大喜屋 (已結業)

前幾日朋友帶我去食呢間放題，我哋食8:45嗰一輪，估唔到八點半去到樓下有勁多人排隊搭lift個個都係等入座。我以為起碼都要等半個鐘，但有三架lift所以好快就上到去啦。比起刺身我更欣賞佢其他特色嘅小食/熟食大部份嘅放題都係千篇一律，食嘅嘢都差唔多。而喺呢間，我搵到唔少獨特嘅小食黑松露帶子沙律四片帶子個樣好新鮮，黑松露好夠海膽手卷，冇估錯應該係加拿大海膽。勁靚！飯稍為有點大，海膽新鮮冇苦澀味芝士蟹棒壽司原來芝士同蟹棒都幾match燒翠玉瓜翠玉瓜本身爽口，加小小鹽已經好好味焗杜洛克BB骨呢個好有驚喜睇落平平無奇，食落都幾好食。調味醬有少少似BBQ醬！沖繩黑糖網燒牛仔肉相有色差，真實無咁紅的，5成熟左右牛肉好嫩滑！！叫左三碟。我諗呢碟係呢間店嘅招牌菜之一，隔離左右都有點蟹粥粥底好綿密，有蟹嘅鮮味。再加上半隻蟹都幾有睇頭，啱四至五人食脆炸貓山王，榴槤醬勁多，好愛呢款小食麻辣皮蛋唔算好麻，有少少辣都幾好食特濃朱古力呢款真係冇叫錯！好食過哈根大師！朱古力好香濃，又有朱古力醬喺上面，底下原來係脆米，好有驚喜！！

今日約左班朋友去尖沙咀大喜屋火併一番, 其實之前同朋友都黎食過好幾次, 今天依舊, 入坐前於地下的人龍依舊, 未到時間已經排左出去行人路,加上....係無冷氣架終於入到黎啦, 咁第一樣緊係要叫刺身啦, 保持都一貫高水準, 刺身夠凍, 大大舊, 而且鮮味十足, 好肥美我最鐘意一樣野, 就係次次黎哥D熟食都有小小變化, 帶比我地吾小新鮮感, 今次我主力推介依個燒和牛, 正到爆, 生熟程度岩岩好, 入口鬆軟, 牛味好濃郁, 加上佢個燒汁非常美味, 不過記緊一開始就要叫, 因為之後再叫有一點失準, 但都係好好味之後緊係我最愛之一, 火炙壽司, 肥美刺身加上火炙, 熱辣辣油脂勁惹味, 超正之後點左D特飲都幾好味, 好過次次食放題都係飲紙包飲品, 不過係左D色素 

平時與友人四處去吃，食力已是有增無減，今次聯同日食朋友一起吃放題，威力更是大增！💪魚生盤夠大盤，三文魚、拖羅、甜蝦、貝類應有盡有，質素屬中等水平，勝在夠多夠澎湃，不過亦被我們輕而易舉地瞬間秒殺得一乾二淨！串燒大蝦同樣勝在夠大隻，燒得很香，但乾了些，蝦肉有點實。燒生蠔就滑溜得多了，吃時還有蠔汁，在口中咇出來是百分之百的滿足。炸雞翼不過不失；反而脆炸猫山王是個驚喜，脆皮加上軟滑的榴槤肉，在嘴裡榴槤飄香，食味及口感都一流。至於什錦天婦羅也不算太過油膩，很好吃。來幾多食幾多乃是我們的宗旨，看來是訓練有素，下次來必定吃得更多鳥。

大喜屋不嬲都係食放題既好地方難得放假梗係要去食下啦我不嬲食放題都會食下燒野，因為好多時都唔錯我地揀左個雞翼 我覺得好好食 燒得唔會太乾 同埋又唔會太油 唔錯唔錯手卷款式唔少架有海膽啦 鰻魚啦 軟殻蟹等等 迷你手卷就勝在唔會食到飽曬食唔到其他野不過海膽太細既話硬係覺得唔係好過癮咁殿既大塊海膽就好食好多 hahaha天婦羅就真係勁得炸漿又唔會太厚 又香又脆 好後悔無叫多幾隻炸蝦蟹棒都唔錯呀 雖然唔係咩貴既食材但好好食呀炸香芋球一直係我最愛我唔鐘意食芋頭架但呢個比較似係紫薯呀哈哈好食

每次行過giordano都一定見到樓下大排長龍最surprise係咩地方既人都識得嚟內地人呀 外國人呀都好多。想嚟食真係要訂定枱同早十五分鐘嚟排隊入𨋢坐低二話不說叫左刺身先三文魚都幾有油脂味我中意呢度比較多貝類揀而且份量跟足你寫既件數係好抵讚自己覺得大蝦好食話甜蝦壽司都唔錯左口魚邊有一定厚度 燒得勁香口創作壽司細細粒 岩哂可以試多幾款都係以三文魚吞拿同蝦做配搭黑糖燒牛肉幾有驚喜，汁甜甜地，牛肉好juicy又嫩 我地encore兩次呀豉汁炒花甲係真係俾花甲你 大大隻好有肉地紫薯好甜呀 唔會得個粉字要介紹下甜品荔枝玫瑰啫喱完全衝著少女心造型好靚 味道淡淡地但好清新勁中意！富士蘋果菓子都幾特別 食到粒粒蘋果大喜屋另外有同milk top合作每人可以叫一次雪糕我呢杯係特濃朱古力完全唔奶好岩我入面仲有oreo餅仔同脆米食落好有咬感

與一個外地朋友相聚，最好是選中菜以外，可以多選擇，又不用吃放題這樣吃撑了自己。大喜屋的78元午餐不但有全套，從沙律湯、主菜、飲品和迷你甜點，最開心是每人可以在18項中選兩個主菜，結果我們兩個人點了四個，壽司、鰻魚飯、天婦羅和串燒。結果仍是吃不完，抵食！滿意！

雖然呢個地方已經唔係咁陌生但每次嚟到都好想盡情咁飲飲食食！！首先當然係黎個飲品先啦，咁呢個椰子水係最好嘅因為解渴清熱食幾多燒物炸物都唔驚啦。頭盤一開頭先黎個刺身先啦甜蝦帶子魚生呢啲一定少不免嘅，每次來食親都係咁新鮮食多幾多次都唔覺得悶燒雞翼燒牛脷呢啲我最愛嘅太正，雞翼燒到又酥又脆，每啖咬落去都有雞嘅油同汁支出嚟，加埋檸檬汁實在太野味啦！鍾意食魚嘅朋友燒鯖魚係一個唔錯嘅選擇必食嘅！除咗頭先我所講嘅選擇外，網燒牛肉、肥牛鍋物、炸天婦羅、海膽軍艦都係所有食家必食嘅。最緊要梗係唔少得甜品啦佢哋仲有限時令嘅Haagen-Dazs雪糕係呀！今次呢個雪糕味道就係藍梅味真係太正👍👍

大喜屋係我最最最鍾意既放題，我覺得食物既質素係唔需要質疑。魚生新鮮，羊架非常入味，牛肉片好味，甜蝦好鮮味。蟹腳切得有D碎，某D位較難剪開食。炸物唔會太多粉，啱啱好。椰子咩燉雞湯好好味。如以往，都有漏單。但不過飲品冇呢樣果樣（No Jax Coco and 荔枝汁）⋯⋯ 而且放題雪糕竟然唔係飲食，每人只得一杯。Can you believe that ice cream is not included in All You Can Eat!?但係我黎過咁多次，呢次真係十分之失望。我好開心諗住請爸爸媽媽屋企長輩，同小朋友一齊食，點知一入去，receptionist 話畀我地聽我地93cm小朋友要計小朋友錢, which is fine. 但佢係可以用好少少既態度去回答。一入到去，未黎過既長輩寫完畀左冇寫枱號嘅張點野食紙，個高大白白地冇帶眼鏡既男職員用好差既態度話：「冇寫枱號我哋唔會做畀你。」即使😡憤怒！我平日都可以體諒前線既人做野禮拜欠奉，因為做左大半日都攰到爆。但係我哋係第一場12點到3點嘅客人，我覺得我真係唔識體諒。之後另外兩個女職員，我地問雪糕同其他野食，都用好傲慢既態度回答。之後我

大喜屋， 係一間開左好耐既日式放題。 聽朋友講話好似幾正甘。 於是， 甘啱想食放題， 就同幾個朋友黎試下！！?平日時段 每人計埋加一 280 蚊。 價錢以放的黎講正常 甘要睇下好唔好食 嗰度環境都幾闊落， 唔會好似平時嗰d甘迫甘， 食物menu都有好多選揀！刺身 有三文魚 油甘魚 希靈魚 帶子 等等 全部新鮮大件 幾唔錯！ 壽司都整吞幾好 好似芝士蟹棒 左口魚 三文魚等等 飯好夠軟熟 唔錯熟食 既蝦 茄子天婦羅等等 都整得好香脆 , juicy 牛柳粒 香滑牛肉鍋 香草羊架等等 都整得好入味 仲有雞翼 香脆既芝麻雞翼 夠哂熱辣辣仲有啤酒 清酒梅酒任飲 梅酒夠哂清甜 正！

<放題眾多，最愛大喜屋>😋大喜屋 相信好多人都食過！ 係一間由7, 8 年前興起食放題時頭嗰幾間開店既日本放題， 當中見住佢呢幾年開左好多間分店 各有特色同價錢 😌而今次我就黎到價錢對比上中庸既尖沙咀大喜屋平日晚餐每位280 蚊已計加一 個人幾鍾意佢分開兩本menu 📒📗一本係所有刺身 卷物 壽司 , 而另一本係熟食 串燒 一本料理 分得清楚方便客人點菜 , 另外， 有時太多加單偶爾漏單 店員都會耐心幫手追番 呢方面都幾值得讚賞😗環境方面 以放題黎講都幾舒服寛闊， 牆身好似好有書卷味 放滿住時鍾假書櫃等等 都幾得意 講番食物食物方面都幾多下 刺身 壽司🍣🍱 串燒 一品料理 甜品 不能盡錄。😋講d我覺得好味既刺身係最正 新鮮又厚切 三文魚 油甘魚 帶子 爽口象拔蚌 甜鮑片 大厚肉赤蝦 章紅魚 甜蝦 連長腳蟹都有 🦀🦐🐟 唔係hea料 蝦蟹類都有番甘上正鮮甜 火炙牛肉🐮， 三文魚 黑松露帶子 芝士蟹捧壽司 都唔錯 重點係舊飯唔會太大塞飽你😂 個人幾滿意 一般燒物有好多 最推介係芝麻雞翼 🐥食過好多間 佢呢殼真係炸得夠外脆内軟夠入味🤓 香草羊脾同焗羊脾 雖用唔同既羊 但兩者

一講起放題，相信無人唔識大喜屋。以往都食過幾次，闊別左年幾，再次黎到大喜屋，同朋友慶祝生日~啲枱比較細，大家每次就唔好叫太多種類既食物喇最先上嘅係梅酒同清酒清酒一般，無encore，梅酒不過不失。之後友人叫既幻彩霓裳(百香果飲品)更為出色，不過後來太過沉醉係食物當中，忘記左影相放題點可以唔食刺身呢？刺身新鮮，無冰，魚生厚切，擺盤靚，都係大喜屋嘅特色最愛三文魚同赤海蝦。但蟹腳過鹹，帶子亦係全晚唯一既漏單大喜屋嘅火炙壽司選擇有六款，每樣都叫咗兩件最驚喜嘅係海鹽燒左口魚邊，燒得恰到好處，魚脂係一入口就融化，上枱嗰時都仲係暖既，正！四川尖椒炒牛柏葉比較辣但係幾香，分量唔算大，我一個人食都OK蒜片牛柳粒同樣地呢個上枱嘅時候都仲係暖既有牛味得黎又唔會un，不俗燒溫室甜菠蘿放題必食啦清甜得黎有解膩，又感覺健康啲炸物最推薦嘅係紫心香芋丸真係好香芋頭味架，但又唔會死甜同漏。香辣魔鬼珍寶蝦燒牛舌網燒牛仔肉同做背景既創作壽司豉椒花甲總括黎講，食物選擇多，刺身新鮮，上菜同收碟速度快，依舊係記憶中高質嘅放題

今次又係食放題呀，不過就係之前已經食咗三次嘅大喜屋，今次再食質素依然保持到，不愧係老字號嘅放題之一首先就嗌咗啲特色壽司先啦，每一款有魚生既壽司都好新鮮。而且，各種食材配搭得好好，加上賣相擺得好靚好整齊，值得加分。跟住就係天婦羅，每一款都炸得恰到好處，特別推介呢度嘅蟹腳棒天婦羅，配上加咗蘿蔔蓉嘅天婦羅汁真係特別好食香口 不過記得趁熱食啦，如果唔係啲炸衣好快就會淋曬。之後仲試咗呢度嘅甜品，特別推介蘋果和菓子，其他地方食唔到㗎，係得呢度先有既 specialty

今日係friends邀請下，終於有機會去呢間聞名已久既日式餐廳食放題。之前因為大家工作繁忙，而未有機會好好食一餐，敘敘舊傾下計。我地一行4人，有兩個係大胃王(包括我 )，所以叫左好多野食，所有款都差唔多叫哂，野食全部都keep到應該水平，新鮮熱辣，又無咩漏單，誠意十足。其中最令我回味既有: 創作壽司、沖繩燒牛仔肉和馬拉盞炒芥蘭苗。menu B1係創作壽司，材料豐富新鮮，滴滴骰骰，一口一件，可以食多幾件，正!我地見隔離枱叫左呢碟沖繩燒牛仔肉，望落好正咁，於是我地都叫左碟，果然無令人失望，肉質嫩滑，牛肉味濃，必食。呢煲馬拉盞炒芥蘭苗，估唔到咁好味，菜苗鮮嫩唔老，又唔油，係中場休息幫助消化既必叫之選。大家傾下食下，話咁快又過一晚，期待下次既黑洞夜

今日係好友兼同事既 Farewell日，我地兩丁人想咩都食下同想搵個地方傾下想當年，於是就book左呢間放題始祖食放題。今日係星期二，但晚上6點時段竟然全場爆滿，好采我地一早book定枱。我地兩個都好耐無食放題，估唔到宜家既放題真係有好多選擇，唔單止一般既壽司、魚生刺身、天婦羅，仲有人參雞鍋、牛肉鍋、鮮蟹粥、豬手、冬陰功煮海鮮、燒羊架😍.....放題必叫既刺身果然無令人失望，新鮮度十足，又夠凍同肥美👍，我地忍唔住encore左兩次。

黎到大喜屋食放題，就梗係要食呢度嘅刺身啦，呢度啲刺身大件又新鮮，食落口鮮嫩同埋好濃郁嘅魚生味。我最鍾意食嘅三文魚超厚，長腳蟹鮮甜好味。我哋好快食完第一輪之後，就即刻再點第二輪，佢嘅刺身黎得好快熟食有我最鍾意食嘅芝麻雞翼，勁香同埋個皮好薄好脆，啲肉好嫩滑多汁。海蜇沙律酸酸甜甜好好味，加埋啲菜中和返個酸妹，一流！牛肉望落去紅噹噹咁，好似唔係好熟，但咬落去啱啱好又夠淋。壽司類別就冇太大嘅特別，不過我覺得佢好貼心，佢啲壽司嘅飯唔係好大舊，咁樣客人就可以食多啲唔同款嚟嘅壽司。牛肉煲都冇太特別，佢啲牛肉都幾林同埋啲豆腐都幾入味，我哋差唔多走嘅時候會特登叫番一鍋食飽佢。仲有好多其他嘅款式我覺得都好好食，同埋每日都會有一杯Haagen-Dazs嘅雪糕俾你揀，我覺得超抵食，下次會再嚟encore一次。