夏麵館 (新都城中心二期)

营业中

休息中

連鎖既夏麵館以前係德福都有食過不過個舖位就成日變而家就變左做另一間今次就去左將軍澳新都城食位置就係2樓最角落個位另外佢地而家都有7間分店商場店環境光鮮平日夜晚八點過到黎可以坐到四人卡位幾舒服夏麵館而家手機落單不過一樣都可以寫紙仔散叫同套餐都有最後揀左呢個望落去幾吸引既極品蟹粉宴雖然貴左少少但叫做有七道菜選擇好似幾多野野飲要左凍同熱豆漿各一杯size正常以為七道菜份份都會變成迷你版但事實並唔係咁只有鎮江水晶肉同虎皮素鵝係得兩件其他雞絲粉皮同四季豆都比想像中多中間糖醋小排仲係正常前菜size添湯有兩款揀咁就當然係我全部都要酸辣湯開胃鮮魚羹入面都幾多料佢地有個招牌叫做哆唻咪讀音doremi以前食過我都唔知有呢樣野由名人提名用左一兩蟹黃同二兩蟹粉配上三兩河蝦組合而成賣相好吸引仲好邪惡霸道餐牌話配埋饅頭抽撈汁食就最好跟餐就會有埋銀絲卷我覺得如果用黎撈麵或飯應該會更加正但佢跟既係湯麵鮮蟹粉黃魚片麵呢個本身又已經有配蟹粉味道唔差官網寫話係自家製麵條但始終蟹粉一落湯就好似會散晒比魚湯蓋過如果配另一道烏金蟹粉拌麵應該會更加正佢地連菜都要淋上蟹粉真係名乎其實蟹粉宴上海菜點少得小籠包套餐有每人一件蟹粉小籠包

和朋友一起在寶琳交收，之後去新都城二期睇下有什麼吸引的下午茶餐。見到這間上海菜館的下午菜竟然有蟹粉，即時拉朋友入去話「三位！」已經一月了，若不捉緊冬天的尾巴吃蟹粉，好快就無得食了。下午茶套餐相當抵食，雖另要加一，但免收茶位，而且份量和正價一樣大大碗，包埋飲品，加配埋小食，非常滿足。🔶鮮蟹粉黃魚片麵（$74）黃魚超級優質，又滑又鮮，差點搶走蟹粉的風頭。蟹粉份量足又甘香，才與黃魚平分秋色。陽春麵條口感幼滑彈牙，配上鮮甜湯底，每一口都能帶出啖啖鮮味！🔶烏金蟹粉拌麵（$70）香濃鮮蟹粉配墨魚汁手工切麵，既獨特又鮮味十足，拌勻才吃，色香味俱全。🔶酸辣湯餛飩麵（$54）酸辣湯料多味美，不會太辣或過酸，陽春麵掛滿湯汁，非常好吃。三粒大餛飩，肉餡夠大，外皮滑溜。🔶鮮肉小籠包（+$22/4件）~ 外皮雖不通透但輕薄，一口咬下，肉汁溢出。🔶鮮肉鍋貼（+$14/2件）~ 外形美觀，外皮軟中帶勁。🔶豆沙鍋餅（+$14/半份）~ 外脆內軟，香甜燙嘴。🔶夏伯伯酸梅湯（$0）~ 餐廳獨家古法炮製，第一啖好酸，之後回甘清爽。🔶豆漿（$0）

食晏時間同朋友👱🏻‍♀️一齊喺呢個商場，要搵嘢食醫肚，喺商場行咗個圈，見到呢間上海餐廳/麵館，有「午市套餐」，好似幾啱大家胃口，咁就決定入去開餐😁呢度有多款「午市自選套餐」，咁我哋揀咗 $94 嘅「鮮蟹粉黃魚片麵」，小食揀咗「菜肉雲吞三隻」，飲品揀咗「熱豆漿」😆「鮮蟹粉黃魚片麵」：有一層「蟹粉」鋪咗喺麵上邊，我哋用匙羹搯起嚟食，幾好味😋；「黃魚片」新鮮肉質結實😋；麵條就煮得軟腍腍😋「菜肉雲吞三隻」：每一隻雲吞體質都頗為巨型，裏便係我喜歡簡單嘅白菜🥬同豬肉🐷仲有呢杯熱豆漿😆午餐加 $16 要咗「芥蘭菜」：新鮮、嫩綠、爽脆😆$58 嘅「鎮江水晶肉」：啫喱狀、鎮江肉，沾鎮江醋一齊食，開胃😋$98 嘅「香糟黃魚片」：朋友同我都鍾意食「黃魚片」，所以加咗呢個菜，「黃魚片」肉質鮮嫩味鮮甜😋；仲有大量「雲耳」墊底😋

無業既第一天，就要同媽媽食個Lunch先啦！媽媽鍾意食上海菜又想行下街，於是去左將軍澳寶琳站！依到有夏麵館，媽媽對佢地既蟹粉系列好有興趣，食飽仲可以喺新都城行下！烏金蟹粉伴麵是餐重點菜式😂好多蟹粉呀！100%手拆江蘇蟹粉份量勁多，同墨魚汁麵顏色上已經好夾，我小拌一下每啖都可以食到蟹粉，So Yummy !!蟹粉小籠包四粒小籠包脹卜卜，皮算幾薄餡料好滿仲係一隻湯包，每人二隻都幾飽😂花雕醉雞花雕夠香唔會苦，雞件比較結實，媽媽喜歡這個口感！酸辣湯雲吞麵我真係唔知咁大碗😆係無諗過咁大碗，酸辣度適配料好充足雲吞都幾好食，係多菜少肉嗰類，個麵好大好大真係食唔哂😅紅油抄手點解又係雲吞？因為手殘填錯格囉！媽媽本來想食春卷架😝但錯有錯著，因為個醬汁媽媽好喜歡！❤️^ 設有加一服務費

上海菜係我最喜愛的，差不多每隔一個月會食一次。今日就去了寶琳探朋友，順便一起午膳。寳琳新都城中心就有一間有名氣的麵館，麵類有水準之餘，其他涼伴，小吃也不錯。酸辣湯餛飩麵好大碗喎！餛飩有三大粒，基乎手掌大。餡料飽滿有嚼口。酸辣湯夠味道，又酸又辣，惹味十足。麵掛湯不錯，滋味。鮮蟹粉黃魚片麵蟹粉融入湯內，另湯底充滿鮮香。黃魚魚味濃厚，啖啖肉。小籠包即叫即蒸熱呼呼，爆汁。紅油抄手皮薄餡多，如辣度多少少就更好。糖醋排骨糖醋醬汁好惹味，一口接一口，停不了。高力豆沙又係即叫即做，豆沙餡滿滿，外層有蛋香。

假日午市唔會提供午餐，只有散點，所以比較其他附近餐廳收費會高少少，食麵嘅話就覺得唔太抵菜肉餛飩 $ 40 / 6粒皮靚但厚身，不過好多間都係咁上下，應該本身係咁，至少唔會爆口，餡料鮮甜上海擔擔麵 $ 48麵底非常煙韌，湯底濃稠，花生味唔夠，辣度差啲，我食開一間老上海店更加重蒜同醬油味。排骨擔擔麵 $ 68只係加多一塊炸排骨，唔算厚身，口感幾好，唔似茶記醃到淋一淋，炸漿都算薄，唔錯

夏麵館👩‍🍳📍將軍澳貿業路8號新都城中心2期2樓2013號舖雞絲粉皮🐔醬汁十分充足，花生醬香味濃郁🥰配上煙韌粉皮十分夾🫶🏻蟹粉小籠包🫶🏻🫶🏻小籠包皮薄多汁，裡面有蟹肉！🦀🦀有驚喜🥳而且可以只叫兩粒，如果只得兩個人的話亦不怕吃不完😋炸饅頭🍞🍞🍞🍞🍞🍞一份有六個🤣炸饅頭配上練奶，是完美組合🥰🥰而且吃的時候還熱的🔥🔥🔥總括而言，今次嘅晚餐性價比很高，有驚喜！

本身好喜歡上海嘢，不過平時同朋友食飯都好少會揀上海嘢。最近留意到呢間有蟹粉系列，幾吸引，忍唔住去試咗！😂環境都幾乾淨整潔，人流唔算太多，感覺係舒適嘅！🤓講吓佢哋嘅食物：酸辣湯（位） $32夠酸夠辣，好開胃。包含咗荀絲、木耳、冬菇、豆腐等等，非常足料，而且口感豐富。🤩蟹粉小籠包（2隻） $38好香蟹粉味，餡料幾滑幾多汁🤤哆唻咪（半份） $118上海陽春麵 $30碗鮮蟹粉幾出色：包含蟹肉蟹膏，味道香濃，而且拆好曬，簡直係鐘意食蟹嘅懶人恩物！另外有加入薑絲，幾細心，可以平衡一下蟹嘅寒涼。蝦仁肉質結實，好香蝦味！☺️本身佢都有個蟹粉伴面，但驚佢蟹粉會好少，唔夠喉，所以靈機一觸。點咗半份蟹粉配淨上海麵。本身好喜歡上海麵腍得嚟又帶點煙韌，再配上滿滿蟹粉，非常之夾，非常享受。大家可以參考我呢個邪惡食法。😜唐芹鮮肉水餃（6件） $40餡料結實、西芹加強口感。不過呢款唔太夠熱，西芹都比較少，不太推薦。🤫貓山王榴槤高力（1個） $25外皮好熱、好鬆軟、滿滿蛋白嘅味道！戲肉係榴槤肉，好香濃、好creamy☺️

今日和朋友去將軍澳玩，晚飯時間就去寶林的新都城走個圈看看有什麼食，看到這裡有間夏麵館門口餐牌d蟹粉菜幾吸引，就決定入去試試。我們二個人叫了幾個菜來試試，先上的有上海醬鴨，醬汁濃郁，都幾好食，可惜分量有d細，大份d就完美啦。然後在來鮮肉小籠包，d餡又鮮又爆曬汁，真係幾正！還有當然點了他的蟹粉菜啦，餐牌上面寫了個超人氣的新菜式烏金蟹粉拌麵，就試試他啦，果然蟹粉蟹味十足，我們兩個人share剛剛好啊，因為我們還點了個砂鍋餛飩雞，不留都真係搞不掂啊，餛飩好食，d雞又嫩，最緊要d湯好好飲，講真我們二個人清成個砂鍋，簡直係十個推介啊！

清淡爽口，軟硬適中的湯麵是心目中的comfort food。夏麵館顧名思義，麵食是其招牌菜。是夜只想簡簡單單的食碗麵，再加少少前菜。夏味燻蛋燻蛋顏色很吸引，蛋黃非常溏心，味道濃郁黏口，比日式拉麵的溏心蛋更勝一籌。五小碟五小碟選了涼拌小木耳、鎮江水晶肉、虎皮素鵝、海蜇及糖醋排骨，此小食拼盤份量一點也不少。小木耳味道不算很濃，感覺比較清新爽脆。水晶肉肉瘦香酥、皮色晶瑩、鹵凍透明。虎皮素鵝腐皮酥脆、素菜絲清爽可口。酸辣湯麵酸辣湯麵有木耳絲冬菇絲伴食，豐富爽口，酸辣湯酸辣味及濃杰度適中。嫩雞煨麵嫩雞煨麵材料雖然只有雞肉碎及小棠菜碎，但精華盡在奶白高湯及麵條，麵條吸收高湯味道，軟而不爛，食入口感覺很舒服。

好耐冇去夏麵館，不嬲都好鍾意食佢地啲上海嘢。唔講唔知佢1999年已經成立。提供優質而且健康嘅上海菜。今次特登嚟食佢哋嘅蟹粉菜式，價錢仲要唔貴。午餐叫咗個烏金蟹粉拌麵，包小食同飲品。另外叫咗一份哆唻咪(DoReMi) 即係蟹粉蟹黃河蝦仁。menu話個名係張曼玉改。烏金蟹粉拌麵即係蟹粉墨汁麵，蟹粉份量幾多。墨汁麵有啲似意粉，都幾彈牙。哆唻咪用上一兩蟹黃、二兩蟹粉、三兩河蝦仁煮成。成啖成極之滿足，我就用埋嚟撈麵，夠曬豪。小食個上海春卷都好脆口。我仲加錢叫埋高力豆沙添，真係好好味。

這麫館我之前成日去食, 因為在家附近商場, 但因食品種類沒多變, 便淡忘了它。近日在商埸閒逛, 就被它的廚師推介: 蟹粉Do Re Mi 吸引我的眼球; 鍾意食蟹嘅人必定喜歡蟹粉一入坐, 二話不說, 即點個蟹粉Do Re Mi, 在等食之餘, 細看介紹, 原來係名人張曼玉題名, 果然與別不同!組合係:一兩蟹黃加二兩蟹粉再配上三兩河蝦,半份嘅份量都勁大份😍絕對可以嚐到每一口濃郁甘香嘅蟹味及鮮甜爽口嘅河蝦, 追住一口一口咁食😋😋再叫客蟹粉小籠包，熱辣辣之餘，仲香噴噴😋😋蟹粉裹裹外外都有，蟹油滿都流晒出嚟添😂😂店員仲介紹我下次可以試吓二人極品蟹粉宴$428，食品種類更多，仲有埋甜品添👍🏻👍🏻👍🏻

今日去將軍澳新都城，見到間上海菜館，午市套餐幾抵食，又多款，一於入去試吓😄 :入到去餐廳裝修，新淨企理，店員有禮貌，餐牌種類繁多，終於選擇了 ：鮮蟹粉黃魚片麵～算是時令食品，蟹粉濃郁，黃魚片新鮮彈牙，高水準之作🤗上海炒麵～淨係睇個顏色，已經知道係好食😌小籠包～鄙薄餡靚，咬落有肉汁🥰鍋貼～必食之選😋上海醬鴨～隻鴨本身唔肥，肉嫩，加埋特製醬汁，真係好好食👏🦆最後交埋個甜品～豆沙鍋餅和豆漿，呢一餐好完美💯

原來屋企附近開咗間咁有質素嘅上海菜，仲要價錢親民，食到飽一飽人均都係$150唔使！絕對有下一次🤤🤤😍嫩雞煨麵 $58👀自從食完滄浪亭之後，就對嫩雞煨麵零抵抗力，每次去到上海餐廳，只要見到有呢個選擇，都一定會揀佢！估唔到佢一碗嘅份量咁大🤣我覺得兩個女仔share都冇問題😂（但我係食得晒嘅👀入面嘅青菜，同埋雞粒都好多，麵條夠滑，湯底清清地，正！😍酸辣湯麵 $55👀同樣地又係超大碗😂食落去第一下嘅感覺有啲似碗仔翅🫣（加咗辣，之後感覺都唔係好辣，但係凍凍地有碗酸辣湯麵落下肚都幾正🫡😍上海醬鴨 $68👀唔想成日都係食雞，今次就試吓呢個醬鴨！每件鴨件都沾滿左甜甜嘅醬汁，係會不自覺地連皮都食晒🤣😍炸銀絲卷 $28/1條👀本身以為佢入邊係會有啲雜菜絲，點知原來同炸饅頭差唔多😂只不過入邊多咗一絲絲嘅口感，食落冇咁硬！😍桂花拉糕 $32👀呢個絕對有驚喜！本人好愛😋😋😋外表咁睇係平平無奇，但係入口其實佢係有少少糯米糍嘅口感，而且上面嘅桂花醬真係如虎添翼，好清甜又有少少鹹鹹地，點解可以咁好味？🥹🥹總括嚟講呢間CP值都幾高！價錢平，又夠飽肚，平時諗唔到食咩嚟呢度就啱😉✨

放工想食上海菜，又係食蟹季節，咁喺屋企附近食晚飯，一定入去試吓啦。菜館座位寬敞，好有空間感，藍色主調裝潢有復古牆身畫做配襯，環境簡約優雅。~~~~~~~~~~~~~~~~~~~~~~~~~~~~~~💫 自選涼菜五小碟 。醉香豬手。鎮江水晶肉。虎皮素鵝。美味海蜇。蒜香四季豆様樣都想試，呢個自選五小碟就啱晒眼寬肚窄既食貨，可以喺9様小菜揀其中最想試的5樣，份量剛剛好。 豬手外皮爽口彈牙，肉質軟腍，零油膩感，入口啖啖醉香，酒味甘香醇厚，馥郁芬芳。鎮江肴肉，瘦肉香酥、肥肉＂不膩、咸香嫩鮮。食時冰冰涼涼，入口脂肪化開，蘸以少許鎮江醋，可豐富其味道。💫 蟹粉小籠包落單好快就熱騰騰送上枱，完美協調的外皮，餡肉，湯汁，入口帶點蟹粉鮮味，夾時又不會痴皮，唔怕一夾易爛，讃👍💫 烏金蟹粉拌麵黑色墨魚麵上層係滿滿金黃色的人手拆既蟹粉，撈起嚟食，啖啖意粉都味道甘香鮮甜，好好味😋💫 貓山王榴連高力 即叫即做，圓球脹卜卜，外脆內軟, 質感蓬鬆，用貓山王做餡料，肉厚呈奶䊢狀，味道甘香濃郁，口感軟滑，榴連控必試👍👍