大喜屋 (已結業)

大喜屋放題, 基本上一年總會食一兩次. 每次都一定係要先預訂, 否則一定係摸門釘, 因為冇邊次唔係爆棚嘅. 其實book左就唔使等位嘅, 不過通常未夠鐘, 樓下已經會排左一條隊, 所以難免都係要等幾分鐘先可以入場開餐~~ 講真日式放題黎講, 香港都有好幾間, 但點解大喜屋會比較多人知 / 去食? 其中一個原因, 我覺得, 係場地夠企理, 俾到人一種放心嘅感覺去食, 起碼就算唔特別識食嘅, 都可以贏到衛生嘅分先. 而黎到食放題, 唔使問就一定係為刺身而黎架啦~~ 先睇賣相, 都已經夠吸引~~ 刺身夠肥美, 適量嘅油份令佢食落去唔會好乾, 而且個油脂味其實幾香, 有點蘸太多豉油其實反而會miss左. 劍魚腩同油甘魚就唔使多講啦, 一向都好食, 而比較新嘅一項係章紅魚, 佢冇劍魚腩咁飽滿, 感覺會清啲, 但有另一種嘅好食, 呢三種係我嘅favourite.刺身以外, 壽司當然都唔少得. 其中最好食嘅繼續係新嘅柚子章紅同黑松露油甘魚, 呢兩樣真係必點嘅.   除此以外, 仲有好多好多食物選擇, 有創作壽司, 適合一啲鍾意有新意嘅人, 仲有軍艦, 小食, 其他炸物, 天婦羅等等, 款式多到數唔晒

大喜屋係放題始祖...個人覺得大喜屋比極尚大喜屋更好吃...座位都比較寬敞刺身必點..好鮮甜！ 熟食方面，顏色好唔靚仔..好似炸好耐咁..但味道一流！特愛紫薯波波膽蝦芝士波波！ 仲有芝麻雞翼都好好味！友人叫左20隻天婦羅！最尾都好似黎足18隻而上！ 啲粉唔厚..食落唔會滿嘴油！ 唔錯！ 最尾我地都ko哂！ 燒得幾靚仔 夠juicy呢個mama地..唔特別 壽司細細件 幾好呀 軍艦好有特色 有軟殼蟹手卷..友人話海膽好新鮮！推介 飯唔會太多 唔洗驚太飽 食唔到其他野梅酒清酒任飲..飲左3大支！呢間服務快..唔洗驚漏單！上菜速度快！ 覺得大喜屋比以前更出色！熟食都整得好好！

向來大喜屋的質素無可置疑，極尚、殿、樂天大喜屋，真的越食就級數要高，種類品質倍為提升今次就黎住輕量級的大喜屋食先，免得食得太嘴刁 就一去不返了!!有個長腳蟹剪刀，就說明了食家要動動手才有得食了~~飲品種類都擺脫了傳統的汽水，引入一點外國貨，有種耳目一新的感覺先來個沙律墊一墊個胃先~~~柚子蝦沙律、海蜇沙律落既材料十足，絕不欺場柚子蝦沙律中的櫻花蝦乾帶了一點點點綴，食落有種脆脆的口感而海蜇就非常爽口，又加上香香的芝麻突出左整個味道甜蝦、虎蝦、珍寶蝦、長腳蟹蟹腳真的有種蝦、蝦、蝦的笑聲播出黎，誰叫本人係蝦的愛好者甜蝦當時新鮮鮮甜，細細隻點上芥末豉油，個甜味出曬珍寶蝦就是食它的爽脆、食它大大隻的肉感，非常滿足而餐廳亦提供埋泰國的酸甜汁點上那虎蝦，固然三種口感，樣樣分明地呈現出來長腳蟹蟹腳雖然唔粗身，但都一可嘗試到長腳蟹的鮮甜味道天婦羅的粉夠薄，直接食到裡面既材料茄子、蕃薯沒有吸到一身酒益味，還是食得挺放心....又再ENCORE的蝦系列燒牛舌雖然看似燒得很乾身，但仍保持住肉汁，好柔軟蒜片牛肉粒呢個方式，我都係第一次試。非常不錯，因為蒜片焦脆，無左本身重味、生生的感覺，反而像薯片一樣脆卜卜沖繩

一間非常出色的放題店，尖沙咀地點方便，最近更重新裝修，完全價錢實惠，而且超多選擇，此外，他們在每張枱上有一個盛骨器自行掉骨，店員不用不停為客人更換新碟，讓他們有更多時間去服務客人其他的需要。整體感覺，大喜屋越做越有水準，食物質素大大提高。刺身絕對是放題店質素指標，文遜大喜屋質素超班。刺身選擇有：劍魚腩，從葉蟹腳，油甘魚，三文魚，希靈魚，象拔蚌，章紅魚，北海道帶子，甜蝦，赤蝦，北寄貝，貴妃蜜汁鮑片。種類確實很多，刺身質素甚高而且非常新鮮，特別是甜蝦大隻鮮甜，肉質彈牙，三文魚肉白略帶淡淡粉紅色，柔軟而且脂肪多，好味從葉蟹腳肉質細緻鮮美，非常濃郁牛肉湯烏冬，牛肉有幾片同幾嫩，入口味道鮮甜，烏冬幾彈身人蔘雞湯吃完刺身後，點了個湯暖曖胃。清淡人蔘雞湯味，味精不多羊架非常嫩滑，絕對是眾多放題店中最佳羊架，必食，絕對要叫多幾件沖繩黑糖網燒牛仔肉，半生熟牛肉入口鬆軟，肉味鮮，配埋個沖繩黑糖的甜而不腻，更襯托牛肉的層次口感軟殼蟹手卷蟹好脆，蟹味十足最後黎多個甜品黑夜降臨，朱古力味香濃幼滑可媲美大牌子飲品都幾特別試咗士高清椰子水解暑清甜，解茶真的解渴，韓國可樂甜味如某牌子

大喜屋日式放題成日聽朋友講好抵食又正，本來對放題感覺實在一般，最近都係經朋友介紹食過一兩間，印象改變左，今日去左呢間食日本放題發現有裝修仲要好鬼靚⋯⋯叫野又唔會漏單，食物質素高又幾新鮮，仲加埋啲黑松露鵝肝貴呢d價食材，真係不得不讚同樣感受到香港嘅進步及競爭嘅壓力新鮮刺身：三文魚厚切又肥美，原隻甜蝦刺身好鮮甜，北寄貝爽口，油甘魚，北海道帶子，仲有象拔蚌添，相當鲜美，款款皆滋味還有其他刺身也很新鮮，食多幾轉都返本壽司種類都OK多, 而且件件都細細件, 易入口……加上京蔥汁燒三文魚腩肉質肥美，加上秘制醬，幾香囗另外特別值得推介既係個香蔥黑椒牛肉，大大件仲啖啖用, 燒完味道好鮮甜, 入口即化, 味道濃郁!!!!鵝肝伴帶子都鮮味十足, 加上鵝肝特殊味道非常唔錯意式黑松露帶子沙律，沙律菜新鮮爽脆，帶子鮮甜配黑松露顯得名貴，不過佢嘅賣相就差少少，蟹子沙律冇咩特別馬拉盞炒芥蘭苗估唔到佢熱辣辣， 香噴噴！確係好滋味，值得encore上湯菜豆苗香港嘅豆苗本身真係一般燒鯖花魚外皮酥脆肉質又有油脂不乾柴，唔係朋友介紹都唔知咁好食時椒汁炒花甲，非常惹味又滋味。一邊談天，一邊舔吃炒得香濃惹味的蜆肉。真是可以吃上癮

香港地依家食嘢，好多錢都係畀晒去啲租金到，但嚟嘅野食份量就好細，同男仔朋友食飯，佢哋成日都食唔飽，之所以同佢哋去食嗰啲放題呀，任食打邊爐就最啱，正如今次揀咗好食大喜屋食得放題，唔少得嘅當然就係刺身，大喜屋嚟講有好多款揀，仲有鮑魚片、蟹腳同埋劍魚腩，唔係間間都有，加上佢哋嘅厚度適中，入口有咬口，忍唔住encore又encore壽司方面佢哋選擇都算可以，唔係話好特別，但勝在細細件，連埋個飯一齊食都唔會覺得好飽，而且材料幾新鮮沙律一向係至愛，忍唔住帶子沙律同埋蟹子沙律都食，雖然唔係超特別，但兩款各有特色，沙律迷嘅我都係掃晒另外炸物、燒物方面都有水準，有樣幾特別係有冬蔭公湯飲，當然就係泰國店咁酸咁辣，但飲落都唔錯，可以一試! 

今晚朋友終於book 到尖沙嘴呢間大喜屋，上到去見到好靚原來係新裝修，嘩！好歐陸式風格有別於一般日式放題，突然好期待，睇埋餐牌都好靚分別有兩本，坐一陣就全場爆満。當然要先品嚐刺身！點了北海道帶子，象拔蚌，甜蝦，赤蝦同三文魚除左好新鮮之外，當中特別最讚的帶子及甜蝦，帶子軟彈嫩滑，甜蝦軟綿入口溶化，十分鮮甜海膽壽司海膽味道最濃郁，而且有淡淡海水味，感覺很新鮮芝味帝皇蟹棒，當「芝」味碰上蟹棒，芝士嘅香濃味道混和蟹棒嘅鮮味係有咁配合，蟹肉質鮮甜美味，每一口都飽滿滑嫩蟹油蒜香凡立貝食落多汁， 有陣陣濃郁的牛油蒜香，夠惹味燒翠肉瓜爽脆多汁燒菠蘿去皮厚切好juicy有一口芝士炸蝦球個外層煙煙韌韌，再加埋中間既芝士，簡直無得頂櫻花樹下限定制甜品雪糕，好靚靚既甜品雪糕好滑，淡淡櫻花雲呢拿味我的Macaron是開心果味道，不是很甜，吃下去那一口滿嘴都是香濃的開心果味道另外飲品，汽水都幾多選擇，門口個雪糕櫃好靚好豐富裝修PC值高好吸引我，食物PC值高味道好，另一值得讚既係所有員工都好有禮貌，會快手快腳收碟同清走垃圾

好耐無食過放題，大喜屋一向有水準雖然今日係星期日，但係早兩個星期book都仲有位，好彩✌️✌️Book左第一輪，17:45- 20:15有成兩個半鐘食，想食咩都得刺身係必食既！好新鮮同埋叫幾多真係黎足幾多，最重要既係---快！炸物都好好味，特別係芝麻雞翼，兩轉都有叫😋😋😋另外有脆炸貓山王，榴連愛好者一定鐘意，仲有紫心香芋丸食放題，都可以叫啲菜食下中間當然叫左好多串燒，燒物…呢個係第二round既刺身！雪糕每人限一杯甜品就任食加埋一每人都係2xx，食到飽飽！😍

假日有咩爽得過訓到自然醒, 梳洗過後就同朋友輕輕鬆鬆食好嘢過一個悠閒下午 😀嚟到大喜屋食午市放題, 眼見餐廳話咁快坐滿人, 好不熱鬧.坐底第一時間拎出刺身壽司嘅點菜紙係咁✔️✔️✔️   率先上場嘅壽司有拖羅蓉魚生塔 & 海膽大蝦三色花 🍣 同樣係橙紅色tone嘅Sushi色澤鮮亮, 睇見都心花怒放 😍要評輪間日式放題好唔好食，"刺身" 可以話係擔任住呢個重要角色. 大喜屋嘅刺身整體都鮮味十足、肉質又夠爽, 同連鎖壽司店供應嘅質素可以話旗鼓相當.而北寄貝同甜蝦係我今次嘅心水 👍 壽司刺身以外就開始嚟啲輕怡嘅沙律小食🙂 先嚟柚子魚生沙律, 柚子搭配三文魚, 口感清爽~海蜇沙律, 微辣嘅海蜇令我一食再食 😋不嬲食放題都唔多會食肉, 全因quota有限, 但今次喺燒物裡面搵到正嘢!!!  講緊嘅係呢個沖繩黑糖網燒牛仔肉真係堅正 👍牛仔肉吸哂黑糖, Juicy得嚟又帶點甜味, 忍唔住encore 多一碟~燒溫室甜菠蘿, 菠蘿超鮮甜又多汁, 菠邏迷係唔會食一粒就停到口🍍 豉椒汁炒花甲, 花甲有微微辣味, 雖未至突出但勝在呢度款式多可以過過口癮!鍾意食辣嘅朋友仔, 推介試埋海鮮冬蔭功湯, 湯底嘅酸辣味好

聽聞尖沙咀大喜屋質素幾好，一於就試下啦！當日17:45時段全場滿座，好彩一早BOOK左位！四個人坐卡位都好舒適又唔會迫，燈光方面柔和得黎又唔會太暗，整體環境唔錯。刺身係放題既主角，質素亦無令人失望，而我最鍾意北寄貝既彈牙，同埋甜蝦既鮮甜，三文魚好厚切，一個字：正！海膽手卷亦算係合格，海膽無唔好聞既味。燒牛舌有牛舌味，用黑椒同香草調味燒得好香。炸蝦天富羅，蝦肉夠大條同好彈牙，炸粉量適中好香脆。芝士炸蝦球炸得外脆內軟，又唔會多炸粉，又唔會油膩。呢碟係大喜屋既手作壽司，身為芒果控既我最鍾意芒果燕窩花之戀，芒果甜味配落三文魚唔會唔夾，滲出淡淡果香。甜品方面，呢個朱古力雪糕好正，可可味好濃郁，可惜只可叫一杯，如果唔係會再點啊！

只要一人多，就會想到食放題！一個二個大食怪，口味不一，又奄尖，唔食放題根本搞唔掂…而呢間放題我地已經食過超過三次，今次嚟食物依然有保證，唔寫篇好評都對佢唔住！七人刺身，這種份量只是頭盤，狂風掃落葉下，不用五分鐘就ko，跟位又點second round....其實呢度人流咁旺，唔使囤貨，用料一定超級新鮮，加上厚切，實在找不到挑剔嘅地方!連小小沙律都用上四塊帶子壽司都一向做得好，左口魚又係安哥了兩次，飯嘅味道剛剛好，唔會太酸，大小宜中呢度啲壽司idea有心思！除了黑松露醬，原來用柚子醬拼魚生都咁夾！本來叫自己唔好食咁多壽司，怕飽肚，但都忍唔住食咗四五件羊架又係本來忍口唔食，又係怕易飽，但見朋友食得津津有味，我試了一口就成件食埋芥末醬真係羊架絕配，難得羊肉煮得軟硬適中，相當多汁！呢度啲天婦羅高水準，不但用料新鮮，蝦彈牙，粉漿又薄，脆卜卜，正燒物都係高水準啱晒食肉獸！！食咗太多肉，有人話我地應該食返啲菜，估唔到呢個馬拉盞炒芥蘭BB有surprise! 上枱時冒著煙，勁有鑊氣! 菜爽清甜，又有馬拉盞香，我地又安哥多一次！牛肉鍋係男友人恩物，佢唔食得太多海鮮，自己就清晒成鍋,佢話好好味！呢個沖繩黑

好耐冇同朋友食飯，揀咗黎食大喜屋，我地食夜晚八點幾果場，可能係平日，所以都冇乜客人，安排左我哋一行三人坐卡位，比較靜適合傾計而且好舒服一坐低我哋就係咁嗌嘢食啦，當然一定要叫刺身啦，刺身絕對無令我失望，有鮮味，而且夠厚切，另外都試咗好多唔同類型嘅嘢食，當中我覺得最好食就係呢個冬陰公海鮮湯啊，因為個味道好正宗，拍得住去泰國菜館飲嘅冬陰公湯，辣度適中，大讚！另外芝麻雞翼都好好食啊，夠香脆，仲有天婦羅都非滿意，因為佢食落去仲係熱辣辣，即叫即炸，佢果蝦都炸得好脆卜卜，好味呀啲粉漿又唔會太厚，仲有叫咗海蜇沙律，酸酸地味道非常之開胃，仲有海膽手卷海膽都非常之新鮮最後仲會有埋雪糕送添，真係好滿足！我覺得真係好抵食啊！下次一定會再嚟同埋服務員嘅態度真係好有禮貌非常友善令到我覺得食得好開心嘅一餐啊👍🏻

以前食放題，都係揀夜晚食，今次係第一次Lunch去食放題。鋪頭裝修都OK, 啲位都幾濶落，坐得都幾舒服。佢Ｄ野食選擇好多，而且仲有啲中式野，炒芥蘭真心推介😂佢上菜個陣熱辣辣，仲會好香咸魚味，d芥蘭好脆，一啲都冇渣！例牌點都會嗌刺身架喇！第一次食放題有蟹腳食，佢已經斬開晒，食個陣好方便。有時食自助餐啲蟹腳會勁咸，但呢間完全唔會，d味岩岩好。而且佢啲三文魚同甜蝦真係大大件同大大隻，紋理好分明，而且佢用冰墊底，d剌身可以keep住凍。要推介既係芝麻雞翼！佢炸得好香！真係好香！雖然係熱氣d，但佢可以炸到個皮好脆好香，而入面係一啲都唔乾。真係原來炸雞翼都可以咁好味😂佢d野飲都好多選擇，不過我都係飲忌廉鮮奶多😂同埋，佢最好既係有解茶，食到勁飽好在有解茶幫幫手，佢另外都有罐裝既道地烏龍茶。最後侍應哥哥俾左張雪糕紙我地，有MilkTop同Haagen Dazs揀，仲有d朱古力或者櫻花味既軟雪糕，我自己就揀左Haagen Dazs食，焦糖脆脆味。我見到其他枱既人嗌左軟雪糕，係勁大杯😂下次再黎，真係可以試下😋

因為工作上有左改變，成個人心情輕鬆好多！所以專登約咗朋友去行街～行完街之後就當然要食一餐好嘅奬勵返自己啦！今次我哋去咗尖沙咀嘅大喜屋因為大喜屋嘅質素一向都好有保證所以我哋都係一直keep住encore架～今次我哋就食晏晝時段，12點鐘開始～我哋遲咗少少入去已經見到全場已經有六成滿好誇張呢! 一樣當然係要試吓佢嘅刺身啦！三文魚貫徹一貫嘅高水準厚身切 食得好和味～另外帶子同赤蝦肉都好爽身鮮甜之後就要試吓佢嘅海蜇沙律，佢分量唔算好多當小開胃前菜其實唔錯作為牛肉控嘅我當然第一時間要點牛肉小食!!! 佢既沖繩黑糖網燒牛仔肉真係不得了 牛肉薄切 再加埋佢個黑糖汁甜甜地 一比之下牛柳粒完全比下去...但係牛柳粒肉身依然鮮稔都係值得一叫既~ 另外再試埋羊架,羊肉唔腥而且燒得好香 ! 由於現場冷氣太過強勁所以我哋決定要一個海鮮冬陰公湯暖暖身 佢嘅冬陰公湯呢其實個味道唔算好辣唔食辣嘅人真係可以試一試份量唔多一份兩個女生share剛剛好! 另外炒花甲亦係我既心水 小小辣好惹味但每次份量太少喇....我叫左四份先夠!!!燒菠蘿好甜好多汁不斷係咁食太好味喇最後侍應會畀張雪糕紙大家 我哋都揀咗Haggen Daz

上星期放工相約左兩位女仔朋友食晚飯 經過一輪既research 之後 最後就揀左依間日式放題 食物評價好 又非常之方便 係尖沙咀A2出口一上到 岩哂我地e啲放工一族 同朋友聚腳Book左8點45個時段 入到去同我想象中好唔同 因為我太耐冇食過日式放題 依間放題枱與枱之間唔會太逼 都幾舒服坐低即刻叫野食 因為放工之後實在太肚餓 首先叫左一大盤既刺身先 三文魚厚切好有口感 啲原隻甜蝦食極都唔夠 冇雪藏味 好推薦！！壽司同卷物都好多選擇 叫左個芝士鰻魚卷同牛油果龍蝦沙津卷 細細塊 好食同埋唔會覺得好'漏' 可以試多啲野我非常之推介有個牛肉粒同芝麻雞翼 個牛肉粒唔乾 最後每人都會有杯雪榚 有Haagen Dazs我揀左焦糖味 食完好滿足