大壹燒鵝 (啟田大廈)

营业中

休息中

好耐都無見住藍田既姨媽，探完佢之後一於試下附近既中式小菜，見外面咁多人排隊，一定唔會錯的！2人套餐足料老火湯（⭐⭐⭐⭐💢）而家食咩都咁貴，難得$300有找食到3餸1湯，真係好抵呀！老火湯十分足料，入面有雞腳、肉粒、瓜，經過多個鐘既老火烹調，所有湯料既味道都滲晒入個湯入面。除左十分清甜之外，一D都唔覺得有味精味，可見餐廳既用心製作。大壹叉燒皇拼玫瑰鼓油雞（⭐⭐⭐⭐⭐）燒味相信大家都一定食過，但好味既真係唔容易找到，但呢間餐廳既燒味就值得推薦！叉燒外面燒得十分香口，上菜時仲食到香脆既焦邊口感，但肉質卻完全唔鞋口，反而十分鬆軟，加上半肥瘦比例，食極唔停。至於油雞，十分多肉，唔會雞骨仲多過肉，雞肉亦都好嫩滑，配上豉油既特有香味，十分好食。燒汁薯仔牛柳粒（⭐⭐⭐⭐⭐）薯仔牛柳粒都係好多人既至愛，但好多時唔係只有十分少既牛柳，就係牛肉太咸又或者太乾。但餐廳就完全無呢個問題，一上碟已經見到好多牛柳，係食肉獸既福音！另外，肉質十分鬆軟，唔會鞋口，每啖都食到香濃牛味。另外要讚係餐廳既調味，好有中式港式既味道，鑊氣香氣爆棚！野菌娃娃菜魚湯浸魚肚（⭐⭐⭐⭐⭐）食左咁多肉，當然要食返D蔬菜平衡下啦，天氣咁乾燥

大壹燒鵝 (啟田大廈)地址: 藍田啟田道51-67號啟田大廈地下1A, 2-4及6A號舖今日放工約咗阿女食晚飯，阿女推薦咗一間喺公司附近嘅茶餐廳，佢話嗰度嘅燒味好值得推薦。餐廳好大，環境光猛，坐得好舒服。我哋叫咗一個二人餐，食物種類多樣化，非常好。大一燒鵝超值二人餐 $298足料靚湯 首先，每人有一碗湯。今日供應嘅係木瓜煲豬骨，湯頭好清甜，好濃郁。木瓜同豬骨已經煲到好軟腍腍，好入味。玫瑰豉油雞和叉燒套餐仲有燒味可以揀，我哋食咗王牌豉油雞同叉燒。今日好好彩，廚師俾咗雞髀。豉油雞好入味，表面已經上晒色，內裏都鹹鹹地，夠晒味。雞件好滑，好Juicy，雞皮好爽口。叉燒望落已經好靚仔，表面燒到焦焦地地，佈滿蜜汁，肉質非常鬆化。椒鹽鮮魷小菜方面，我哋都揀咗兩款，第一款係椒鹽鮮魷。椒鹽鮮魷大大碟，食落好香口。咁呢炸得嚟炸粉好薄，特別酥脆，內裏先有新鮮，好爽口。燒汁薯仔牛柳粒第二款就叫咗薯仔牛柳粒。整碟菜口味甜甜地，食得出廚師有先將薯仔炸過，因為外邊好香脆，內裏薯仔好腍。牛柳粒份量多，非常軟腍。另外仲有唔少青椒作配菜。

$65頹飯，燒鵝炭燒雙拼飯，叉燒叫咗半肥瘦叉，出邊一層焦香，入邊好嫩，個燒鵝皮超級脆，跟住個肉多汁，個飯硬咗啲，跟住仲會有少少酸菜完全頹飯，如果想要菜嘅話呢要另外叫，加多$10可以有老火湯。個燒鵝皮超級好食。

平時放飯時間都會經過呢一間餐廳。每次都會畀佢嘅下午茶餐牌吸引咗。專買燒味。大逢大節都會見到一條長龍排隊買燒味，非常多人。48蚊連嘢飲，真係非常之抵，CP值極高！！！最好食嘅就係佢嘅大壹炒飯，將燒鵝切碎做一粒粒，再擺啲九層塔落去炒。非常之惹味。每次食下午茶都一定會叫大壹炒飯而且非常之出名，係附近打工仔嘅首選。而去其他嘅燒味都非常之出色，叉燒唔係用梅頭，而係好創新咁樣用咗五花腩位。食落油甘帶香，而且非常軟糯。

位於藍田啟田商場對面啟田有時租停車場 🅿️ 方便揸車嘅人士店內卡位闊落亦有大圓枱今日叫咗二人餐$298 餐牌上有好多小菜選擇👍🏽 二人餐無加一服務費 另外包咗二個飯，兩碗老火例湯，今日係飲西洋菜湯消暑降溫，幾好飲🔶蕃茄蛋炒牛肉酸酸甜甜好惹味送飯一流 🥳 蛋滑牛肉質地唔錯🔶啫啫雞煲配有豬潤，呢個菜第二次食超好食豬潤啱啱好，一啲都唔乾，雞就小咗d但二人用ok he 🔶紅酒燴牛尾 牛肉嫩滑 清甜 幾個餸食完唔會好口渴，

收工買外賣返屋企，見到評分好似唔錯，諗住試吓，點知瀨咗嘢啊！列牌叉燒，油雞外賣，食左兩舊叉燒無奈放棄了，未食過咁難食嘅！！！早知大家樂好過了！真是唔知d評分點來嘅！

Chinese roasted goose ＆ Pork @Lam Tin藍田好味燒味小炒..My families and I went to a restaurant called "Kitchen One Roast Goose"（大壹燒鵝）located in Shop 1A, 2-4 & 6A, G/F, Kai Tin Tower, 51-67 Kai Tin Road, Lam Tin藍田啟田道51-67號啟田大廈地下1A, 2-4及6A號舖..This restaurant is specialized in roasted goose and Chinese BBQ.....Kitchen One Roast Goose Rice Double Combo大壹雙拼燒鵝飯HKD$68soy sauce chicken pairing with roasted goose.there are also BBQ pork, sliced pork knuckle,crispy skin pork to choose from.customers can mix and ma

我六大人行入去此飯店，有職員話有枱叫我們上樓上，圓枱剛剛合適六至八人，當我們坐下已放好碗筷，斟埋水，突然叫我哋起身出去四人枱加兩張凳！四人枱真茶餐廳卡位，有兩個八十歲老人家加兩個男人係大碼，我哋話我哋係坐低先，冇可能因為多啲人要我哋轉枱！佢哋都冇你咁好氣笑住迎接你出門口。所以我而家明白香港人都話香港服務態度差😡。我住咗藍田咁多年,講明以後都唔會幫襯呢間食店。簡直要post給所有媒體通知左鄰右舍。為何香港人返內地消費？又平又有非常好的服務態度囉。

今次去食烤鵝真係一個正選擇！👌店家嘅裝修都幾標準，空間感滿分，有得舒舒服服坐低大快朵頤。一坐低就點咗大家一致推介嘅燒鵝腩雙拼，燒鵝皮脆肉嫩，啖啖肉感又唔膩嘴，燒腩肉嘅鹹香同軟熟度控制得好好，咬一咬就化喺嘴裏面。加埋齊齊整整黃金色嘅皮蛋豆腐，蛋味香滑添。撈碗泡飯真係正到不得了，正宗香煎風味，瞓身、豐富、口感更係層次分明。點心都跟得上節奏，春卷酥脆外衣包住鮮嫩肉絲，令人唔由自主一啖接一啖，鍛煉手指同口腔嘅協調性。總之，又唔使特登去大酒樓，喺藍田都搵到平民價格、高尚味道嘅好地方。女朋友都讚好，跌晒大家眼鏡。😋下次一定再嚟，再撈一碗燒鵝泡飯，追尋呢份小確幸！🍽️🍜

朋友介紹比想像中好食，呢度主打食燒鵝，叫左碟燒味飯，好好食! 重要俾鵝脾我，外皮好脆口，肉質唔鞋。叉燒好香，好腍又入味🤩突然想叫個煲，試左魚香茄子煲，熱辣辣有咸香味送飯一流👍梅菜扣肉就韌左少少，唔建議食呢個，但overall好食, 會再番嚟試下其他🤩

🍚 踩入咗藍田大壹燒鵝，環境正，兩層高空間夠，冇局促感。我哋點左個雙拼飯，燒鵝同埋叉燒，都係每次必食嘅選擇。燒鵝鬆脆皮，啖啖肉真係得嘉賞👍，肉質咁juicy，食咗照落白飯，真係滿足到爆。而家講講叉燒，色澤鮮紅誘人，吃落微微甜帶啲黏，肥瘦都拿捏得宜，咬落鬆香，撈飯一流！再講下豉椒炒蜆，鮮嫩蜆肉夠kick，小辣味提提神，豉汁香味撲鼻，真係惹味到不得了。順帶一提，佢哋個例湯都幾清甜，飲落去好舒服嗰種，並非咁多地方果種濃到飲唔落嗰種。喺藍田唔使嘥太多時間搵食，咁抵食嘅燒味，真係要推介俾大家知。無論午市定晚市，都適合一班朋友或者小家庭一齊嚟撐下。快手忌遲，我下次肯定仲會再嚟😌。

在大壹燒鵝門口見到超值滋味套餐，只需要$298便可任選三餸一湯，於是入去開餐。首先是足料靚湯，可以選擇招牌足料老火靚湯，也可以升級為花菇雞腳燉螺頭燉湯，每位只需另加$38。瘦肉煲蓮藕湯味濃厚，湯料十足，可說是中式晚飯必備之選。招牌即製燒味可以任選兩款，分別有大壹叉燒王或玫瑰豉油雞或馳名香妃雞。叉燒王肥瘦均勻，肉質軟滑，味道甜美，一試難忘。玫瑰豉油雞咸度適中，鮮味十足，嫩滑可口。菠蘿咕嚕肉是今餐的焦點，全因炸得鬆化可口，加上配料充足，三色椒、菠蘿、洋蔥等，難得的是有無花果乾一起作伴菜，真的有畫龍點晴的感覺。椒鹽鮮魷新鮮炸起，熱騰騰，進食時要稍為注意，以免燙傷。外層炸漿不會太厚，魷魚富鮮味，外脆內軟，食過返尋味。

晚飯在藍田「大壹燒鵝」，除了性價比高，交通也十分方便。芋頭臘味煲~最近天氣寒冷，暖笠笠芋頭臘味煲最啱食，當服務員一打開熱騰騰煲蓋，那股香氣撲鼻而至，我先嘗粉糯鬆軟的芋頭，口感香滑、香味馥郁，還有令臘味煲添鮮香的臘肉、臘腸、冬菇！椒鹽 軟殼蟹~是酥炸、免剝殼，其實是連殼帶肉都可以吃，含有豐富的鈣、磷、鐵等，營養價值高又可口，送酒送飯兩佳宜，今晚我們選擇送飯。菜心炒牛肉~一道簡單家庭小菜，儘管菜心爽甜，牛肉嫩滑，但在家裏煑是吃不到店舖的「鑊氣」。

呢排成日都食西餐🍴，轉下食中餐🥢依日約左舊朋友去藍田食lunch, 發現一餐鋪面幾乾淨既餐廳，我地兩個人order左炒飯、拼盤。份量都好夠食，好難食到咁好味嘅叉燒、鵝髀😘叉燒一啖一口🤤可以話溶化在口中,肉🥩質好林,周邊有少少🤏🏻脆口😍鵝髀皮薄厚肉一啲都唔肥膩👍🏻👍🏻👍🏻涼涼地叫咗個臘味粒炒飯🍚好夠鑊氣👍🏻好乾身🤤一啲都唔濕立立👏好足料😆再整多隻乳鴿🤤非常滿足🤭

跟同事工作完畢， 在藍田站A出口行四分鐘左右， 到這間主打燒鵝的餐廳，點了2人行滋味套餐，3餸及1湯，白飯及飲品。 餸菜大大碟，不用加一，不收茶芥， 抵食呀✌！ 是日靚湯就是青紅蘿蔔豬展湯， 真材實料，滋潤足料靚湯， 熱辣辣，喝一口暖暖身先！ 豉椒炒鵝腸即叫即炒，有著大排檔風味，鵝腸脆口吸收豉椒汁，非常惹味，配搭咸酸菜，青紅椒及洋葱，味道更豐富，配支啤酒，爽！ 叉燒皇併玫瑰豉油雞燒味雙併，香噴噴厚肉的叉燒，入口鬆軟，多汁美味；豉油雞表皮油亮，雞肉香嫩，充滿醬油香，燒味配🍚食，真是一流喔！ 西蘭花炒蝦仁這是一道簡簡單單，營養價值高菜式，西蘭花抗養化，而🦐大大隻，爽口彈牙，份量不少。 除套餐之外 ，還有散叫炒粉麵飯，煲仔菜，惹味小菜……，選擇多。