多多餅店

营业中

休息中

話說多年前美孚返工，時多多唔係好似依家咁係開放式，而係要乜麵包要同員工講等佢拎。由於我比較「專一」，特別鍾意食菠蘿包，所以好少買其他包。可能因為菠蘿包係最平，班女人見我咁，有好幾次明明我叫要菠蘿包先，佢都扮聽唔到，走去招呼隔籬同係買菠蘿包既人，甚至間舖冇晒客，佢都扮睇我唔到擰轉面做其他，嗌「唔該」都冇人理，直至有一次忍無可忍，麵包都冇買就走，從此亦冇再幫襯過。佢咁樣真係好笨，又唔係得佢一間，顧客咪最多幫襯第二間，冇損失，但佢就損失生意額，雖然只係好少錢。