大久保日本料理 (已結業)

好: 價錢大眾化衰: 將貨就價好: 任叫任食衰: 任意上菜好: 選擇多衰: 質素差好: 有獨立既房衰: d waiters 態度唔好好: 魚生壽司天婦羅衰: 食完因住會肚痾

係黃金時段, 一行十人黎到食晚飯, 黎呢度食置在有地方陪一班朋友食飯傾計, 對於要以「任飲任食」四個字做宣傳既食肆, 水準待遇方面早已心中有數, 不過竟然遠超於想像之內.食物方面, 水準比超級市場更差, 係假日式料理; 魚生刺身款式少唔新鮮, 其中有件重係酸既; 壽司, 串燒等等都係平平無奇; 野菜炒, 日式炒烏東都係凍既; 窩物落左單後就音訊全無; 天婦羅並無蝦可選擇, 其他款式係味精多過炸漿, 炸漿多過裡面既餡.最有趣係點左四份燒芝士雞尾腸, 上菜時就有四條, 計算如此精明, 確實配服!!以食物水準評論, 相信係全港最差既日式料理; 以商業角度評論, 可能係全港最識「精打細算」既日式料理.

先等了成個幾鐘.入到去, d野食又慢. 我懷疑"丟單" 有什麼理由任食? 食物很難食. 好像呑拿魚酸的. 三文魚又唔新鮮. 又話生日送酒. 本來2瓶的, 後來得1瓶........重之好差. 千萬不要去. 無下次

以咁既價錢食咁既野............完全唔掂!!!!之前同朋友慶祝生日,去呢間野食自助餐,諗住成$200一位,應該唔會差啦,點知無論點咩食咩都係垃圾!!!d刺身好似大集燴咁!!!哎,唔想再諗起佢d食物, 去對面東京迴轉好好多!

一碟八件三文魚壽司竟有八種不同的色澤與紋路，其中一件更沾上了沙律醬！而墊著刺身的蘿蔔絲亦現出暗灰的顏色，所以絕對有理由相信大久保會把食物*回收再用* .\/.

係任你叫任你剔,開頭坐低出了D壽司啦,不過過多一陣Dorder單唔再出啦,你吹個部長啦,求其話來緊來緊,都冇去廚房chesk過......成50幾分鐘都唔出菜,大佬呀每檯兩個鐘,有一半時間唔出菜玩野咩!任你剔任叫...冇意思...已經係樓下企到夠鐘先入得又熱又剩....仲要食D魚生又唔新鮮又細.......

蟹籽三文魚壽司﹣又係唔新鮮，壽司上面既蟹籽同三文魚跌到甩甩漏漏咁，令人無胃口。十分失望服務差, 食物差. 以後唔再去o個晚兩個人食, 坐bar, 對住班整壽司o既師傅, 佢地對手係不停咁整野, 但係另一方面佢地個口又係不停咁講野, 不停亙相傾偈,勁唔夠人手，上菜又慢!!

服務比以前好咗, 至少有人理, 態度都唔差!上到去發覺經理們D笑容都幾夠!呢度搞泰國美食節, 所以多咗好多泰式食物, 整得幾地道同正宗, 特別係冬蔭公, 夠辣!都幾有新意, 唔會食來食去都得果幾款!下次再嚟試吓!

第一次食手卷內裡只有一立方厘米大既三文魚

之前都去過2次，覺得d野食都ok丫~以五十幾蚊依個價錢黎講，算係合理。不過有時d侍應唔係點理d客，又成日都漏單。今日去完書展，同左三個fd去食。嗯，今次d服務態度真係好左好多，打電話訂位個時，d態度幾好~去到即刻點左好多野，因為諗住佢實會漏單。點知佢上得好齊，仲好快添~d三文魚幾好，幾新鮮。湯麵同鳥鍋都值得食~不過d甜唔就麻麻~其實依個價錢黎講，都唔可以要求太多~今次覺得佢地既服務有好大既改善，應該會再去~

個午餐都幾好食, 大約$55, 算係咁啦!魚生都幾新鮮, 比得上出面某d超級市場!下次都會再光顧!!

但係叫十樣野8 樣無黎,特別係刺身同埋壽司,唉～～好失望囉．．但係好似有個黑３姐姐幾靚，服務至好笑容算多囉！下次我諗如果同理fd黎都係黎望下多過想黎食野

印象中去過3次第一次係2-3年前入U之前同d friends去...因為有d friends要走...當係farewell..o個時o既我都好少食li d野..食日本野多數都係去下食拉麵,迴轉壽司咁...所以第一次去覺得唔錯,而且我地多人,有房坐,感覺幾好...叫野食又一大堆咁...所以都無人知有無漏單/上錯...價錢亦好合理,百零蚊都算係咁la...到第二次同bf去..2個人去至真正體驗到佢有幾唔掂..d野亂咁上...叫左d魚生就求其比幾件你,完全唔係我地叫果d...又成日漏單...次次都叫我地填過..但係最後又出個double wor...點食ar???d service又唔得,d人掂行掂過咁...又有d dirty...可能上次坐房唔覺...第三次同另一班friends去...本身唔係話去li度o既...但訂檯果個唔係我,所以唔知點解最後去左li度..不過因為有人生日,所以唯有照去..今次都有房坐...感覺上好少少la...d野食依然好亂...叫人加水又叫勁耐都無人應..最後埋單有張"免費送一個"o既coupon...但最後都寧願o徒左佢好過再去受氣...總括o黎講,佢的確幾抵o

唔知點解你地講得差數埋數埋, 我都去過6次好似次次都冇漏單阿環境麻麻地, 食物都ok啦, 係就係唔夠熱,但可以接受~個經理幾好禮貌的~不錯~

星期六　(lunch time) ＄４８／位(加一)12:00noon 岩岩去到，我地四個人,叫左１３樣野食,,等左好耐,黎得果２樣～仲要係一人一小小小件詐野都未食完，12:50要我地埋單...( 離哂譜！)我地話埋咩單呀?　ｄ野都未黎齊...條友勁唔好老脾,係都要我地埋單喎．．．咁只好埋單啦～跟住我地狂叫野，黎左幾碟：三文魚沙津，網燒牛肉，乜乜炸豆腐，x拿魚手卷，乜鬼青口, 炸蕃薯,...嘩...個三文魚沙津ｄ三文魚切到一粒粒咁,得四粒o係ｄ沙津到詐....陰公>_<"網燒牛肉每人　得手指尾咁dai 粒詐豆腐我諗佢一專切開八舊,, 勁cheap手卷＆青口都算ｏｋ詐～又話每人可以叫一款刺身４個人叫款啦，黎得一個三文魚刺身１：３０pm 條友話last order咁我地問: 又話食到三點?條友話: 唔係ar，係兩點我地心諗：超搵笨囉，黎又黎得慢，食又唔係食得多，仲要每樣野食得一啖仔...．加埋一每人成５５蚊食個咁ge lunch．ｄ咁ｇｅ　服務態度　加乜鬼一呀！？．睇雜誌介紹　又話有泰國美食，都冇ge～．我地四個已經唔係大食架啦，都唔夠飽喎！．數數埋埋,,我地食左14啖　野