大將 (已結業)

放假如同放肆xppp行完街就同朋友食左餐大滿足既日式和牛火鍋放題！！！呢度既係一人一鍋，分别要左香濃惹味既沙嗲湯底同酸甜開胃既蕃茄海老湯底～我地要咗中價價位既放題套餐可以任食和牛肩胛同黑毛和牛✨肉嫩味香，就算係其他既肉類海鮮同火鍋配料都好唔錯😚😚飲品甜品同少量熟食都係自助吧自取甜品仲可以自己唧雪糕同整窩夫添！！呢度仲有智能機械人為我哋送餐架xppp食飽飽之後我哋仲參加咗餐廳近期既宣傳活動：可以$18蚊喺3分鐘之內，用店方提供既膠袋袋滿各款指定既丸子～只要唔跌落嚟，袋內既肉丸就可以全數帶返屋企繼續食xpp又得食有得玩，仲有得拎！！自己就覺得呢個活動平平地又有趣，都幾值得參加架😆😆

今日好難得走咗去將軍澳同個friend去食放題，咁其實呢間大將我覺得個環境都唔差㗎，最緊要就係佢呢家有活動加18蚊就有個三分鐘之內任夾啲丸丸， 咁因為有好多嘢食， 而我就叫左個沙嗲湯底、我朋友就叫做左個雞白湯， 咁以下嘅嘢食我覺得係最吸引我嘅，大家可以參詳下:日本黑毛和牛: 呢個你可以睇下我啲相，啲和牛居屋嘅色真係幾靚， 而且食牛肉最緊要有少少脂肪一齊去食， 而且極重和牛味，一流!和牛肩胛肉: 好重牛味，雖然佢唔係好多脂，但肉同肉之間有一層脂肪，食落去肉自質都有彈性。嚴選prime牛肩肉: 呢個牛肩肉就比起黑毛和牛就冇咁多脂， 啲肉就瘦少少， 啱曬想減肥嘅人士。阿古豬五花肉片呢個就真係多D脂嘅，不過肉質都幾鮮嫩。特選羊卷肉: 呢個羊肉其實我覺得都幾好食因為啲羊有少少騷味同埋佢冇乜肥，同埋最緊要羊係嫩口的!一口牛肉粒： 呢個牛肉粒肉質有咬口，有層次同埋呢一口牛，我覺得送酒真係一流。昆布漬雞肉:呢個雞肉我覺得都幾好食，肉質都唔錯，渌起上嚟都幾快熟，雞肉入面都幾juicy同嫩滑。咁其實個餐都包好多嘢有蝦滑、杭州黑魚片、 即炸午餐肉、牛柏葉牛肚海鮮拼盤 青口小八爪魚大蝦， 最痴線嘅一樣嘢就係出

次次經過都好想嚟試吓，今日終於可以食到，就快情人節，趁囝囝返學，就同大情人嚟拍拖食大餐😋餐廳環境優美，坐位闊落，除咗肉類需要職員幫我哋落單外，其他都可以喺自助區度揀，自助區都有好多款式（小食、蔬菜、甜品、飲品等等）日本黑毛和牛120分鐘放題$428/位一人一鍋湯底，我揀咗蕃茄海老濃湯，老公就揀咗麻辣味噌湯，機械人會先送一人一頭盤（日本黑毛和牛，西班牙五花肉片，昆布漬雞肉）日本黑毛和牛 ：入口即溶，不停咁Encore昆布漬雞肉，豬五花肉 ：雞肉新鮮勁滑溜，肥瘦均勻嘅五花肉，食落有層次感海鮮拼盤（蝦🦐，小八爪魚🐙，青口），海鮮都非常鮮甜美味😋蝦滑，牛柏葉，牛肚：鮮蝦滑，咬落好彈牙，牛柏葉爽口一啲都唔靭和牛肩胛肉：咬落有口感，牛味濃郁特選羊肉卷：好香嘅羊肉，但食落一啲都唔羶最後梗係要食埋甜品啦🧇🍨🍦另外有個大將任塞之放題（離坐時+$18）活動期限至3月3日：係限時3分鐘內，用夾將丸子放入袋中，老公揀咗好多款丸子塞入袋中，見仲有時間淨，可以執一執個位，再放多啲入袋中，所有袋中の丸子可以帶走架，梗係要帶返屋企煮比囝囝食😋

朝早忙完一輪出左popcorn 行街，見到火鍋又勾起我條火鍋引😌我地決定食個豪啲既餐：日本黑毛和牛放題 $428 （120分鐘）🍲麻辣味噌湯：見到個湯幾特別，於是就試吓啦，麻辣味唔會好勁，落埋味噌協調下個味道又唔錯。🍲花生沙嗲湯：有事打邊爐覺得沙嗲同牛肉真係好蠢，呢度個湯底好濃郁，花生味香濃，鍾意濃味嘅要試吓。🐮黑毛和牛: 每塊啲雪花色白裏透紅，鮮嫩紅色間住白色條紋，每片都大塊但重點係薄，佢薄切所以大概滾10秒左右就可以食啦，入口即溶，呢個我哋食咗好多碟🥲🐷西班牙五花肉片：雖然話係五花肉，不過唔會好肥，薄薄地都唔錯。🐮和牛肩胛肉：雖然油花冇咁勁，但係都係好稔身，打邊爐薄薄地既牛就最好🥰🐮仲有Prime牛肩肉、三筋肉，都係不停encore encore再encore。🦐🐟另外還有海鮮類，魚，大蝦，青口，墨魚，牛肚，牛柏葉等等都可以無限量供應🥰另外出邊有小食區，蔬菜類超過20款，丸類、粉麵，嘢飲都有好多款，冷熱都有，甜品區有軟雪糕，同埋自己整嘅格仔餅，好好味😜食完後我地就試玩左任塞放題，玩法好簡單$18限時三分鐘內任塞啲丸落個袋度，要有技巧地塞😆，其實3分鐘都好夠時間慢慢比你玩，塞到滿滿

食得又玩得👍🏻😤任塞之放題就係限時3分鐘之內塞晒啲野呢度塞咩？梗係呢度丸啦，每位打完邊爐加返$18就可以玩到除咗烏冬麵，同埋有幾款個別唔可以之外其他都可以帶返屋企估唔到最後都塞得幾多？時間好夠用完全唔使驚反而可以諗吓點樣攞多啲😆呢度日本黑毛和牛套餐，可以任食雪花紋同埋濃郁嘅牛味豬肉、特選雞腿肉，真係肉質好嫩一人一個湯底，乾淨又衛生，仲可以互相分享同埋呢度嘅日本壽喜燒湯底，會跟埋一隻日本生蛋俾你配上蛋液一齊食牛肉更加滑仲有蔬菜區、自助食品區可樂、芬達，甜品可以食！不要錯過自製甜品窩夫🧇搭配朱古力同埋雲呢拿味道

今日終於有得試 想試好耐高質和牛打邊爐放題，近近地去咗將軍澳呢邊Popcorn，呢個打邊爐有別於其他打邊爐 係一人一鍋 正啊！每個人都可以揀自己鍾意湯底入到嚟冷氣好夠 最怕打邊爐 唔夠冷氣搞到好焗服務員都會教你點樣食係最好，好nice~~環境舒服乾淨 點咗個 120分鐘 日本黑毛和牛 放題 $428 除咗肉類，同埋海鮮，係要人手點基本上蔬菜同埋丸類 甜品飲品 都可以任拎 同埋佢啲調味料好特別，例如有韭菜豉油 都幾好食我點咗一個湯底係 — 文昌椰子雞湯底 湯底非常鮮甜，估唔到咁細個鍋都可以咁夠味不得不提佢個重點 黑毛和牛 入口即溶，唔會太肥膩，又唔會雪藏得勁硬，我哋encore左四次 好好味佢除左和牛 仲會附送豬腩肉同埋雞髀肉，其中雞髀肉同個椰子雞好夾，同埋佢任食蔬菜非常新鮮，睇得出用心機準備 另外朋友就叫咗個蕃茄湯底，超濃郁，再加埋新鮮蕃茄 勁好食😋 非常推介，如果下次黎想試埋其他口味👍🏻另外我最喜愛佢個甜品吧，可以整埋窩夫+雪糕，我當然係要留返個肚食啦 ，最後捧住個肚走出嚟

同朋友食飯，梗係要揀放題，咁樣選擇夠多滿足唔同人嘅需要😎不過估唔到將軍澳都有得食放題🤩🤩🤩鋪位置就係地鐵站商場 超級近超方便而食物方面都唔錯，我就叫咗一個 四季文昌椰子雞湯，可以自己煮啲雞同埋椰子都幾開心我朋友就叫咗個花生沙嗲湯，略嫌太濃，但好香佢依度最有特色嘅係有得自己整窩夫，亦有得食炸雞同泡菜等等當然，雪糕同埋其他肉類菜類遠慮都唔會少而飲品除咗汽水之外，仲有得飲咖啡，茶同埋唔同嘅凍茶飲品，例如涼茶等午餐最平先$88一位，如果你下午茶嘅話仲可以二人同行一人半價晚市最平就198，如果你係生日前後嚟嘅話仲有蛋糕同免費升級添😍😍😍

日本黑毛和牛120分鐘放題 今次見到有新口味嘅湯底🥰四季文昌椰子雞湯🥥入面有清甜嘅椰子清湯同埋新鮮嘅雞件清清地下火嘅好選擇😉建議大家可以先品嚐幾口湯焯吓生菜🥬先再食肉咁樣個湯底就冇咁快混濁啦😂日本黑毛和牛油脂分布均勻牛肉味香濃非常鮮嫩而且解凍得好好，冇雪藏嘅口感另一款和牛肩胛肉都好好食牛肉味香得來比較瘦肉質口感較靭，飽腹感冇咁高😘食大將嘅放題，除咗佢高質嘅牛肉仲有最期待甜品區🎊😆有自製夾餅🧇🥹軟雪糕機同埋多款糕點🤭😍將軍澳呢一間分店門面有一個迷你超市而家仲有糕點時光禮盒售賣$79 有興趣可以到店內查詢大將(將軍澳)將軍澳唐賢街9號PopCorn商場1樓F10號舖#大將 #火鍋 #日式火鍋 #大將火鍋 #火鍋放題 #日式料理 #日式涮涮鍋 #日式放題 #任飲任食 #火鍋湯底 #和牛 #放題

今日收爐🥳提早收工接家姐去行街、打邊爐！近近地去將軍澳 popcorn 嘅大將 食個和牛放題💕 我哋想坐耐啲，所以點”日本黑毛和牛” 120分鐘放題。見到佢哋餐牌推介 四季文昌椰子雞湯 嘅湯底，即點呀😍 因為我超鍾意飲椰子水，而佢係直接用椰子水加椰子同雞件淆個湯，好清甜😋 因為係一人一鍋嘅關係，家姐就點咗濃郁嘅壽喜燒湯底，仲有隻日本雞蛋用嚟點肉👍🏻唔使問，我哋兩個無牛不歡嘅人，梗係嗌左超過10碟日本黑毛和牛😂 因為每片都切到薄薄的，雪花分布非常之靚，入口即溶而且牛肉鮮味好出🤭 另外都有點到和牛肩胛肉、prime牛肩肉、西班牙五花肉片、海鮮拼盤等。出去仲有自助小食、蔬菜、甜品、飲品任攞，包羅萬有，真係120分鐘都唔夠食👉🏻👈🏻食到咁飽，真係要食返個甜品同埋飲番杯咖啡。出面部窩夫機整嘅waffle真係好快手， 1分鐘搞掂，底面都做到脆卜卜👌🏻 上面再吱返個雪糕、toppings，家姐好欣賞佢自己嘅作品🍧埋單嘅時候，見到櫃面有 糕點時光 嘅禮盒售賣，裡面有懷舊嘅花生糖、牛耳餅、叮叮糖，原來做埋呢2日咋🛍️

-天氣凍凍地，最好不過硬係去打邊邊喇🥢。實在太肚餓，想搵啲任食，又抵食嘅😋。呢度雖然嚟過一次，好食嘅當然可以再去食喇。預到peak hours 開始排隊添。放題！！正🤤！！！小妹要食日本黑毛和牛🐮！！一人一個湯底，唔洗爭。我就揀咗「四季文昌椰子雞湯🐔」，清清地、潤潤地。等緊湯底滾起，可以去出面嘅自助吧揀餐前小食食下先。有：炸雞🐔、蜜糖紫薯🍠、涼拌青瓜🥒、醬油蘿蔔.........再唔係，自己整下窩夫🧇都好啫。放題嘅好處，就係可以non stop 咁叫日本黑毛和牛🐮嚟食。都計唔到食咗幾多碟添🤣。飲咩都得，又係任飲唔嬲。小妹highly recommend 呢度嘅木糠布甸，唔好睇佢細細杯，真係好味道😻😻😻。----------大將地址：將軍澳唐賢街9號PopCorn商場1樓F10號舖

大將 (將軍澳)將軍澳唐賢街9號PopCorn商場1樓F10號舖食到棒住個肚走🤤😗第一次試呢間日式火鍋店🥰環境好大😍坐得好舒服✨每張都係卡位梳化櫈🤤🤤員工服務都好有禮貌😗係咁過嚟問我要唔要加湯或者加肉👍🏻日本黑毛和牛120分鐘放題 ($418)我揀左中位價錢既邊爐set🫕，湯底揀左四季文昌椰子雞湯同蕃茄湯🤤椰子雞湯好鮮甜😋蕃茄湯湯底都幾濃😋呢個plan既肉類多達20款，牛肉味非常之濃，超級推薦黑毛和牛🥰入口即溶嫩滑😋仲有好新鮮既海鮮，有蝦、青口等等😍仲好多日式熟食、日式麵同埋丸選擇，仲有得整雪糕窩夫🧇😍好開心，同埋餐廳有超市係出面，除咗好多食物之外，見到有一個糕點時光禮盒($79)都幾特別😗💥總性價比: 8.5/10👍🏻食物選擇多，味道對得住個價錢😍👍🏻

今次試呢間日式火鍋放題係一人一鍋 大家可以揀返自己鍾意既湯底唔洗就黎就去咁麻煩 又衛生重點係120既火鍋放題有高質既和牛時間充裕 可以慢慢歎肉類同海鮮係由店員幫忙落單其他丸類 蔬菜 小食 甜品…等 都係自助形式食幾多拎幾多 唔洗浪費我地今次揀左椰子雞湯 （+$10）清甜既湯底 可以食出肉既鮮味雞件好滑好鮮甜另外一款揀左完熟蕃茄海老濃湯濃濃既蕃茄味牛肉方面都有幾款選擇另外仲有羊豬雞都係可以無限點單極度推介杭州黑魚片好鮮 好滑 真係好正食完火鍋 再食埋甜品真係好滿足而家仲有個糕點時光禮盒做緊優惠 $793款口味 仲送價值超過$400優惠卷買黎送禮或者自己食都開心呀

臨近新年好想食好啲過肥年🐷晚市食之放題火鍋套餐由$198起跳，我地今日食$428位的日本黑毛和牛放題，物有所值！日本黑毛和牛，紋理細緻，雪花均勻，係上乘牛肉😋湯底係一人一鍋，椰子雞鍋補身有營養，椰子味濃，加$10就有，另一個鍋底係昆布湯，清清地，不會掩蓋食材香氣，各有優點。自助吧有不少食物選擇，丸類，蔬菜等幾十款，甜品有自製窩夫，雪糕，蛋糕，木槺布甸等～飲品則有各式汽水，鴻福堂幾款清熱飲品及樽裝茶。食飽再買返個手信 - 糕點時光禮盒$79，共有三樽小食，叮叮糖，花生糖，牛耳餅，都係細個食過的懷舊味道，趁住新年買返去同家人分享😛

呢日好想瘋狂食牛肉，所以揀左食呢間邊爐放題，我地揀左食日本黑毛和牛餐，一人$498～店員帶我地入座之前就叫我地揀左湯底先，我地揀左要椰子雞同埋昆布，佢既椰子雞你真係有新鮮椰子肉同雞係入面，相當清甜，用黎淥牛肉一流！座位都好闊落，坐得好舒服！坐低冇耐就有日本和牛，豚肉同埋雞肉上枱，另外餐牌入面仲有其他牛肉既等級可以叫，仲有羊肉、大蝦、牛柏葉、午餐肉等等可以叫，都幾多野食！出面就有啲熟食同埋丸、菜、面可以拎，又有紅豆湯、麵豉湯，仲有得自己整窩夫！同埋雪糕機有雲呢嗱同埋朱古力味，仲有得兩溝，好多唔同既選擇！

好耐無試過食一人一鍋，早幾日去將軍澳探完朋友，佢帶左我去大將食日本黑毛和牛套餐放題。任食120分鐘，除左可以係外面拎野食，重可以點唔同嘅肉類和海鮮，有日本黑毛和牛、和牛肩胛肉、海鮮拼盤等等。我地各自揀左花生沙嗲鍋和四季文昌椰子雞湯，椰子雞湯滋潤清甜，內有新鮮椰子肉，而我揀左沙嗲鍋，配牛肉食真係勁惹味。海鮮拼盤裡面有小八爪魚、海蝦、青口，件件新鮮，由其是青口，入口好鮮甜。除左食牛肉、海鮮，點少得食蝦滑、牛柏葉。外面除左有蔬菜類，重有不同丸類和小食、甜品，個人最有驚喜係年糕福袋和自製窩夫，窩夫整約一分鐘左右，入口酥脆，配埋雪糕、密糖漿一齊食就一流。