大埔東江雞酒家 (已結業)

昨天中午在此餐廳飯後，約1 點10 分於門外玻璃窗欣賞師傅斬雞。當時廚房內有3 人，但我們發現在裡邊兒洗手盆旁的師傅在每碟雞(整只)的雙腿都各取一塊放在另一個碟上，那只雞才交給侍應奉客。"一次不忠百次不用"、"見微知著"，我下次一定check 單！

雞係雞味濃﹐肉質都算唔錯﹐炒碟菜都爽脆有鑊氣﹐之但係點解次次o黎碟o野都大大力放上檯﹐砰砰聲o甘似唔耐煩多o的wor~?!如果人多o黎就最好啦﹐如果撞正人少又冇細檯就要搭檯﹐感覺唔多好。衛生方面仲有改善空間呀﹗

近期頗Heat的topic，唔多唔小都要多謝安信；但這裡的鹽焗雞亦算有情與義。最早幫襯這裡的鹽焗雞都算有十五年前，當時有個師傅住在附近，故每次到他家裡作客都奉上外賣鹽焗雞一隻以盡孝心，想當時好像是八十多塊錢一只，現在相同價錢只買得一半而矣；而現在所擁有的功力，不多不小就是由這道外賣鹽焗雞得來的，故這只鹽焗雞對筆者都算有情有義。是晚是到另外的一個朋友家中作客，見四處人山人海就拍板外賣這間名店的小菜；鹽焗雞是膽拖，菠蘿生炒骨、粟米班塊再多加兩個青炒素菜的腳已經足夠！鹽焗雞不需懷疑，吃了十多年的味道依然，不死咸及帶有雞味的已經是鍾愛之因，再加上兩只有個半巴掌大的雞腳，腍腍香香，比起整隻鹽焗雞不惶多讓，怪不得散買要十元四只了！其他菜式一般，若堂食現炒現賣相信味道會較好；另外贈送的菜乾湯亦真的不俗，老火夠味，自已亦連盡三大碗。點菜時阿姐細心教路怎樣用套餐價錢再加錢另加份量，這點絕對窩心，明白到不殺雞取卵的道理；另外這裡前後加起來都有五六個舖位，但仍然滿座，生意真的不錯，若假日堂食似乎都幾頭痛。

一班老友入左對我黎講老遠的大埔踢波難得相聚踢完當然要約埋一齊咬下飯一行九人黎到大埔東江雞酒家環境算ok 叫左幾味菜送下啤酒送下飯東江雞一隻焗鵝腸炸大腸炒芥蘭蒜容炒小白菜辣炒豬肉份量同味道都可以其實一班人旨在搵個地方舒舒服服咁吹下水呢度係唔錯的選擇重有第一次飲藍冰啤(BLUE ICE BEER) 12蚊一大支幾抵飲

和簡生帶仔仔去大埔火車博物館,順便試試這間出名東江雞. 我們五時半到,只有三幾張檯有客. order(1)菠蘿古魯肉,皮不夠脆,裏面Ｄ肉不夠熱,明顯一早炸定,有order才加汁翻煮,(2)粟米班塊,跟古魯肉差不多,(3)清炒菜芯.OK啦(4)鹽焗雞,本來叫半隻,我同落單阿姐講不用給我雞翼,頸,頭,尾等,阿姐話建議我要例牌,不給我這些部位就可以啦!WoW!真好服務, 雞真的幾嫩滑,咸味適中.我們走時已七點,整間餐廳巳坐滿人.其實元朗也有一間東江雞(跟這間無關係),都好好食,難忘佢個粟米班塊,全部落order才做,皮脆肉滑,超水準,雞也不錯, 但地點環境一般,在一條行仔裏,晚上等位都要等半小時.

因為我姨丈及阿姨是住在大埔，所以有一次由他們帶領下在此吃晚飯。這裏除了鹽焗雞是必點的菜式外，炸大腸及椒鹽鴨舌也是我非叫不可的菜式。

尋晚同屋企人去左東江雞食晚飯~d野食都ok~不過服務真係麻麻..明明間店得幾枱人我地三個人，佢都要我地搭枱仲要我地搭枱食煙o既..跟住佢地拎d碗碗碟碟o來明明係膠做o既，而且張枱有厚枱布都可以比佢地放落枱時放到呯呯聲真係好無奈law..不過如果真係要去食就一定要食鹽焗雞雖然我都算食東江雞食到大不過依然覺得好食!但係就要忍受下有大牌檔feel o既環境同服務質素喇~

有次入大埔食飯, 我點了出名的雞, 同小菜一碟, 其實雞我真係覺得好鹹, "鞋"口. 但偏偏我見一路食一路越黎越多客走入黎食, 其他小菜都ok, 衛生就麻麻. 大排檔咁o既feel, "立"次次又有小小油"林林", 地下好"冼".落order時我好有禮咁問下:唔該有無白飯跟埋? 估佢唔到, 佢好囂張咁話, "有~ 嗌咪有囉!" 我當時真係呆左幾秒, 心諗唔係咁囂下嘛.簡單咁答"無" 都可以丫....雖然做得出名o者.

7/5(日) 1:30pm放假決定入黎大埔睇下屋兼且遠離繁囂一陣子.1:30pm黎到此店,本想飲茶,但親眼睇住阿姐倒晒d點心!(仲做咩吾早d出聲,阿姐!我點知你地咁早已無茶市呢!)於是點左沙薑雞腳$10四隻及鹽焗雞飯$28碟.沙薑雞腳---size巨型而肥大!雞腳尚算入味!略嫌韌了點!鹽焗雞飯---份量不少!雞肉質纖細嫩滑!雞皮吾太多多餘脂肪,十分有雞味!飯富口感且有雞既咸香味!水準之作!環境方面較遜,地面不太清潔.但食物水準確實高!下次會再光顧試試其他小菜!recommended!

我細細由佢開檔我就開始食.以前真係好好味.但係...而家d 雞成日煮到好老..唔知佢係冇心機煮定係怕禽流感所以整耐d 定抑或佢驕傲呢?!!哈哈~總括我食左咁多次...我都會畀個笑佢既~

一家四口點了以下幾款東江雞米粉梅菜扣肉飯斑球魚湯飯蒜蓉炒時菜我們每次去必吃雞及扣肉飯因為都是很入味的今次只叫了扣肉飯,梅菜的汁滲入了飯裏面,好醒胃而東江雞米粉也不俗,湯滿了鮮雞味,米粉很彈口斑球很爽口,魚湯也很濃(比魚米家的好味)這家舖子常常都有人排隊買雞因為實在是名不虛傳好味~(只是有點咸)

大年初四, 下午去大埔東江雞食飯.叫半隻鹽焗雞, 正呀!一碟紅燒豆腐飯, 好soft 0既豆腐!再叫一碟最貴0既炒飯, 係福建炒飯!我三個人都食唔晒!有舞獅係門口採青!

雞飯$27 一碟，水準很高，雞味濃，雞肉又香又濃，用汁撈飯真係一流呀！

鹽焗雞出色，夠入味和滑。其他小菜亦見功夫，生炒骨皮脆肉脆，也是值得推介。

今天想吃些濃味的，在大埔自然想起東江雞梅菜扣肉飯。對上一次吃是過年前的事。環境比我印象中污蔑，地板冇人掃，抬布也有上手的殘留物。當然我是不介意的。二話不說叫了扣肉飯。5分鐘內上檯。飯多，汁少，扣肉有5、6件，梅菜壓在肉底下。不是切粒，是切段的。扣肉味濃，明顯地加了極多麵豉醬。肉身入口即溶，亦唔算膩。梅菜口感合格，不會硬時仍有爽口感覺。飯則沒甚麼好說的，大路質數。本來此飯水準不俗，我亦滿意，但在我吃到中段時口感很怪...梅菜有沙。以為這些是最基本的就不認真處理，就算味道再好也枉然，所以整個喊臉。由進舖到離開前後共20分鐘。埋單24圓冇加一，其實是很抵吃的。