大姆指餐廳 (已結業)

今天去大拇指食飯，去到大拇指梗係要食下佢個二人套餐，我們叫了一個粟米斑塊、 一個燒汁野菌牛肉; 二人套餐120幾蚊都唔使， 非常之抵食， 我相信而家喺外出都好難搵到咁平嘅二人小菜餐！這個粟米斑塊炸得非常之香口， 配上啖啖粟米汁將整個粟米斑塊配合得天衣無縫， 而燒汁野菌牛肉更是我的至愛，因為只有牛肉不能帶出牛肉本身的香味， 配合這個燒汁、野菌，就能將牛肉嘅鮮甜牛香帶出嚟; 野菌炒得非常之入味 ，燒汁帶有些少香味， 將整個燒汁野菌牛肉都發揮得淋漓盡致， 最值得一讚還有兩碟菜 ，真的是健康之選，下次我會再試下其他菜式！

無食lunch，所以要食個豐富d ge 下午茶。本身都諗住求其食個炒飯，點知俾我見到叫下午茶餐可以加8蚊就可以叫到雪菜肉絲、沙嗲牛肉米（問左阿姐，重可以轉到沙嗲牛肉麵添！）。於是叫左個煉奶西多士飲奶茶（＄36）再加沙嗲牛肉麵（＋＄8）。味道不過不失la，西多士應該又好難唔好食ge...  不過要comment 係碗沙嗲牛肉麵用左個好細個碗裝，打搞到食果時要好鬼小心，同唔係好夠湯咁。其他野都無乜大問題la...都係正正常常一間茶餐廳。

其實我和家人根本沒有計劃到「大姆指餐廳」用膳，但是附近的餐廳都已經滿座，所以唯有到此用膳，順道嚐嚐他們的食物。餐蛋治 (烘底)餐蛋治來到的時候還是熱騰騰，麵包烘得外脆內軟，午餐肉亦相當厚身，只是雞蛋的口感一點也不嫩滑而有點失色!甜酸魚柳雖然魚柳只有少許的魚香味，但是甜酸醬汁的甜酸度調校得剛剛好，吃上去不但開胃醒神，還滋味十足，不論是單吃還是配飯一起吃都相當美味!咖喱牛腩咖喱牛腩的賣相不是十分討好，但是香濃的咖喱汁配上炆至軟腍的牛腩確實是不錯，加上牛腩的肉香味亦頗為濃郁，所以吃上去更為討好!忌廉湯 (隨餐附上)忌廉湯比較稀身，而且沒有什麼忌廉的香味，所以不喝它也不會感到損失!餐包 (隨餐附上)餐包香甜鬆軟， 吃上去還是暖暖的，配上牛油一起吃更為香口美味!鐵板雜扒配意粉 (黑椒汁)這個鐵板雜扒配意粉的份量非常多，黑椒汁的味道亦相當香濃，豬扒和雞扒的肉香味還算是不過不失，而意粉吃上去還是有點咬口，太陽蛋和粟米則中規中矩!雖然這裏的食物不算是特別出色，但是以這裏相宜的價錢來算，整體上還算是中規中矩的!

今日約咗朋友喺屯門市廣場行街街七点幾😊😉行過喺門口睇餐牌好吸引所以入去試試🍜🍽🥢😁😁 點了晚餐精選($78)👍🏻👍🏻👍🏻咖哩🐮牛坑腩煲跟白飯，老火湯~🤗🤗多牛筋，牛腩又林入味有一嚿薯仔' 咖哩香小辣好味🤗🤗老火湯粉葛煲雞腳🥣~ 好味越式蔥油🐖豬扒拼蟹柳🦀芝麻沙律，滷肉飯🍚~ 蟹柳芝麻沙律🤗 滷肉飯🍚~ 滷肉唔肥味道略咸蔥油豬扒🐷~ 豬扒唔乾帶蔥油味😋可加1O元加糖水· 但我地全部食曬太飽了! 下次再嚟幫襯先至試糖水

大姆指餐廳係燉奶佬集團公司就在屯門市中心附近，去大姆指餐廳方便，早餐時間 12:00 前，部分客人趕及來個早餐兼午餐, 可以節省一點 ...我呢 11:45 到了，叫個雙拼三文治（午餐肉+ 蛋）再加 $8 火腿通粉， 足夠飽飽嘩！材料多多，嫩滑炒蛋，滋味通粉賣相不錯，配上滾滾熱湯，好味最後，飲杯即磨咖啡明白物價上漲租金又調整，加價都係無可避免嘅事價錢一般， 個人鐘意坐得舒服，甚少搭枱

入屯門大會堂睇騷，完場時間係晚上9點半。仲以為屯門市廣場有好多嘢食，但其實好多食肆晚上十點鐘就關門。冇得選擇下就過嚟屯門時代廣場呢邊，見到呢間餐廳有宵夜套餐，就入嚟食。宵夜套餐都算有幾多選擇。 我老婆就叫咗個雞扒雙腸飯，而我就叫咗個焗咖喱雞飯。 雞扒飯叫咗少飯，但上到嚟啲飯都係成座山咁多。我個焗咖哩雞飯要等咗15分鐘先有。雖然等咗咁耐，但個焗飯都係唔夠熱。雞“拿”得勁， 但個咖哩汁完全唔夠 curry powder, 一啲辣味都冇，而且仲好鹹。$10追加多一個生菜全走，埋單$124。

又到屯門渡假，想食榮式但排長龍，時代廣場地下成條行都係食市，但間間都要等，最後去大姆指。因為只需要等一張枱，同埋老公俾香茅豬扒凍綠茶套餐吸引。😄但最終廿四孝老豆放棄左豬扒😏，叫左阿女鍾意食既楊洲炒飯，西多士餐加雪菜米。加十蚊黎講，呢碗雪菜米都算大碗。個朱古力西多士賣相好得，拉晒花再加上花生粒，兩個女搶住食。呢個海鮮喇沙米線，可能叫少辣既關係，個湯是淡淡的，海鮮是雪藏的。加$5既桃膠紅棗圓肉糖水，有幾粒桃膠，好清甜，抵加。另外叫左肉燥豬軟骨飯，好重料亦好重味。餐牌選擇唔多，但算有特式，甜品有驚喜。

假日當然同另一半搵好野食，兩個人都無食早餐，行左一陣就決定食「大拇指」喇。叫左越式蔥油豬排套餐，$65好豐盛，我記得平日去仲平多$10架，豬排似上海排骨嘅味，甜嘅，嫩滑，我幾鍾意，唔洗點蔥油食都得，仲有些黑醋木耳伴碟，可以食多幾樣野。肉燥飯有驚喜，唔似一般果d得個咸字，呢個甜咸比例適中，試真d係帶魚香味架，仲有香菇，好想添飯。(唔係越式咩？何解有肉燥？ok茶餐廳就係咁鬼馬)芝麻醬沙律正常啦，比你食完咁多肉清清個口。套餐推介增送嘅蜂蜜綠茶就有d似香精味，蜜糖唔靚出事，可以加幾蚊叫返d正常飲品。雜錦喇沙米線$55可選米粉呢個唔錯啵，勝在足料，有豆卜、滷水豆腐炸蝦，腩肉片，兩粒魚蛋，同半隻滷水蛋。(好啦係我影得差影唔晒咁多但真係有咁多野架）湯底椰汁味道香濃，少少辣，如果唔係怕肥我會連湯都飲埋。食套餐仲可加$10要碟滷水小食，我地叫左豆腐，我以為係平時果d滷水豆腐，但呢間炸完再滷，炸得太乾太硬，又太咸，最後食唔晒。😞總括黎講食物都幾好，成間餐廳都係卡位，大大小小都有，滿足大家坐卡位嘅心，我地坐果張係係L形兩人位，膝頭撞膝頭果隻，如果兩個大男人去坐就搞笑喇，情侶去坐又隨時忍唔住放隻腳係對方大腿度

They Drop the food and drink on the table. Don’t even look at you Walk away and don’t care Food is horrible too salty. from re disk are fill up with water

只係簡單一碗腸蛋麵，完全係垃圾，腸白烚，麵白烚，炒蛋油而冇味。唔係要求咩湯都都唔係好似用滾水焗熟個麵咁。明明要蛋牛，佢就來炒蛋，同職員講，佢話單係寫炒蛋，完全唔會諗係員工聽錯。唔明點解可以差到咁都仲有咁多人食，唔係隔離冇位又趕，真係唔會行入去

大不如前！以前食麵有紅醋，枱上有紙巾提供宜家連紅醋紙巾都慳，無紅醋紙巾提供。。一間茶餐廳最基本既野都慳問侍應拎野，態度又差。。。侍應轉晒新人最怕食米粉米線無紅醋，真係寧願去第二間😑D野水準都差左。。星洲炒米好淡米粉又轉左第二種咁，唔好食。。連早餐條腸仔都轉埋，唔好食。。可能生意難做，餐牌加價但食材似乎慳左。。真係令人失望希望老闆可以keep返以前既服務和食物質素，可能無紅醋無紙巾係好小事，但呢d細節可能已令顧客決定去留

還記得鑊氣不錯的大姆指，想不到去食什麼晚餐時就諗起這裏， 得久冇去，怎料失望呢！ 仲有個太陽蛋雞翼印尼炒飯冇影， 果個除左雞翼較乾，個飯ok啦， 係個跌板over priced 要$82.

今晚去睇戲前食晚餐在屯門的大姆指餐廳，佢在屯門市廣場附近，是屯門區最旺的地區之一，都幾方便就腳，一坐下便叫左雞扒湯面，雞扒煎都算ok, 米線都滑的及份量ok, 食完便散步回家。

今日星期六下午都多人食午餐在屯門大姆子，叫了個印尼炒飯，蝦肉好味，炒飯炒到粒粒分開但飯中醬料較重，如果炒飯能減少些醬料會更理想，中炸雞翼，雞翼夠大隻，咬雞肉食得唔錯，蛋、青椒同炒.

我住屯門市中心附近，去大姆指餐廳食下午茶夠方便。叫了星洲炒貴刁，有蝦、叉燒、芽菜、青椒.....好喜歡一片片叉燒香味，蝦都好味，芽菜同青椒等都是幾好蔬菜... 額外加3元有木瓜雪耳糖水幾清味道