夏麵館 (H.A.N.D.S) (已結業)

今日放假, 去夏麵館食個lunch, 午巿有套餐, 有前菜、主食、飲品,坐得舒服, 又幾抵食, 又唔駛太傷腦筋食咩。燻蛋-燻到幾入味, 甜甜地, 個蛋仲有d流心添, 口感一流。排骨擔擔麵$64-個排骨炸過, 不過唔係好脆, 入面個排骨肉好淋, 不過好似太淋, 有d唔自然咁。配個擔擔麵湯底幾辣, 有d嗆喉, 幾濃, 花生味好重, 個麵煮到條條分明, 連埋湯食夠晒味。豆漿-個餐配埋豆漿, 凍飲大大杯, 甜度岩岩好, 都有豆味。豆沙鍋餅(另加$15)-佢一早就送左上枱, 因為要食埋其他野先食甜品, 豆沙鍋餅都凍左, 外皮幾油咁, 又厚皮, 四塊鍋餅幾迷你下。

上月的Boxing Day（26/12），我和爸、媽到很久之前光顧過安定那邊的夏麵館吃晚餐。我們都喜歡吃麵，那裡的價錢又不算高，便提議到此吃晚餐。這是餐單。素食的有樹苗圖示在旁。沒有的也不一定不是素食。例如青菜和甜品便是可素食。菜名有葱蒜的相信可以要求走掉。干煸四季豆標注「含蝦米」，我想也可以要求走掉吧。室內空間很大。以黑色為主調，但燈火通明，不會在昏暗的環境下進餐。桌子是木桌子。椅子有靠背椅子和沙發。天花板和地板距離很大，所以不感到侷促。馬頭蘭百葉卷，$44。馬頭蘭百葉卷小而窄的百葉卷，是那裡比較貴的菜式。馬頭蘭的青菜味不突出。嚐不出有甚麼特別。百葉的豆味比較明顯。蘸上浙醋有助提味。我的上海陽春麵，$28。麵條粗而圓，有韌度。份量不少。媽媽的麻醬拌麵，$32。非常香濃的花生麻醬味。麵條與我的相同。媽媽說這個很飽膩。爸爸也說飽了，所以沒有人與我分享甜品，便放棄不點甜品了。麻醬拌麵附送的湯。是蛋花紫菜湯。但有葱，應該不能走掉。媽媽將葱挑出來便算了。

之前到屯門外出工作，途經安定商場，因為對這地方不太熟識，正躊躇選擇哪一間食店時，剛巧見到'夏麵館',之前於element吃過不俗，而且正提供下午茶餐，決定內進。可能是平日兩點半，加上屋邨地區，席上食客寥寥可數，但也樂得這份清靜。店員的服務及上菜速度相對亦很快。以深木色為主的摩登裝潢，一邊落地玻璃向街，另外兩邊落地玻璃向商場走廊，令光線很充足很開揚，店鋪都頗大，設有散檯，卡位和大檯。剛坐下，店員即遞上一壺熱茶，茶味頗香。 菜肉餛飩麵$36用大大隻碗盛載，麵的份量很多，以下午茶價錢是不錯的選擇。先嚐一口湯，清甜不油膩，鹹度適中。有四粒餛飩，粒粒都很大粒足料，餛飩皮很薄很滑，餡料有豬肉和蔬菜，比例做到4:6算是不錯，不用沾上醬料亦夠味。幼麵頗為彈牙，軟硬度適中，亦沒有鹼水味。 還附上一棵小棠菜，令整體更清新,健康之選。 碗和湯匙都印上標誌，有點心思。下午茶餐附送的豆漿，豆味不算濃郁，稱得上幼滑，甜度都適中。食店不收茶錢，不過設加一服務費，店員服務爽快又友善，雖然比起element分店的味道有少許參差，但於屋邨內是不錯的選擇。

千里迢迢由荃灣入老屯，諗住食啲地道嘢，點知由中心行到安定係食曾經荃灣廣場都有食過零記憶點嘅夏麵館(中間經過小巴黎三位荃灣友想入食返荃灣集體回憶，但遭屯門友獨力反對)，的確非常失望，但屯門友多次強調呢間夏麵比其他分店好味。屯門友食素，所以多數點素食，麻醬撈麵、青菜湯麵、陽春麵、烤夫、四季豆、炸饅頭、手抓餅、燻蛋、高力豆沙，豆沙鍋餅, 唯一有肉嘅蟹粉小籠包。我本身都主張環保多食素，所以okay. 燻蛋，$20有兩隻四邊，好平，質素也不錯四季豆，呢個有驚喜，大量蒜，生蒜味濃，正 烤夫，正常，無記憶點 手抓餅，$2X, 原本叫煎餅但無，侍應話得手抓餅，其實追加呢個菜時大家都已經叫飽，但上抬時大家都係密密口食，大獲好評。騷脆香口但唔油，餅身保持乾爽，麵團筋度剛剛好，配上生青蔥的清香。除手抓餅外，同時追加咗個炸饅頭，$2X六個，又係好平，同樣炸得脆唔漏油，睇嚟呢間廚師炸工一流 豆沙鍋餅--同時點咗高力豆沙，但我無食到評唔到。至於鍋餅皮薄香脆，又係滴油不漏，豆沙少甜，賣相單潔精緻不過我最最最推薦嘅都係唔記得影相嘅蟹粉小籠包，算係我試過鼎泰、酒樓貨、上海豫園、台灣老店後，覺得最好味嘅，嚿肉唔係只係一粒

之前嚟食過兩三次，食物好味、價錢合理！所以今晚專誠帶埋阿媽去食喇……點知水準開始差！叫咗雲吞雞、小籠包、鍋貼、素鵝、老上海炒麵、鱔糊上海麵、炸銀絲卷！埋單排係四百幾！可惜食物就……個雲吞雞啲雲吞煲到爛哂>皮同餡都解咗體不特止，仲好咸添呀、而隻雞就……成隻翼瘀哂，但都照上枱！而個鍋貼同老上海炒麵就係放涼咗，一啲暖嘅温度都無！服務就……見我哋成枱嘢，要開口叫先收啲吉碟！但我哋一停手，就好主動嚟收嘢，比人感覺想趕人走，想快啲翻枱囉！講真呀……呢間鋪啲食物真係ok架！但點解今晚會攪成咁嘅！？

今日在屯門工作，沒什麼頭緒吃什麼。喜愛吃小籠包的我，看見有上海菜館，也毫不猶豫說要吃了！蟹粉小籠包，汁不是很多，蟹味也不很鮮甜。普通。早陣子吃過大閘蟹宴，意猶未盡，又點個蟹粉菜心。菜就好大碟的，但那個獻，都無蟹味，杰杰的黃色汁，無料到！醉雞不錯，夠香夠味。飯夠大碗，個排骨都好香酥脆。其實仲點咗其他食物：酸辣湯麵、豆沙鍋餅，不過無影相了。總結：此店味道一般，矜貴菜都係做唔到，反而平民點的菜式也還可以的。份量好大，性價比都ok。

今天遲了一點吃午飯(3:30pm), 所以將會吃下午茶代替午飯. 今天點想吃上海麵, 於食店的門口先看一下下午茶套餐, 然後決定吃這裡的套餐. 食店內的裝修都有點特別, 門口用了一個可以看穿的木架作為屏風, 木架上放了很多個印上食店名稱的大碗作為裝飾, 而靠近廚房附近的位置放了一個裝飾櫃, 櫃裡面擺放了些西式的裝飾, 如望遠鏡, 地球儀...中西 crossover.店內除了有方檯之外, 還設有卡位. 卡位會比較舒適另外靠近門口位置有一塊落地玻璃, 感覺開揚, 而燈光的光暗度很柔和. 環境舒適.下午茶套餐有很多選擇(14項), 有飯, 麵, 水餃等等. 套餐還包了飲品: 豆漿(冷/熱)或酸梅湯. 我今天想吃排骨擔擔麵, 但怕湯底會很辣, 所以我先問了服務員是否很辣, 她很清楚及細心地回答有兩種辣的程度, 小辣和中辣, 如果太怕辣最好叫小辣, 而我都可以吃一點點辣, 所最後叫了排骨擔擔麵(中辣)及酸梅湯.而上菜時間只不過10分鐘左右, 都算很快. 當我正等待上菜時, 看到服務員會馬上清潔檯面若有客人結賬後, 非常即極!

晚餐時間到，兩個人諗左好耐都諗唔到有咩特別想食，突然想起依間餐廳平時有不小人排隊，咁就揸車過安定邨。到步已經九點，所以唔使等位立刻就座，心諗緊有咩麵咁好食吸引到人黎食，一開餐牌先知原來係食上海菜，值得我一試既心態立刻湧現。求求其其叫左個紅油抄手，炒飯，甜酸雞柳，跟飯有個紫菜蛋花湯，落完單，不忙咁慢慢望下裝修佈局，裝修同餐具好有中國味道，佈局好整齊，望下望食物都好快到。炒手味都夠濃，可惜唔夠辣，炒飯偏淡，雞柳就好醒胃，蛋花湯就無突別。整體黎講裝修唔錯，侍應既服務都值得一讚，可惜食物對我依個對上海菜有要求既人黎講，唔多吸引到我，總括算係屋邨地方難得既上海餐廳。

上年11月曾到過Cafe 1950歐陸餐廳食飯，期間看到對面鋪的夏麵館原來已經開業了。其實我一直都想試夏麵館的菜式，以往不期然經過其他分店時，同行者對夏麵館都是不感興趣，所以我一次都未試過。既然現在開到安定商場裡，而此商場距離我家又不遠，趁今天(2013/12/29)沒時幹就自己走去探索一下。因為商場還在大改革中，內裡都幾混亂，幸好上次行過一次，認得路，所以今次不用四處找尋。黑色的門面在這個光亮得很的商場內的確份外顯眼，我先站在門口看餐牌，旁邊的知客即時上來介紹菜色，這裡只放著主餐牌及蟹粉主打菜餐牌，並沒有午餐或下午茶餐，我估是假日就沒有吧。知客帶我坐近門口的二人枱，還提示我手上的手抽物可以放另一張椅子上，而坐下後她便說"一陣有同事會斟茶畀你"，才走開，十分細心的知客。不久，知客再前來遞上下午茶餐牌，還說"要等多兩分鐘才可以落下午茶，因為未夠兩點半，要等等。"這一刻我還在專注在主餐牌中，聽完後才知道原來是有下午茶餐呢，再查看手機看到是兩點二十三分。剛才我看到經理拉著知客行埋一邊，應該是責備她沒有派下午茶餐牌給我了吧﹖之前由服務員將我面前的杯子加滿茶，熱燙的濃茶，在冷天的日子是可以飲得令