大喜屋 (已結業)

位置十分便利，在尖沙咀地鐵站附近，食物的種類都幾多，刺身的選擇好多，貝類都有幾種，有赤貝、北寄貝、帶子，好新鮮清甜，仲有串燒沙拉等小食，還有很多熱食，特別推介羊架好好，唔會太油，調味調得好好，的肉好好食燒得岩岩好，唔好燒得太乾有肉汁！至於甜品選擇比較少，味道一般，每人有一杯雪糕！

慶祝生日一早book左位食放題遲左半個鐘到 即刻叫返盤刺身食先😋然後都叫左好多野食個海膽手卷好正 encore左1次😋但甜品令人失望😣好彩有雪糕補返 但留意每人只可以叫一杯不得不讚馬拉盞炒芥蘭同埋豉椒炒蜆😋唔記得影 個汁超濃 好味👍🏻*飲品要填完比佢先有 無得自己出去拎講完食物 要講下佢個服務 首先，佢肯幫我地留位半個鐘呢點係值得欣賞 但佢收碟個陣成日唔出聲就伸隻手黎收 差啲整啲筷子 要改善 而且睇得出佢地人手唔夠，成日無人黎收紙😕坐得一陣已經逐張桌收錢半個鐘前截單 我未夠時間encore左個海膽手卷，佢竟然問左幾次人地截單未架？語氣好差，仲有一點 佢收紙個陣係會一手搶去 所以態度真係有待改善😤

估唔到第一次寫食評就寫左比大喜屋 食開放題既兄弟姊妹都知道 里間係第一間大喜屋 完全係元祖呀 但一直都未有機會食 今日終於有機會食啦。正正子><係大喜屋book左8點鐘 到左冇耐就係就入坐了 竟然仲有清酒任飲 即時覺的抵反哂個價食放題開門紅唔洗諗 都係刺身啦大家 基本野 哩到啲刺身都好新鮮 而三文魚係我最喜歡的刺身 件件都肥美 我一個人食左最少十件呀 里款巨型甜蝦超好食 大的裡好甜 我平時唔係好食甜蝦都忍不住食左好多件 天婦羅都係必食 啲粉都唔會太厚 食落唔錯 最重要係夠熱夠新鮮 特別係南瓜 好甜啊 但反而我最鍾意既蕃薯就冇咁甜 但食到串燒既粒粒蕃薯 又超好食 哩到燒的水準都好好 唔會乾最重要係好甜呀！！！燒菠蘿都好甜豉椒炒蜆 超好味 完全出乎我意料 必食 鐘意食蜆既人一定要食 里碟睇落咁普通既炒蜆 竟然食出左大排檔既風味 我真係比佢震撼左 相信我 大家一定要試！！！人參雞湯鐘意既人一定要試下 人參味好重 連菜都有人參味 但我就麻麻人參 所以就食左啲肉就算了 到甜品 里個曲奇係我認為最滿意的甜品 朋友叫左個豆腐味 我都試左 都唔錯 但我都係鐘意曲奇多啲 如果鐘童曲奇既人

次次決定食放題，首選都係大喜屋。以往多數都係食旺角創興大喜屋，今次諗住同fd嘗試下其他大喜屋，於是乎就揀左元組級的大喜屋，位於尖沙嘴文遜大廈哩間。我地book左8點，由於平日唔洗排隊就好快有侍應帶我地入座，坐嘅地方比旺角大喜屋舒服，唔洗就住就住。但記得食之前一定要book位丫！有次突然間想食哩間大喜屋放題，又適逢星期五，排隊人勁多，就放棄了。大喜屋放題不嬲都多選擇食放題梗係先左tick刺身先，帶子三文魚刺身係我的最愛。帶子刺身夠厚又夠甜又新鮮。正！！！！花之戀和芒果花之戀細細件，可以一啖擺入口。天婦羅紫薯粉一啲唔厚，但就唔夠甜哩間大喜屋仲有天婦羅茄子，其他地方好少有仲有炸香芋球和榴蓮球，平時唔食炸嘢嘅我，都忍唔住食多兩個。芝麻雞翅反而麻麻。雪糕環節，原來哩間大喜屋係同milk top合作的，每人可以叫一次。我就叫左豆腐雪糕，但食落去反而係重豆漿味，不過都好食。賣相也唔錯。

今次來食大喜屋，星期日例牌full booking，想食嘅朋友最好提前book位啦！大喜屋算系比較高質的日本放題，刺身同炸物最好食。　先講刺身，必叫嘅有三文魚、油甘魚、蟹腳，刺身好鮮甜，入口即融，齒頰留香，一定唔會令你失望。壽司都好好食，特別系鍾意黑松露的朋友，黑松露配搭唔同刺身，正！花之戀唔只有三文魚，仲有三文魚子、芒果，食落唔只有三文魚的鮮甜，有魚子的多汁，仲有芒果的香甜，配搭一流！到我最中意食嘅炸物出場啦！大喜屋的天婦羅無得彈，外面脆得來，入面仲保留到食材的原味。首推番薯、南瓜、茄子天婦羅，用料新鮮，番薯、南瓜好甜，茄子好軟熟。特別一提炸丸子，我食左芋頭、榴槤炸丸，小丸子餡料十足，榴槤炸丸仲有爆醬效果，如果系榴槤控嘅你，一定唔可以錯過。講下鍋物－－人參雞湯。人參雞湯幾入味，但略苦，適合天氣凍時食，好滋補。最後講下甜品，豆乳味雪糕好食，濃厚豆奶味，唔會太甜。其他甜品都正正常常，其中Tirumisu 同木糠布丁比較好吃。總而言之，日式放題來講，大喜屋系多選擇得來，食物質素有保證的一間，值得推薦！

今晚同朋友黎左依間大喜屋，一去到大廈樓下已經好多人排隊坐低左即刻叫野食！有勁多張餐紙～首先梗係有刺身啦～食落幾新鮮，三文魚好厚身，都算爽口～至於番薯仔反而冇乜味，唔太甜花之戀永遠係必叫三文魚雖然冇刺身咁新鮮，但算唔錯～其他都幾好食，質素平均～肥牛鍋好唔錯！牛肉幾滑又大塊，仲有好多菜同薯粉～甜甜地好味道再黎係炸物～炸物真係幾高質！雞翼熱辣辣好香口，仲有榴連fans必叫榴連丸子！！榴連味好香仲有煎牛肉同羊架，牛肉幾滑但欠肉味，羊架超級林，唔錯～另外天婦羅都好值得叫！尤其係番薯天婦羅用既係紫薯，好厚身而且好粉，帶少少甜味，好食！最後係甜品啦～一人可以叫一杯雪糕，有milk top, haagen daze同frozen yogurt, 豆腐味yogurt都唔錯，好濃豆腐味～至於甜品，tirimisu最好食～朱古力opera都ok，少許過甜。芝士撻同木糠布甸就一般。總結，依間大喜屋同其他大喜屋都差唔多，食物質素幾平均，幾好食

記得多年前放題剛興起，第一次便是來文遜大廈的大喜屋，多年後老饗們每晚仍在樓下排隊登記搭𨋢，井然有序地入座。餐廳環境沒太大轉變，說實話當然不及殿大喜屋，但我對吃放題的地方也沒太多要求，重要的是夠乾淨整潔，這點大喜屋一直堅持到今天。刺身拼盤，各款海鮮的新鮮程度不錯，最欣賞油甘魚厚切和美味的牡丹蝦和甜蝦。壽司方面推薦火炙左口魚邊壽司和牛油果軟殻蟹卷，左口魚邊剛燒出來，入口溶化。軟殻蟹仍脆口。手卷放在架上更易取，吞拿魚蓉味道較海膽好。人蔘雞湯屬水準之上，得到侍應姐姐力捧所以點來一試。牛肉鍋很足料，湯底則較咸，牛肉片數量很多。放題不少得我愛的燒物、炸物和小吃，首推燒牛舌和燒牛肉juicy有咬口，西京黃花魚調味適中，肉質較銀雪魚結實，下酒一流。鳳爪和枝豆都是我必點的，全都不錯。Milk top杯裝曲奇雪糕比起平常的曲奇味沒那麼甜，合我口味！各人飲飽食醉真是大滿足！

冇特別同家人夾過， 但竟然一齊約食放題日子就係萬聖節正日， 入到餐廳已經見到四周嘅佈置， 還未點嘢食店員已經主動送上萬聖節特色甜品。綠色嘅手指係抹茶曲奇， 估唔到又幾鬆脆， 另外一個好似血淋淋嘅腦袋係士多啤梨慕絲蛋糕杯， 賣相好吸引~ 果然冇揀錯日子嚟食放題。見咁多食評推薦，就叫咗一碟沖繩鹽燒牛肉。 果然有驚喜， 薄薄的牛肉片燒到大概五成熟， 肉質嫩滑又夠juicy， 牛味幾重，加上日本醬油作調味， 認真不錯。特別推薦紐西蘭羊架！通常主打日式料理嘅放題所提供嘅西菜質素都一般， 冇估到呢度嘅羊架係超水準之作，甚至好過唔少西餐廳， 羊架用香料醃製， 有rosemary 香味， 加上烹煮時間恰到好處， 肉質好鮮嫩！ 邊位有啲脂肪癡住，仲有一陣羊膻味添。食放題點少得甜品。呢度有一樣幾特別， 就係富士蘋果和菓子~ 軟熟嘅外皮包住裏面甜甜地清新嘅富士蘋果醬， 而且一啖一粒唔會太滯， 咁就可以試多啲唔同款嘅甜品啦~呢間放題款式唔係最多，但每款做得到位，而且服務貼心，下次再幫襯。

放題控定時定候就會俾放題蟲咬，心郁郁好想去狂食一番，講到平靚正既日式放題，大喜屋必然係首選。  萬聖節特別版大喜屋 唔講咁多住，先黎一個豪大大刺身拼盤，刺身既質素令我有驚喜既，因為開頭諗任食既刺身質素唔會好高，出奇地呢到既刺身幾有鮮味，而且款式都好多，特別係象拔蚌，蟹腳，甜蝦，油甘魚同劍魚，簡直係買飛佛！  刺身最緊要新鮮，厚肉，大大件。 再黎係兩款手卷，海膽同蔥吞拿魚，海膽味道幾濃郁，有鮮味，而蔥吞拿魚都唔錯不過不失。  之後就黎左幾款壽司，相比豪大大刺身拼盤，呢幾款壽司就比較的骰，大家唔好誤會，呢個唔係一個投訴，而係一個讚賞，試問放題食咁大件壽司，又點可以試多幾款呢？   呢到既牛油果軟殼蟹卷、左口魚壽司、黑松露油甘魚幾出色。 軟殼蟹炸過之後絕無過氣，保持應有既外軟（牛油果）內脆（軟殼蟹）。 左口魚質感爽口，味道清新。 油甘魚配合黑松露，增強對味蕾既刺激。除左油甘魚，餐廳仲有其他款配搭黑松露既壽司，口味都頗特別，大家不妨試試。 當然，我地都有點熱食，例如，牛肉鍋、人蔘雞鍋，仲有其他炸物、天婦羅等等。    我認為牛肉鍋同人蔘雞鍋係要一試既，牛肉鍋好足料，啲牛肉食極都

星期日相約好友係尖沙咀行街就順便book係尖沙咀食飯。文遜大廈大喜屋算係放題始祖，幾年前食印象好深刻因爲個陣得佢係有甜蝦任叫😂 臨近萬聖節 佈置有心思一坐低 指定動作 續頁撕一張首先黎個必食既刺身併盤 好新鮮👍🏼塊塊都厚切岩晒我 仲有大大隻既赤蝦 正！拖羅蓉同海擔手卷 似一口手卷 海擔無腥味雪花牛肉鍋 其實個量係3人份量首爾人蔘滋補雞湯 好有人蔘味但唔會搶左雞既鮮味👍🏼各款壽司 好中意佢細細件 唔會食飯食飽。冬陰功熟蝦有驚喜。鵝肝伴帶子圖文不符，相入面鵝肝係一片，實物變左一細粒。海膽大蝦三色花幾有特色。炸物就叫左天婦羅蝦，脆炸貓山王，一口芝士炸蝦球，炸吉列蠔。天婦羅蝦脆口得黎唔太原粉👍🏼芝士炸蝦球粒芝士就唔流心原整一粒係入面。脆炸貓山王唔太甜，榴連愛好者必點！沖繩黑糖網燒牛仔肉超正！薄薄地一片7成熟岩岩好。鹽燒牛舌唔厚唔薄有𡁻口。西京燒海黃花甜甜地肉質嫩。溫全蛋超流心👍🏼到左尾聲喇！今次揀左豆腐味雪糕，友人叫左曲奇味，兩隻都好食😋總結：星期日8:30pm $258加一 $300有找任食得黎又有清酒梅酒啤酒任叫 食物仲要keep到以前水準。我地3人行好好彩比左6人枱，坐得好舒服。侍應係忙

可能會比人笑我蠢, 去放題其實我好鍾意叫壽司食, 貪佢細細粒, 而且好多特別款, 岩哂我~ 今次都唔例外, 我又叫左一大埋壽司, 分別有蟹油蒜香帆立貝, 京蔥汁燒三文魚腩, 醬皇帝皇蟹棒, 鵝肝伴帶子, 京都蔥玉子壽司~其實仲有其他, 不過呢D係我推介既~其中最最最鍾意既係醬皇帝皇蟹棒, 貪佢啖啖肉, 而且配埋上面d醬好yummy呀~鵝肝伴帶子亦都係必食推介, 估唔到呢兩樣食物都幾match wor!天婦羅岩岩炸起, 最鍾意既當然係蝦天婦羅啦~炸粉唔算厚, 而且唔會食到成口油, 唔錯~ 另外南瓜都唔錯, 薄薄一片, 同埋夠甜~呢排有D凍就叫左兜鮮蟹粥, 個粥煮得都幾綿, 而且真係有蟹wor, 仲幾多肉tim ar! 絕對值得叫黎食下, 不過兩個人食呢一大鍋有d太多, 如果份量可以小d就好啦~最後梗係要食返杯雪糕啦~叫左個紫蕃薯雪糕~見係街買都好似要十幾二十蚊杯架~紫蕃薯味都幾香幾濃, 唔錯~而且食食下仲食到有蕃薯粒tim~

冇同屋企人夾過， 只係咁啱喺萬聖節正日同屋企人一齊去食放題， 冇估到咁有節日氣氛， 成間餐廳都隆重佈置！ 脆炸貓山王真係冇得輸！ 強烈推薦(不懂欣賞榴槤者可以無視)食過幾間日式放題， 呢度嘅炸物真係最出色， 款式唔係最多，但款款都做足功夫， 全部外皮都十分鬆脆， 薄薄的一層分漿包裹著不同餡料， 如呢個脆炸貓山王 ，一咬開， 暖笠笠的新鮮榴槤果肉流出來， 係極品呀！下圖呢個芝士蝦丸都唔執輸， 拉芝效果良好， 內有蝦肉，所以口感彈牙！炸蠔新鮮熱辣辣上枱， 同樣鬆脆， 廣島蠔好鮮甜！跟住就到放題嘅回本位， 要開動狂食刺身喇 (雖然最後都唔係叫咗好多，想試下唔同野食)食材大致上都幾新鮮，特別欣賞三文魚同油甘魚， 脂肪分佈均勻， 條理分明👍👍屋企人大讚呢個海膽手卷， 我試咗少少海膽刺身， 果然十分鮮甜， 一啲苦甘味都冇， 證明刺身真係好新鮮！呢間放題質素真係幾好， 會再回頭， 或者聖誕節再見呢😆✨

為左慶祝妹妹生日，梗係要帶佢黎食好野啦。呢間放題我都唔記得左食過幾多次，亦都成日帶朋友黎，今次就同妹妹二人世界，好好享受美食先。川味口水鴨舌之前好似唔覺有，一見到即雙眼發光。係台灣買黎食好貴，百幾蚊先得小小，今次我自己一個人食左兩碗！味道夠辣，而且入哂味，會令人想食完一條又一條。最好既係佢唔係成條比你，淨係比最多肉個個部份你，岩哂我呢ｄ懶人。刺身一場黎到又點可以唔叫刺身呀。兩個人叫左咁大盤，我最鍾意食既係甜蝦同赤蝦，大大隻，啖啖肉。估唔到仲有松葉蟹腳叫，不過今次懶，唔想拆肉就無特登叫啦。下次帶埋男朋友叫佢黎拆肉先（講下笑咋）。豉椒汁炒花甲又試新野！本身都無咩期望，點知上到台又唔錯wor，最緊要係夠熱，唔係炒好哂一大盤個D。熱辣辣食都食得滋味D。而且花甲都幾大隻，亦唔會骨肉分離，豉椒汁亦夠哂惹味。同樣地，我一個人亦都食左兩碗。。。。。。素翅海蜇手撕雞再黎多個新野，仲有個皇冠係order紙到tim架，我又點可以唔叫呀！海蜇同手撕雞都係我喜愛既野，拚埋一齊當然唔會輸啦。食到最後，店員比張雪糕order紙我地，每人只可叫一款。我叫左個豆腐雪糕，豆腐味淡淡咁散出，好soft好味呀。用呢個甜品作結

朋友仔請食飯，梗係唔會同佢慳啦～即刻拉佢黎呢間永無失望之放題～雖然價錢唔算特別平～但水準仲KEEP到～一次又一次返兜～平時唔食得辣，就連泰式鳳爪唔係好辣都唔食得。但朋友仔叫完之後，送到上枱見到好正，忍唔住食咗一舊。呢一個做餐前小食真心一流，鳳爪無骨，係辣嘅，但嗰種辣真係幾好味，連我呢啲唔食得辣嘅人，都停唔到口，嗌完再嗌。基本上每次食放題都一定會食芝麻雞翼，熱辣辣送上枱，咬落去沖冒緊熱汽，炸得唔會太濃啱啱好。食到停唔到口，第二輪再叫多幾隻。炸蝦粒炸粉唔會太多，唔會整到一嚿嚿咁，咬落去仲要好彈牙，同埋真係食到有蝦係裏面。細細嚿一啖可以食得晒。其實我唔係成日食魚生同刺身，但貪食放題可以任食到好多野先會嚟食，帶子應該係我唯一會食嘅生野，嗰種入口即溶嘅感覺真係好正，真係食極都唔厭。沙嗲雞串串雖然有少少燶，但真係好香惹味，點埋個沙嗲醬，真係一流。仲食左好多其他野，不過太忙未得閒影哂，哈哈～絕對絕對會再黎呀！

今日同朋友仔來到大喜屋食日式放題！一坐底，就已經有兩大本圖文並茂嘅食物同俾你劃紙仔落單，兩本字典要睇完我都花咗好多時間！因為實在太多野想食，但得兩個人避免浪費quota所以要小心選擇🤣🤣🤣放題基本的刺身、壽司、炸物、手卷、軍艦、天婦羅、鍋物、燒物等都有齊，最特別仲有一品料理，汽水、果汁、特色飲品都係任飲！仲有清酒、梅酒、韓國啤酒一樣係任飲！鍾意飲酒嘅朋友好快回本也！講返食物先，刺身賣相唔錯啊！三文魚腩，劍魚腩，北寄貝，赤貝，馬刀貝都好新鮮好鮮甜！，油甘魚有魚香，色澤非常新鮮；最有驚喜的是極大赤蝦，有成手掌咁長，一入口即嘗到鮮甜滋味，且非常爽彈。坐隔離的一對情侶，眼見佢哋order 左最少40隻蝦成盤上枱，就知道有幾好食啦，講真我真係好佩服佢哋食得晒🤣🤣🙈🙈香蔥黑椒牛肉火炙壽司，牛肉濃香，食一件絕對唔夠喉！而海膽手卷都不錯，食落Creamy鮮甜。另外，燒羊架係必須隆重介紹，舔舔脷指數係100！上枱嗰陣熱辣辣，大大件羊架好多肉，肉質軟腍，唔冼費力就可以咬開，不重羊膻味，但好juicy! 一路食一路見d 侍應不停出幾十件燒羊架送到各張枱，就知好多人叫！炸物我地怕熱氣，只係點咗芝麻雞翼、榴槤球