夏麵館 (新都城中心二期)

营业中

休息中

情人節就到，為免男朋友太破費，我地今次選擇食中餐。我提議去食中餐。去食佢鍾意的蟹粉小籠包。這個蟹粉宴套餐食物豐富！性價比高～先來飲品豆漿和或夏伯伯酸梅，味道濃郁，唔會淡而無味。精裝五小碟有蒜香四季豆、虎皮素鵝、鎮江水晶肉、美味海蜇頭和涼拌小木耳，每款少少地可以乜都試匀，啱晒多心的他。哆唻咪個名好得意，其實係鮮蟹粉河蝦仁。蟹粉真係澎湃，撈埋鮮蝦食，甘香之餘多鮮爽彈牙。王牌酸辣湯/瑤柱豆腐羹，我地揀左各一黎試。酸辣湯好足料，酸酸辣辣好開胃，而瑤柱豆腐羹就比較清淡，啱唔食辣的人。生煎蟹粉小籠包，包皮煎得帶脆，入口啖啖肉帶蟹粉香，男朋友一口氣食左3粒！蟹粉扒菜心，菜心上面堆滿蟹粉，每條都清甜爽脆，加上蟹粉的甘香，更加惹味！主菜蟹粉撈飯或三蝦燴麵，我地揀了蟹粉撈飯真係明智！飯煮得乾身又熱辣辣，撈埋蟹粉，真係啖啖甘香，超級滋味！我地食到一粒都無剩！最後食埋甜品開心果高力就停手了。好飽好滿足！情人節食呢個性價比咁高嘅蟹粉餐，男友大讚！

平時節日怕多人，啲餐廳又會趁節日刻意拉高個價，有時仲規定只可以叫套餐，所以一般都好少出去食。今個聖誕反而好靜，行過商場，見到哩間餐廳唔洗排隊，個套餐價錢都唔貴，就入去試下。特選尊貴二人餐 ($328)套餐有湯、前菜、主食、糖水。酸辣湯 / 瑤柱豆腐羹湯有兩款，一個辣一個唔辣，岩岩好可以一人一個。湯料好足，調味適中。酸辣湯唔會好咸，微辣，唔食得好辣嘅朋友都勉強可以食到。完全唔食辣的話，可以叫瑤柱豆腐羹，同樣好味。鎮江水晶肉 / 雞絲粉皮前菜同樣有幾款可以揀。水晶肉一份10件，口感爽口唔黏笠，點醋食無咁膩。雞絲粉皮好夠醬，好好味😋蔥爆牛肉 / XO醬炒年糕兩款主菜都唔辣，而且份量剛剛好。蔥爆牛肉有好多大蔥，牛肉入味，醬汁調味剛剛好，但略為油咗啲。食到一半，我哋攝高一邊碟，等啲汁可以流埋一邊，啲牛油唔洗浸住啲油。炒年糕好入味，年糕口感控制得好好，口感煙韌，唔會太軟身。味道惹味又唔會太濃太咸。兩款主食相比之下，炒年糕做得比較好，無咁油。薑茶芝麻湯圓糖水唔會好甜，薑茶又夠薑。成個晚餐有埋甜品做收尾，好滿足😋計埋加一、茶錢，每人唔洗$200，節日黎講，好唔錯。當日人流少，餐廳唔係好繁忙，服務幾好，

食物種類款式多而且全部都新鮮做熱辣辣不過唯獨就價錢比較高不過性價比還可以接受最鍾意食佢嘅小籠包有湯汁之餘食嘅時候個皮唔會好易穿變咗食起上嚟好方便而且佢嘅酸辣湯都好好味

✨虎皮素鵝（$55）腐皮煎烙出金黃虎斑紋，包裹飽水金針菇，外層酥脆帶豆香，內餡咬下溢出菇類香氣，作為開場輕盈無負✨鮮蟹粉河蝦仁撈麵（$128）鋪滿現拆蟹粉與脆嫩河蝦仁，拌麵時包裹每根麵條，鮮味直衝鼻腔，佐薑醋平衡腥氣✨雞排擔擔麵（$72）湯底花生醬香濃不膩，微辣中透花椒麻香，雞排外皮酥脆不厚粉，肉質多汁，嗜辣者可追加辣油✨蟹粉小籠包（$70）薄透麵皮兜住豐盈湯汁，輕咬先吮鮮燙蟹肉湯，內餡豬肉與蟹粉比例得宜，juicy!✨豆沙鍋餅（$38）糯米皮煎至金黃微脆，紅豆沙磨得細綿不死甜，好好食

**鮮蟹粉河蝦仁撈麵**試食價限量供應，絕對係主角，蟹粉濃郁到黏唇，河蝦仁爽彈鮮甜，撈勻幼滑嘅麵條，每一啖都係奢華享受，蟹油香氣纏繞舌尖，忍唔住連碟邊嘅金黃醬汁都刮清❤️**蟹粉小籠包**一啖咬落，熱辣湯汁混住蟹粉嘅甘香爆出，皮薄餡靚，蟹肉同豬肉比例完美，蘸少少醋更提鮮😋**花雕醉雞**酒香溫潤，雞肉嫩滑得嚟帶啫喱狀膠質，冰鎮過後更爽口，係清新嘅平衡之選👍**蟹籽蝦球賽螃蟹**鑊氣十足，蝦球大隻彈牙，蟹籽卜卜脆，螃蟹鮮甜多汁✨**鮮肉鍋貼**底部煎得金黃酥脆，肉餡爆汁，簡單卻滿足😌

之前都食過夏麵館，放假再過嚟品嘗吓近菜式，午市三重奏好抵食，有前菜、美點、主食揀，而家仲有蟹粉菜式🔸蟹粉類🔸🥢蟹粉炒粉皮超鐘意，粉皮滑又有蟹粉（蟹粉、蟹黃、蟹肉）點綴，好食好惹味🥢生煎小籠包第一次見小籠包都有煎嘅，又幾夾幾好食，嗰底脆脆哋，嗰餡有蟹粉、蟹黃、蟹肉，幾吸引🔸午市三重奏🔸🥢美味海蜇頭酸酸哋好開胃，海蜇頭好爽脆🥢菜肉大餛飩有六粒，包到好大隻，大雲吞同湯底不太鹹🥢鮮肉小籠包有四粒，皮薄餡好食，上枱仲熱🍜雞扒擔擔麵先生最鐘意擔擔麵，麵質彈牙，炸雞扒好大塊🚩夏麵館 (將軍澳) 📍將軍澳寶琳欣景路8號新都城中心二期2樓2013號舖

【鮮蟹粉河蝦仁撈麵與蟹粉小籠包｜午市套餐優惠必試】 每日限量20份的「鮮蟹粉河蝦仁撈麵」，金黃蟹粉，鋪滿河蝦仁，每一口都能嚐到蟹粉與蝦肉，拌上細麵，鮮味層次分明。另一招牌「蟹粉小籠包」外皮包裹豐盈內餡，一咬爆出蟹粉湯汁，搭配薑醋提鮮，滿足一下蟹粉癮。 午市時段更推超值套餐，性價比極高。二人套餐有兩個小食一個主食，兩個前菜，一個小食。雞扒炸得酥脆，配上濃郁嘅擔擔麵，係一個唔錯嘅選擇。醬鴨惹味,鍋貼小籠包也是紮實的感覺。這裏座位寬敞，店員服務態度友善，是一間性價比份高的餐廳。

今日去咗新都城食午餐，見到好多lunch set好抵。雞絲粉皮雞絲粉皮的呈現相當誘人，粉皮滑而不膩，搭配細嫩的雞絲，讓人一口咬下即感受到其Q彈的口感。蟹粉小籠包小籠包外皮薄透，內餡飽滿，輕輕一咬，鮮美的蟹黃湯汁瞬間爆發，令人齒頰留香。鮮蟹粉河蝦仁撈麵撈麵好有驚喜！河蝦仁鮮嫩爽口，搭配的手工撈麵彈牙有勁，麵條上淋上的蟹粉醬汁則濃郁卻不油膩，非常美味。開心果高力作為開心果控，見到開心果嘅產品一定要食！呢個開心果高力，外皮酥脆，內餡則是滑順的開心果醬，甜而不膩。炸銀絲卷（跟煉奶）銀絲卷外皮酥脆，內餡香甜，重點係要加超多煉奶，食完有滿滿的幸福感！

早前媽媽說想到「夏麵館」吃鮮蟹粉菜，但一直抽不到時間陪她，這天有空就帶她來試試。說實，餐牌上的蟹粉非常吸引，特別是鮮蟹粉河蝦仁撈麵，試食價$68，差不多半價，而且每日供應20碗。另外，餐廳亦有推出午市孖寶及午市三重奏套餐。鮮蟹粉河蝦仁撈麵撈麵上放了滿滿的鮮蟹粉，味道濃郁而鮮甜，而河蝦爽彈，令口感大增，伴著富彈性的麵條，每一口都充滿蟹香。蟹粉小籠包推介！小籠包皮薄，內裏全是蟹肉及豬肉餡料，咬下去大量濃郁湯汁溢出，鮮味甘香。花雕醉雞雞肉肉質非常嫩滑，雞皮夾彈，皮肉間有薄薄一層透明狀啫喱，甘香得來又有淡淡的花雕酒香。醉香豬手豬手入口爽脆，肉質軟腍，有花雕酒香，口感不油膩。三鮮炒年糕炒湯年的材料挺多，有金華火腿、爽彈蝦仁、嫩滑雞肉及蔬菜，年糕口感巨煙靭，配上金華火腿的鹹香，讚。高力豆沙甜品是隨下午茶加配，個人非常推介，高力豆沙外層軟綿，內層豆沙甜而不腻，吃時蘸點糖粉，味道會更好。

夏麵館蟹粉系列 $68就食到蟹粉撈麵 超抵食😍鮮蟹粉河蝦仁撈麵 原價$128–> 試食價$68!!!!每日限賣20碗‼️不設外賣份量一樣大！好多蟹膏🤤又唔會太鹹💕河蝦仁口感好爽彈 佢哋隻麵好煙靭好食👍🏻另外都有幾款晚市優惠蟹籽蝦球賽螃蟹 $128–> $108賽螃蟹上面多咗好多蝦球！超級豐富😍撈麵都好好食😁食上海菜冇理由唔叫小籠包🤩鮮肉小籠包（4個）$45 蟹粉小籠包（2隻）$38我鍾意原味小籠包多啲，好有肉香！皮薄餡多，肉汁又多，唔會好油❤️蟹粉小籠包少咗d肉香，同埋會油啲，但係可以一試🙈香糟黃魚片 $98黃魚份量好多！肉質超嫩滑😍調味好開胃，會再encore😋桂花拉糕（4件）$32估唔到係米麻糬口感😍會唔會好甜！甜味來自面層少少桂花醬，超滿足😚

其實夏麵館都開咗好多年，相信好多人都食過。近排路過新都城，見門口有「蟹」主題嘅餐牌，又有各式午餐/晚餐/下午茶餐，一於入去試吓！蟹粉豆腐煲 晚飯時間嚟到，最啱叫吓小菜，時令菜式包括呢個豆腐鍋。簡單製法，味道卻受大眾喜愛。鹹蛋黃令整個餸生色不少，加上豆腐嫩滑，食多幾啖都唔滯。蟹籽蝦球賽螃蟹平時賽螃蟹無咩味道，主要靠醋提味。但呢度餸菜本已加入爽彈蝦仁及蟹籽，加重味道。雞火炒飯炒飯屬經典上海菜之列。雞是指雞肉、火是金華火腿。兩者與飯炒在一起，香味無窮。

呢間上海菜館以前食過佢嘅擔擔麵都覺得水準唔錯，今次見到佢有蟹皇盛宴即刻去試吓為咗膽固醇唔好爆錶都唔夠膽全部嗌晒蟹王系列，今次小嘗咗兩款都好滿意，下次會再去試其他！蟹粉小籠包(2隻) $38即叫即蒸嫁，皮都算薄，咬開滴晒啲肉汁同埋蟹粉出嚟，建議你哋一定要一啖食晒佢紅油抄手 $40一份有六隻，水餃好大粒好飽滿，皮好薄醬汁係甜甜地，微微既辣，不過上面加咗炸蒜，簡直係令到成個味道再昇華！好好食蟹粉豆腐煲 $80金黃色好吸引，真係肉眼見到好多蟹肉！味道鹹鹹香香好惹味，真係忍唔住一啖接一啖砂鍋雲吞雞(半隻) $118嚟到真係嚇親呀，真係砂煲咁大個鍋！完全feel到係滾完就即刻拎過嚟奶白色嘅湯，入面收藏住幾粒大雲吞，仲有好大舊雞，啲小棠菜都煮到入晒味雞雖然稱唔上超級嫩滑，但一啲都唔算鞋，雲吞皮非常之滑，湯底非常之好飲呢個價錢真係超級超級抵食，十分之推介大家試吓白飯 $12夏麵館 (新都城中心二期) (將軍澳)將軍澳寶琳欣景路8號新都城中心二期2樓2013號舖

今日去左新都城呢間夏麵館食下上海野~ 店員安排左個卡位俾我地~呢度都幾岩一家大細黎食! 又可以SHARE~ 我地叫左個特式五柳魚, 一個砂鍋雲吞雞, 呢兩樣野做緊特價, 分別係$118 同$128~ 另外我地仲叫左個排骨擔擔麵, 加$5要左淮山麵~ 呢度D 野食真係好高質! 砂鍋雲吞雞入面有勁多粒雲吞, 仲有足足半隻雞! 仲有金華火腿同埋好多菜! 湯既份量好多, 4個人飲都冇問題! 夠哂分! 雞都好滑! 同埋上枱夠哂熱, 好好味! 特式五柳魚係淋左甜酸汁係條炸魚上面, 條魚已經起哂骨, 炸到脆卜卜,超好味! 酸酸甜甜好開胃, 一D都唔膩! 食到我地lam lam脷! 排骨擔擔麵份量都好多, 個湯汁好掛麵, 好好味! 排骨都係炸到熱辣辣夠哂酥脆! 呢間餐廳真係好值得黎, 下次要encore!

好耐冇一家人出去食晚飯，今次近近哋係屋企附近商場食，去咗夏麵館食上海菜！之前都有同朋友嚟食過，味道好，價值又合理，性價比幾高！🌟蟹籽蝦球賽螃蟹👉🏻蝦球新鮮彈牙，加埋蟹籽脆卜卜嘅口感，連同滑溜嘅蛋白，送飯一流！🌟特式五柳魚 👉🏻其實平時唔係好鍾意食魚，怕太腥，但係！！估唔到特式五柳魚係咁好食，好似炸過嚟，表面香脆，入面嘅魚肉仲好滑，醬汁係酸酸甜甜，仲有大量菠蘿同椰果，越食越開胃xd🌟鮮肉小籠包👉🏻見到小籠包都會忍唔住叫，新鮮熱辣咬開真係好多肉汁，而且啖啖肉，超正🌟火腿津白👉🏻依家出去食飯一定會叫一樣蔬菜，火腿津白夠晒味，鹹中帶甜，既有火腿的嘅風味又保留咗津白嘅清甜，成碟清晒xd🌟酒釀丸子 👉🏻去親中菜館見到有酒釀丸子一定會叫，熱嘅酒釀丸子真係好好味！帶有桂花嘅清香，小丸子煙煙韌韌，作為飯後甜品一流～

想食正宗嘅上海菜，我會選擇夏麵館，趁住最近蟹季，餐廳推出全新套餐「特色蟹粉宴」，超級豐富！哆唻咪 呢道咁特別嘅餸菜其實即係鮮蟹粉河蝦仁，用一両既蟹黃，加上二両既蟹粉，放喺三両嘅河蝦上邊，蟹嘅味道超級濃郁，非常順口！生煎蟹粉小籠包小籠包用鐵板呈上，每粒小籠包都包住蟹粉同鮮豬肉，淡淡嘅蟹黃味一路滲出嚟，仲有唔少肉汁添。皇牌酸辣湯酸辣湯果然係王牌，辣同酸嘅平衡做得啱啱好，而且好足料，越飲越開胃。精裝五小碟一次過可以試晒五款唔同嘅前菜，包括有蒜香四季豆、虎皮素鵝、鎮江水晶肉、美味海蜇頭、涼拌小木耳，各有特色，非常滿足。蟹粉扒芥蘭可以選擇菜心或者芥蘭，菜同蟹粉嘅份量都好多，每一條菜都可以沾滿蟹粉，夠晒惹味！三蝦煨麵 呢款主食係最推介，首先係濃郁嘅湯底本身已經夠晒鮮味，再加上蝦籽、蝦腦、河蝦仁，令到湯底好鮮甜，同上海麵係一個非常適合嘅配搭。開心果高力最近開心果嘅嘢食都好Hit，估唔到可以整成開心果高力，軟綿綿嘅外皮包煮濃郁嘅開心果醬，夠晒特別！豆漿有好濃郁嘅豆味，甜度適中！