大壹燒鵝 (啟田大廈)

营业中

休息中

📍大壹燒鵝🔍藍田啟田道51-67號啟田大廈地下1A, 2-4及6A號舖-----是日放假去藍田搵朋友仔Dinner，本來想食壽司郎，點知太遲到排隊要等好耐，所以我地就轉戰附近其他餐廳。地頭蟲朋友仔話帶我食一間港式餐廳，驚艷度絕對唔輸sushiro，講到咁誇張，當然要一試究竟😜。餐廳人龍人流無sushiro咁癲，但都幾乎爆滿，比隔離譚仔仲多人，港式餐廳黎講都算少見。✨2人套餐（$288）見到呢個套餐幾抵食，有三餸一湯加兩碗白飯🍚，餐廳內都幾多人叫。幾番糾結，三心兩意下我地叫咗#叉燒拼油雞🐥、#話梅炆豬手🐷、#西蘭花炒蝦仁🥦。#叉燒拼油雞：呢個叉燒真心係半肥瘦叉燒界嘅頂級水準，脂肪同肉比例係真係1：1，怕肥會覺得太肥，唔怕肥嘅話，呢個就真心係普通餐廳唔會搵到。肉脂香味極致濃郁，加埋軟腍香甜嘅叉燒，Crazy，好想加隻蛋整個黯然銷魂飯。油雞亦非常高質，雞皮同肉之間有厚厚一層上湯，但若說驚艷，叉燒會更加令人難忘。#話梅炆豬手：豬手炆得軟爛入味，入口啖啖膠原口感，話梅加上甜薑調配而成嘅汁底香甜誘人，佐酒甚佳🍺。#西藍花炒蝦仁：西蘭花火喉恰到好處，爽脆度啱啱好，又不會過硬，蝦仁亦係爽脆可口，少許蒜

天氣不似預期整個假期都下着雨，約咗屋企人喺藍田晚飯，快靚正揀咗去「大壹燒鵝」食中餐。餐廳樓底好高，好光猛，上咗一層類似閣樓樓層。中式小炒，海鮮，家常小菜⋯⋯應有盡有。研究完餐牌後，發現二人套餐係最抵食，包括：1.足料老火湯2.三款小菜3.白飯及飲品揀好餸菜就開餐，上菜速度都幾快👍🏻足料老火湯冇咩特別嘅名堂，湯料見到有蟲草花，豬展，紅蘿蔔，粟米，唔會好鹹，好清甜，有家常嘅味道。燒味雙拼大壹叉燒皇配馳名香妃雞叉燒同白飯絕對可以引起食慾😍叉燒皇帶點肥和燶邊，半肥瘦叉愛好者嘅至愛。肉質軟嫩外皮有點炭燒焦香味。😍燒味飯配凍檸茶也是茶餐廳的日常😍少甜嘅凍檸茶茶味香濃👍🏻😋香妃雞肉質非常嫩滑，仲俾咗雞髀部份😍。瑤柱海味雜菜熱辣辣煲仔菜，風味十足! 大大隻蝦乾，魷魚，粉絲，瑤柱，仲有莧菜，唐生菜，西蘭花，花菇十分豐富，粉絲吸滿海鮮的精華，味道鹹鮮，！紅酒燴牛尾份量很足！牛尾炆得好冧好入味！紅酒醬汁調校得啱啱好唔會太稠，有紅酒嘅香氣。角切嘅配菜西芹蘿蔔薯仔大大件好有咬口。個白飯裝得有咁高得咁高～非常大碗中式小炒質素唔錯，份量足，燒味都係必點項目。

🥢🍚🍚🥢💭得到男神gregory wong 王宗堯嘅認證，難得搵到一間良心燒味店，母親節嗰日就即刻買返隻去慶祝吓，返到去隻燒鵝仲係熱辣辣，而且size大，燒鵝皮脆有光澤，肉汁多，鵝肉不至於非常嫩滑，但都無柴皮，同時因為夠入味，所以我連酸梅醬都冇用過。嗰日我係晏晝去俾錢留定燒鵝，夜晚6:30去拎嘅時候都聽到好多人想買叉燒，但係嗰日呢個時候叉燒同燒鵝已經賣晒，所以叉燒可能都應該幾好食下次再試下。

唔係第一次幫襯，主要都係堂食，因為食物質素ok，燒鵝同燒肉味道和份量都可以，叉燒就通常都燶咗少少。因為疫情關係，所以改叫外賣，但係估唔到，一次外賣就令我以後唔會再幫襯佢！事關個四眼女收銀態度極差！！！要講三次！係極差！！！極差！！！極差！！！唔知點解買外賣都要受佢氣！好客氣咁同佢落單，但係佢就好唔耐煩咁樣！好唔客氣咁樣同我講嘢！！！佢落完單，竟然成張單飛埋嚟！！！！今時今日咁嘅服務態度，如果大壹老細想做街坊生意，就真係要處理一下！！！如果各位唔想受氣嘅，就千祈唔好幫襯！！！！

呢間港式茶餐廳唔算起眼，見佢店名主打燒鵝，燒味飯愛好者一定要試試😳貪心既我想食燒鵝之餘仲想試埋叉燒，叫左個雙拼飯～黎到第一眼係見到叉燒好靚，係我最愛既半肥瘦🤤食落肉質軟冧唔乾柴，仲有燶邊😍估唔到茶餐廳有呢個質素既燒味👍而佢馳名既燒鵝都唔差，份量都幾足，鵝件又夠厚肉，鵝皮亦都烤得好靚好脆👍配埋個甜酸醬，食多幾舊都唔會好油膩。以呢個質素黎講，價錢都叫合理，日後食燒味既飯堂又多一間可以揀了😍

收工和朋友來到位於藍田站附近的啟田大廈，有一間名叫大壹燒鵝的港式茶餐廳，晚市專食港式燒味和其他小炒，於是便和朋友來到試試。藍田分店是兩層高的復式設計，我們就坐後便立刻點了招牌菜燒鵝例牌，客人可選上庄和下庄，差$30我們便叫了稍貴一點的下庄。雖然是例牌，但份量並不少，上菜時香氣撲鼻，香噴噴的燒鵝油脂分布在表皮上，二味道當然冇令我們失望。脆口的燒鵝皮和厚實的燒鵝髀肉，配上經典的酸梅醬，完全是令人停唔到口的組合，酸酸甜甜非常開胃，值得一試。主食方面我們叫了一款單拼叉燒瀨粉，果然是專門做燒味的餐廳，叉燒也相當有水準，瘦肉過油脂分明相間的肥瘦叉，表皮塗上蜜汁再燒到香脆，口感非常煙靭，配上大碗瀨粉，清甜的湯底，非常不錯。最後叫了一道黃金蝦球，蝦球的數量非常多，而且非常大件，表面再拌上大量鹹蛋黃醬，鹹香的味道，非常野味。

今天約了住在藍田滙景花園的友人飯聚，他極力推薦啓田大廈地面的大壹燒鵝店，那我便要試一試了。一進店內，食客滿佈，幸好還找到座位。午市和小菜餐牌上的選擇很多，最後我們兩個人各點了一個午市燒味飯套餐，還選了一個小菜分享。～大壹燒鵝髀飯配熱杏仁霜這店的招牌出品又怎能錯過？燒鵝髀飯真教人滿足。燒鵝髀燒得顏色吸引，肥瘦比例平均，但一點也不感油膩，皮脆肉香，肉汁豐富，口感十分好；沾上酸梅汁來吃，味道層次更豐富。伴飯的炸菜爽口惹味，又不會過鹹。白飯汲取了鵝的油香，令人不經不覺便將它完整的吃掉。飯後來一杯潤滑杏仁霜，非常滿足。～燒味雙拼飯配紅豆冰友人選了燻蹄和油雞髀飯，賣相吸引，友人説味道也十分不錯，燒味確實做到頗高的水平。紅豆冰的紅豆軟硬適中有咬口，味道適中不過甜。～柚子蝦球熱騰騰的柚子蝦球上枱，香氣撲鼻而來，大大的一碟加上金黃的顏色賣相十分吸睛。大蝦球沾上了炸漿，炸得脆口，吃起來啖啖肉，蝦的肉質結實爽彈，和甜甜酸酸的柚子醬汁配合得宜，惹味又醒胃。這店的燒味和小菜都有相當的水準，友人的推薦果然沒有錯，怪不得這店得到很多食客的捧場。

今晚和家人晚飯，見到有燒鵝專門點就決定品嚐下。必定要點的一定是大壹燒鵝，揀左例牌上庄，兩人食剛剛好。即叫即砍，好快脆就上到檯，望上去會見到肉汁油陵陵，咬上口有入口軟糯嘅感覺，而且香味四溢。生炸bb鴿亦非常有鮮味，食材質素上都非常高，而且吃上口亦香口。最後點埋燒汁薯仔牛肉粒，薯仔外脆內軟，蘸上燒汁簡直回味無窮。牛柳粒亦鬆軟沒有筋，啖啖都係肉。飲品方面，點了熱杏霜，非常濃郁，可見餐廳都真係落足料。整體而言，價廉物美，而且適合和家人聚會食飯之選。

晚上到了朋友屋企樓下的大壹燒鵝吃飯，餐廳面積非常大，有上下兩層，位置闊落，當晚幾乎坐滿了食客。餐廳叫大壹燒鵝，當然要試一試這裏的燒鵝瀨粉。燒鵝是餐廳在地即燒，而非工場運送，所以當然非常新鮮熱辣。燒鵝皮烤得相當香脆，肉質嫩滑，肉汁香濃，果然稱得上是招牌菜。瀨粉湯頭清甜，粉條質地爽滑，而且相當大碗，非常抵食。我們下單時低估了瀬粉的份量，另外加點了一碗。但實在相當美味，所以一人一碗都完全沒有問題。琥珀牛肉粒，顧名思義就是用上了琥珀合桃，外層包裹着糖漿和芝麻，炸得相當香脆，一粒又一粒吃不停口。搭配着牛柳粒，肉質鬆軟，黑椒味濃，口感一硬一軟，非常豐富。黃金蝦球，大蝦炸得金黃，然後用鹹蛋黃蓉炒香，每個蝦球到包覆着滿滿的鹹蛋黃醬，用料十足，不似坊間同類型的菜式只有少量的鹹蛋碎。蝦球肉質新鮮彈牙，每一口都絕對吃到鹹蛋黃的金香，絕對邪惡但相當美味，而且一碟有十件蝦球，性價比極高，非常推薦。跟餐加點了一杯紅豆冰，紅豆質地綿滑起沙，味道香濃可口，相當不錯。

同屋企人去開藍田，咁啱想食啲小菜，就決定去試吓呢一間喺街尾嘅餐廳。🤩——————————睇到餐牌，288/兩位用，三餸一湯配白飯，加凍飲都係$7，一於試下佢。🤓第一個餸就揀咗燒味雙拼，三選二，我哋要叉燒拼香妃雞。首先講下個叉燒，個部位五花腩，啲叉燒汁好入味而且燒到窿邊😋，十分野味。另外個香妃雞，佢俾咗脾我哋😍，啲肉好嫩滑，加埋蔥油超正🤩。之後就到咕嚕肉，個咕嚕肉外脆內軟😋，而且佢個汁酸甜適中，見到佢嘅菠蘿唔係用罐頭🤪，而係用新鮮菠蘿。之後就係金銀蛋浸時蔬，咁佢有鶴藪、菜心、白菜、油麥菜呢啲揀，咁我哋就揀咗鶴藪。個擺盤幾靚🤩，而且啲菜唔會煮得太老😋。總括嚟講，呢個餐有三餸一湯，而且每個餸都好大碟，基本上可以三個人食。因為我哋兩個人都食唔晒。所以288可以食到三個人，又好食，真係好抵。🤓👍🏽

其實都唔係第一次食呢間餐廳，不過佢真係好抵食👍見到好多人都係3個人share 2人餐再加個小食🤣🤣$288就包三餸一湯一飯，CP值好高，而且樣樣餸嘅份量都超大😆😆除咗二人餐之外，佢嘅燒味亦都十分出名，所以都特別設有一個燒味飯套餐👏👏-1.招牌足料老火湯呢度嘅湯飲得出冇落味精，亦都唔係加咗好多鹽，調味恰當，飲落好舒服😌-2.大壹叉燒皇拼玫瑰豉油雞叉燒皇真係不愧係皇，燒得燶邊，調味好特別，好入味😋而且肥瘦都適中👍豉油亦都出奇地滑呀😍/3.士多啤梨豬扒基本上每次黎都必叫，份量勁多，又切好一條條好方便😆酸酸甜甜，連飯都可以食多碗呀～-4.藍田小炒皇一碟入面有勁多料，有韭菜、魷魚、粒貝、脆魚仔等等，好多層口感👍食落少少鹹香好惹味😋-

燒味飯普遍香港人都經常食，而香港嘅燒鵝飯餐廳如果整得好食，更加會遠近馳名。以前都去過深井一啲出名嘅食燒鵝餐廳，但係記憶中味道只係中規中距。今次好慶幸竟然喺藍田市區入面食到一碗色香味俱全嘅燒鵝飯，而佢嘅燒鵝飯亦襯得起大壹燒鵝呢個名稱。燒鵝飯大大碗絕冇欺場。價錢亦唔貴，可謂蔗渣既價錢，真正燒鵝嘅味道。燒鵝皮燒得香油脂亦多，但絕冇肥膏。燒鵝味濃郁，肉質軟淋，啖啖甘香。要讚一讚嘅係佢嘅豉油汁，又唔會死鹹又香，絕對襯得起咁美味嘅燒鵝。而燒鵝醬自家製，酸酸甜甜，值得一讚。呢度當然唔係淨係得燒鵝飯食咁簡單啦。仲有好多出色嘅小菜，例如依煲油鴨芋頭煲。臘鴨鹹香味好重，配上軟綿嘅芋頭質感，配搭送飯食一流，份量又足。蓮藕餅又係我好鍾意食嘅一道茶餐廳小菜。除咗大大件可以食飽個肚之外，豬肉同蓮藕嘅配搭，煎完之後皮脆肉嫩，口感豐富，令人忍不住一口接一口。最後都忍唔住點多隻乳鴿，乳鴿同樣皮香肉嫩。燒得啱啱好，肉質唔會好老，係好好嘅佐酒食品。

每日放工都見到勁多人等外賣，人流勁多。但堂食好快就有位。餐廳好光猛，卡位多，坐得舒服。二餸一湯一燒味，都有三十九個小菜揀，好多選擇。燒味要了义燒拼油雞，油雞好滑，味道剛好。燒味真心讚，好好味。义燒燒得好靚，有燶邊香脆，肥瘦比例好好，甜甜的蜜糖，看見已覺得好味，食就真係一流。燒汁野菌牛仔骨，牛仔骨肉淋，配野菌三色椒炒得好香口。原來用燒汁野菌炒，又幾惹味。拍蒜豆豉泰椒炒芥蘭，用蒜頭辣椒炒得辣辣地好香，芥蘭又爽脆，好味。湯不是濃味，清清地，不會太鹹，唔錯。

作為一個燒味愛好者 一聽到邊度有燒味好食 無論喺邊 我都一定會抽時間去試🥢所以今次我入咗藍田 為咗就係佢嘅燒鵝店舖比我想像中大 有兩層 乾淨整潔✨6點幾去到已經唔少人嚟到晚餐啦 望一望menu 原來除咗燒味 仲有超多款小菜揀✅◾燒鵝髀.燒腩雙拼飯◽燒鵝.叉燒雙拼飯◾豉椒炒蜆叫得大壹燒鵝 又點可以唔叫佢哋嘅招牌燒鵝😌首先鵝脾好大隻 層皮脆脆地帶少少甜 仲要分咗兩層 份量勁多 而且肉質好juicy 一路食一路會有肉汁"咇"出嚟 而另一份燒鵝肉 雖然唔係脾位 但質素同樣出色😍一樣皮脆肉嫩之外 仲要無骨啖啖肉架 配嘅甜酸醬應該係店家自製 同坊間食開嘅唔同 較為稠身啲亦都濃郁啲 不過個人真係認為唔洗點醬都好好味❣️而另外叉燒少少燶邊 所以好香而且入囗感覺好鬆化 燒肉亦都好稔 肥瘦均勻 配埋芥末醬好惹味💯我哋再叫咗個豉椒炒蜆 雖然啲蜆唔算肥大 但份量好多 都整得幾好味 最重要係好乾淨☺️平時最怕有沙 而呢度就無呢個情況

以東九龍各區嚟講，藍田真係相對無乜嘢好食，咁點解今日我哋會嚟到藍田呢？話說A姐想試吓渣車返工嘅感覺，公司喺觀塘嘅佢，出車後又驚觀塘多車，又驚停車場啲泊位窄，所以佢由屋企出發之後，就將架車泊咗喺藍田再返工，但呢個計劃亦令佢醒覺以後都係搭車返工吧！結果放工之後，我就陪佢去藍田攞番架車，順便喺呢度搵食。我哋隨意就嚟到藍田大壹燒鵝，顧名思義餐廳主打港式燒味，食完之後，我哋推介呢度嘅燒鵝同叉燒，非常高質！餐廳晚市推出抵食嘅二人套餐，除咗燒臘，仲有唔同小炒，連埋白飯同湯，份量十足，非常豐富，真係3個人食都一定夠飽！老火靚湯套餐包兩碗湯，喺呢啲凍冰冰嘅天氣，老火湯就夠晒暖心！每日嘅老火湯都各有不同，而今晚嘅老火湯就係老黃瓜湯喇。燒味雙拼大壹燒鵝嘅名物當然就係燒味啦！估唔到套餐嘅份量都唔少，雞肉嫩滑，豉油味香濃；最好味係叉燒，肥瘦均等，蜜汁濃郁，仲帶有焦香嘅味道，肉質軟腍，必叫推介！西蘭花炒蝦仁即叫即炒，好有鑊氣！蝦仁鮮甜彈牙，肉質爽口，重點係大大隻，滿足感大大提升！西蘭花碧綠爽口，夠晒新鮮。啫啫滑雞煲冬天最啱就係食煲仔菜，熱辣辣就最滋味！雞肉份量好多，真係非常嫩滑！入面仲有豬頸肉，醬汁惹味，送飯一流