夏麵館 (H.A.N.D.S) (已結業)

今日放假, 去夏麵館食個lunch, 午巿有套餐, 有前菜、主食、飲品,坐得舒服, 又幾抵食, 又唔駛太傷腦筋食咩。燻蛋-燻到幾入味, 甜甜地, 個蛋仲有d流心添, 口感一流。排骨擔擔麵$64-個排骨炸過, 不過唔係好脆, 入面個排骨肉好淋, 不過好似太淋, 有d唔自然咁。配個擔擔麵湯底幾辣, 有d嗆喉, 幾濃, 花生味好重, 個麵煮到條條分明, 連埋湯食夠晒味。豆漿-個餐配埋豆漿, 凍飲大大杯, 甜度岩岩好, 都有豆味。豆沙鍋餅(另加$15)-佢一早就送左上枱, 因為要食埋其他野先食甜品, 豆沙鍋餅都凍左, 外皮幾油咁, 又厚皮, 四塊鍋餅幾迷你下。