大埔東江雞酒家 (已結業)

鹽焗雞對我呢個血壓偏高少食為妙.不過,這裏的雞真係入甜.撈飯食唔會太鹹....新唔新鮮唔知.如果係冰鮮厨師技術好勁....魚.....都正......鮮甜..好熱....湯同瀨好耐無出來...但湯老火..的料都溶左...瀨粉熱到要等陣先食到.食物...無得批評...但環境差...有垃圾,又唔執枱...二個人食左一百元...都平

晚上的東江雞, 係大埔成長的我, 真的是甚少去食 (除了買飯盒外, 真係好似未食過), 而我對東江雞既味道, 只是俊雞香, 同埋附近幾間酒樓冇位時, 才"是旦"樓下算咁飲茶. 今日入了大埔買野, 時正中午, 又陪著父母. 剛好夠人數飲茶啊. 係寶湖買完沿途行返入大埔墟, 一邊討論去邊飲茶好....大日子同東江雞便即時成為我既shortlist. 星期日的大埔墟, 人多多, 老爸又覺得大日子比較普通. 呁我們就抄小路而行, 經過停車場...直指東江雞.午市的東江雞, 一樣full house, 好不容易, 才有張檯, 搭檯食. 保持一貫舊式街坊酒樓風格, 收半塊檯布, 中間卷起一摺, 新檯布鋪半塊, 中間又卷起一摺....直至下一半檯人到才攤開成張檯布.....這就是傳統的搭檯, 河水不犯井水.....用檯布築起一條楚河漢界.飲茶啊, 當然先叫點心, 呢度點心自助式, 自己去點心部, 自己攞埋位, 再由點心姐仔或待應, 同你圈大、中、小點. 3個人食飯, 先叫下3個點心, 燒賣, 夠哂大粒, 不過味精重, 肉就夠鮮味既, 燒賣可以出一個產品合格證俾你.鳳爪, 是後來廚房出新點心時才攞的,

至少光顧四,五次,但總是提不起勁寫食評,都係時候寫返次.踫正國慶日活動,跟家人拉大隊係海濱公園玩完,有老有嫩,即刻打電話 book 位再飛"的"去,不用廿分鐘,大家已經可以排排坐等食.星期六晚餐時間有九成入座率,其實算不俗.花生雞腳湯 : 先上例湯潤一潤喉,用料足,火侯夠,而且份量不少,一人兩碗絕不成問題.東江雞(一隻) : 第一次食咁大隻雞腳,單睇件頭,至少三斤,雖然是一早斬好,然後用湯淋熱,雞味不俗,但與走地雞是尚有一段距離,好似食極都唔完,下次都係要半隻好了.粟米班塊 : 漿粉太厚,雖然炸得不錯,但漿粉竟然厚過魚塊,而且無乜魚味,實在有點離譜.三鮮骨髓 : 玻璃茨勁厚,簡直可以用黎當'漿糊'用,用料幾新鮮都無用,配料不外乎鮮魷,骨髓及鮮蝦等等.不過全部都係高膽固醇食物,仲要咁勁茨,對肥人講,真係奪命菜.老少平安 : 用魚肉,蝦米,豆腐搓揉成漿再蒸,一心諗住有老又有嫩,呢味菜應該大家都食到,點知魚骨清唔晒,食一口吐一口...........唉.味道幾好都無用,完成表達不出呢味菜既精髓.雙菇菜遠 : 仲諗住食菜健康 d,但玻璃茨唔駛錢,厚到唔識講,雙菇係冬菇同草菇,白菜仔舖底,平平無

去大埔廣埸個問, 9點幾買盒外賣飯,都冇咩客, 諗住都會好快, 點知盒飯等極都未出, 等好耐跟住有個女仔黎買外賣飯, 先知道d人先郁手炒野,真係火滾,三分鐘就整好嘅飯,要係門口等成25分鐘,大佬呀, 你一張單唔開爐出聲丫馬, 我過隔離買丫, d飯仲係油淋淋,吃了兩口已吃不下,服務質素跟價錢, 揾亞戊吃！

難得媽咪今日得閒, 而且我有時間, 我和祁生今晚就帶媽咪去其他地方食飯喇。上次係媽咪屋企附近食完熟食街市, 今次就帶佢出去大埔區食晚飯, 之前和祁生係群記食牛腩時見到呢間"大埔東江雞"幾多人幫襯, 好似唔錯咁樣, 今晚就決定試下。 東江雞例牌 $58 - 正, 雞肉好滑, 似用新鮮雞整唔肥, 雞件係預先切好, 客人落單時師傅再用熱雞湯不斷淋面, 令雞肉變暖又唔會令雞肉過熟面變"鞋"口", 好味。 炸大腸 $48 - 街坊食品, 炸得幾好, 而且腸內的肥膏都去走, 合格。 蒜蓉炒蕃薯遠 $38 - 好耐無食過蕃薯遠, 爽口, 好食過通菜好多。 滑蛋炒蝦仁 $48 - 出事.....呢個絕對食到師傅既功力, 個蛋炒過火, 勁老身, 蝦仁係雪蝦(玻璃蝦), 又係超難食.....。唔合格呀!!!!!!4個菜入面最好食係.....東江雞, 下次如果有機會會約多D人去食, 咁樣可以食多幾味先知道佢既小炒係真得定係唔得。哈~~~

吃過了牛腩後，來到只消走幾步路的飯店吃雞，此店子最有名的就是吃雞，現今時日，要吃好吃鮮美的雞，難！來到是大把吉枱的，被侍應安排坐下一張大枱，和女友二人當然是坐得舒服，雖然地方看來不是太潔淨，但也是可以接受的，而且冷氣夠，在天時暑熱的日子就爽了。一心也是要吃雞，見其他人有些點點心，有些也是吃碟頭的鹽焗雞飯，而我和女友二人，有我這大胃王在，也點了半隻鹽焗雞，另加一碟油菜及一碗白飯，很清簡的組合，真的是只為了雞而來。雞是事先以鹽焗好了的，然後師傅再在食客落單後，再以鹽味雞湯替雞加溫，而不久後，也有得吃了，七十數元半隻雞，想不到是大大隻的，在新界吃東西，真是比市區便宜﹝除了剛才那碗爽腩外﹞，有半隻雞，也當然可以試勻胸、背、翼及脾，雞脾肉當然是又大又嫩又好吃，肉質細滑而有咬口；雞翼的肉更是滑得要命；至於雞背，也是薄薄的一片而鮮美；最難得的是雞胸肉也完全不嚡不韌，真的是吃得我拍手掌。另外更感動的是以上的每一個部位，吃起來也是有豐富的雞味，真的是久違了的味道，雞皮是有黃油色的光澤，吃起來也是豐腴美味，也可能是此雞太過肥美吧，所以皮下脂肪是偏多的，很多香港人也可能會嫌它過肥吧，但小心一點移除脂肪﹝不是

招牌菜是鹽焗雞，要$78元半隻。我們買了半隻，原以為很快便可離開，誰知那年青的師傅不停用兩種汁料"淋"那碟雞，態度認真。好一會兒，那盒雞終於到手，還熱氣騰騰的，真想一手便拿雞脾出來品嘗！回家後仍有微溫，沒有待飯熟便分享了。太太說這應是本地大種雞，半隻份量已很足夠。這雞的賣點不是在嫩滑而在新鮮，在它身上找不到冰鮮雞的雪味，肉質有層次感…再加上適當的調味，不是一味靠鹹…值得一試！

今日同一班好朋友黎東江雞食飯..我地叫左6個小菜...全部都幾好食...服務都唔錯.....唯一要挑剔係魚香茄子煲咸左少少..要佐白飯先食得哂..但係果D肉碎整得好正....如果少D鹽就PERFECT喇~~

很多時只是外賣一盒鹽焗雞飯回家作晚餐，是晚終於和朋友一起吃晚飯。五人點了五款小菜：招牌鹽焗雞半隻：鹽焗雞當然係首選，夠嫰滑，不過咸，加上沙薑醬，一流京都骨：夠酸，其實係豬扒，略肥，味道還可以！沙爹金菇肥牛煲：唔得，啲粉絲好碎，味道又唔得！蒜蓉炒菜芯：炒得清甜喇！炸鯪魚球：上檯時熱辣辣，脹卜卜，點知灘咗一陣，縮晒水，味道都OK！唔好講服務，除咗點菜、上菜有伙記出現過後，啲人都唔知去晒邊，啲茶飲到乾晒塘都冇人加水！合共$297，好抵食，最抵莫過於其中一人從威尼斯人帶了晚飯錢嚟找數！

叫左個外賣雞飯一打開係胸配雞翼, 胸不鞋, 但翼不滑沙薑似乎下得太多, 很咸.....都會再買黎食既, 因為附近冇咩野外賣好食不過一定要叫佢沙薑另上/ 輕手d, 會好食d< 如果要食東江雞, 不妨去元朗東江試下d 雞滑好多香好多, 仲有辣汁, 比起大埔呢間好食好多!! >

媽咪好鍾意食呢度d 鹽焗雞,佢話好香次次食完都好滋味,所以間唔中就要幫襯,今日陪媽咪食午飯揀了半隻雞($78)和椒鹽九肚魚($44)鹽焗雞:依然咁香幾嫩滑,配白飯一流,雖然食完會變肥但一次半次啫椒鹽九肚魚:熱辣辣唔油,炸得剛剛好九肚魚仲好滑其實鹽焗雞係幾油,但因為佢整得好香,所以覺得好食,埋單$134都算經濟抵食

鹽焗雞：佢話d 雞係黎自本地農場，並非冰鮮，但個人認為都係唔夠雞味、過鹹，果日食果隻d 雞肉係"鞋" gei...西蘭花炒鮮魷：呢個唔錯，兩種食材都好爽魚香茄子煲：真係好香~ 不過太油喇例湯：大大碗，味道都 OK呢度d 嬸嬸成日都唔記得野.... 可能佢地太忙喇....最搞笑係.... 佢地好忙，等極都等唔到佢地過黎 serve，所以咪自己去拎d 醬料囉，點知比其中一個嬸嬸見到，仲鬧番我地轉頭，話我地唔可以擅自拎野............. T_T"d 冷氣好勁，雖然果度有披肩供應，但可能唔衛生，所以都係記住帶多件衫好d

上個月同同事食過佢d雞真係值得推介有雞味,夠滑!不過唔係我比錢...唔多清楚價錢但見佢d雞脾飯都係三十幾蚊碟,我覺得都合理正呀!

來東江雞多是早市和晚飯，印象中午市好像只來過一或兩次，所以不太記得好食與否。昨日，一行 5 人來這裡午飯。時為約下午 2 時，點心檔已沒有甚麼點心供應，只餘雞扎、蝦餃、燒賣、金錢肚、叉燒包、鳳爪、排骨、鮮竹卷、燒腩卷、大包和馬拉糕。與妹妹看了一會，取了叉燒包、蝦餃和排骨。跟著再點了豆腐斑腩飯、梅菜蒸魚飯、雪菜肉絲妏米和著名的鹽焗雞腳 ( 4 隻)。叉燒包︰ 2 個，叉燒餡偏甜，包身鬆軟，幾好。排骨︰冇芋頭墊底，冇雪藏味，但排骨偏肥。蝦餃︰賣相奇差，蝦餃爆口的，皮不夠薄。豆腐斑腩飯︰茨汁過燶，飯少餸多，斑腩挺鹹。梅菜蒸魚飯︰本應是最穩陣的，可是太多油，不過墊底的豆腐嫰滑可口。雪菜肉絲炆米︰最有驚喜，沒有炆到水汪汪，配料十足，只是都係偏鹹。鹽焗雞腳︰上枱唔夠熱已經要扣分，雞腳更是不入味，大失水準，埋單 $150，不收加一，茶錢又便宜，其實算是抵吃。

今晚去買了一盒鹽焗雞飯，售價已經由$27去到$31，以前買飯會送飲品或例湯，依家就只跟例湯，轉罐裝飲品的話，再加$2！鹽焗雞依舊嫰滑，雞味亦重，再配上沙薑，撈飯一絕；是晚例湯係葛煲雞腳湯，湯頗咸，但湯渣(雞腳)頗多。