大喜屋

营业中

休息中

已有一段時間沒寫食評了，早前來到沙田大喜屋，覺得水準高，選擇又多，故不得不留下筆跡。到達時還以為是假期。這天是閒日Lunch，雖然已訂座，但門外已大排長龍，店內不足半小時已全院滿座了。除了以手機點餐，餐廳內有自助區，可自行選喜歡的食物及飲品。自助區的小食選擇亦多，基本的中華沙律，螺肉等都齊全，還有炸物，湯等供應。飲品方面，除了有一個大冰箱有不同的汽水外，亦設果汁及Sake專區。一般放題僅提供一種Sake，但這裡就，有二款選擇，呷了口熱飲的上撰松竹梅，非常易入口，散發出淡淡酒香，和壽司很匹配。先點了一堆刺身，刺身盤很有心思，中間放了乾冰，來到時，霧着煙，賣相相當不錯。每件刺身都非常新鮮，沒有殘留雪味，甜蝦刺身大大隻，非常鮮甜，而赤貝色澤紅潤，亦夠彈牙。值得一提是油甘魚，每塊都好厚切，紋理清晰，食落柔軟帶輕輕油份，實在一讚。壽司方面，小妹就較喜歡點熟食壽司。柚子胡椒汁燒左口魚食落油份滿溢，Juicy可口，食過番尋味，不停Encore!海膽山完全沒有腥味，加上紫菜亦尚脆，喜歡海膽的朋友必點。鹽燒牛舌亦是值得推介之一，來到時亦還熱，燒得剛剛好，肉質彈牙，帶微鹹。蒜香牛柳粒肉粒軟棉，夾着蒜香一併

今朝去完沙田行街，諗緊食咩嘅時候，就比我見到大喜屋，大家都餓到一個點，食放題都係一個唔錯嘅選擇呢間大喜屋好大，外邊有自助吧，沙律、冷盤、熱食、蛋糕、甜品、雪糕、飲品、熱飲、咖啡都有齊，仲有得夾糖添，小朋友至愛佢地個格格脆薯好好味，一路有熱爐烘住，又熱又脆飲品有芒果汁、荔枝烏龍同埋鹹柑桔可能我好耐冇食過，而家仲好環保，唔需要用紙落單，scan QR code就可以，冇漏單之餘，食物上台都好快刺身好新鮮，件件都好大件肥美，d蝦真係好正，鮮甜爽口，仲有螺片、帶子、赤貝仲有海膽壽司，芥辣八爪魚軍艦，芒果炸蝦卷等等，即叫即包，啲紫菜仲脆卜卜架特別推介芝麻雞翼，炸得香脆，仲好Juicy西京燒，鰻魚，燒翠玉瓜，燒菠蘿，最後記得食埋蛋糕同埋雪糕，再飲杯咖啡或者熱茶，飽哂

今日特登收早，約咗為為食同事一同到沙田吃放題，以前同事都吃過大喜屋，見網上好評這麼多，於是大家便來吃個豐富午餐，好好傾談一下。食物的選擇好多，更有自助吧，可以自取餐前小食、沙律、熱食、冷熱飲品任取，真係未食先飽，我取了枝豆、螺肉、中華沙律。質素不錯。讓我們更期待主菜。刺身我們點了三文魚、帆立貝、榮螺、仿鮑片等等，肉質鮮美，刺身很新鮮！而且用冰粒墊著，讓我們更放心進食🙏😊有各式各樣的壽司選擇，圖中的花之戀質素高，三文魚夠肥美我們也點了不少熱食，有蒜蓉炒牛柳粒、雞軟骨、咖哩炒蟹、鮑魚生菜😋雞軟骨熱辣辣，配上檸檬汁，好開胃。咖喱炒蟹是原隻蟹上的，有誠意，啖啖肉蒜蓉炒牛柳粒牛柳粒有牛味，有鑊氣，店家在熱食方面也下了不少功夫，配上蒜片，吃起來很惹味✅大大粒鮑魚配生菜，正呀！鮑魚很入味甜品甜品的選擇豐富，有燉蛋、拉動、麻薯、瑞士卷仔、迷你豆腐花等等，讓我們都花多眼亂！真是老少咸宜，想不到在這裏遇上我的童年最愛———可樂軟糖

好耐無食放題啦！好友揀左大喜屋沙田分店。LUNCH TIME接近全場滿座，座位闊落都坐得幾舒服，值得一讚上菜同收碟速度快，落單之後好快就有。可以用QR CODE落單，亦設自助區，有多款熟食、小食、湯品、飲品等等。刺身揀左好幾款，一大盤上枱好吸引，推介油甘魚口感細滑，魚味鮮甜；北寄貝脆嫩多汁夠肥厚。壽司推介火灸鰻魚，口感滑溜軟綿。炸物都有多選擇，推介紫心香芋丸，炸至金黃色脹卜卜，香芋味道濃郁；吉列牛乳炸鮮奶，口感外酥脆內軟嫩。天婦羅炸粉唔會過厚，食落香酥鬆脆，配埋鹹甜適中和風醬汁，可減油膩感。燒物推介香草燒羊鞍，肉質柔嫩無羶腥味；鹽燒鯖魚外酥內軟啖啖肉好正。另外試左薑蔥爆鱔球，魚肉肥美，醬汁惹味，唔錯。LUNCH可以食足三個鐘，時間好充足，食物選擇又多，會再黎食!

難得平日放假，約埋屋企人去食大喜屋放題。餐廳位於沙田廣場1樓，環境寬敞，卡位夠寬落，坐得舒適唔會覺得迫。食物選擇種類好多，有齊刺身、創作壽司、火灸壽司、手卷、天婦羅、炸物、串燒、燒物、一品料理、煮物，仲有自助區，有各式小食、沙律、湯品、飲品、甜品、雪糕等。欣賞大喜屋以掃QR CODE落單，比起用紙張更為環保又方便!放題必點刺身，質素唔錯，特別推薦象拔蚌，鮮嫩爽脆、螺片甘甜鮮美，口感Q彈。叫左幾款創作壽司，都幾有驚喜，海膽山滑膩爽口帶點甘甜、池魚王肉質細緻爽口帶油份。炸物款款都好出色，炸得剛剛好，炸粉又唔會過厚～吉列蠔脆卜卜，外層酥化，咬開鮮甜多汁、芝麻雞翼芝麻味特別香濃惹味，食落好脆口但又唔會好油、紫心香芋丸滿滿芋頭蓉，外皮夠煙韌。天婦羅都叫左好幾款試，外層炸粉酥脆輕盈唔會過膩，特別推薦炸蝦，外脆內鮮甜。一品料理、鍋物等又係好多選擇，試左吉品花膠盛宴，大大塊花膠好爽滑、蒜香牛柳粒，金黃香脆蒜片蒜香十足，牛柳粒軟腍又惹味～甜品有Brownie、泡芙、卷物、乳酪等，各款甜度適中，唔會過甜，唔錯~飲品除左一般汽水、紙包飲品、茶，仲有咖啡、清酒等提供，選擇頗多。

應承咗麻甩老死請佢食飯，一於請佢食放題，放題吃過不多，我都會揀返大牌子——大喜屋😆，知佢咩料啦🤣🤣基本的沙律吧是有的，還有調味小食，例如中華沙律、八爪魚也好啱我心水👍🏼有少量熟食、炸物、雪糕和冷熱飲品等等💞都好多選擇，總有一樣啱心水😚自選前菜刺身擺盤好靚呀，影相一流！刺身肥美又大大件，三文魚的魚油香在口中爆發，好滋味。另外還點了榮螺、仿鮑片等等，均不錯👍🏼海膽山放題有海膽，當然一叫😚海膽一片放在少少壽司上，這裏的壽司份量都是迷你的，可以讓我試試其他菜式。（太心急，冇影到相）火炙岩鹽燒左口魚邊左口魚熔岩燃燒後，有微微的鹽香味，加上魚油滲入飯粒之中，整件壽司都令人回味。蒲燒鰻魚平時吃一件鰻魚都要數十元，我當然要來一客串燒鰻魚，鰻魚面焦焦香香，有口感🤤吉品炆花膠盛宴女士要點花膠來補補身，花膠軟綿綿，炆得很入味，加上底下有生菜，感覺更健康又滋補。豉椒炒蜆炒蜆的鑊氣夠，蜆肉肉質嫩滑💕，不錯。仲有甜品，喜歡這裏的雪糕、雪條，還有燉蛋、牛奶凍、布朗尼等等，各式各樣，任君選擇。

應承左個小朋友成績有進步就帶佢去食日式放題，今日見佢放假唔使返學就還佢心願，去到食店都見好多食客原來除左日式放題，還有午市定食可選擇，坐低左之後發覺冇食物紙俾人畫單入飛，問待應原來呢度係用QR  Code入單當等緊食物期間，我哋就去左自助吧攞飲品和一d熟食醫吓肚先，飲品都係汽水啤酒、清酒和冷熱飲之類，食物有：炸薯格、春卷、咖喱魚蛋豬皮蘿白、沙律、麵豉湯、生果、甜品和雪糕雪條炸薯格、春卷：咬落都幾脆，味道幾好咖喱魚蛋豬皮蘿白：咖喱幾惹味，豬皮蘿白幾腍剌身拼盤都幾多種類：有三文魚、劍魚腩、油甘魚、八爪魚、赤蝦、赤貝、希靈魚、帶子、北寄貝、螺片、甜蝦、仿鮑片，不過今日就冇赤蝦和劍魚腩，仿鮑片幾爽囗，螺片和北寄貝都新鮮，三文魚和油甘魚切得又厚又大件，入囗肥美甘香，八爪魚和赤貝爽囗彈牙，帶子和甜蝦鮮甜美味，但size就細左d天婦羅：皇帝蟹棒、虎蝦、溫室南瓜、甜蕃薯仔，不過不失炸物：比天婦羅好，尤其是芝蔴雞翼，外脆肉嫩juicy，榴槤炸彈、紫心香芋丸和吉烈牛乳炸鮮奶，味道都好正鹽燒鯖魚和比目魚西京燒：皮脆香囗，肉質嫩滑，油脂豐富香草燒羊鞍：大大件，羊味濃，肉質少少粉黃金燒帆立貝：味濃，帆立貝入口彈

今日放假有時間就和媽媽去食個日式午市放題先未夠鐘開始就過去攞定位先等開始就可第一時間即刻入去，慢慢食返佢幾個鐘因為午市放題時段係12：00-3：00，入到去坐低都見好多嘢選擇，而且有個自助區都好多嘢食，有熟食、炸物、沙律、甜品，飲品區有：汽水、啤酒、梅酒、清酒、咖啡和茶剌身拼盤：有三文魚、油甘魚、八爪魚、赤貝、希靈魚、帶子、北寄貝、螺片、甜蝦、仿鮑片，三文魚和油甘魚切得好厚好大件，入囗肥美八爪魚和赤貝爽囗彈牙，帶子和甜蝦鮮甜美味鹽燒鯖魚：皮脆香囗，肉質嫩滑比目魚西京燒：魚肉油脂豐富，魚皮甘香美味香草燒羊鞍：啖啖肉，入囗好香羊味黃金燒帆立貝：好濃芝士味，肉質彈牙天婦羅和炸物都係即叫即炸天婦羅：有皇帝蟹棒、溫室南瓜、虎蝦和甜蕃薯仔，樣樣都好好味，唯一係有d炸漿厚左d炸物：吉烈蠔，大大隻，脆咯咯，芝麻雞翼，皮脆肉嫩，榴槤炸彈、紫心香芋丸和吉烈牛乳炸鮮奶，外面脆裏面好creamy軟滑今餐真係食得好飽，下次再試埋其他未試嘅食物

母親節去咗大喜屋！原因只有一個，老媽子話中意大喜屋放題！上年去尖沙咀大喜屋，兩間比較之下，我更中意沙田大喜屋，最主要原因係沙田分店更闊落，我身形胖胖嘛！食放題我經常先試試D熱食，如果熱食唔錯，相信其他出品唔會差太遠.今次嘅熱食係豬手同四季豆，重有好少係熱食中出現嘅牛柏葉，我只係試過豬手同牛栢葉，豬手夠諗，牛栢葉入口夠嫩，合格.其中有幾款食品特別深刻：1, 羊架燒得過火咗少少，但仍算juicy.2, 燒鱔片足料，厚切，入口即溶，掂！3, 蒜片牛過哂火，牛肉味無哂而且肉韌，唔合格.4, 最正係芝麻雞翼，外脆肉嫩juicy，甚至有台灣地道嘅炸雞風味！推介！最後，祝老媽子日日開開心心！

同成班朋友梗係要食放題啦好耐冇嚟過沙田呢間大喜屋我記得啱啱開張嗰陣時又嚟過一次今次係我二次嚟出面就有薯格、薯條、中華沙律等等任攞而家變得好先進直接可以用QR code落單我覺得啲嘢食好似反而少咗不過都夠食既刺身三文魚🍣都頗新鮮侍應收碟嘅速度都好快幾乎每5分鐘都有人來到收碟希望可以再增加多d選擇

數一數手指，原來生完囡囡之後已經有五年多冇食過日式放題。今日約咗舊同事一齊晚飯，佢嘅放工時間比較唔穩定，所以就揀咗星期六嘅自由自選時段$268 一位兩位女士，都係比較細食嘅，就隨意揀咗自己喜歡食嘅嘢，一路食一路傾泰式生蝦刺身，好意外地生蝦好鮮甜，配上生蒜頭同埋泰式醬，唔錯一大盤刺身，睇到都流晒口水三文魚腩肥美， 牡丹蝦、甜蝦都非常高質素，帶子厚實好大粒，吞拿魚腩非常好食，融化在口中，要再叫多幾碟。仲叫咗一啲壽司同埋炸物最後飲蟲草花雞湯，好滿足。

唔知點解嗰日無端端想食好多嘢，之後就book咗放題食啦😂 食lunch，每人$230，性價比來講都算OK，食物質素都正正常常但刺身來講就麻麻哋啦，雖然佢有啲冰鎮住，但都唔係好食到啲鮮咩，尤其係油甘魚，帶子，劍魚腩😅 唔知自己食緊咩😂 不過最正常嘅係三文魚🍣，性價比來講都OK。另外仲叫咗啲熱食，我覺得最好食嗰個係牛舌同埋燒菠蘿🍍另外嗰啲都麻麻地，天婦羅蝦唔好食，反而個天婦羅蟹柳幾好食😋吉列蠔太多炸粉，仲有個黃金燒帆立貝，如果轉係蠔就好啦，帆立貝太”Un”，好難咬，不過嗰個煮法係幾好食😋仲有😂 入面啲位真係好迫，枱與枱之間太近😅

一直都聽聞沙田大喜屋不及旺角的，但既然限聚令放寬，就嘗試放寬自己的肚皮一次，結果都尚算滿意。放題的刺身及壽司當然以新鮮為主，沙田大喜屋亦能達標，種類多達三十多款，上碟亦精美巧緻，正附合細件可多試的放題原則。 至於炸物及熱食，亦很新鮮熱辣，可惜選擇較少。值得一讚是甜品，除了在自助吧的糕點外，更有椰汁碎燕露，簡直為今餐畫上圓滿的句號。可惜上菜實在太慢，兩小時的用膳實際上有半小時在等候，入座安排亦有點混亂，希望下次光顧是有所改善。

小弟今日1310到達大喜屋外見有約10幾20人準備排隊入座，於是本人亦怕人多所以亦都提早排隊，至1330時員工準時放人入內，至1340時點了兩個A4餐後便立即往自助區取食物，但由於剛剛進入餐廳人數頗多，大部分食物剩餘小量，小弟目測初步只餘沙律，咖喱魚蛋，極少量薯格，麥樂雞，於是本人亦都立即取了4件麥樂雞，4件薯格，及兩粒魚旦便返坐位享用與此同時約1345時見有員工refill麥樂雞及薯格，當時本人未有理會，打算遲些時候再出去領取食物，幫本人識享用完魚生飯再出去自助區取食物時，發現外面除了沙律區外，全部都經已是吉碟（當時時間是1400）,於是本人返回坐位等員工refill但竟然至1430依然未有refill, 亦有員工要求我們埋單，於是我向員工查詢，員工表示1400後便不會再refill食物埋單時我再發現價錢並不是如單張所寫半價，而是7折，這間絕對無下次😡😡😡

係沙田行過見到新開左大喜屋，新開張做緊優惠，午市定食送自助區，1:30pm後入座，午市定食仲有半價，仍然有得送自助區，於是就去試下啦。 午市定食都幾多選擇，半價左之後就ok，原價就好似唔多值得，因為始終係放題店，預左係放題質素，半價叫抵食d，包一罐罐裝飲品，酒類唔計。 佢出面雪櫃放左d酒精類罐裝飲品，拎錯左既話就要比$5買一罐。 自助區有d區寫住放題客人先可以享用，不過就冇人知你係咪食放題，完全靠自己自律。 午市定食包既自助區野食有: 菜心、炸麥樂雞、炸薯格、咖哩魚蛋蘿蔔牛腩、豆腐炸麥樂雞唔錯嫁，食左成廿舊其他都正正常常啦唔係難食咖哩魚蛋入面D牛腩成日比人搶晒，一舊都見唔到 午市定食叫左個刺身+烏冬set同天婦羅+飯set講真預左係放題質素，都係抱住半價抵食既心態去試 刺身方面估唔到個三文魚同油甘魚幾好食，幾香魚味，亦都唔腥帶子就正正常常，少少腥甜蝦就幾腥下，點豉油都可以食晒既北寄貝正常，口感還好最左邊堆八爪魚賣相就唔多好，不過食落都正常但係海膽同赤蝦就真係好腥，食左一啖已經冇食 刺身set既烏冬，講真叫刺身set係因為可以揀烏冬，其他定食揀烏冬要+$8烏冬唔錯，正正常常，好彩唔係好淋