大埔東江雞酒家 (已結業)

間唔中都會來飲茶，點心很抵，大中小點一律8 元，盅頭飯也不過是十元，還有腸粉等多款選擇。推介佢o地o既梅菜扣肉同鳳笊排骨飯，還有煎堆，熱辣辣，香脆可口，麻容包夠香濃，總之好好味啦。

我都同意下面有位朋友所講，東江雞o既水準下降o左。早幾年食佢o的雞真係驚為天人呀！我呢個雞皇直頭可以化晒成隻雞，因為o的雞肉夠滑唔鞋但又好有味，去邊度搵入晒味但唔會鞋o既鹽焗雞？不過近o黎唔知係唔係個廚師做到麻木o左，o的雞唔知點解冇咁好食，水準唔多穩定。而服務就麻麻啦，傳統小菜食店格局，耐唔耐會走單漏單咁。環境都係普通，地下濕淋淋，幾容易"sin"親人o架都。不過都係o個句，小菜食店，對於環境我唔會要求咁多。

本人有時會去光顧.盅頭飯每盅$11,好抵食! 點心,炒粉麵飯都可以. 但雞飯有時候水準非常差!<br />以前有時候竟然可以以未熟的雞,骨仍是紅色,而且有血水滲出送出桌面示人,感覺恐怖.政府都呼籲市民煮熟雞肉才可以安心進食,萬一雞肉有H5N1,被人查出源頭,叫佢立即拆招牌停業都似!<br />不過有時候則是全熟的,味道咸而美味,我想可能要看該日酒樓是否多人吧!多人的時候,雞的質素有時會有所下降,原因是因為師傅趕時間,雞骨仍未用油淋熟便上碟所致,否則賣相應會好看而且美味.<br />另外例湯有時都幾好飲,不過不知是否味精水?<br />

紅磡黃埔新村和大埔廣場是同一間，大埔柬江雞� 雞很好味有大隻。我住在黃埔區經常一家人到黃埔店食飯因為黃埔區� 食肆很貴而大埔東江雞就很抵食，晚飯每人大約四五十元如果多� 人重抵食。總結平靚正！

紅磡有間同名的，唔知係咪一樣。鹽焗雞ok，但梅菜扣肉飯就好出色，入味、鬆化、入口即溶、唔膩，係我食過中最好既。

記得係我細細個岩岩搬入大埔時,呢間野已經好出名,我同屋企人就時不時黎食晚飯,佢既雞的確係特別有雞味,又滑又正,但係隨住時間流逝,發現佢既雞愈做愈差,而家同普通酒家既雞無咩分別。反而值舷一提既係?既下午飯盒,好多工友同麻甩佬去買,因為?係算叫做間舊式飯店,賣既飯盒又平又大又正宗,我細佬就次次都食晒成盒梅菜扣肉飯,扣肉唔太肥,唔會"章"住個口,梅菜夠入味,就算要減肥都忍唔住筍番件黎食。飯盒仲送野飲,廿幾蚊有大盒飯有包檸茶,平平地既決一餐但絕對唔係屈就!晚飯小菜既碟頭算大,不過好似幾多味精,味道稍濃。

D 雞好好味架。其他就係一般D 小炒。但都做得好好。呢到D 鹽焗雞其實唔係鹽焗，而係用鹽油水淋上D 雞度，所以D 雞仲好滑。呢間菜館好多人幫襯，因為抵食又好食。天氣涼仲有得打邊爐。