夏麵館 (H.A.N.D.S) (已結業)

今晚又同兩位長老食上海野，因為佢哋細食關係，平日兩位黎都係回鍋肉加個白飯share 食。因為有肥有瘦。唔會全肥肉同瘦肉。比出面的回鍋肉好食 。多左一個我，所以就叫左黃魚煨麵，最初只會叫嫰雞煨麵，試過一次黃魚煨麵又幾好食，起碼冇魚既鯹味，D魚肉算新鮮，湯奶白色的，當湯飲都得。長老怕我唔夠食。叫我叫多兩樣， 咁試下新野 xo醬拌雲吞，有六粒 係雲吞上有一pat xo醬， 下面有些似紅油抄手果d醬汁 , 味道好似格格不入，下次都係叫返湯雲吞好些。最後叫多個菜。其實係小食蒜味四季豆 ，超多蒜蓉 如果星期一至四 ，20:30分後有折 ，但老人家唔餓得 ，所以唔等到咁夜啦， 結賬大約$250。

以前開張冇耐食過一次記得個蟹麵好好食，其他嘢質素都唔錯，除咗個甜品太甜戚起條筋突然好想好想食其實食完個下午茶，唔太肚餓嗌咗個拼盤同蟹麵開心share拼盤嘅嘢食都係我鍾意食嘅嘢最好食係個腐皮卷，熱辣辣，夠曬脆口中間嘅黑醋小排骨，味道可以，但肉質好乾至於個蟹麵，簡直係失望！記得以前個麵煙un彈牙，今次個麵淋咗，冇咗個彈性個蟹粉就好咸，得幾粒仔肉，唔同之前食到有好多蟹肉以前真材實料好多，會食得出個汁有鮮味唉！大退步。。。

同朋友無乜嘢做，諗住食個下午餐，傾下計！又唔知去邊既時候，在友愛就發現左呢一間上海野！最重要是唔洗等位下午餐都算抵食，同份量都多的！菜肉餛飩麵$38菜肉雲吞無乜特別，湯底味道不錯，不過麵質比較淋身和淡茂茂，但都算可以入口！上海擔擔麵$40擔擔麵，麻醬味的湯底不會太辣，是可以的，然而拉麵的質感比較粗糙，不能吸收到麻醬味道，這是比較遜色！豆沙鍋餅（半份）跟餐加$12熱騰騰的，細細件，鍋餅中間豆沙有好多，唔會太甜，好好食！

其實平時經開H.A.N.D.S 都已經見到但個吸引力一啲都唔大突然間心血來潮想食上海粗炒同高力豆沙就諗起夏麵館高力豆沙味道唔太甜，外層夠香，不錯。回鍋肉非常惹味，食到舐舐脷不過單食就有點鹹，要配飯老上海炒麵好大碟，有大片冬菇片，肉絲，小白菜味道岩岩好，所以唔建議加佢個豆瓣醬，好咸。蟹粉小籠包好欣賞佢可以嗌兩隻唔使驚食唔曬嘥曬啲嘢小籠包皮薄汁多，一咬即爆汁，好味蟹粉味唔算太出。見到鄰座的二人套餐覺得好抵食， 全部嘢大大碟又有湯飲， 下次再嚟試其他嘢。

薰蛋過熟，黃魚燴麵腥，炸醬牛肉拌麪既湯超咸，糖醋排骨肉質好梗實，鍋貼，銀絲卷，酸辣湯，ok，招待快捷，對商場免費泊車及換領地點熟悉，上菜落單快，坐位闊落，送優惠卷下次消費80蚊送甜品或鍋貼，15日有效。

坐位舒適上菜快份量，味道okCP值很高的一間餐館甜甜酸酸，很開胃炒到一粒粒，清清地，唔錯頭盤小吃如果炒得爽點，會更好今次麵底淋左少少每次都必點京葱如果爽口點，會更佳甜品選擇不多，但這個唔錯

星期六的下午來到夏麵館是日沒有lunch set牛腩麵個湯好濃麵既軟硬度適中牛腩炆得好林 個炒飯都唔錯係有少少油但都可以接受份量夠兩至三人食下次weekend唔想飲茶呢到都係一個唔錯既選擇

我地三個中學生等野食等咗多過半粒鐘先黎，仲有野飲未黎，涷豆漿咋喎，使咪咁耐呀？！搞到我地差D遲到返學。黎咗之後，明明寫辣嘅牛腩麵，一D都唔辣囉（我本身唔食得辣），又細碗，唔會話好食，麵多牛腩少，要四廿幾蚊，呃錢呀？服務態度差，叫職員N次唔應，有D 話等陣，點知冇黎。枱面污糟，攞塊布店下算，枱底又有垃圾，唔會有人執，唯有坐開D啦。呢間野唔知想點，唔知點解可以咁都得，好Q廢。第一次幫襯，已決定絕對唔再食，可想而知有幾差。

自從買團購開始，便愛上夏麵館，現在夏麵館換了師傅，小蘢飽比以前皮厚了多少，我最愛回鍋肉，沙鍋雲吞雞，現在再愛上蟹粉哆唻咪，咸肉蕃茄煨麵，老上海粗炒也很好吃，鷄絲粉皮他用花生醬如果用麻醬會好食好多，還有松鼠桂魚，椒鹽小黃魚，甜品就高力豆沙，薑茶湯圓。

當完一場風更，付出了氣力對抗颱風，也賺到了額外收入，本應獎勵自己食餐好，但係颱風過後，想食嘅餐廳唔一定有開，所以無特別去搵食，而且有人病左，要去探下佢陪佢食嘢，佢選擇近近地樓下食，揀左佢鍾意嘅夏麵館，我就麻麻的，不過話左黎陪人，就算啦。佢揀左食蟹粉豆腐煲、蟹粉炒飯，先黎豆腐煲，豆腐係滑但百福豆腐都做到，個芡汁無咩味，有細細件蟹肉都係無味的，邊度有蟹粉味？同埋我最憎就係有好多薑粒，啖啖都有！咁就收我九十幾蚊？跟住個蟹粉炒飯，飯同汁係分開上，個炒飯一啲都唔吸引，而且啲飯好硬好乾，好難咬，煮得唔夠水定唔夠熟？個汁又係無味，呢個就無薑粒，但都係好杰似鼻涕咁，難食到食唔到落去。唯有叫多個小籠包，味道比較可接受，係個頂皮厚左啲。夏麵館服務係幾好，我都唔算揀食嘅人，但佢嘢食實在太差，唔駛錢我都唔食！

有朋至遠方來，好朋友今日一家大細黎搵我食飯，令我可以食到一餐溫馨既父親節飯😊6點半去到，間間餐廳都咁多人其實都預咗等😅，等咗一個鐘唔夠就有位，可能係大家都好肚餓所以叫到一枱都係餸。所以未能一一盡錄三絲伴冷麵 - 麻醬夠多麵夠凍👍🏻花雕醉雞 - 酒味不太濃味道適中上海醬鴨 - 好入味但略嫌太咸韮黃炒蛋 - 蛋炒得幾滑其中一部份🤣韭黃炒鱔絲 - 鱔既份量都唔少又夠味炸銀絲卷 - 係唯一有encore 既，面炸得夠脆身內裏又夠鬆軟👍🏻蟹粉小籠包 - 普通小籠味只有少許蟹粉未賽螃蟹 菜肉大餛飩回鍋肉以當日人多既情況及番枱既速度，我對呢餐飯都幾滿意。

早兩天爸爸媽媽入來屯門，晚上唔想去太遠食飯，就近近哋同佢哋過安定食上海菜。老上海炒麵 — 阿仔最愛！必食！排骨擔擔麵 — 花生味很香，但味道我覺得一般。反而排骨就好好食，夠晒脆。鍋貼同小籠包 — 都係必食嘅！皮薄多汁。鱔糊 — 第一次叫嚟食，好夠味，好食！但感覺同老上海炒麵都係咁上下味道！下次事旦叫一款就好。砂鍋雲吞雞 — 雞比較鞋，成餐最一般嘅一道菜式！高力豆沙 — 熱辣辣上枱，超鬆軟，意外地好食，完全唔膩！豆腐蟹粉煲 — 最激氣嘅一道菜！味道係唔錯，但如果要原價$92，我應該唔會叫！明明寫住1-4人平均消費滿$80就可半價點佢某幾款小菜的其中一款；5位以上就可點兩款。我4個大人，2個小孩，佢話只算了我4位，所以只能點一款⋯算啦，無所謂！但點了之後，遲遲未到，追咗幾次，最後話漏單，要再落order...到最後，茶錢收足我6位🤦‍♀️，送唔起，就咪鬼做優惠啦！但整體，味道是真心不錯的！

第一次來到夏麵館晚餐，約7:00pm入面已經坐滿了人，看見身邊的人都會叫一碗麵，砂鍋雲吞雞，心想應該會很好吃。我們叫了六碟食物︰金牌菜肉炒飯，炒得真的很有鑊氣，粒粒米飯分明，吃落去有一粒粒脆的食物，不知道是不是飯焦，但是入面真的很多菜和肉，是有DD鹹和油膩的感覺。鮮肉小籠包與平時吃到的一樣，一樣多肉汁。砂鍋雲吞雞，為了想食到處找可以食到的地方，個湯比我想像中清甜，加埋半隻雞落湯，湯立即味道豐富了，可惜半隻雞真的不夠，4人每人一件都沒有剩了，雲吞煮了好耐的感覺，好淋。上湯雲耳勝瓜，汁好濃，勝瓜吸收哂汁的味道。酥炸大排麵，豬排好脆很好食，麵比較硬，不能吸收湯汁。香煎南瓜餅，好油膩，入面沒有太多南瓜，下次不會再叫。這次晚餐，上菜的時間很快，一落單好快便一碟碟送到，差D沒有位放低，侍應們服務好好，好有禮貌。

上次食係半年前同朋友, 記得都唔差, 平時又成日都見好多人, 琴日同屋企人去食就變哂質 唔會有下次小籠包 (係多湯同皮簿, 味可以)生煎包 (完全唔得, 無湯汁算, 唔似煎過同蒸菜肉包差冇幾)蒜泥白肉  (譚X好食好多, 蒜唔夠爛只係蒜粒不是泥, 汁冇咩味冇辣, 唯一係腩肉靘小小)糖醋魚塊 (D魚好厚粉同埋吸左好多油淋哂, 個汁既味正常)排骨擔擔麵 (排骨淋到似食緊肥膏一樣, 個湯底香, 但食落口唔算濃味)酸辣湯 (一般不過不失)椒鹽小黃魚 (LI碟最好, 味唔錯, 又熱孜脆, 係D炸蒜好硬, 應該都係放左好耐硬哂, 食落好UN 口)埋計$36X/ 3位

本人好少會係 openrice 寫食評，但都忍唔著寫下。食左個小籠包同排過擔擔面，收左我112蚊。d 面淋曬ga，成六十幾蚊食碗淋曬既面，真心有點嬲嬲豬，排骨炸到好油。個小籠包口感還可以但個賣相好差，部份皮痴著肉餡起曬皺紋，還好在冇穿到湯汁出來，包的皮也算薄的，但真係好想向經理投訴，兩樣野成112蚊俾d咁既食物質素，真係想問佢地對唔對得著d客人。友愛的店，不知是否太耐冇裝修，牆上一撻撻好似掉漆咁，埋單仲俾 coupon 下次，心諗攪好你地d環境同食物質素先啦。食完我完完全全感受到做菜出來的廚房，係幾咁冇用心去做好d野俾人食。接近成百二蚊食碗淋曬既面。真係.....唔知點形容。