大喜屋

营业中

休息中

大喜屋沙田沙田正街21-27號沙田廣場1樓33-35,44-46號舖其實已經好耐無食過放題，但見今日放假所以預早book左位同屋企人黎沙田呢間<大喜屋>試一試，我地11:50黎到已經見到門口大排長龍等入座，真係好誇張，唔知仲以為今日係紅日假期但事實只係閒日既星期一職員好快安排左我地入座，坐低左之後當然係即刻落單啦，餐廳用QR 落單真係好方便又環保，meun主要分左幾個範疇，分別係 刺身，壽司，軍艦，手卷，燒物，炸物同埋熱食主食。。而我地當然唔客氣咩都叫D啦除左落單既食物之外，餐廳仲有個自取區域都好豐富架，飲品方面除左有4個大雪櫃擺放左各式各樣既汽水同茶類之外，仲有果汁同埋日本清酒可以自己斟，而食物方面就有幾款小菜，炸物同埋沙律區，都幾吸引架一直期待的刺身拼盤終於嚟啦，第一轉我地叫左三文魚，八爪魚，赤貝，帶子，北寄貝，螺片，仿鮑片，象拔蚌同埋赤蝦，望見都覺得好新鮮，而餐廳每盤刺身都會用冰底墊住，以保持刺身既質素，值得一讚除左刺身壽司之外，餐廳仲有好多熱盤都好吸引，而且呢到仲可以由中午12點食到3點唔會趕人走，平日放假悠悠閒閒咁同親朋戚友黎食個放題lunch就岩晒

Japanese Cuisine❤️ All You Can Eat 🍣🍱🥟🍤🍢🍶🥢💫..每隔一排，就會心思思想食個日式放題🍣🥢。今次趁住午市有時間，就約左同樣鐘意食日本野既👯‍♂️，來吃個Lunch All You Can Eat，真係好抵食啊啊啊。午市放題由12noon起入座，可以食到3pm，3個鐘放題時間，真係時間好充裕而且可以慢慢吃。整體食物質素都很不錯❤️。壽司、刺身、炸物、天婦羅、燒物、小菜、沙律、前菜、飲品，選擇類型十分多，多到試唔勻呢。而且用QR 落單📲方便之餘，上菜速度亦十分迅速。刺身 (三文魚腩、帶子、象拔蚌、油甘魚、牡丹蝦) 新鮮有光澤而肥美；壽司🍣 選擇類型多元化，當中亦不乏創作壽司呢。其中炙燒左口魚壽司亦係我至愛，款款都好吸引。串燒、炸物、燒物、天婦羅、熟食，調味質素都相當不錯。榴槤炸彈、香芋波波，都係切吃💕，榴槤炸熱好有榴槤香💛。中菜：鮑魚生菜、花膠扒蔬菜、炒脆鱔，都好好味啊。半自助Bar 仲有不少食物可以自選，飲品同樣選擇多，當中仲有熱飲品櫃，熱朱古力🖤 都十分吸引😍。雪糕都多款式呢。一餐十分滿足既放題，質素真係好好，而且價錢好抵食啊啊啊🥳。..×××××ש沙

呢度午市放題經濟抵食，而且食物多種類12點入座可以食到3點，3個鐘真係可以食到夠本。用QR code落單非常方便，立即叫刺身壽司。叫咗三文魚、甜蝦、八爪魚、油甘魚、帶子、象拔蚌、北寄貝。呢度啲刺身全部都好新鮮，有驚喜！三文魚肥美、甜蝦大隻又夠甜、帶子亦都好鮮味、象拔蚌北寄貝非常爽口。除咗刺身仲叫咗唔同嘅壽司。佢呢度有啲創作壽司，最鍾意係海膽山，有紫菜包住食相當唔錯！鵝肝帶子壽司都好好食😋仲有左口魚、鰻魚壽司都好食！佢熟食亦都非常之多選擇，叫咗炸物、炸天婦羅。叫咗鮑魚生菜🥬。雞軟骨串燒都幾有咬口。榴槤炸彈好香榴槤味。仲有花膠都算OK。最後當然唔少得食甜品，我鍾意食雪糕，食咗條雪條好味道！

大喜屋雖然午餐好多人食，但係上菜非常快，落咗單嘅嘢食都嚟齊 👍🏻👍🏻👍🏻服務員非常多人手足夠🥰 壽司嘅款式也非常多🤩，就算唔食魚生嘅都有好多其他選擇！  啲壽司好有創意非常特別，例如有鰻魚忌廉芝士卷😋， 芒果吉利芝士卷等等！ 仲有鮑魚壽司 ,壽司有瓜， 估唔到食落都好夾👍🏻 朋友就好鍾意食嗰個榴槤炸彈，皮薄又脆 ，真係有榴槤肉嘅 ，  而且係流心🥰  連隔離枱都聞到話好香好想試🥰😋 除此之外魚生嘅款式都有好多，  另外肉類仲有雞翼，估唔到仲有羊架添， 非常香🤩🤩🤩 甜品種類繁多🍰， 有糯米糍，瑞士卷，cheesecake ，  brownie 同布甸， 都唔會太甜 ，幾好食！ 🥰

朋友話想食日式放題所以就一齊嚟咗大喜屋食放題，因為我哋貪方便，唔使自己燒🤣估唔到lunch time咁多人嚟食幾乎係滿座！ 呢度嘅海鮮類非常多例如有 咖哩炒蟹！ 而且海鮮又新鮮！  特別係魚類有比目魚同大大塊鰻魚, 非常厚身，又少骨！😋😋😋 另外呢度都有幾款蔬菜可以食🥬🥦，  有翠玉瓜🥒, 豆，仲蠔皇鮑魚時菜🥰， 真係有鮑魚嘅，雖然係細細粒粒，但係唔會煮得過硬👍🏻 有沖繩海鹽雪糕🍦，雪糕糯米糍， 雀巢雪糕， 榴槤雪條等等， 實有一樣啱大家食！ 食到我同朋友都好飽🥰🥰🥰 呢度食嘢嘅時間非常充足， 食到三點，  可以同朋友一邊傾計呀啲慢慢食👍🏻

呢間放題午市超多人，就算bk左位都要預啲時間等入位睇下有咩食先！基本野都齊架喇叫左一大盤魚生，種類同新鮮程度都幾令人滿意，特別係三文魚、甜蝦同赤蝦，好鮮甜，唔會太硬或有雪藏味特色壽司都幾多，我特別鐘意呢兩款——花之戀同海膽山，每件一小口，滿足到口腹之慾之餘，又唔怕太飽食唔到其他野 串燒推介燒菠蘿、燒翠玉瓜、羊架同牛舌另外呢間好特別既係會有花膠同魚鱔煲！幾滿意個花膠，好滑溜溜又充滿骨膠原既感覺，我地encore左幾次！

週日約媽咪食lunch，佢鍾意食刺身同埋日本料理，咁我覺得食放題就最啱啦！一個價錢可以開開心心咁任食任飲，午市放題有3小時，可以輕輕鬆鬆傾吓計慢慢嘆。沙田廣場客人很多，排隊大約10分鐘就可以入座，卡位坐得舒服，空間夠大，抗疫衛生設施足夠。自助吧，小食、甜品、餐飲應有盡有，大家都非常熱情，我就攞咗啲沙律、前菜、小食非常開胃。手機自助 scan code 落單，輕輕鬆鬆等嘢食，又唔怕會漏單，訂單情況同埋餐牌都一目了然。刺身媽咪第一時間 order 要食刺身，欣賞這裏出菜很快，店員手腳快手，落咗單都唔夠10分鐘就有得食。擺盤靚，加上乾冰，煙霧離漫的效果食得特別暢快。油甘魚肥美圓潤、劍魚腩刺身油脂豐富、味道鮮甜。希靈魚是媽咪最愛，口感夠爽脆清甜。象拔蚌、赤蝦好大隻，新鮮冇腥味。最後仲有帶子，入口軟滑，全部都好味到不得了。創作料理、壽司好似去咗居酒屋咁，創作料理、壽司質素很高，我最推介海膽山、濃郁鮮甜口感豐富。其次就係喜之戀，食落有層次。天婦羅皇帝蟹棒天婦羅、虎蝦天婦羅，真材實料啖啖肉，炸粉薄餡靚，食過返尋味。炸物每次都要食芝麻雞翼同埋榴槤炸彈，媽咪大贊榴槤飄香，芝麻雞翼炸得皮脆肉滑又多汁，好味

大喜屋呢個名稱相同各位一啲都唔陌生，而小妹當年第一次食日式放題都係大喜屋（尖沙咀分店）已經差不多係十年前既時候，而佢地其他分店小妹都已經全部都食過，而今次去呢間係沙田分店，入到去係驚喜既，因為呢間分店既座位同面積係比同他大喜屋分店大同新，樓底夠高冇焗促感，好啦講返啲食物質素，一如既往既水準，但略嫌食物嘅種類比以前少左，小妹最鍾意既芝士年糕竟然冇咗😭😭😭希望店主加返落個list 度，而其他既食物都一般放題應該有既質素，而每間分店其實都唔同感覺，所以大家都可以不防試試

『大喜屋』已成為朋友中食放題的名牌，食嘅嘢好多元化，食物質數高，絕對係性價比第一高的放題選擇。呢日朋友約我到沙田的大喜屋，不來不知道，一來嚇一跳，咁多人嘅，好彩朋友已book咗檯，條龍短D，walk in 條龍就好長吖。來咗两轉刺身拼盤，有三文魚，带子，螺肉，赤蝦，甜蝦，赤蝦，油甘魚，北寄貝，赤貝……新鮮味甜，而赤蝦，甜蝦，螺肉两轉都嗌到。燒牛舌，帆立貝，燒鰻魚亦係我哋至愛，而榴槤波波及芋頭波外層香脆，内裡柔軟亦係我哋的選擇，燒菠蘿係我至愛，好juice，轉轉都叫到。鵝肝帶子壽司，炒蜆好滋味。飲品數量極多，有冷，熱茶，咖啡，盒裝冷泡茶，清酒，梅酒都可任飲真係冇得頂，雪糕，甜筒多多選擇，連乳酪都有真係少見。

今日難得一日入到沙田搵吓有啲咩食，咁啱有幾樣野都好想食就去咗食放題 揀左大喜屋午市價錢一定平過晚市 所以幾抵食入到去坐低 2個人都係坐4人枱 坐得闊落夠舒服 呢度係咪QR code落單比劃紙仔實在好太多 又唔會漏單揀左三文魚 劍魚 油甘魚 蝦 象拔蚌 睇樣都見到算新鮮 尤其魚生係厚切 呢樣要讚 魚生都食左2轉燒身 炸身 西京燒都唔錯 魚有油香羊架就正常炸物食左雞翼 蠔 個蠔有驚喜鍋物都唔錯 食得太多刺身要返d熱野除咗罐裝 支裝飲品之外仲有果汁清酒梅酒當然唔少得甜品同雪糕

大喜屋沙田沙田正街21-27號沙田廣場1樓33-35,44-46號舖今日去了沙田大喜屋食返個放題午餐，難竹7放假，梗係要好好食餐勁啦。估唔到沙田呢間大喜屋咁旺場，我諗住早30分鐘去walk in實穩陣，點知都要排隊，睇來大家收到消費劵都想食餐好。入到座，用QR code點餐夠方便，起碼唔駛次次拎完筆又要再清潔雙手，呢點抵讚。可以食的野都夠多，我第一時間就點返幾客刺身同壽司啦，刺身唔薄，呢點值得欣賞。另外，我都點左一D熱食，羊架、牛柳粒同雞軟骨夠味，可以試試。當然，點少得個甜品吧呀，甜品選擇幾多，夠多款。

難得閑日放假，可以在冇咁多人嘅情況去行新城市，行行吓行了過去沙田廣場，時間剛好是午餐時間，見到呢間食自助午餐嘅地方已經有人排隊，當然要去望望，餐廳超級大間，內裡座位闊落，最緊要又係一個價錢任食放題！座位安排後，用手機落單，選單內樣樣都好啱食，而出面個自助吧有不同冷熱盤選擇，有脆口嘅春卷、麥樂雞、腸仔、螺肉、泡菜、中華沙律等小食，而飲品就可以在飲品櫃內自己選擇，還有冷有熱，除此之外還有清酒可選，午餐時段都可以暢飲一番😘，當然主打就係電子菜單嘅食物，落單後好快店員就出菜，個刺身拼盤份量足，樣樣都點少少，赤貝彈牙爽口，正！不得不提創作壽司亦十分好味，個人推介海膽山，雖然唔係啲北海道馬糞海膽，但質素都唔錯，哩個價錢可以有海膽食到，絕對超值！而燒物方面都有好多選擇，例如比目魚西京燒，燒得剛好皮脆肉嫩；而蒲燒鰻魚都十分肥美好味，叫多幾件都差不多回本😜！燒溫室菠蘿夠晒肉汁甘甜！另外炸物就有最喜愛嘅榴槤炸蛋，外脆內軟，榴槤味道濃郁，正！當然其他食物都十分出色，個人另一推介就係蟹粥，夠晒真材實料，半隻蟹在粥底內，味道鮮甜！最緊要午餐時段係3小時任食，所以座下不久整個餐廳嘅座位都差不多已滿！最後當然要食埋

又係食日式放題嘅時候喇，不過今次就食LUNCH時段，因為價錢會更加抵食，$198可以食足3小時，保證食到你飽到嘔😜呢到地方超級大，夠晒寬闊，唔會櫈對櫈咁樣座到大家好逼好難郁咁😁呢到用手機掃QR CODE落單，介面簡單易用，甚至再落ORDER嘅時候，會顯示埋嗰款食物之前已經落過單，咁就唔使驚唔記得食過未啦😉落完單後就行出去出面自助區睇下同拎D小食食下先，呢到嘅自助區仲要係超級多元化，勁多野拎🤩沙律及小食甜品區凍嘅同埋暖嘅飲品都有，好多種類可以揀橙汁、什果賓治、凍豆漿清酒同梅酒亦都有得任飲樣樣都飲下😜記得唔好浪費日式炸物、仲有其他小菜可以夾，例如蒜蓉炒四季豆，瑤柱汁扒豆腐等熱食連軟糖都有得夾，真係估佢唔到😛上菜都幾快，先送上刺身，FIRST ROUND當然樣樣都點晒先啦，選擇好多，有三文魚、油甘魚、劍魚腩、希露魚、八爪魚、赤貝、帶子、北寄貝、螺片、仿鮑片、象拔蚌、赤蝦、甜蝦，點幾多黎足幾多，大大盤刺身有冰鎮住，食落鮮甜肥美🤤吉品花膠盛宴：放題都有花膠食，質素仲要唔差，大大塊幾有口感😉海膽山、喜之戀：呢到D特色壽司又整得幾用心，賣相精緻，而且整得細細件，咁就唔會食幾件壽司就好容易飽肚食唔落其

朋友仔話想食放題，俾我地發掘到沙田這間大喜屋有午市放題，午市時段12:00 noon-3:00pm 食足三個鐘只需$198，滿心期待約埋一齊食午市放題。沙田大喜屋座位闊落，用餐舒適。用QR code落單方便快捷。我們點了魚生：三文魚、油金魚、劍魚腩、希靈魚、八爪魚、赤貝、帶子，北寄貝、螺片、象拔蚌、赤蝦同甜蝦。擺盤美美的，上枱時有乾冰仲有煙出，刺身厚切鮮甜。黃金燒帆立貝，芝麻雞翼香噴噴熱辣辣，十分香口。蠔皇鮑魚時疏一份有幾粒鮑魚，岩晒過口癮。壽司細細粒，啱晒放題食，可以每款壽司都嘗試到。最愛柚子汁燒胡椒左口魚，油分相宜可口，大推介。燒菠蘿、串燒蝦、一口番薯、蝦天婦羅，小朋友最愛。燒菠蘿十分Juicy！飲品種類繁多，除雪櫃各類汽水涼茶啤酒外，仍設有熱咖啡熱茶，仲有凍熱清酒，感覺去了酒店自助餐般。甜品亦多不勝數，推薦熱椰汁海燕窩，椰香奶味重，熱㷫㷫，飲完個人暖立立。雪糕多到吃不完，選了脆皮朱古力雪糕，內有朱古力脆脆，十分高級。大喜屋午市放題實在大滿足，滿足到晚飯都不用吃，下次會再來。