大婆牛肉麵 (已結業)

昨晚睇Joey Concert之前同男友嚟咗呢度食飯，我們點咗牛肉麵套餐及雲吞麵套餐。牛肉麵湯底勁濃，可惜勁多味精，太甜，不過牛展炆得夠腍及入味，粗麵又不會過硬，OK。雲吞饀料夠多，湯底用上雞湯，夠清反而仲好。餐飲要咗凍豆漿，頗甜，唔好飲。

日期：二零零八年四月五日時間：下午五時三十分地點：灣仔大婆牛肉麵人物：我與他食物：兩碗大婆牛肉麵、一客鹽酥雞、一客炸肉排、一杯凍豆漿台灣牛肉麵從來是喝湯不吃肉，在台灣就有牛肉麵和牛肉湯麵之分，前者是「正常」的牛肉麵，後者則只有牛肉味的湯，而牛肉卻欠奉。事實上，牛肉麵的牛肉早就沒有牛肉的鮮味，因為牛味都往湯裡跑。今天沒有吃上黃太的牛肉麵，來了碗大婆牛肉麵。大婆牛肉麵果然麵如其名，彷如粵語殘片中的大婆般橫行霸道。牛肉麵的湯底味精過多，吃上一口，舌頭即時感到麻麻刺刺，是「中國餐館綜合症」的其中一種特徵，在期盼其他病徵如頭暈、噁心等不要在我坐地鐵時出現的同時，吃上一口麵，是不能叫人留下任何印象的麵。牛肉軟稔，是因為烹煮了好一段時間之故，而牛味早已溶於湯中，只可惜味精太霸道，把牛肉的鮮甜趕盡殺絕，餘下只有點點的咸味。鹽酥雞其實是炸雞塊，除了加上幾片九層塔外，未必能稱得上是鹽酥雞。鹽酥雞是台灣普通的夜市小吃，雞肉要分明，外脆且內嫩，並需保留點點肉汁，才能稱得上「酥」。九層塔在炸雞至尾聲時加入，使雞肉酥脆的同時，綻放絲絲香氣。大婆可能基於量產的原故，把九層塔與雞塊分開處理，並學上了西洋鬼子炸薯條的手

昨天在灣仔搵嘢食,來到克街的大婆牛肉麵,便坐下來試試,叫了$115二人套餐,包括兩碗牛肉麵,炆豬手,春卷,娃娃菜,同埋兩杯豆漿,食物除了份量十足,還十分好味,牛肉好淋好鬆化,春卷新鮮炸起好脆好味,豬手ok但如果林些更好,娃娃菜好大碟,食完唔係特別覺得口喝,仲有就係叫了唔夠3分鐘就上菜,令好肚餓的我有得盡快醫肚!

昨晚一心去此店食牛肉麵, 見到餐牌有2人餐又唔費, 所以最終我地叫左2人餐食啦.個餐都有幾多選擇, 我地叫左2個牛肉麵, 小食就叫鹽酥雞及炸排骨, 娃娃菜同2杯豆漿.鹽酥雞就最出色炸得好香口又唔油; 至於牛肉麵既牛肉炆得好入味好淋, 只可惜個湯底實在太多味精啦..不過這個2人餐真係份量好多, 下次都係散叫會比較好d.

lunch 一入去就叫左個招牌菜, 大婆牛肉麵餐, 都幾大碗, 食得好飽!湯底好濃, 但自己可能唔受得覺得好好口渴,要中途飲水! 牛展和牛筋都不錯, 夠淋唔chi 牙, 但$42 個麵餐就比較貴, 同場自己唔算好鍾意食牛展同牛筋的人, 所以覺得唔抵食, 但唔差!

放工有人叫食飯，雖然我應承老豆返屋企食飯，不過去食碗麵打打底都好呀！於是便去了吃大婆牛肉麵。有套餐，牛肉麵配飲品，諗都費事諗就要呢個餐。朋友同我一樣要呢款，再加多碟菜，要娃娃菜。不一會，牛肉麵送到，幾大碗，湯底好濃，麵底粗而硬，咬落有質感，正是我想要的。牛肉其實係牛展和牛筋，牛筋好淋，亦入味，牛展都唔弱，黏口得來又唔太硬，都幾好。飲品可揀豆漿或可樂，最怕飲呢ｄ豆漿，肯定是無厘味道，似飲水咁，不如要一罐可樂好過。娃娃菜兩人share食，好鬼硬，不行！份量太大，原本打算吃碗麵打底回家再吃飯，結果變左正餐，返屋企咩都食唔落。

又越高山又越過谷。雖然不是上山下海，但都總算穿過無數條大街橫巷，虛耗唔少體力。加上整晚都未有米飯/麵食落肚，始終都想食D主食。行經灣仔既時候，見到呢間鋪，即時勾起台灣美味牛肉麵既回憶。我們就好似俾勾去魂魄似的情不自禁地走入去。要了大婆牛肉麵(雞湯底)同一字骨湯麵。食物來到既時候，哈，意想不到的大碗。大婆牛肉麵的牛展和牛筋的確是很稔很軟熟，值得一讚；而一字骨湯麵的肉則較散且鞋。至於麵條較粗和硬，不對我的口味。提外話，鄰檯一對情侶的女仔真直率，大家相隔唔夠10CM，居然咁夠膽大大聲咁係我飲完鋪頭提供既水話"估唔到會有人飲呢度D水，係我就出去買水飲喇。"哈，我都知你知衰喇。

除夕放半天, 但行不得也哥哥, 結果午餐要捱到4:30pm才有得食!!大婆有下午茶套餐, 由$26起, 包熱飲一杯, 麵的份量比平常少, 所以要加小吃。牛肉麵和饂飩是OK的, 之不過湯底, 勁多味精, 飲埋杯熱豆漿一樣補唔番數。真係要嚴重警告那些對味精敏感的人少來這裡為妙...勝在下午茶時間冇咩人, 又叫做光光猛猛, 乾乾淨淨, 阿姐笑容好, 收費合理, 俾個OK啦!!

回應openrice的活動，聖誕假期第一擊:想食好耐無食的大婆牛肉面餐，貪其微辣的湯底，以及口感非常的牛展，於是自己來個快速午餐。發覺無黎個多月，面餐由$38漲價至$42，反正懷念非常，便叫了一客，得知新增熱豆漿，即跟餐叫了一杯。面上，份量其多，共有8-10件牛筋及牛展，雖然想食好耐，但一下子要食咁多，就唔再矜貴了，想放棄，但想起要$42，又很似很浪費，真正體會甚麼叫食之無味，棄之可惜!離開，口乾得很，似乎無事都不會再登這間三寶殿了..

尋晚同男友去完會展到此搵食,可能是星期6的關係,雖然接近9點,都仲好多人,不過好彩唔駛等位。兩個人點了一份2人套餐\,有2碗牛肉麵、2款mini size小食、一碟菜、2杯飲品。先試牛肉麵,個湯底好濃味好深色,牛肉同牛根都好\"林\",入口即化,好合我平時愛濃味的口味。不過愛清淡的男友就覺得味道太咸,牛肉好味,但就好膩。至於小食就選了\"一字骨\"同\"鹽酥雞\",前者較普通,不是不好味,但和本人母親做的口味非常相似,但肉質較散。另鹽酥雞味道幾好,幾新鮮幾脆。菜要了娃娃菜,可能是因為浸著的水好咸,d菜都非常咸。總括而言,食物算好味,但味道偏咸,價錢同份量都適中。可以再試。

牛腩ok 但湯底差，稀貓貓，台灣牛肉麫好食得多。

曾有網友批評大婆牛肉麵灣仔店只有午市套餐, 沒有晚市套餐, 該店倒是從善如流(忍唔住讚openrice一句:真係好多人睇喎!), 於是現在已推出了晚市套餐, 有飯有麵, 飲品..... (喂, 你係咪賣梗廣告架?!)嗯, 對對對, 要收斂一下, 我可不認識老闆李純恩, 儘管他可能識我.....言歸正傳, 灣仔店比九龍城店, 多了很多小菜。最切這些台灣菜曾於九龍城店出現過, 但可能反應麻麻(人人都是叫牛肉麵吃), 所以沒有再賣, 反而灣仔店可能客路較雜, 單賣麵未必滿足到不同人的口味(冇套餐都畀人, 你話食客的心理幾難捉摸), 所以有多款菜式。個人喜歡吃蛋黃肉, 感覺有點像肉餅, 但味道卻似正宗的台灣魯肉(不是一片片的, 那是滷肉, 魯肉像免治牛肉), 令人懷念在寶島的日子, 皆因在香港很難找到有水準的魯肉飯, 易牙妙手的只能算合格, 不算出色。環境方面, 灣仔店比九龍城那邊寬敞得多, 不過店員晚上很早便關電視, 好像不想客人久留。

2007年10月26日，大婆牛肉麵。很久以前去過九龍城的鋪，印象中牛肉麵好似幾好。今天兩個人10點多還未吃飯，但已沒很大食欲，見到大婆，要了麵餐加菜：大婆牛肉麵+豆漿：大婆牛肉是牛腩和牛根。很腍很入味，不錯，麵也算合格。豆漿偏淡和甜。杞子浸時菜：杞子又大粒又甜，菜芯甜也不會太熟，滿意了。

碗大麵小叫左個最普通成本最平ga魯肉麵, 係我去過甘多間台式食店"份量是最少", 我同朋友都覺得一個女仔食我看要食兩三碗先飽正如之前的食評一樣, 佢地"太多味精"食完還要去買支水飲先解口渴

睇過,聽過好多人介紹話好正,好好食終於去食啦~~lunch 叫左大婆牛肉麵$36 湯底好濃個麵比較少牛肉好大舊,仲以為會好鞋點知好易入口,好林但食完好口喝咸到條月利好辛苦