大久保日本料理 (已結業)

我睇過食評, 話大久保唔得, (不過好多非會員既人又無講原因!!我都係第一次寫食評!)本身都唔太願意上去食, 後來朋友又book咗房, 就硬住頭皮去試!但食完既感覺又唔太差, 各方面雖未至於完善, 但至少佢地會顧及客人感受, 會問你仲有無其他需要同無黑面囉!食物除咗有時會漏單之外, 都無咩問題!好似有d唔公平,有d食評都唔同我去食完既感覺, 之前果幾間都係咁!

睇到上面啲差評都己經係我嘅經曆，晚市去食每位$138再加一$15X 食到極唔開心，一定無一次!!!

尋晚玩到兩三點... 咁咪同gf去大久保食宵夜自助餐lor ($88/位,佢地話可以食到6:00am)去到...點野食既單一係就唔齊...一係就俾人寫過既...寫完要乜野食...但係無乜待應會理你...仲有..d野食亂咁出....有d見左既就無...無叫既又唔知點解會俾左你=.=""野食方面....麻麻啦....刺身唔新鮮....揚物好似個d炸好左...之後叮番熱俾你食咁...最過份既係野菌牛油燒發現幾塊大塊蛋殼!!個經理仲話可能係佢打蛋炒...唔覺意跌左落去...我心諗...唔係呀...野菌牛油燒wor...無蛋架wor....不過話晒1月1日....新一年唔想第一日就同佢嘈....佢話就話食到6:00....但係4點幾叫人埋單....就快5:00就收人地d食具既野....咁點食到6:00呀...擺明趕客啦....第二日有dd肚痛....我以後都唔會再去大久保....

1) 飛單都唔係咩新奇事. 我記得我第一次去呢間野係聖誕節後假期, 飛單飛到暈. o個次食到一肚氣, 不過見佢爆晒, 就原諒佢. 及後再去多兩次都係閒日, 場唔算太爆, 但一樣勁飛單.2) 樣野食已經無晒但係又唔出聲. 求其俾D唔知乜野你, 又唔問個客會唔會食. 有時根本你點左樣新野, 都唔知佢咩樣; 覺得好食, 下次再叫又唔係呢樣野黎.3) 無端端拎D無叫過o既野黎初初以為係去錯台, 不過經過咁多次, 我覺得係策略多. 俾D平夾飽o既野你地, 如果食埋, 咁相對貴夾唔飽o既野, 好似刺身咁, 就會叫少左. 其實, 打得開門做生意就老實D啦.4) 無侍應會得閒理你總要叫好多次先有人理你. 理左你又唔代表會幫你...5) D野上得慢一個牛油焗金菇, 竟然要焗一個鐘以上. 我地無追過單, 所以, 應該算係上得慢. 人手唔夠, 就唔好做咁多台客啦.6) 贈品?!連佢張優惠券, 可能會有D額外野送俾你食, 好似俾個鑊仔你烚野, 或者俾個爐你燒牛肉咁. 有時一坐低, 疊食物紙度會零零丁丁有一張只可以點一次o既食物紙. 如果你以為點左佢D矜貴野有著數... sorry, 我覺得只係食到你飽D on

四個人去左食宵夜，講真唔係話好平，但咁既價任食，其實大家都唔使太高期望咯。d 野食唔係好好食kaja~你問我邊樣好食都答你唔到~佢地為求食整飽你~其實好多時會漏單，一係就一來來兩次~其實唔計走單，d服務係接受到既，坐房既話環境會好d咯~個人覺得銅鑼灣o個間好d~d單走得無咁勁~d野食好食少少。

食物: 不新鮮, 三文魚有少少發黑, 每件食物都很小!環境: 桌子之間的位置很小, 我們2人被安排坐在2人桌, 但是因為食物多(其中一個是火鍋), 所以很擠逼, 差點被鄰桌的人把火鍋推跌。服務: 多次漏單, 經理黑面。這頓晚餐每位$138, 但是我覺得是多付了, 因為食物,環境及服務實在是太差了!

叫十張單先黎四張, 經常側側膞走你單, d野食要催先黎。唔係就到走果陣都唔會黎。分明就係揾笨。無論食壽司或魚生,d料都細細件,完全食唔過!

今晚因為睇雜誌話大久保有優惠，我就去左油麻地果間，的野唔話得唔好食，但我第一次食自助形式的日本野係食唔飽！寫左紙最少要等四個字到半個鐘以上，絕大部分寫的都不會出現，又不作解釋，實有行騙之感覺，同家姐講開先知，原來生果日報都講過呢間野的做生意手法的

Lunch黎講都算唔錯,d 壽司新鮮,d壽司飯都幾好食,熱野都幾多款式.而且四位或以上仲有一板海膽送,果日我朋友生日,仲送埋蛋糕,覺得真係幾抵食呀!

我地大約12點鐘嚟到, 見倒好多差唔多年紀O既人响度, 氣氛OK!我地夠七八人, 所以坐VIP房, 貪有獨立電視同不受騷擾!啤酒又任飲, 幾正!鹽燒三文魚好食, 多春魚都好正!最好食冷麵!可惜, 刺身切得太簿, 幸好算新鮮啦!壽司飯散咗D!總括, 唔太奄尖, 算抵囉!

好耐之前在旺角那間吃過一次午間任點任食放題.從未食過如此差勁的服務和品質....etc.=d野真係好難食,唔新鮮=檯又細,地方迫且窄=經常miss單.所以冇咩野食過=落左order等好耐都冇黎=員工黑面竟然到現在仍冇改善,一樣咁多劣評!請你都咪去!

其實都留意o左一段時間, 耐唔耐o係d >_< o既食評之後就會有non-member o既^_^ o既食評, 我個人就覺得明眼人就知係咪真ga 喇! 我only 想講, 我去過一次, 一夠鐘d 人就好似餓鬼o甘衝入去, 好恐怖......

唔知係咪因為我去果日係閒日, 全場坐得大約八成人, 我就無試過漏單;(睇呢度食評話經常漏單)!至於食物水準一般啦, 有某d 野食幾好味囉...爐端燒啦, 三文魚壽司啦, 冷麵最正!不過如果再平d, 我相信會吸引d!!

聽朋友介紹話呢間野好食又抵，咁咪跟埋佢去lor...點知...d野食係難食到難以入口!!d壽司飯硬到~~~而上面果片三文魚先恐怖...薄唔緊要...上面癡住好多黑色野...搞到我想只係食魚生唔食舊飯都唔得!!最終格硬食左2件就唔夠膽再食!!其他野食都唔係好得好多，d串燒燒到d肉勁老，食到成口渣!d甜品又不知所謂，一係就勁甜，一係就無味...叫左野食又成日漏單，搞到我成餐飯好似啞巴食黃蓮咁，覺得難食又唔可以出聲(驚俾我個朋友鬧，話晒都係佢介紹gei)以後真係死都唔食呢間!!

又話係任食, 但我發覺某D sushi 永遠都唔會黎, 係到最後一round先肯送黎, D野又細件, 行動又慢, 我未試過食自助餐會咁唔飽.......