夏雪 (已結業)

之前都睇到報紙有介紹,好似唔錯,今日去左食tea,叫左東京xx意粉,雞扒飯,海膽雞軟骨同兩杯特飲,d野食都幾ok,雖然係tea,但都好大碟,連埋加一都唔駛$70,仲飽到連夜晚飯都食唔落tim。不過最衰就係冇非吸煙區,如果唔係就更加好了。

20050531 7pm放工跟男友晚餐, 經過呢度門口人龍(居然!), 即刻入o黎試下. 因為唔算肚餓同埋男友剛病好, 煎炸o野不能食.所以order既都以唔熱氣為大前題.2人吃-* 海膽汁火局蠔- 新鮮整o既都唔熱, 溫溫吞吞怪怪的. 蠔唔鮮.* 特長鰻魚壽司- 還可以, 但飯較散.* 清酒煮蜆- 賣相靚但係係無味的,酒無酒味,蜆無蜆味* 龍蝦汁海鮮意粉- 最怪呢個, 龍蝦汁無龍蝦味, 竟然得到乾炒牛河味!!! 只勝在份量超大.* 飲品-白雪公主特飲- 呢個就好唔錯, 係荔枝+蘆薈. 唔會太甜.環境比想像中細特多, 我o地坐2/F果層.近窗邊果裝飾我最初仲以為佢o地抄@東京o的裝修抄得咁足! 原來老細係同一人也. 冷氣開得過大. 同埋o的檯勁細, 十分之唔舒服. service 一般, o的waiter o的語氣十足十樓下波鞋街o的sales咁.男友comment, menu o的相好靚,食味就好麻麻.Total + tips $210, 唔會再翻兜.

枱與枱之間太少空間,環境嘈雜似街市!食物就比一般日本餐廳難吃!天婦羅烏冬,烏冬好像煮不熟,天婦羅亦不夠脆!芒果蟹子沙律味道偏酸,偏酸的不是那些芒果,而是那些沙律醬!就連最簡單的炸雞軟骨,也不夠脆口!吃最基本的三道日本菜,都可以這麼難吃!要環境無環境,要食物無食物,絕不會再光顧!

同Interns食飯，夜晚8:30去到等位，等左約15分鐘就有位，以星期六計算快lu~ 但後來先知咁快有位o既原因，係...!!!!!!!!　夏雪環境都幾靚，座位都幾舒服~ 七個人，都叫得幾多野食：．火焰加州卷-幾靚，味道okay~．咖哩吞拿魚酥餅ｘ2-咖哩味同吞拿魚味唔太夾，比預期中差少少~．特長鰻魚壽司ｘ4-鰻魚唔夠汁，扣左少少分~．三文魚壽司ｘ8-不過不失~．彩虹卷-由鴨胸及蟹柳搭配而成，幾清新~．阿拉斯加卷-相當類似加州卷，okay~．日本南瓜甜番薯天婦羅-我淨係試左南瓜天婦羅，普通啦~．日式鐵板照燒雞-離我太遠，冇食，no comment~．海膽海鮮炒飯-幾香口，份量略小~　食物整體而言都賣相靚但偏細份，味道都唔錯o既~ 但係，我o地一食完一碟，侍應就好心急就收碟；我o地table一空，就問我o地埋唔埋單，最後仲直接講有人等位，要我o地埋單...好在佢o地態度唔差，唔係真係會幾火架~ 不過價錢真係平，唔應該complain o既~ 或者，將食物攤分幾次叫，會可以食得耐d o既，hehe~ ;p

個日見雜誌個ad影到咁正,一於去試下啦, 星期一晚上八時無咩人等, 30mins之內有位啦, 安排左係2樓坐, 一上到去就見到個招牌每15mins個落雪燈箱, 同影相差得遠..........坐低先知被安排坐係吸煙區, 先至記得個人根本無問過我地要唔要非吸煙區, 有無搞錯!!!個menu同setting都同CBS間my tokyo好似, 叫左個李小龍卷,天婦羅烏冬, 魚生壽司餅, 重有半價推介的飲品, 忘記了名字但係一瓶藍色的荔枝味的. 李小龍卷一客四件, 其實都係牛油果+三文魚卷, 不過有d辣汁加係度, 都唔錯啦, 魚生壽司餅係toyko都食過, 都係咁上下啦, 不過呢度d魚生都算多啦, 食得過! 天婦羅都有好多件, 有2隻蝦都好大隻, 蕃薯, 茄子, 南瓜, 新鮮即炸熱辣辣, 但個天婦羅皮就麻麻. 烏冬都好正, 雖然唔係手拉, 但都係日式個d, 幾煙un, size都足, 個瓶酒原價成$60, 而家半價, 但其實好一般好一般, 只係荔枝沙冰加voka, 不過個瓶好特別好靚, 有feel.見佢其他食物如焗飯個d個size都好大, 對男仔來說都可以飽肚d, 由於地方有點迫同埋係吸煙區

前日晏晝同男朋友行旺角,肚餓喎,咁之前聽過下午茶好抵食,同埋我之前食過dinner覺得好,所以去左食嘞~下午茶餐choice就ok啦,不算太多,卷物既選擇不太多,但係炸蝦卷就好好食,一碟8件,份量多,送埋沙律都係19蚊,好似冇加一,平時dinner要39蚊架,而家19都真係抵,加左6蚊叫左杯香蕉加乳酸既野食,好好飲,而我男朋友就叫左個海鮮意粉,响下午茶o黎講,份量都幾大架,味道都ok,但係杯巨蜂目soda就麻麻嘞,但係21蚊好扺law,加埋野飲都係27,so我覺得好扺law~

今日晚上去左夏雪食dinner!!諗住試下呢間咁有主題既日本菜!7點都唔係好多人等呀!~食物方面都係普普通通,款式比較少!如果有得簡我會食和民囉!!~佢d 服務較差, 我地有3個人去,想坐4人枱(有禮貌地講),但個待應同我地講張枱係4人枱囉!~仲有, 有d 侍應就估住講電話, 有d不停傾計我地要口3次先知道呀!!~環境方面都ok啦!~總括來講,麻麻地!!~佢11.00-2.00所有食物50%off,咁我先至會覺得值得一試!!~

果日lunch 同friend正愁去邊食~ 行經波鞋街見間野幾靚~~以為好貴~~見到menu又唔係貴wor~就等位啦~等左一陣就有~~(可能係因為我2點幾去~~)入到去~wow~~好靚呀~~就好似何韻詩我是八十年代個mv咁~~哈~~好多珠鍊~~我又調位又多要求都冇黑面~好~我叫左個牛肉手打烏冬~d烏冬好彈牙呀~~呵~~好味~~不過我杯mocha就唔係咁夠sweet同choco味唔夠~~但我個fd果杯好飲~~我地d drink都好靚~~不過個海鮮意粉就一般~~樣就似西式,味就似炒中式野咁~而跟餐送ge沙拉都一般~ok la~~呵~~係旺角又好食又靚又唔貴ge地方~~正~~**美中不足就係冇分吸煙同非吸煙區~~

今晚一早去到, 坐低覺得環境都ok! 野食賣相都靚, 好開心咁叫左好多款野食! 等左好耐, d 野食終於黎, 但都係惡夢的開始!個侍應竟然係上菜時成杯茶咁倒瀉左落女友度, 最重要係倒左落女友個日本買番黎的白色burberry 袋度! 成撻茶漬現晒, 女友又半身濕晒, 勁狼狽, 乜MOOD 都無晒! d 侍應跟住亂晒籠! 最後個話事人走黎, 淨係話賠洗袋費, 真係激鬼氣! 不過佢都話送飲品, 送野食咁, 食乜都補唔番, 唉! 我地無再追究落去, 因近來運氣實在麻麻, 無乜火... 最後講番D 食物, 其實賣相同味道都真係唔差的, 仲幾有創意! 係旺角區黎講, 絕對係有誠意的餐廳! 如果不是有開頭的不幸及不愉快經歷, 呢間係值有笑臉的餐廳, 但係個位倒瀉茶的員工, 應該要去再培訓下; 而其他員工都非常口黑面黑, 漏單, 上菜慢, 做野不小心,因不久後又有待係隔離跌左個碗落黎, 撞到我對皮鞋, 好彩係無水的, 如果有水又倒左落著涼鞋的女友腳上... 後果不堪設想... 總之服務劣劣劣劣劣!!!

一向對旺角食店無甚信心，日式料理更甚，不過今晚忽然想食日本野，又見樓下sell 客既小妹妹生手得黎幾可愛，就比佢引左入去。所以幾時都話，假以時日開鋪做生意請人都要請番ｄ咁上下既，生客都會多一點。上到二樓燈光暗暗的，都算有情調，但坐低後又係另一回事。無情調而坐位迫夾就無所謂，但當有情調時就不免令人有所要求了，全程同女友傾計都只能陰聲細氣，否則恐怕會變成集體談情既局面。先來既竟然係海膽汁炒飯($58)，海膽份量稀少，所以整份菜輪為普通既楊州炒飯，不過慶幸師傅炒得不差，挽回分數。自從大盛既特長壽司受歡迎後，所有港式料理都少不了呢味野，特長鰻魚壽司跟柚子特長三文魚皆比過去食過既好，但此等變種壽司難登大雅之堂亦係事實。無期望既海膽汁雞軟骨一客數十粒，份量不少，味道又出奇地好，不知事否心理作用，跟平常食開既好似真係有點不同。火炎加洲卷內裏夾有芝士，但芝士味又沒想像既濃烈，跟平常既加洲卷差不多，沒甚印像。記憶中還點了一客卷物，但味道跟尋常既大同小異，所以己經忘記了。由於坐得唔舒服，加上此地不宜傾計，所以用餐後不久就走人，總數連加一$17x，食左唔少野，價錢算抵食，若唔介意膊頭撞膊頭排排坐者可一試。最

之前响飲食男女見過呢間餐廳既介紹,第一眼已經好吸引我,之後更加見到其他雜誌介紹,所以今晚就去試左~今晚係我同男朋友既拍拖紀念日,所以想揾一間特別既餐廳,呢間真係幾有feel架,同埋d菜名真係好...戀愛(甜、酸、苦、辣),好得意,四種唔同味道既魚生飯,我鐘意酸,佢鐘意甜,好好食...差唔多枱枱都叫;其次係炸雞軟骨,個海膽汁好好食,又唔會炸得乾,送酒一流;另外,雞棒好好味,好有咬口,超好;特長鰻魚壽司啦,辣汁海鮮鍋啦都唔錯,彩虹卷都好食,但係有一個叫唔知咩州卷,但唔係加州,就麻麻地嘞;但係碟碟都唔係好大份,所以我地都叫左好多野,而且我地都幾大食,所以之後都叫多左個龍蝦汁海鮮意粉,好大碟,我地都食唔,都係食左一半到咋...但係唔好食law...好乾,又冇乜味law,但係整體都好好,而且唔係貴law,野飲都ok既,但係早熟就一般law,今次埋單都300幾,因為叫左好多野掛,但係都食得好開心,service都唔錯既~仲有,海膽海鮮芝士燒龍蝦頭唔錯,好有驚喜law,所以我下次都會再去架,但係今次坐2樓,我男朋友見到1樓好似好d,多卡位,情侣會好d,但係6點幾已full左好多,所以大家去既話,最好

昨天晚上join 老公於旺角宵夜, 忽發其想打算到女人街後面找吃的, 行下行下見有兩三倨人sell 呢間餐廳, 見張大banner 11:00後壽司刺身飲品半價, 睇下個menu 又幾好, 就上去我們點了一個壽司刺身set , 幾算新鮮, 半咗就百蚊, 炸雞軟骨點海膽汁, 雞軟骨幾香同個汁幾好, 幾十蚊, 杧果沙津, 普通, 廿零蚊, 夏火, Mix fruit juice, 半咗二十蚊, 埋單二百零, 都ok , 環境唔錯, 不過係冇非吸煙區

睇到報紙介紹呢間新店,以"初戀"為主題,幾特別,於是當晚就同老公嚟試吓. 第一次去我地坐一樓,好黑但好浪漫,嗰個侍應哥哥仲好好禮貌,由於係晚上11:00後既關係,刺身..壽司..卷物同飲品都係半價. 我地叫咗個細既刺身拼盤,好新鮮好厚. 香芒蟹子沙律好正,d青瓜絲唔會有陣草青味, 黑蜘蛛卷都唔錯,我地仲叫咗兩瓶酒:七步升天同神風山口組,值得一提係後者,雖然同"nothing"差唔多味,但由於用咗清酒代替vodka,好甜好好飲,小心醉咗都唔知! 半價後埋單都係150元左右,有得食有得飲仲好靚tim,所以至到而家我已經去過三次嗱.連我老公都笑我"夏雪"係我既至愛!

昨天考元試去旺角行街，離遠見到佢地個招牌(好大呀)，望上去見到有兩層，玻璃牆出面的裝飾幾靚！見行到累又肚仔，就上去試試看。坐位很舒適，設計有時代感，加上氣氛幾浪漫，這是因為燈光柔弱，用射燈照在每張桌上中間，幾有情調。佢地個menu 粉紅色幾Qute，打開，嘩！全部都有相睇，相當吸引。最難得就係圖片與實物相乎。因為係tea time，所以額外有一個tea time menu ga, 有很多選擇，而且好低一杯hot green tea ga la, also 常常為你tim茶，故此我地唔要飲品。+$6，有幾選特飲選擇，見人地個杯買相唔錯，還很大杯time, may be because 個杯好長的關係！haha 。我地兩個人叫個了炸蝦卷並加洲卷及一個豬排雞蛋蓋飯share 來食。(1) 豬排雞蛋蓋飯$17: le 個超低，除了個買相好之外，份量真係好多，不會因為tea time而給少D，並無偷工減料。個飯好食，係用珍珠米，D豬排同蛋混和，又甜又滑，加上日本黃瓜絲，送飯一流！這樣的價錢，真的好低。(2) 炸蝦卷並加洲卷$19: 比個飯還貴，我地差不多吃元個飯sin 來，本來有D不滿，但來到時

試過午餐,吃了雜錦壽司飯加荔枝蘆薈沙冰,好好味,不過沙冰就比較甜,埋單都係40多元, 不過我覺得宵夜時段好低,壽司,刺身,卷物,飲品都係半價,又新鮮又好味,環境就有點怪怪,對面係住宅,好似比人昅住,有點不舒服.