大喜屋

营业中

休息中

Book咗12點同個同事一齊食下放題relax下，11:50去到發現門口打蛇餅，原來全部都係有預約，大家都超級準時唔會浪費1分1秒盡情放題哈！由於不吃生冷食物，沒有點刺身，習慣向其他食物進擊，大喜屋出名款式多，即使吃其他亦可以值回票價！特色壽司：鰻魚忌廉芝士卷、芝士軟殼蟹卷和執燒鮑魚仔軍艦三款都很好吃，是一再下單之選！特別是原只鮑魚仔，賣相好味道好！其他壽司即叫即做，確是沒有令人失望！咖喱蟹：蟹的尺寸不小，但需要用蟹鉗幫助，因為肉蟹蟹殻比較硬。最重要是咖喱汁非常好吃，我幻想如果有蒜蓉包或薄餅就更錦上添花！壽喜燒牛肉：一客有兩片雪花牛肉，還有一隻日本雞蛋和蔬菜，甜甜的湯融合所有食材，熱辣辣上枱非常吸引！鰻魚鰻魚同埋鰻魚：鰻魚大件而且任食，我一口氣吃了十多件，沒有小骨而且沒有腥味，必點！

朋友之前食過沙田呢間大喜屋話好正，呢日終於夾到時間一齊去試～～一入到去就俾佢好大嘅自助區吸引住🤩唔止有基本嘅汽水啤酒，仲有清酒同梅酒呀😍😍旁邊仲有部熱飲機，真係好多選擇！嘢食嗰邊仲有啲炸物、前菜沙律甜品😃一開始梗係叫咗刺身先啦😜超大盆刺身，勁新鮮！最重要嘅係冇嚟少，叫幾多俾幾多👍🏻👍🏻平時食放題好少見到會有海膽～見到呢個海膽山真係忍唔住嗌左幾舊，件件都細細舊真係會越食越多😂而且啲海膽仲冇怪味，值得一試！蒲燒鰻魚平時食放題都係好少見，呢度啲鰻魚好肥美，仲要係暖架😍啲魚又唔會太肥，忍唔住一個人叫咗幾份自私食😆見到Menu有花膠忍唔住叫咗嚟試吓😂估唔到細細碗都有幾多舊花膠，啲汁又唔會太咸，花膠都算幾大舊👍🏻平時最怕食到啲燒菠蘿好酸😖今次啲燒菠蘿好甜又多汁😋雖然唔係食咗好多嘢不過都已經好滿足好飽😌最後仲忍唔住食多支甜筒收尾😜

成大半年冇食過放題，趁呢日放假約埋朋友去咗沙田呢間大喜屋食餐勁😋嗌嘢食之前出咗去行咗個圈，見到有啲小食、前菜、沙律仲有甜品，仲有海量咁多嘅飲品🤩🤩除咗汽水啤酒仲有清酒梅酒、橙汁蘋果汁同埋熱飲，勁多選擇！一坐低就嗌左盤刺身，啲刺身真係勁新鮮，你嗌幾多就俾幾多你👍🏻呢次食刺身反而油甘魚再有驚喜，勁肥美又鮮甜，最後仲encore左幾次😋呢個海膽山一舊一啖啱啱好～又唔會好孤寒比好少海膽，鍾意食海膽嘅一定要叫！除咗海膽之外仲有呢個三文魚子手卷！超鍾意食三文魚子嘅小弟見到呢個簡直係雙眼發光🤩🤩仲要手卷個size唔係太大，食多幾舊都唔會覺得好飽😂食完啲生嘢開始食啲熟嘢啦😆呢個天婦羅即叫即炸，熱辣辣😋炸粉唔會太厚，隻蝦仲要好大隻，唔錯👍🏻呢個香草燒羊鞍見到周圍好多人都食，所以小弟就決定試吓～食落唔會太勁羊so味，而且塊肉仲得入味，肉質唔會好鞋，推薦👍🏻👍🏻芝麻雞翼都係成日見到有人叫，食落個皮脆卜卜，雖然全翼食起上尼有啲麻煩，但係呢個真心正，仲好Juicy😍.午市放題價錢唔算貴，款式又多，食完超滿足😌過多排要再同朋友去食過😋😋

又黎大喜屋食放題，今次選擇咗沙田分店可以順便行街😍店鋪環境好寛敞坐得好舒服😌入坐後第一時間出去攞返啲熱食，都有好多選擇😋之後用QR Code手機落單十分方便，完全冇流單情況出現！刺身種類多，有三文魚腩，赤蝦，帶子樣樣好新鮮，食完一盤再點一盤😋炸物點了芝麻雞翼，炸鮮奶，炸榴槤及香芋丸，全部炸至金黃色，外皮香脆可口！鹽燒牛舌，牛舌肉質爽口彈牙，火候控制得啱啱好，鹽味加上檸檬汁的酸甜味道，剛剛好👍牛柳粒黑椒味道好香口，牛柳粒不韌。比目魚食落魚肉很嫩，蘸點沙律醬來吃更加滋味👍飲品方面除了基本汽水之外還有熱飲及清酒等多種選擇😍

好想食日本嘢，食放題可以每樣款式食少少，滿足下自己😋今日就一家人選擇到沙田呢間大喜屋，喜歡這裏食物新鮮又豐富👍店內環境寛敞大部份都是卡位，所以坐得好舒服😌門外有個熟食和飲品位置，有小食，麵豉湯，糖水，清酒和甜品等….刺身我們點了三轉，特別鍾意食三文魚刺身，肉質非常厚切又肥美，充滿魚油香😋赤蝦厚肉又爽甜😋蠔皇鮑魚時蔬，鮑魚炆得好淋彈牙，生菜吸入醬汁好好味！豉椒炒蜆，蜆肉粒粒脹卜卜完全無沙，好惹味！咖喱蟹，咖喱味濃郁，蟹肉好實，啖啖肉！牛肉烏冬，烏冬好幼細煙煙韌韌，牛肉薄切入口嫩滑！最後當然要留返個肚食甜品同雪糕啦！

沙田大喜屋 午市$198+10% 3小時 1:30埋單 2:30截單有回本食物 上菜快 冇漏單 但……過咸 過甜 過熟 過生 都有出現 較粗制作蠔皇鮑魚時蔬~鮑魚仔淋滑入味 生菜爽脆蚧粥 ~ 靚粥綿滑 粟米紅蘿蔔絲清甜味牛肉烏冬 ~ 牛小排肉滑嫩 烏冬韌鱔 ~ 肉實 較油咖哩蚧 ~ 咖哩香濃 蚧鮮實肉 炸太乾 蚧肉黐殼鹽燒海虾 ~ 虾鮮味 但燒過熟 黐殼燒羊鞍 ~ 重調味 炸太熟 油膩肉嚡 冇原肉味燒牛脷 ~ 煙韌咬唔入 腥味似唔熟甜味嘅“豉椒炒蜆" & 過咸嘅"麵豉湯“為咗唔浪費 用麵豉湯浸番蜆至食如再有下次 會選擇 旺角大喜屋……食物制作較用心 生熟咸甜調味都恰到好處🤔

三小時的刺身放題真的很吸引，超滿足！首先入場時已被熱食吸引，當中椰汁燕窩好吸睛，不到5分鐘已經清了，果然真材實料，而且香濃嘅椰汁味，入場必食。來大喜屋，當然要食刺身啦，刺身選擇類型多，特別喜歡食帶子，甜蝦刺身，好厚肉，而且肉質鮮甜，海膽壽司都非常吸引，而且份量十足！炸物非常香脆，包括天婦羅蟹棒，天婦羅炸蝦，番薯等，另外仲有炸榴槤，鮮奶炸球同芝麻雞翼都好正，真係即叫即炸！熱食都不錯，蟹粥真係必食，蟹粥非常足料。整體來講，非常滿意！放題至佳選擇！

今日同朋友去沙田行街食飯，我地都好久沒有食放題了！所以就決定去食放題喇！因為我們早點去餐廳，好快就有位置可以坐，餐廳很大，好多座位，座位也很舒適！我一開始就出去看看有什麼飲料和小吃，飲品有好多選擇！而且也有甜品櫃！我們一開始就點了一盆刺身，裡而有劍魚腩，油甘魚，北寄貝還有甜蝦和赤貝，都好很新鮮，很鮮甜，劍魚腩口感很好，之後我都再點了幾次，真的很喜歡。壽司我也有點，池魚王，針魚，黑松露油甘魚，魚味都很鮮，而且黑松露油甘魚的黑松露很香濃。另外還有點了鵝肝帶子，雙重芝士燒三文魚，醬燒帝皇蟹棒。燒三文魚加上芝士的味道好有層次，真的很滿足。每一次食放題，我都會點芝麻雞翼，炸得很香口，然後我們再點了羊架，真的很香很香，咬下去很多汁，煮得剛剛好，一定要趁熱食。最後我看到有很多口味的雪糕雪條，我就拿了2款雪糕加1個yoghurt，好滿足的1餐

三文魚刺身切得厚，口感鮮滑。扇貝刺身亦鮮嫩。第一round嘅象牙蚌刺身新鮮大塊，又香脆。但第二round太差勁，完全未解凍仲帶腥味。甜蝦個頭超大，味道唔錯。椰汁魚翅湯：一上場就被大家飲晒，牛奶口感，甜味適中，個人蠻鍾意❤️烤羊架偏鹹。總體而言，沙田呢間嘅刺身比尖沙咀個間正，不過甜品、雪糕、飲品種類較少。

終於可以係新界食到大喜屋，大喜屋的放題不嬲有保証。今次去沙田食呢間大喜屋，環境闊落，食品仲好多選擇，熱食凍食咩都有。佢係用手機落單，我覺得刺身同壽司都好新鮮。池魚同埋劍魚都好新鮮，厚薄均勻。個人覺得西京燒好正，加埋沙律醬，食落去好香，我仲encore 咗兩轉！串燒都好唔錯，牛舌同埋雞軟骨即燒，黎到係熱辣辣，超級香。不得不提係燒羊架，真係離遠都聞到十級香，好好味呀！！羊味香濃，油份甘香，好大陣香草味，咬落勁juicy!

好耐冇食過日本料理嘅放題，前日去開沙田行街，lunch就去呢間坐滿晒人嘅餐廳度食放題啦。呢度係用QR code落單嘅，落咗單之後，係等緊嘢食嘅時候，我順便出去拎少少嘢食同嘢飲。出面都有唔少小食同沙律嗰啲可以拎，竟然仲有乳酪添，啱晒我，我拎咗杯菠蘿味嘅乳酪食住先。我叫嘅嘢都比較正路，主要不外乎都係刺身同壽司咁啦，呢度嘅刺身都幾新鮮。就算係第二輪再點嘅三文魚刺身亦都係比較厚身，唔會係第二輪比第一輪嘅差咁。壽司嘅種類亦都比起平時普通嘅放題多，有我比較鍾意嘅鰻魚忌廉芝士卷同埋芒果軟殼蟹卷等，感覺上呢啲係平時去單點嘅日本餐廳先會食到嘅款式。呢度仲有我好鍾意嘅比目魚西京燒，魚肉都幾嫩滑，調味亦都幾好。更重要嘅係，呢個有任食嘅花膠。叫呢個吉品花膠盛宴，上面會有兩片大大片嘅花膠，我食左三份，正。如果係鍾意食鮑魚嘅朋友亦都會有蠔皇鮑魚時蔬，不過我就鍾意食花膠多啲啦。Lunch time過嚟食每位都只係大約$200左右，都幾抵食，難怪坐滿晒人。

前幾日係平日，朋友難得放假，於是約咗入去沙田玩，玩之前梗係要填飽個肚啦。食放題就最啱晒啦。估唔到平日嘅大喜屋，都會咁多人，好多一家大細都喺午餐呢段時間嚟食放題，預先訂定枱可以減少排隊嘅時間。作為一個日式放題，刺身應該係最重要嘅環節，亦都係放題嘅回本位。作為放題嘅餐廳，刺身嘅質素算係幾高質，餐廳會用QR code來落單，落單嘅速度都好快，等五至10分鐘啲嘢食就已經嚟到。刺身嘅厚度都幾厚，解凍嘅時間都足夠，唔會話食到成舊冰入口。熱食方面，串燒我認為餐廳係整得幾出色嘅，其中燒出嚟嘅比目魚配他他醬，佢嘅燒法燒得非常之香，我認為一定要試一試。串燒當中我比較鍾意嘅就係雞軟骨串燒。壽司我都食左唔少，款式選擇都多。仲有我最鍾意嘅花之戀，食得滋味。放題，飲品同甜品當然係自己任攞啦。飲品嘅選擇都幾多，有茶、啤酒、清酒、汽水等等。而甜品主要係雪條為主，都有啲蛋糕咁。

星期一未夠12點，沙田廣場嘅大喜屋門外已經排滿兩條人龍，一條係訂咗位等安排入座，令一條隊係未訂位walk in。好彩訂咗位，排咗一陣已經獲安排入座，店內座位好開陽，非常多枱，一眼望過去人山人海以前食大喜屋最signature就係嗰一堆order紙，成尺噤厚，不過而家已經改為電子化用QR code落單，方便之餘仲冇咁容易漏單，非常好。一坐低梗係要order刺身啦，大約等咗5分鐘就想第一盤刺身，佢哋雖然好忙，但依然好有心機咁擺晒乾冰噴曬煙，外表係加分嘅。刺身質素唔錯，以$198任食來講，算非常新鮮。生蝦刺身個頭係綠色，證明刺身非常新鮮。最喜歡都係欺凌魚，雖然似得比較薄，但口感很好。唔止可以QR code落單，出邊亦有唔同嘅飲品同埋小食可以自己拎。飲品櫃足足三大個雪櫃，高過我一個人，選擇非常多，又凍飲亦都有熱飲。最驚喜嘅係有清酒，仲俾埋清酒壺同杯，好細心。竟然仲有我最喜歡嘅凍梅酒，梅酒味道偏甜，但酒味好香，冇諗過放題竟然可以任飲，超級抵！推介榴槤波波，炸得好香口之餘，裏面嘅榴槤留心仲非常足料，唔會太甜，口感亦非常煙韌。

有人經過見到門口排晒長龍，原來沙田都開咗大喜屋，正呀以後唔使專登出尖沙咀食啦。午市好抵食，只係$198就有晒刺身、壽司、炸物，出面仲有一大堆半自助嘅小食俾你攞，飲品選擇有好多，無論熱飲凍飲、有甜嘅亦都有無糖嘅、仲有清酒同埋梅酒都係任飲，呢個價錢邊度搵刺身好新鮮，每片唔會切到好薄，份量都好祝。赤背10分新鮮甜美，象拔蚌爽口彈牙，甜蝦年頭上， 10分新鮮美味，劍魚腩油脂味重，入口濃郁。淨係刺身我哋都叫咗四轉，每次上堂速度都幾快，大約5-10分鐘，抵讚炸物方面，我哋試咗天婦羅，炸蝦勁出色。紫薯麻薯波都幾好食，夠晒熱，紫薯甜度適中，口感煙銀唔會太痴牙燒羊架味道唔錯，羊騷味唔會太過濃；雞軟骨配上檸檬汁，新鮮炸起，配酒一流

每次一放假就鐘意四圍捐窿捐罅去搵好嘢食，今日朋友帶左我黎沙田呢間日式放題店到食好嘢，自己一直都對放題既質素有d保留會將貨就價，但係試左今餐之後，真係對有d改觀，原來真係有價廉物美嘅日式放題，我地今次係平日黎幫襯，可以由12點食到3點，坐足3粒鐘都只係$198, 而星期六日，公眾假期都只係$208, 真係幾抵係門口排隊等安排入座既時候已經見到係自助區到有好多嘢食，自己覺得最吸引既就係沙律區， 有好新鮮嘅沙律菜，車厘茄，仲有中華沙律，螺肉等等，另外飲品方面既選擇都好多，除左有凍飲之外，餐廳仲擺左個暖櫃係到，同埋仲有日式清酒。。最萬眾期待的刺身終於都到啦，鋪排得好靚再加上岩岩上檯有噴霧效果，用黎影相打咭一流呀，而食落口感都唔錯，感覺好新鮮，唔會結晒冰好大陣雪味，而且無咩漏單既情況，點幾多餐廳真係比足咁多，值得一讚另外，熱盤方面都好正，我地點左好多樣，分別有烤羊架，浦燒鰻魚，天婦羅炸蝦/蟹棒，日式牛肉鍋，酥炸生蠔，榴槤炸彈，鹽燒鯖魚，燒比目魚等等