大勝丼 (已結業)

話說好倉猝係上就上網搵日式刺身壽司，諗住簡簡單單同個 friend 食生日飯.好快就係OpenRice book 左兩位7:30.我自一個到左先， 一坐低， 職員就送上麵豉湯同餐具， 我等埋朋友到左就一齊嗌野食， 一打開個menu 就比佢既魚生丼飯吸引左，

食刺身唔洗專登飛去日本既！旺角啲餐廳多到數唔曬，咁岩行到去旺角新城，見到5樓有間大勝丼就試下。午市套餐都幾多野食，叫左個火炙三色丼$82，包括三文魚、帆立貝、蟹籽，顏色睇落已經好吸引，食落都幾好味，正常份量，如果有大碗啲就更加好，套餐包埋麵豉湯、前菜螺肉同甜品雪米滋。額外叫左兩個小食，炸雞$20同芝士年糕$20，兩樣都係配沙律醬，比較既話就芝士年糕正啲啲，外脆內軟，食過番尋味！仲要冇收加一服務費，抵食！

今天lunch time去左食大勝丼🍚，lunch time單點menu有88折😯，或者有lunch set我就揀左滑蛋鰻魚丼set🍱， set已經包前菜，麵豉湯，主菜同甜品，都只係＄88，抵食呀🤑滑蛋鰻魚丼條鰻魚都唔細，不過如果多d滑蛋會開心d🤭麵豉湯唔係就咁用麵豉醬開嗰d，而係有落其他材料煲過架，有誠意👍🏻佢仲可以追加其他小食架，我就追加左吉列炸蠔，個皮炸到金黃色，一咬仲爆汁添，唔錯唔錯😌

員工好熱情，一入門就準備好湯，熱茶同餐牌，好快手。收工經過自己一個上去食，無朋友一齊想去洗手間都唔方便，請員工幫手睇住個袋，都無托手踭，值得一讚。食物方面，今次叫咗個牛肉飯，好快就起到餐，上到黎個賣相都好好睇，睇落好有食慾，都同張相入面差唔多，不過我覺得個飯汁同牛肉個味有d淡，味道同個賣相有d出入。呢間有個好特別既地方係可以任裝湯，不過其實食完個飯都無胃再encore了，個湯都幾好飲。成餐飯最想講既係，餐廳張臺真係有d矮，坐到個人好似凹做入去咁唔係好舒服……

今日Lunch同同事去左大勝丼食原來一直係公司隔離大廈都無留意真係可以做返多d宣傳佢係樓上店黎 一上到去環境都幾闊落光線充足 坐底即刻望望meun先午餐meun午餐份量係比正常價既2/3 好岩女仔食如果你唔叫lunch set叫正價丼3點前仲會有88折 有野飲我叫左2號什錦刺身 好足料咖 一路食落d飯一路都有魚生!好滿足我同事叫左7號魚子非常大粒同多!!!2碗都料十分足性價比唔錯!lunch set有湯前菜同甜品(小雪糕)好完滿

✨#中女獨食難肥日誌 ✨#大勝丼 #旺角美食樓上舖日本料理，竟然有新發現🤩午飯時間來到，人不多，丼飯選擇卻不少，還附上味噌湯、餐飲、甜品！驚喜👍🏼..#三文魚帆立貝丼 $128（午餐再有88折）三文魚🍣肥美無筋，帆立貝也十分鮮甜，大大隻而且份量很足👍🏼三文魚籽脆卜卜，咸香好配飯！飯微暖，不過冷過熱，調味亦剛好，魚生解冰做得好，配料新鮮，整個魚生飯很高質呢！

我鍾意食日本嘢嘅，都未嚟過呢度。今日我梗係唔會放過呢度嘅丼飯啦！先係叫咗個甘蝦海膽丼，有五隻蝦咁多鮮甜甜美！仲有一個板咁上嘅海膽，睇到都興奮，超吸睛呀！新鮮鮮味！食完已經係超級飽足了！再嚟火炙狂牛丼，粒粒牛肉攝入眼底。再加上一個流心既玉子，兩者融合來食，令到整體非常滑溜，又充滿蛋嘅香味，滿足非常！食飯之前就有任飲嘅麵豉湯，都算幾清新，佢唔係話好深色好重帶苦味嗰種麵豉湯。又可以免費飲真係啱晒唔夠飽嘅人亦都可以免費添飯！咁飯後就有一粒冰鎮雪米磁，解解膩，非常滿足！

今日返工出左去做野,就順便叫阿媽出黎食飯,費事返到屋企都晏,天氣都幾熱就想食d涼野,信和落車搵野食,收到傳單見唔錯,又有刺身飯就去左餐牌選擇都好多,除左刺身飯,仲有豬牛等等可以選擇叫左一人一個丼,阿媽食帆立貝海膽丼,海膽份量唔少,$158價錢真係算抵!creamy入口即溶,而帆立貝係大size厚身,好甜而我就食三文魚帆立貝丼,帆立貝同樣厚身,三文魚有4~5塊,好大件,近腩位所以油脂比較多,魚油好香,魚籽比較淡口我幾鍾意,平時出街食親都好咸本來想叫野飲,侍應話原來包埋湯,飲品,甜品!加分!而甜品係糯米滋一粒,飯同刺身既量都夠,所以食唔落糯米滋XD出開去的話會再食,好想食火炙既丼同肉丼!全日都有88折,所以真係唔錯

今晚同朋友食飯兩個都想食日本野 但係有冇咩idea～就用OpenRice search旺角區有咩日本嘢食！禁禁下見到”大勝丼”用App book枱有88折 咁好嘅着數點可以錯過！1秒決定今晚食你啦！好彩訂咗枱因為一入門口已經見到全部full晒～ 餐廳留咗個舒服嘅卡位俾我哋！一坐低侍應已經好快過嚟招呼～放低碗好足料既麵豉湯 仲同我地講湯同埋丼白飯可以無料追加睇餐牌已經覺得好吸引而且價錢都係百幾蚊左右 CP值好高！叫咗一個”甘蝦海膽丼” ($148)一個”火炙刺身丼” ($138)仲有”炸蒜香雞軟骨” ($42)Wow海膽原板上 海膽味唔算好濃郁 但係勝在夠鮮甜！再加埋5隻大大隻嘅甜蝦 同埋一堆好新鮮嘅魚子～淨係睇賣相都已經舔舔脷 而且丼飯好大碗 女仔食真係未必追加到～火炙刺身丼有吞拿魚、帶子、蟹柳、三文魚 配上脆卜卜既蟹子同沙律醬 對於唔食魚生嘅朋友 呢個係一個相當唔錯嘅選擇口痕叫咗個炸雞軟骨平時小食既份量都係細細份 估唔到佢咁大碟！有得book枱～又有折 而且又唔收+1 份量又夠晒！今餐真係食得好滿足 有機會一定再嚟食第二次

窮遊香港-旺角抵食日式餐廳👍🏻即刻like @hkfunfoodrecord 同follow先啦.先講講呢間餐廳既特點免加一湯 飯任添有得儲印10個印送$100（叫套餐或消費滿$100就有一個印）（套餐價錢大概$60-$100）叫套餐外既野食有88折 仲送野飲係咪有d複雜呢？ 繼續睇啦.先講野食⭐️火炙三色丼$82（套餐）汽水加$5（包前菜小食 麵豉湯）👍🏻麵豉湯 好好飲 有d豆卜絲👍🏻仲有紅蘿蔔 白蘿蔔一齊煮👍🏻整體唔個湯有蘿蔔甜 唔會死鹹👌🏻前菜 正常 唔多講🤔火炙三色丼 望落唔正常 唔算大碗但所有野食 裝到勁滿 其實份量幾多🔥帆立貝三文魚 都燒過有油香😋加埋沙律醬 魚子 一齊食好正底下珍珠米 仲有飯素唔驚食哂d料 餸唔到飯呢個整體抵食 好評.⭐️三文魚帆立貝丼$128（有88折）（包飲品 麵豉湯）（不包前菜）👍🏻魚生量勁多放到滿滿👍🏻三文魚滑 有油香👌🏻帆立貝有大量 大大粒 冇雪味💁🏻老婆話：帆立貝有少少腥味💁🏻‍♂️我就覺得正常：只係唔夠鮮甜但大粒補救 仲有大粒魚籽係上面.呢間整體 大份 足料抵食唔會有食唔飽嘅感覺儲埋印花 cp值可以再高d.#大勝丼 (旺角)地址：旺角彌敦道594-

今晚order左兩個丼🍚 比較下佢哋嘅鮮甜度 🥊 帆立貝海膽丼 vs 吞拿魚腩碎中拖羅刺身丼先試海膽🧡入口即溶 帆立貝大大粒夠哂鮮甜！中拖羅爽口彈牙 吞拿魚腩碎咀嚼完後更加有一種回甘味停留係個口入面！掌門人話齋😇 總結結果: 打和🏆瞇埋眼食仲以為自己係日本水產市場添最重要係優惠期間全單88折！————————————————————————————#mk #mongkok #旺角 #食左先講 #香港好去處 #相機食先 #foodiehk #hkfoodie #大勝丼 #nommom #sashimi #sashimilover #salmonsashimi #salmon #seaurchin #urchin #uni #海膽 #帆立貝 #scallops #帶子 #japanesefood

可愛日本和食的我， 午餐想找一達幽靜的地方鬆一鬆。 輕輕鬆鬆食過有質素的午餐， 喺旺角呢個人煙密集的地方， 我好多時都會找樓上的餐廳。 貪佢地方闊落啲而且又唔會咁趕時間， 服務員都比較殷勤有禮唔會催你。日式餐廳都裝修得幾骨子, 座位也比較闊落舒適。十二點入座剛剛好, 如果太遲就會冇位。我叫咗我最喜愛的鰻魚井， 鰻魚井大大碗原條鰻魚上， 鰻魚燒得焦香。 中間有一隻日本溫泉蛋， 蛋黃味豐富， 半生熟 用嚟撈飯最滿足。厚切三文魚總共有三片， 大大片咬落口感好， 新鮮 好味。

星期日公眾假期過後，星期一又是辛勞的一天。一整天，跟同事們努力跟進工作上的進度。大概6點左右，肚子開始餓，忍不住要食一食晚餐，才繼續工作。於是我們就去了旺角新城5樓的大勝丼進食。我們一同三人每人叫了一個丼飯。分別是帆立貝海膽丼，$158。三文魚帆立貝丼，$128。燒肉元氣爆丼，$98。埋單有折扣88折優惠。所以埋單是$338。平均人均消費是$113。未食丼飯之前，職員先每人送上一碗類似麵豉湯，裏面食到有白蘿蔔。又說如果飲完可以免費添加。所以我覺得幾好，因為可以免費添飲，哈哈。而且，每個丼飯有送一罐 飲品。我是吃燒肉元氣爆丼。一送到眼前的時候，真是嘩一聲。燒肉的份量超級多。我的意思是燒肉的高度和佔的體積份量都好多。於是忍不住拿出手機拍照，哈哈。這碗燒肉元氣爆丼好好味。燒肉不會太乾身，食到濃郁的豚肉的味道。燒肉本身灑上了少許醬料，而飯的表面又添了一些些紫菜條。食完飯，還有差不多一半的燒肉仍未食完。可想而之燒肉的份量是何其多。至於，三文魚帆立貝丼，亦是一個「餸多個飯」的情況，哈哈。帆立貝好大隻好肥美，三文魚油脂分布都好均勻。而且裏面有幾片檸檬，突然之間覺得幾窩心，我猜想餐廳可能是想藉着檸檬癖

今天約了朋友在旺角午膳，由於大家都喜愛日本料理，今次去了旺角新城的大勝丼。此店不算太大，地方都頗為舒適寬敞。我們先點了三客刺身，包括三文魚、藍鰭吞拿和油甘魚。刺身非常肥美新鮮，全部都是厚切，很有口感，尤以油甘魚最為突出，魚腩肉細緻甘甜，油花均勻散佈，嫩滑多膠質，融化在舌上。之後點了溫泉蛋鰻魚丼和鯖魚丼，兩者都有水準，鰻魚新鮮肥美，彈牙無腥味，溫泉蛋流心香滑，鯖魚肉質鮮嫩，油脂豐厚，皮脆肉香。人均消費$205，享受美味的一餐！

友人推介這裡的丼飯，剛巧來到旺角，便來到試試午餐。這裡的所有丼飯，包括味噌湯、汽水，而且味噌湯和飯可以任加。帆立貝海膽丼$158，帆立貝味道鮮甜，三文魚子鹹香味濃，海膽是馬糞海膽，味道甘甜，三種食物配合得天衣無縫。呑拿魚腩碎中拖羅刺身丼$158，呑拿魚腩碎帶著濃濃的魚味，中拖羅味道鮮甜，只需加點豉油，就可以帶出鮮味。油甘魚刺身3片$48，魚味十足，鮮甜可口。飯後還有雪米糍，可算完滿的結局了。🥰🥰