔鐘意羊羶味，泡菜湯就啱啱中和左羊肉果陣羶味😻另外豆乳美人鍋既飲湯清清地好順滑易入口，加埋和牛，愈煮愈香𝘥肉味滲入湯底， 就算加左𝟐次湯底都仲好有味。呢個套餐有6種肉可以揀，成餐既重頭戲一定係和牛🐮真係冇得頂💛和牛色澤好靚，油脂分佈超靚😋牛味好重而一𝘥都唔韌

上次係家姐來，今次同朋友來，一如既往嘅新鮮，好食嘅，有機會會再同朋友來。上菜都快，即使人手不足下，他們都好快，基本上入座幾分鍾就上肉。小吃唔錯，不過好似無玉子燒，有D可惜…

凍冰冰食咩好？？？緊係去打邊爐啦！我地今次去試左個「美國SRF和牛 食べ放題」$248/1位，我地揀左白乳美人湯+$15，雞白湯。其實佢呢個餐有3隻牛比你揀嫁，但我地緊係主打佢個餐既 美國SRF和牛啦，佢仲2種豬肉& 1種雞肉比你選擇，我地仲加配左1份$32 既大蟹棒，係勁長勁大條，同埋加配左1份$45既羊。咁話明放題，就緊係任食任飲嫁啦！飲品櫃，甜品，雪糕有！丸類，粉麵，蔬菜類有！熱食，湯品，一樣有！$248/1位 真係抵！抵！抵！

【將軍澳】北海道黑毛和牛放題火鍋位於港鐵將軍澳站上蓋的PopCorn商場，除了購物店舖外，亦匯聚多間餐飲食肆，最近氣溫驟降，在室內逛完商場後，最適合立即去吃鍋暖笠笠火鍋。今次選了位於商場內的〔大將〕日式放題火鍋店，店裡裝潢以日式木系元素為主，，而且有自然光滲入室內，環境舒適闊落，感覺開揚。店家採用一人一鍋自選湯底，而且設有多款套餐選擇，今次我們選了【北海道黑毛和牛放題】(HK$338)，而套餐裡面足足有八款肉類，分別是北海道黑毛和牛、澳洲和牛、美國SRF和牛、美國特上牛肉、美國極上牛、山原島阿古豬五花、梅花肉及特選雞腿肉。而且亦可以到自助火鍋配料吧任取食材，90分鐘內任飲任食可以盡情吃到飽為止，而湯底分別選了人氣【豆乳美人鍋】及惹味【味噌泡菜湯】，加上配搭數款日式醬汁更顯美味。值得欣賞是店鋪用上可愛機械人運送食物而且上菜速度極快，而每張枱上都放置了透明架放上蔬菜盤，下層可以放數盤肉類，節省了不少空間，而餐具飯碗都設計成雙層，隔開湯及湯渣，盡顯心思。【北海道黑毛和牛】和牛顏色鮮豔新鮮，脂肪及油花分佈均勻，入口有濃香的牛肉味，而且新鮮嫩滑，很有日本風味，令人回味值得推介。【澳洲羊肉放題】＋

難得閨蜜忙裡偷閒約我食午餐為左方便佢 我就去佢屋企附近嘅商場搵食天氣凍冰冰最岩就係打邊爐所以我揀左一間日式火鍋放題 諗住同佢拆餐勁嘅 由於午市時間 餐廳人流比較多 不過服務員態度非常好 喺等侯入座期間 為左消磨時間我順便參觀佢地嘅超市  點知未行夠一圈就有得入座  吃東西要緊 唯有食飽先再睇啦 。店內設有多款套餐選擇 今日我揀左「美國SRF和牛套餐」HKD248(另設加一服務費） 店家採用一人一鍋 所以湯底方面我揀選了新推出的「豆乳美人鍋」＋HKD15閨蜜選了「德川大將王豚骨湯」＋HKD18我們2個都好鍾意吃羊肉 而家＋HKD45仲可以升級食澳洲羊肉放題 緊喺諗都吾諗就加埋啦另外再＋HKD32追加大蟹棒 超豐盛 好滿足。「豆乳美人鍋」湯底奶白色 淡淡的豆乳味配肉類效果最好 不用加點醬汁已經好好味。「德川大將王豚骨湯」濃郁的豬骨味 清清地不油膩 配蔬菜就最好不過。肉類方面非常高質 絕對吾喺得頭一輪靚我地叫左幾碟 碟碟都好有水準 和牛肉油脂分布均勻 肉質算嫩羊肉味濃郁 略帶微微騷味。自助吧食物款式繁多 有多種蔬菜 吾同嘅丸類 有芝士豆腐、年糕福袋、日本芝心丸....仲有窩夫機可以自製窩夫

同朋友經過聞到好香嘅邊爐味🤣於是就入去試吓呢一間大將日式火鍋專門店門口有長長嘅人龍入到去先選擇火鍋湯底同埋套餐湯底我選擇左味增泡菜湯，同埋壽喜燒泡菜味道香濃，材料十足點左北海道黑毛和牛，因為睇落好吸引先落單，然後去自助區拎蔬菜🥬丸類好新鮮，我最鍾意食嘅芝士丸都有芝士味好足，食過停唔到口返到去一盤盤嘅和牛已經到咗💖超級快手同埋無論牛肉或者雞肉都好好味和牛油脂分布均勻 雪花紋都好靚涮幾秒食得 牛肉味好香口💕咁可以不停咁添加，真係食牛食到飽！呢度仲有甜品窩夫可以食，自己整加雪糕超好味😋加入同朋友家人來享受一個美味嘅晚餐都唔錯㗎🙈

大將有北海道和牛任食😍係$338放題上面可以再加$48任食澳洲羊肉，雙重滋味😋今日揀左個味噌泡菜湯，冬天暖笠笠暖胃之選，味道濃郁鮮香帶點微辣，鐘意韓式風味嘅話可以試下呢個新湯底～今日的重點北海道和牛油脂分佈均勻，油花靚，入口柔軟好食澳洲羊肉羊肉味濃郁，肉質細膩，加多$45就可以任食，個人覺得幾抵！鐘意食大蟹棒都可以額外追加，$3x份，珍寶巨型～自助區仲有唔少嘢食，炸雞、關東煮都唔錯，今日好滿足～

北海道黑毛和牛90分鐘任食火鍋放題🤩佢哋嘅牛肉好高質🤤油脂分布均勻🤤個人勁鍾意點生雞蛋🤣同埋d和牛唔係淨係頭一round好靚！我哋都應該食咗有10碟😂水準都依然保持到🥳而且食物種類多 淨係配料都有好多種唔同嘅丸！係日式放題先見到嘅年糕福袋、芝士豆腐丸、日本芝心丸等等🥰仲有炸雞、豚肉煮、自製窩夫、雪糕🍦揀咗兩款湯底🍲豆乳美人湯 + 番茄海老湯本身以為係好似火鍋店嗰啲鴛鴦湯底點知係分開兩個鍋 一人一鍋🥰👏🏻佢哋個鍋底好似傳統壽喜燒咁唔會好深 每次放少少慢慢食😜佢哋好得意😎係機械人貓仔送餐🐱不過店員都會幫你攞上枱xd 除咗牛肉好食之外 估唔到炸雞都幾好食 外脆內嫩 不過就唔係好熱辣辣🥺丸類推薦芝士豆腐丸(好似係咁叫😂)定唔知咩鱈魚丸 正方形的！入邊好多流心芝士🧀仲有日式芝心丸 白色好似個包仔咁 佢入邊隻芝士又係另一種芝士😍最後我覺得牛肉都係要配返番茄海老湯/壽喜燒呢啲重口味少少嘅湯底先好食🤣豆乳美人湯好養生☺️同蔬菜、雞肉、豚肉會夾啲😝

閒日下午食嘢有個好處就係唔使同人迫不過問題就係好多餐廳會落場又或者樣樣都賣晒上星期四喺大將就無呢個問題坐得舒服全部熟食都供應充足炸雞好食，好脆講返正題當然是火鍋牛肉質素唔錯而且佢係有order 先砌砌得夠薄片所以食得幾enjoy仲有最大亮點係佢個泡菜湯底真係超級好味另一個對我嚟講最大亮點就係可以自己落手整窩夫當然唔係真係要自己整佢其實d 漿，工具都ready 晒按教學就整到口感效果又真係幾好包埋雪糕食真心正～～有小朋友就啱晒好食又好玩🤩

火煱放題開到成行成市，總想試吓不同店舖，體驗一下在差不多成本之下，邊間最值得回頭。今日算上了大將。可能係食午餐，在陽光下進餐，感覺良好。每次食放題，餐枱大小都是考慮因素，大將亦不例外，但他們有透明層架設計，將自助碗及肉分開，所以係貼心的設計。他們的熱窩也精美，但稍不留神便會辣親手。食物方面，他們的熟食比較多，但主打食物補給較慢，有手快有，手慢無的感覺！菜及丸類末覺有太大驚喜。甜品自助窩夫也花了食客的時間。唯一令我回味的是泡菜湯底，泡菜味濃但清。

叫左個北海道黑毛和牛套餐，有多D 牛肉款色選擇，入面有北海道黑毛和牛外，有澳洲和牛，美國ＳＲＦ和牛，美國特上牛，美國嚴選極上牛，山原島阿古豬五花，山原島阿古豬梅花肉及特選雞腿肉。火鍋配料都有好多選擇, 仲有少量熟食,  不得不說, 佢個炸雞的確幾好,  入面好JUICY~~~~要左番茄海老濃湯都幾夠味,   好在唔係好甜果D 番茄湯, 岩我口味。牛肉就OOKK 咁LA , 唔算好濃牛味, 我都係鍾意D 牛味濃既多D ,  雞肉幾好, 食到雞味唔係得雪藏味。

聖誕凍凍地打返個靚邊爐是常識吧!!!黎返個北海道日本和牛任食 真係諗起都流晒口水🤤肉品8款都係任食 多達83款食材 飲品同甜品喔～聖誕限定湯底 味噌泡菜湯超足料!!! 🌶香辣無比 食慾大增😋個人推介日本黑毛和牛同山原島阿古豬梅花肉🐷和牛脂肪比例平均 未至於入口即溶 但好香濃 肉質柔軟阿古豬口感結實 一啲都唔肥膩平時我有啲怕食本地豬肉 因為會有陣豬味🥲但呢個真係好好食! 第一次食豚肉會encore!!.店家仲有日本蛋可以自取 煮完啲肉點蛋漿黎食真係一流💜食材係自助形式 🥬蔬菜類款式都幾多 擺放整齊最驚喜係有咖啡機 飲返杯latte/熱朱古力都得添呀～冬日暖粒粒😘

天氣凍左食火鍋最啱，今次去左大將食一人一鍋，日式放題火鍋。 好鍾意PopCorn商場呢間分店，地方寬敞樓底高，仲有大大嘅地玻璃窗， 感覺非常舒適！依度有各式樣湯底及吾同套餐供客人選擇，今次要左味噌泡菜湯和蕃茄湯底，套餐揀北海道黑毛和牛套餐放題。任叫任食靚和牛的吾同部位，仲有豚肉、雞等日本嚟嘅高質肉類。每件都好新鮮。自助吧仲有各式丸子、蔬菜、小食及日式配料等……年糕福袋及麻吉燒、豆苗我必食，仲有玉子燒、日式炸雞、醃蘿蔔、迷你蕃薯都各有特色。最後食埋甜品雪糕，又係滿足一餐。

難得weekday放假， 終於試到呢間好受歡迎嘅大將火鍋放題， 一入去第一個感覺就係光猛， 企理同座位舒適， 除咗基本蔬菜同埋配料之外， 仲有自製pancake🥞、提供日本蛋🥚 軟雪糕🍦同埋教你點樣做炊飯🤤🤤今日揀咗個最貴嘅北海道和牛放題， 呢個放題就差不多包括曬所有嘅嘢食， 嘢食未到之前出去攞啲小食先，小食包括炸雞、涼菜、玉子燒同生薑豬肉等等，一啲都唔hea😋🌟北海道和牛脂肪分佈好靚，我揀咗壽喜燒同埋味噌泡菜鍋，兩個都好正，特別推介味噌泡菜鍋，好濃味。北海道和牛輕輕灼一灼再沾上日本蛋漿，滿足到不得了😋😋😋 其實個餐仲包括其他牛肉㗎，例如SRF和牛等等， 實有一款你鍾意。 🌟山原島阿古豬梅花肉豬肉味重，我覺得配泡菜鍋特別好食， 另外仲有五花肉同埋滑雞， 我都覺得唔錯。食咁多肉都要食啲菜嘅， 呢度蔬菜種類好多， 連窩荀，山藥都有，全部都好新鮮👍🌟甜品時間， 我飽到都食唔到啦，不過我見隔離枱個妹妹自製pancake，加埋個軟雪糕， 再加埋topping，好玩又好味。 🌟嘢飲都好多選擇， 除咗一啲樽裝外，仲有不同汽水選擇，我都係第一次見橙味Coke Zero， 仲有咖啡飲添。 今餐我十分滿意