多多餅店

营业中

休息中

今早，女伴買了港式早餐。配熱炸的吉利魚柳我的早餐（$18），有一塊魚柳、兩片煎豬柳、多士、熱咖啡。吉利魚柳得超香脆；豬柳質地怪怪的（居然係彈牙的）；多士係正常的（以鐵板煎出來）；熱啡奶過多唔好味！女伴的蛋糕麵包（$4.5）好有趣，海綿蛋糕配港式甜麵包，幾得意，份量亦巨。

話說多年前美孚返工，時多多唔係好似依家咁係開放式，而係要乜麵包要同員工講等佢拎。由於我比較「專一」，特別鍾意食菠蘿包，所以好少買其他包。可能因為菠蘿包係最平，班女人見我咁，有好幾次明明我叫要菠蘿包先，佢都扮聽唔到，走去招呼隔籬同係買菠蘿包既人，甚至間舖冇晒客，佢都扮睇我唔到擰轉面做其他，嗌「唔該」都冇人理，直至有一次忍無可忍，麵包都冇買就走，從此亦冇再幫襯過。佢咁樣真係好笨，又唔係得佢一間，顧客咪最多幫襯第二間，冇損失，但佢就損失生意額，雖然只係好少錢。

都係十字飽...前兩星期買的...這間不是太好味..好甜, 好散, 幾多提子..價錢不記得,都好似幾貴$3.5, $4? 忘記了..一次夠晒..不會再買..其次買了健康麥芽飽($6), 一大個, 幾好味, 有合桃同提子..可以再食...

呢度既曲奇餅全部都好新鮮,好香牛油味~可以買半磅或一磅,從十幾款曲奇入面揀幾款~必食推公首選朱古力曲奇及咖啡曲奇,朱古力曲奇係圓形上面有舊朱古力,而咖啡曲奇就係呈長形,好味!

同媽媽食下午茶，我要左白汁蘑菇多士、凍檸茶；媽媽要了火腿奄列(洋蔥汁)、沙爹牛肉米、熱好立克。白汁蘑菇多士暖暖的，有洋蔥、蘑菇作伴，很好吃。而媽媽的火腿奄列是沒有所謂的洋蔥汁，但這個的味道還可以。我沒有試過沙爹牛肉米，但媽媽說這個不辣。凍檸茶、好立克都OK。這兒很凍，我還能看到強風從冷氣噴出來！收銀態度很差，還寸我媽媽，說她叫的火腿奄列是沒有沙爹牛肉米，但餐牌上明明是寫著火腿奄列拼沙爹牛肉米！！！

我往了美孚年多，差不多試了所有餐廳，唯獨多多從不幫襯，因為看來是一般的快餐店，裡面又經常煙霧瀰漫，不想吸二手煙。看了openrice的食評後，嘗試買外賣，試了肉餅和蒸魚，每個餐$24，相當便宜，味道都不錯，例湯沒油，很好！只是好像煲過頭，味道怪怪。不過還是會再幫襯。多謝大家推薦！

昨晚吃過「甜甜地」的凍杧果布甸，今天心思思，便決定再買幾個回家。中午從圖書館回家，路經這兒的蛋糕櫃，被一杯杯的杧果布甸吸引。五蚊一個或者廿蚊五個。當然係買廿蚊五個，才平均四蚊個，算便宜。回家即刻試。體積跟便錢成正比，約一百毫升體積。杧果果肉切得細細粒，還帶絲狀。味道偏淡，以四、五杯的價格，無話可說。

外買給b的午餐:干炒叉燒意+ 蘿匐菜乾煲豬骨湯+ 凍檸茶= $36b很喜歡=)(阿姐錯誤我的外買為堂食, 所以等了很久...)

練功期，三餐都依靠附近快餐店。是晚，買了份「蝦醬通菜炒鮮魷」晚餐（$32），附白飯、中湯（青紅蘿蔔豬肉湯）。因即製關係，要等十分鐘。近三十度的黃昏，店裡冷氣充足，幾好。蝦醬通菜炒鮮魷：係男人餸，味濃兼份量多，滿滿一個發泡膠飯盒。配上滿滿一整盒白飯，肯定夠飽。飲埋碗足料中湯，好滿足的一頓晚飯。吃完，洗過澡，立即溫書。

同朋友仔係美孚打完保齡，搵地方食飯，突然諗起多多，因為自己未食過，睇食評又唔錯，就入去試試舖面好有80年代快餐廳風格，都ok乾淨我揀左中式牛柳餐($30)，朋友就食葡汁魚柳飯中式牛柳真係好食，牛柳感覺上只係用左好少鬆肉粉，食唔出梳打味，不過都諗，有牛味。個汁係用OK汁+ 茄汁+ 急汁煮，啡色，有香味，甜中帶微酸，絕對唔似其他地方個d又甜又紅既汁。好味!朋友都話佢個飯好食睇見其他食客既送都好似好正服務都幾好有heart既一間快餐廳絕對再值得去!

繼續閉關練功，隨便到快餐店買外賣午餐回家吃。今天試了麵餐（$26）。即製緣故，要等十分鐘。主食選了吉利豬扒（裹麵包糠炸，皮超香脆，豬扒大大塊，好好味！）。麵選了中式拉麵（還有米線or 上海麵供選擇。軟硬適中）。湯（超熱！配料有生菜、芽菜、芝麻，還有芳香惹味的麻油香！）。餐飲選了熱鴛鴦（因為這兒的港式奶茶都掂掂地）。地鐵站對出呢間因人流較多，員工較有效率，較為有禮。比蘭秀道那間好好多。行多幾步都值得。還有，呢間舖有店長座陣（那個捲髦頭髮的中年男人）香脆吉利豬，絕對有下次。

昨天上B家前來買包包食..忍痛放棄"大舊"麥芽包一天, 試了新的小麥法包! 大大個才几元...包面有一些乾燕麥..包面好香脆,內裡很軟棉棉...包新是帶咸的...直得推介!!!!

每年呢個時候，兩間舖都會擺放大量絨毛玩具小雞、巧克力復活蛋、禮物籃…，吸引小孩子。較坊間的貴，賣相造形偏向傳統，保持在七、八年代的感覺。記得小時候，外公都會買一個大碼的禮物籃送給我和兄長，廿年前都要成廿蚊雞！！！近呢四年，我都買一個送給小表妹，秉承家裡傳統嘛！

因bf住o係美孚,所以一放假就會出現o係呢到..琴日上bf屋企前,買完外賣,更係買埋甜品啦=)匍撻新鮮出爐,買左三件~天使蛋糕我每次都會買,因為無蛋黃,無油架...食多d都唔怕肥啦...~~ 好鬆軟架,甜度適中..好好味!!另外買多個健康麥飽..大大個, 裡面有小小合桃,小小提子乾...分量真係好似唔係好夠..如果多番小小提子乾就好喇~

本人非常鐘意食包，無乜想講。衹想證實下面講D野。自己日日都有去o個道買包食。服務真系好好。老板娘都幾nice。