大久保日本料理 (已結業)

其實大家都知這裡的SERVICE 和食物怎麼樣的了，沒抱太大信心，所以也沒什麼失望，一如以往，叫了的食物不來，失單，阿姐的態度又不太好…但都是說：用這個價吃這個食物都算OK。門口本來有個美美的女生，逗她二句說話她就像吃了黃連，我走時她還狠狠的瞪我一眼，唉……

之前下午去過,以為平訧無咩野食,所以晚上去試一次, 果然是大失所望.果晚叫咩無咩,叫左n咁多次刺身,只是來過一兩次,每次得幾片,我們有十六人,每人分都無一片,叫人點食,刺身無都唔重要,但其他寸燒和炸物都無來,叫炒飯炒烏冬就一定來,但係果兩樣野都唔好食,我第一次食自助餐食唔飽,你話間野失唔失敗,如果唔係開係旺角,一早就收皮,下次請我都唔去.

我同朋友都通常都係銅鑼灣既大久保食，有次同另一朋友講開，佢都係鬧到飛起，原來佢係去旺角個間！咁我就有日過左去旺角個間試下啦！我十二點去到，佢話要羅籌同留底電話，我未羅左籌先羅，咁我平時十二點四五個字係銅鑼灣個間佢地都會比我地上去坐住等，等到夠鐘至同我地入單既，咁我未諗住旺角個間都可以羅，點知去到好鬼多人係度等緊，我問佢可唔可以上去等架？佢話你等等啦，點知等左幾個字，佢叫號碼，根住好似放鴨仔咁，全部人上晒上，好似走難咁，上到去又迫，寫左野又黎少少，又唔好食，客多，服務員又少，真係比銅鑼灣個間差好遠好遠呀！

其實我三至四個月前去過一次,由於係朋友請,所以有幾差我都唔好意思出聲,事實上大家所踫到既問題,我亦有遇過,不過我當時心諗,睇下你幾時收檔,但真係估唔到,依加仲有人一路閙一路幫趁,點解?迫,寸,趕,仲見有人排隊,無野講,自己攞苦黎辛!

這是我食過全港最差的日式放題,雖然只食過一次,但非常後悔!1. 送食物的速度極慢,慢吞吞的,試過等左半小時都無野落肚.2. 追單時侍應的態度卑劣,可能是太忙的原故,人手明顯缺乏.3. 追多兩次,求其送D野尼,過分!4. 食物種類很小,而且一個也不新鮮.舉例來說:你很難想像三文魚是乾身的.......太多, 不能盡錄....

我去過銅鑼灣兩次食lunch，都係五十多元。食物種類及質素確是一般，但可以接受。。〈鬼叫我吔貪佢地夠平咩，將就一下啦。〉至於服務呢，經理仲勤快過D服務員，但係攞命，都唔知佢吔點請人。

一開始入去佢已經話限時2個鍾,咁我地就梗係拿智聲開始叫0野食啦!!!點知就叫0左好多0野都無來到,無叫0既就有來,問侍應就個個扮忙聽唔到,聽到就求其應你話幫你跟,點知就都係無問,到搵到個話得事0既人來問,話叫左好多野無來先有得食,d食物仲要係凍0既(唔係指魚生係指應該熱0既食物),當我食緊d 唔係咁滿意0既食物時,就有個人行埋來叫我埋單!!!!!唉~~~~下次都唔會再去.

本人嘗過此餐廳午市時段之任點任食，整體水平尚算不錯。看過其他食評之後，雖對有些食評有點同感，但對劣評如潮卻感到有點驚訝，可能它比以前進步了。這餐廳雖有一至兩次落錯單的情況，但仍可接受。職員服務態度也算不錯，他們有禮貌，也會不時為客人加水及回應客人之要求。餐廳裏更設有電視機，可提供電視或電影娛樂。至於食物方面，坦然其質素的確不如其他日本料理食肆。當中，卷物賣相和野菜天婦羅味道較差，但汁煮魚頭與甜品是頗有水準的。以$48的價錢可以吃到不同款式和份量多的日式食品，算是便宜。若是同樣的食物品質，但價錢高於$60，是不太合理的。

食物質素同服務態度都唔係太好呢．．．

某日三人成行,約八時到達,都多人係門口等,因為佢分好多場既,所以都要等之前個場d人走得七七八八先可入場,入到去,個環境都唔算好闊落,有d迫......得兩個鐘,甫坐下,當然二話不說,每樣都叫d,隔離檯既情侶,女方生日,該店送左個壽司蛋糕比佢,佢食左一啖,同男友講飯好硬,以為這裡只是某些出品唔掂,點知~~個日叫既野,因為叫左好多樣,所以不在此詳列,總之,係無一樣係掂,某d就直情係難食到死,印象最深刻既係什麼黃金船,出面個塊係油揚,裡面得個幾粒雜豆同埋一個"pat"白色杰撻撻物體,原來係豆粉芡,簡直離譜!!個日每樣食左一舊,勁難食,所以唔夠一個鐘就埋單走人,咁既價錢,但質素又無,真係貼錢唔難受(自問未算苦,為何還受苦)~~ 仲要走時,門口都有人等位,真係費解!!

同其他食家一樣, d 野唔好食之外, 仲要上菜慢, 貴價野, 叫完會有四份一o黎, 已經可以話係非常好啦~~仲有, 地方太迫

早幾日我屋企人訂咗14位尋晚去佢嗰 度食飯,佢要我哋尋日朝頭早交訂金,但係訂位同交訂金時佢哋 啲員工沒有交代如果訂咗14位,嚟 唔齊都要俾錢,咁啱我哋有2個嚟 唔到,我哋 坐低之後,佢問我哋幾多位,跟住我哋同佢講得12位,轉頭有一個著住藍色裇衫既員工佢同我哋講之前你哋訂咗14位,依家得12位,另外個2個都要俾錢,跟住我哋話,你哋 無人同我哋講過喎,佢仲話哩個係我哋公司規矩,如果你哋得12個人我哋唔會俾哩間房我哋(之後我哋見隔離房4個人都係坐我哋哩種枱),但係我哋話訂位同俾訂金都無人同我哋講過,佢公司廣告牌又無寫明,跟住佢就話咁"一人一半啦"你俾13位,我哋梗係唔制啦,後尾有位著西裝既(我諗係經理)同我哋講今次唔駛啦(我心諗仲有下次咩),之後我哋就開次寫嘢食,當然同你哋所講一樣,叫九萬幾様先嚟兩三樣,我叫三文魚刺身叫咗3次起碼落咗20幾件,但先嚟得嗰5件6件,又要吹幾佰次先嚟,我哋8點鐘去到,咁佢只可以兩個鐘,所以10點我哋要交枱,佢係9點半同我哋講要last call啦,跟住我哋就即刻落order(叫咗一個鍋物/猪柳粒/冬茹同尤魚),但等咗15分鐘都未嚟(去pizza hut人哋las

(落單勁差....食物一般.....上菜勁慢.....服務一般...最多只係坐低OK啦)

同其他食客所講既一樣...勁漏單!!!十張單有三張己經偷笑...冇叫到既食物都上...都唔知佢地有冇跟單,....貴夾唔飽(刺身)既就上得勁慢平價貨佢地就好有效率喎!!!環境又熱...熱到好似冇冷氣問侍應野,又好似唔想應您咁!!!話佢地d食物上得慢...佢竟然話要我地追先會上得快d....仲問我漏d咩,幫我地追...大佬呀...叫十幾廿張單漏起碼一半,點記得呀!?最衰冇得評"負分"......

魚生款式小,熟食完全無味道.