夜首爾

营业中

休息中

-yukhoeI like this Korean version of beef tartare The beef slices are definitely larger so you can feel the tendon in betweenThe texture is more chewy than those in western styleRemember to fully mix it with egg York and pear to create a mouthful full of flavours and textures-heamul tteokbokkiMy kinda comfort foodThis sautéed spicy rice cake with seafood is perfect for a lazy afternoon You can enjoy a variety of seafoods Deeply soaked in the spicy broth -galbi jjimPerhaps one of the best braised

❀ 夜首爾 #尖沙咀 ❀❗️猶如置身韓國之中 食正宗高質韓國菜❗️——————————————————尖沙咀寶勒巷一向係唔少韓國餐廳嘅集中地，而呢間開業半年成功突圍而出🔥由韓國人開設，聯同一眾韓國廚師、店員主理，主打傳統韓國菜式😆一入到會見到好多韓國人，可想而知有幾正宗！除咗常見嘅韓國菜式，仲有好多香港較罕有嘅傳統菜，如烤牛腸、烤牛胃，非常吸引😍餐廳門面唔算特別fancy，但原來內裏環境超寬敞，坐得舒適。.✷𝑀𝑒𝓃𝓊✷☞ 韓式前菜 $free已經好耐冇喺香港食過有咁多前菜嘅韓國餐廳🥰除咗經典泡菜之外，仲有涼拌菠菜、薯仔、豆腐、芽菜等，每一款都唔錯㗎！.☞ 醬油蟹 $250/1pc (4/5)從韓國空運到港✨有大量蟹膏，肉質又滑又鮮甜！美中不足係佢無配白飯，另外再嗌。不過好在調味恰到好處，醬油唔會過鹹，就咁食都冇問題👍🏻.☞ 韓式調味牛肋骨 $360 (4.2/5)一開始侍應會將整條牛肋骨呈上俾大家影相📸跟住會攞返去廚房微微煎香再切做一件件，之後就可以按照自己喜歡嘅生熟程度去烤。由於係近骨嘅位置，所以肉質非常腍，但勝在又唔會太肥膩。而且唔使再加任何醬汁都夠晒香！.☞ 海鮮辣炒年糕 $200

餐廳樓高兩層，位置比較緊密一點所以都坐到好多人。好處就係繁忙時段想食韓國菜都唔洗等咁耐！餐廳由韓國人主理，店員亦唔少韓國人～ 本來衝住醬油蟹去的，但最後覺得其他野仲好食😹-🎈醬油蟹 ($250/pc)係香港食醬油蟹一般都要$200+🥲呢到嘅醬油蟹聲稱用韓國直送延坪島產蟹。食落都算新鮮，至少食完冇肚痛的。不過醬油味偏淡，就咁睇色水都係比較淺色的。未至於伏，但唔算特別impressed😛 對於第一次食醬油蟹嘅人唔算friendly，因為試過去其他韓國餐廳會幫你整埋教你食。呢到就要自己DIY😹推薦指數: 7/10-🎈海鮮大醬湯 ($130)湯類會跟一個飯，我哋就拎咗嚟送蟹食。都幾足料，海鮮同豆腐都好多！味道就唔算好辣，整體調味都幾好👍推薦指數: 7/10-🎈烤八爪魚豚肉 ($350)開頭覺得有點貴，不過上枱時見到份量都幾大而且係一鍋熱上，就覺得心理平衡返少少😹 一份份量都適合2-4人分享，八爪魚同豚肉都足料～ 味道屬於偏甜一點唔算好辣，幾啱香港人口味。店員會幫手剪開八爪魚方便食！推薦指數: 7.5/10-🎀總括而言🎀👉食物質素：不過不失👉服務：不要有期望😹👉環境：算係比較逼推薦指數: 7/1

呢間餐廳由韓國人親自主理，主打多款正宗韓式料理🇰🇷✨送上涼拌菠菜、泡菜、涼拌櫛瓜、醬煮馬鈴薯、涼拌橡實涷、涼拌茄子、涼拌豆芽菜、涼拌黑木耳作前菜💗醬油蟹 ($250 /1pc)選用韓國延坪島產蟹，生蟹肉晶瑩剔透，新鮮滑溜，蟹膏非常飽滿。祕製醬油鹹中帶甜，蟹肉滲透醬油香，完全無腥味，只有鮮味甘甜🦀💗調味牛肋骨 ($360/1pc)選用USDA Prime 牛肋骨，特別以韓式長切法，然後店員再將牛肋肉切成小塊，方便燒烤。牛肋肉油花分佈平均，肉質軟嫩細緻，肉味濃郁帶油香，肉汁豐富，醬甜入味🐃💗乾白菜牛排骨湯 ($130)牛排骨肉軟腍鬆化，加入乾白菜、新鮮白菜、韓式豆瓣醬、辣醬煮成，味道微辣醒胃，有緩解宿醉作用🌶💗Cheeky Peach ($55)以100%韓國新鮮蜜桃製成嘅蜜桃蘋果酒，味道清新易入口，酒味唔算太重，有果味之餘亦唔會太甜 🍑

未食過一間可以咁難食得黎又貴嘅餐廳叫咗一碟炒年糕盛惠$180+10%，結果嚟咗一碗湯年糕，稀到唔講以為自己食緊白烚年糕。最過分係呢舊嘢，呢舊骨收我$320，憑咩？我拎呢$300食日本燒肉點都食到一碟和牛啦，係唔係啊？當場叫咗老闆出嚟問，佢話係咁㗎啦…我都唔明點解呢間嘢可以生存到。老闆態度又唔好，嘢食份量又小又貴又唔好食。認真，狗都唔食。

尖沙咀寶勒巷新開韓國菜，坐位數量多，食物款式有齊燒烤(肉,海鮮)、鍋物、湯、麵類! 啱一大班朋友食飯聚一聚😙 .✨醬油蟹 $250: 醬油蟹幾大隻，蟹膏新鮮又幾多，加埋紫菜同醬油汁撈白飯，非常開胃😍.✨燉牛排骨 $220: 燉牛排骨大大件，肉同骨輕易分開，燉牛肉肉質好嫩好淋，醬汁甜甜地，紅白蘿蔔好索汁😋.🥢海鮮煎餅 $150: 煎餅外脆，入面有魷魚、蒽等餡料，每一件都有一定厚度👍🏼🥣海鮮豆腐鍋 $130: 海鮮有蝦及蜆，軟豆腐嫩滑 配翠肉瓜片及泡菜湯底更暖胃😍

Book左枱喺門口企咗好耐，明明有好多店員經過都冇人理我哋。D菜等咗半個鐘都未有，原來新黎嗰個唔識落單，但係又唔通知我哋，由我哋傻下傻下咁坐喺度等side dish 都已經食完一輪另外當我哋再想問啲嘢幾時嚟嘅時候，另一個waitress 就好串咁同我哋講 : 我頭先已經問過你哋要點啲咩嘢食，係你哋話唔洗架我想講，大佬啊，我鬼知你嗰個新人唔識落單咩，我以為叫一個人過嚟落單就完架啦唔該下次唔識早講，不過應該冇下次。仲有佢比我個杯係崩㗎搞到我刮親個嘴。

最近有晚去咗呢間尖沙咀嘅韓國餐廳，好耐冇食過一間餐廳嬲到係俾錢買難受！呢間韓國嘢價錢貴都算，食物數量、質素、員工態度都唔成正比！同班朋友叫咗個牛肉炒年糕（如圖），$180加一！點知個年糕送到嚟，係湯年糕，仲要唔係湯係好濃嘅芡汁，嗅落勁似豉汁味，之後同個店員反映下 個店員答咗我哋三次「呢個係炒 無錯架」我就話「你係咪當我白痴，同你menu張圖無一分相似，叫你老闆過嚟啊 我想問下佢！」個老闆行過嚟同員工了解完個情況，就好串答咗我哋一句「the photo is for reference only」！利申老闆係韓國人但識講廣東話，佢講完亦冇理過我哋，逍逍遙遙去同班韓國朋友係間餐廳繼續飲酒食飯！原意就唔係想退錢，只不過想睇下店家會唔會炒多次 收下汁水！換嚟嘅係呢種服務態度，就係擺到明當啲食客係水魚！諗住算啦，朋友係到唔想再同店家嘈，死死氣食埋去唔好浪費！夾咗一嚿牛肉一嚿年糕，頂，難食到痴線，啲牛肉得幾塊亦都算啦，年糕亦唔煙韌，淋到完全冇口感！啲醬汁真係豉汁排骨飯啲豉汁味！仲要點解會咁嬲，一嚿牛肋骨佢收$350-400連加一，啲骨多過肉，menu張圖就放一碟，事實就一嚿肉連骨再送多嚿洋蔥俾你，

餐廳：夜首爾 (尖沙咀)地址：尖沙咀寶勒巷13-15號寶力大廈地舖夜上海就聽得多，夜首爾你又聽過未？韓國餐廳我食過好多間，但喺由香港住咗好多年嘅韓國老闆帶住一班韓國廚師、店員主理、主打傳統韓國菜式嘅韓國餐廳真喺第一次試🇰🇷夜首爾 @seoulnight_hk ，代表住韓國首都同充滿韓式嘅感覺，為尖沙咀寶勒巷帶嚟一股新嘅「韓」流，開業近半年，夜晚同假日成日坐滿人之外，仲吸引咗唔少本地嘅韓國人經常去幫襯，皆因佢哋嘅韓國菜式確實夠晒正宗同獨特，唔少人食完都會返尋味😋一入到餐廳就聽到前後左右都喺講緊韓文嘅韓國人，唔講以為自己真喺去咗韓國🤣，一大堆香港比較少見嘅韓國獨有菜式：用咗韓式長切法嘅原條連骨上牛肋骨、烤牛腸、烤牛胃、全港獨有而且韓國直送嘅傳統燒酒🍶，真喺樣樣都想試🤤。一坐低先送上韓式前菜八小碟，款式同碟數都多過平時出面嘅韓國餐廳好多呢👍✝️醬油蝦 $240用咗韓國空運直送嘅大蝦🦐，一份有8隻，洗乾淨之後生醃處理，講到重中之中緊喺佢哋自家秘製嘅韓式辣醬油，令一隻本身有微微海水腥味嘅蝦都變得份外好食，先甜後辣🌶，加上芝麻同蔥花，濃而不鹹，忍唔住食完一隻又一隻爽甜嘅蝦蝦🤩✝️營養石鍋飯定食B $2

👍🏻 醬油蟹（1隻）食醬油蟹嘅精髓首先係蟹蓋 真正嘅白飯小偷🍚蟹膏撈落去果下真係不得了 超級鮮味 食蟹腳時 記得用手輕輕唧出蟹肉 享受佢嘅鮮甜💕依家已經好想再食 調味微甜 但搭配少少辣椒🌶️ 好滋味👍🏻 厚切五花腩（180g)三大條既五花腩一上枱 我哋就忍唔住即刻放上爐上面燒🔥記得要比足夠時間五花腩出油 要慢慢燒到金黃色 外皮脆身 入面唔含油😉👍🏻 調味牛小排(180g)🐮原來分量都好多 牛小排肉味濃 油脂分布平均 咬落去一啲都唔韌 調味微甜 但係又唔會蓋過肉味 搭配得剛剛好！👍🏻 韓式生菜配包飯醬建議食燒肉的話一定要嗌 菜籃入面除咗生菜 、娃娃菜 仲有我最愛嘅紫蘇葉🍃 包飯醬係預先放入石鍋內加熱 所以上到嚟嗰陣仲係卜卜卜卜 😄 比平時嘅包飯醬更加濃味 注意事項⚠️- 如果唔擅長燒肉的話 可以請店員協助 佢哋真係會好用心地幫你燒肉👯‍♀️- 點餐之後 店員會送上8款韓式前菜 好開胃㗎❤️

醬油蟹 $250 依道醬油蟹係我喺香港食過最正、味道最貼近喺韓國食過嘅，搵番依種味道真心好滾動🥹 蟹係由韓國延坪島直送，咁就唔怕受污染啦!! 肉質鮮甜，蟹膏回甘，記得要加$10嗌紫菜飯撈埋啲蟹膏一齊食，先係正宗食法😎 蟹肉有香濃既豉油味，證明醃製一啲都唔求其!! 豆腐海鮮煲 $130海鮮煲有蝦、蜆同八爪魚，雖然海鮮份量唔多但係每啖大醬湯都充滿海鮮味，豆腐都十分滑，好有驚喜👍 唔係淨係得個辣字，食完完全唔口渴證明個湯係真材實料!! 水冷麵 $110果然係韓國人主理，水冷麵跟足韓國食法，有醋同芥辣醬，想酸啲辣啲可以自己決定加幾多🙌🏻 鋪喺麵上面嘅梨絲好鮮甜，果然係韓國直送!! 如果水冷麵有埋梨汁就更加perfect，絕對係熱辣辣嘅夏天必點😄辣炒豬腸 $250初頭睇menu以為係豬大腸，點知原來係韓國血腸，配上海量椰菜同芝麻葉，炒得好惹味😋 辣炒嘅烹調方法僻咗血腸嘅腥味，腸衣包住彈牙嘅韓國粉絲，口感獨特，值得一試!! 自家製cider 原來夜首爾有自家調製嘅cider，味道無普通cider咁甜反而增添咗燒灼味，好適合女仔飲👭

由於仲未有得去韓國同朋友都好掛住啲烤腸 所以即管book咗呢間試吓!叫左個烤牛腸同埋辣雞腳最後仲叫左支乳酸菌米酒烤牛腸係韓國既味道 幾年無食過 腸入面有好多油流晒出黎塊多士仲可以吸晒 再烘到脆卜卜真係好好食 不過份量就細左啲想食飽啲都係叫返啲麵同飯先得！辣雞腳醬汁偏稀 我自己比較鍾意食澀啲但佢都真係幾辣 唔好睇少佢見佢唔算深色以為唔辣 點知食多幾嚿我都滴汗🥲乳酸菌米酒即係益力多味嘅米酒 之前喺韓國街都見到有甜甜地 果然益力多配啲咩都好飲佢啲食物都算幾地道下次可以再試吓其他嘢！

睇Youtuber介紹吾錯， 咪book去試下一行6 人，入到門口見到d人不停用餐牌撥當風扇叫好熱， 心想： 死啦， 無冷氣點食燒肉， 幸好， 我被安排坐房， 冷氣尚算充足食物方便：醬油蟹2 隻 ~ 好普通， 無乜醬油味， 吾鮮雞脚 ~ 碎濕濕得半隻甩皮甩骨吾完整咁， 只有辣味， 年糕尚算彈牙步隊鍋 ~ 就係普通普隊鍋$320蠔餅 ~ 較多粉漿， 食普通蛋餅感覺燒肉 ~ 我地叫左厚豬腩片， 及碟韓牛， 正常韓國餐廳幫你燒埋， lee 間當然要自己燒不特止， 完全無抽風， 無油比你搽鐵板， 唯有用自己叫件豬出油幫下打手， 豬肉肥膏出煙， 嘩， 太誇喇， 鼻敏感朋友完全中晒招！ 受罪包肉嘅菜無跟， 要自己另叫， 但跟熱辣辣嘅醬， lee點吾錯最有特式就係， 排除左國際慣例小食吾比refill, 話已經比左2 set我地加一碟茄子都吾得*吾識英文吾洗去， 全程外籍傭工不是韓國人招待

今年新開張 由韓籍主廚主理嘅韓國餐廳🇰🇷簡樸嘅木系裝修洋溢著傳統地道韓國風情餐廳有不少韓國客人 部分店員亦係韓國人真係有種置身於首爾嘅感覺😳-點菜後店員即刻送上八碟新鮮小菜 當中包括:泡菜、菠菜、芽菜、豆腐、茄子、薯仔、蘿蔔同翠玉瓜店員將小菜圍住圓形燒盤整齊咁放置見到都令人未食主菜先興奮🤩-🥩調味牛肋骨 $360店員首先會展示出韓式長切後嘅牛肋骨然後會問我地想餐廳幫忙燒至全熟定半熟 我地揀咗半熟 諗住自己再每件根據喜好慢慢燒~其後再送上枱時已經切好一件件一口嘅size所以我地燒定食嘅時候都好易handle👍🏻牛肋骨唔算好肥 肉質軟腍得黎帶有咬口牛味濃郁 尤其鍾意嗰種香烤風味 好味😛-🦀醬油蟹 $250/1 pc香港唔多餐廳有醬油蟹 難得呢度有梗係要試下!韓國空運到港嘅醬油蟹超級鮮甜 !!🇰🇷蟹膏口感黏黏 識食一定係追加白飯同紫菜將紫菜白飯放喺蟹蓋撈埋蟹膏一齊食 大享受🥰-🦐海鮮辣炒年糕 $200微甜辣嘅年糕非常煙韌 口感一流🤪配上青口、蜆、蝦、甜椒同魚糕 都幾豐富!p.s. 呢道菜份量十足 四人share都得🤣🤣-🍑Cheeky Peach $55店員推介嘅cider 話係香港其他地方

一行5人今晚訂左哩間夜首爾，餐廳安排左間房，諗住幾好嘅，但間房開左冷氣都好局，要開門通風，點餐要好耐先上菜，有時仲漏單，燒肉配蔬菜都正常嘅，但原來要比錢叫，叫左又無黎到，泡菜要加都係要錢，總之樣樣都係錢，服務就麻麻地，左吹右吹先有，一係直頭無黎到，個流程混亂，之前係尖沙咀食其他韓國菜都唔會哩樣要錢個樣要錢，侍應仲會幫手燒埋比客人，醬油蟹又會撈好個飯比客人食。今晚總消費$3597 ，唔需要去哩間食囉。