大將 (已結業)

好耐無試過食一人一鍋，早幾日去將軍澳探完朋友，佢帶左我去大將食日本黑毛和牛套餐放題。

任食120分鐘，除左可以係外面拎野食，重可以點唔同嘅肉類和海鮮，有日本黑毛和牛、和牛肩胛肉、海鮮拼盤等等。

我地各自揀左花生沙嗲鍋和四季文昌椰子雞湯，椰子雞湯滋潤清甜，內有新鮮椰子肉，而我揀左沙嗲鍋，配牛肉食真係勁惹味。

海鮮拼盤裡面有小八爪魚、海蝦、青口，件件新鮮，由其是青口，入口好鮮甜。

除左食牛肉、海鮮，點少得食蝦滑、牛柏葉。

外面除左有蔬菜類，重有不同丸類和小食、甜品，個人最有驚喜係年糕福袋和自製窩夫，窩夫整約一分鐘左右，

入口酥脆，配埋雪糕、密糖漿一齊食就一流。