大久保日本料理 (已結業)

成日叫野叫10 樣俾2樣,又話明食到2:30,但2:00已經冇得叫,之後個女侍應又黑口黑面,不斷咁話我地,又話我地唔好次次叫一兩碟,又話同佢d筆,佢又冇寫明要用,e d 服務態度唔係好得囉,我地明明叫左20幾碟,離得5碟,不過$40幾蚊都ok,同埋個男職員就好好,

之前去過食lunch任食, 叫10份黎得3份..差唔多樣樣都係咁...有d 仲冇黎過. 叫左好多次, 但食極都唔飽...雖則話係任食, 但佢成日落完單又唔送黎...最終都係食得好少..

真係差首先樓下等位，個阿姐一見你想走就話有la有la結果等左成半個鐘先有位，最可怕是當其時只得我同朋友在等位......一入座，點解得小貓三四隻...但我係樓下等足半個鐘之後到點野食點乜無乜，而且又唔係平如果係點魚生、刺身出得小或者無到我就算啦我果次連雞亦都無啊，得d 炒菜(明顯係「黃牙百」)、薯仔餅同一d 苦苦地的燒魚(隻隻都斷頭斷尾)....如果唔係一入座一定有一個邊爐俾，咁就只係食左一兩舊魚生同三四舊白飯加勁好刀工魚生(真係好薄)。我記得果日佢送象拔螃...唔知係唔係我同朋友問題，象拔螃真係臭到不能再臭....最後打算叫兩個拉麵，三個炒飯"隊"飽自己...點知最後都係同北寄背一齊唔見左...大佬，俾成舊幾水食個炒飯都唔得....真係搵鬼食p.s. 收飛仔的阿姐，如果我落order 而你又有黎我就當然唔敢煩你la....下次唔該你個面色好小小啊仲有啊...如果你無野俾人食，可唔可以俾多d水我，我估飲多幾杯水我會飽的。

不知所謂! 點咗壽司刺身d單交咗比侍應,但不翼而飛!最開始是來過一隻船和一碟"三文魚壽司"和"三文魚及鮮蝦刺身",之後無喇!然後食來食去都是"街邊熟食",日本嘢欠奉,例如:雞翼(想比第三碟但遭我們拒絕,心諗我們點會叫三碟雞翼,前世未食過咩),沙律,難食牛肉,串燒.....之後吹到第三次先話無咗單,要再填!有無搞錯呀!之後,來的都是"三文魚及鮮蝦刺身", "三文魚及中華沙律和蟹子壽司",永遠呢幾碟,其他在單上的都無喇!除了可坐兩小時傾一陣,就無好處!簡直浪費金錢,環境逼夾,還換來唔開心, 大家絕不可重蹈覆轍!

海膽好食, 刺身就一般, 不過以呢個價錢都算OK!飲品都算多選擇!不過個洗手間窄咗D, 又得兩間! 房O既間格幾好, 舒服!下次都會再試!

以為四十八蚊任食話平都唔係平, 諗住會正正常常啦, 其實我同班fd的要求也不是很高, 只要食物過得去, 吃得飽更可, 但上星期去大久保實在失望, 野食唔算好好, 還可以吧, 之不過要乜冇乜, 交紙仔俾伙計落單都唔多願意收, 又限住每次落單不超過三款, 想點呀~~~~咁我地咪不斷落單囉, 叫十樣都會黎三,四樣既.........就算來了也是一件........唔到喉更加唔到肺不過有個伙計哥哥見我地咁多野都唔黎, 都醒左件據稱係冇的墨魚手卷過我, 咁我地都好開心, 但係咪即係證明佢地唔係冇, 只係唔俾下午食放題的客囉貼士: 見到有d客話佢地落單的食物未來齊不肯俾錢, 咁伙計只好死死地氣上菜, 果然好橋, 如果大家真係(想清楚)要去食, 可以參考參考

d 野食都真係幾慳皮，你叫三文魚壽司就只係得一件壽司，你叫黃金粟米魚餅，佢夠膽只係俾一粒你！奉勸大家叫野食時都係寫得個份量大d好d，若果唔係真係會唔多飽。食物味道ok，都會有漏單既情況，但臨cut單前都會幫所有人追番，算係咁啦，不過遲上就令到大家食得幾急下。因為我係食兩點果場，只需俾$50，所以都算係咁架喇，不過不失啦，都冇傳聞中咁差既。

個晚去同個朋友慶祝生日,但忘記訂生日蛋糕,就打電話去問有冇辦法幫我買生日蛋糕,個男經理話有生日蛋糕同香檳送,個生日蛋糕仲可以寫名, 認真正!當晚上生日蛋糕時個男經理仲攪氣氛同唱生日歌,我地都非常開心.但等入座就等得耐,而且有的亂,要改善一下.

刺身好鮮味, 不夠熟食就唔夠熱!有位經理哥哥幾好人

好一間垃圾舖!!叫o野o左食唔洗旨意有得o黎粉麵飯除外如果大家諗住俾百幾蚊去食「百佳飯」就儘管去做水魚啦!

話說果次只係去左一次，就永遠唔會有下次叫食物十張單只係有三張真係有來擺明係去拖住d客，等人唔記得就唔來d食物，降低成本咁你就唔好話係俾人隨便叫啦名不副實。冇叫的食物偏偏就不停上，成條生魚生勾勾都夠膽死上，你叫人點食？下？向佢地投訴，點知態度差到..，野食唔好講啦，又唔新鮮，又淡茂茂，d 料完全係parkn shop $10 sushi 貨，認真貼錢賣難受，我不如去bbq好過俾錢去受呢種食肆氣

我又覺得幾乾淨, 唔會有煙頭咁誇張卦?食物創新, 起碼刺身同上次唔同, 多咗選擇

我個日同我d fd 去左個間野到食野既＠Ｑ＠本來到訂左位ｌａ點知去到仲要叫我地等．．．無奈地我地等到１２：４５pｍ先可以入去既＞＜入到去本來念著叫野食ｌａ點知條友同我地講你地唔洗叫架ｌａ我地會咩到出比你地＝－＝我地心想ｌａ佢出到好既唔洗叫．．．點知佢出黎出去到係魚生同小食．．．只後我地末叫左佢可唔可以比其他野黎食ｌａ佢有話好野－０－我地到期待緊個樣野食ｌａ＠Ｑ＠一黎我地就開始拿黎食ｌａ．．．點知當食個陣無ｌａｌａ有個ｆｄ係碟野到搵到技煙頭\./我地無同條友講返囉佢都無咩反應既...唉...想幫個fd過一個開心d既生日到搞成咁...只後我地到唔等佢地出既野la一心我地咁多人就叫其他la點知叫左好多張野一樣到無黎過...

日式餐廳講, 算好多種類選擇, 火鍋都有, 最好食算係個火鍋! 壽司d 飯都幾酸, 幾正宗! 不過如果可以唔漏單就好, 唔知係咪太多人, 所以有d食物好遲先! 如果呢間餐廳可以改善呢點就更好! 侍應手腳好快, 值得一讚!!!!

落左單勁耐都唔到,黎親都係d飯呀麵呀,想食到你快d飽左就好走人,同佢講cut order 唔想waste 佢d野食啦,仲俾佢話番轉頭話我地唔食就唔好叫wow!!喂!!係你地係咁俾d我地無叫既野食黎咋!!!埋單仲想要我地俾加二!!!彩佢都傻啦!!佢試下收我地加二睇下我地會唔會發爛~~~真係好鬼激氣呀!!!!!仲要唔平wow,都要成$150 一個人,都唔知食出咩野!!