影片
以上资料只供参考，请与餐厅确认详情
相关文章
第一次系多多见到面包蛋糕，价钱系有少少贵，但称为面包蛋糕控嘅我又怎能错过呢！成为$10.5一个，一步出面包店即刻启动，第一口感觉一般，因为冻咗，再食就食到蛋糕的蛋香，蛋味够浓. 再细味品尝，就食得出有花生酱味, 花生酱加蛋，味道冇得输，只系个包未够软熟。
继续阅读
行完附近嘅市集过嚟…呢间出名鸟结糖，不过今次我买左曲奇，见人地话好食就买黎试下～曲奇最低消费$30，可以㨂3款味我㨂左咖啡，朱古力粒粒，绿茶咖啡牛油味好重，曲奇好脆，咖啡味还好，朱古力就唔太出…绿茶都一般般👀😳无咩特别，价钱都几贵🫣🫣
继续阅读
多多喺美孚简直系出晒名。佢嘅面包日日新鲜出炉，然之后你行过间店嘅时候曲奇嘅香味会令你忍唔住停低要买。 多多嘅新鲜牛油曲奇选择繁多，满咗一个柜嘅选择，你可以自备姐姐听，姐姐就会帮你夹落一个铁盒度。朱古力咖啡曲奇，杏仁曲奇，抹茶曲奇，同埋经典牛油曲奇系必食之选。姐姐会按你拣咗几多曲奇嚟磅重之后收钱佢嘅曲奇唔算平，但系味道好到可以送礼。 另一个推介就系佢嘅Custom蛋糕。呢度嘅蛋糕系好老土旧式嘅忌廉蛋糕，我拣咗一只鸡嘅图案嚟订生日蛋糕～佢嘅鸡做得10分精致，用忌廉嘅方法唧咗成个图案出嚟，仲要系3D嘅。个蛋糕又高又大，我选择咗黑森林嘅馅料，呢度嘅黑森林蛋糕就系最传统最纯嘅朱古力蛋糕加埋我哋细个食嘅𠮶种提子啫喱馅喺个朱古力忌廉入边！满足感十足同埋价钱亦都系真系平过Custom蛋糕好多。我订嘅𠮶只鸡3D图案出边要千几蚊，但系多多$300帮我整到出嚟，仲要系完全成旧都好好食！ 唔会有奇怪的糖皮或者任何唔食得既装饰在上面！ 另一次我就订咗个宠物小精灵嘅生日蛋糕。都系依然整得好高好靓成个蛋糕系3D嘅，亦都唧咗啲好靓嘅绿色忌廉嘅草喺上面。味道都系咁传统咁好食。如果系有集团嘅蛋糕店买宠物小精灵蛋糕会系呢一个蛋糕嘅三倍价钱！
继续阅读
本身好钟意食多多嘅十字包，今日去到多多， 本来都想买十字包食，但发现冇得卖， 揾咗全间舖头都冇！跟住发现，喺本来卖十字包嘅位置竟然放咗阿华田松饼，而且系十字包嘅质底！！$20两个。 我即刻买咗嚟试，发现都几好味，松饼入面有淡淡嘅阿华田味道！如果松饼入面嘅提子可以变成朱古力豆就更加好了～
继续阅读
以前住美孚成日去多多买包，今日突然谂起呢度啲咖喱包，就行咗过嚟美孚买，减到有咁多人系间店到，就特别期待。点知返到屋企，一切开个包吓亲，冇见过啲包嘅馅整到咁偏，偏少少都唔紧要，佢直头喺晒右边，左边一大旧剩系包，啲馅仲要比以前少咗好多，两细啖食晒啲馅，虽然仍然系好好味，但系减咗咁多料好失望， $10一个包，啲馅得𠮶啲啲，唔会再买。
继续阅读