影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
夏铭记是香港老字号面店，以手工制作鱼蛋和鱼片闻名，深受本地人喜爱。店内坚持每日新鲜㓥鱼，采用传统软浆方法制作鱼蛋，口感绵密带微弹，不含添加剂，鱼味宁舍唔同。招牌鲜炸鱼片外酥内软，金黄香脆，令人回味无穷。紫菜鱼三宝河粉是另一亮点，包含鱼蛋、墨鱼丸及鱼饺，河粉滑溜不黏。仲加左招牌既足料水饺 牛筋腩捞面软腍入味，搭配自家制辣椒油，辣香惹味，增添层次。餐厅食物新鲜及用心制作令人值得一试。价格亲民，平均每人约$50-$100，性价比高。夏铭记不仅是美食，更是香港传统饮食文化的缩影，值得一再光顾！
继续阅读
西环坚尼地城已经越嚟越少粉面好呀想食一碗正宗嘅鱼蛋粉呢都非常之困难,好在仲有夏铭记可以给一个选择.虽然一本鱼蛋粉而家都要42蚊但系比起上嚟都算系物有所值.起码食起上嚟有细路仔食潮州鱼蛋粉𠮶种味道.因为系手工鱼蛋所以有阵时嘅质量呢会有啲高低但系老细都从善如流唔会介意我哋畀一啲回应而啦我最近食嘅呢两次都系回复返一贯嘅水平.店舖里面还有一幅蔡澜嘅系字尤其是而家更加显得珍贵.好食嘅潮州粉面手工很重要其实系需要传承落去我哋先至可以继续有呢一种味道！
继续阅读
又系教识我早起的鸟儿有虫吃的道理～今次18:00嚟到 炸鱼皮就卖晒了😭😭😭不过唔紧要 简其他都一样滋味😊❣️牛筋腩片头捞面劲钟意呢度嘅牛筋腩 炆到好腍又够入味 份量又足啲腩汁用嚟捞面食真系一流片头跟鱼汤另上 三大件好满足❣️云吞水饺捞粗大大只 手作云吞水饺 虾肉大大粒 系儿时嘅味道云吞汤头劲清甜 蚝油捞粗好挂汁❣️鲜炸鱼片条 特登过嚟就系为咗食鱼片条食落有鱼嘅鲜味 咬落弹牙 系真正手打鱼片嘅口感❣️炸墨鱼丸口感弹牙 有啲墨鱼碎碎同埋葱花 炸过更香口
继续阅读
呢度个鱼片头好好食，一定要试。尤其是系捞粗面。个可乐都好冻，得闲嘅话一定会再返嚟再食。上次食过一个牛筋腩，都好好食，下次一定会带更多朋友过来帮衬大家记得一定要试。
继续阅读
今次去咗西环海旁附近嘅一间连锁面食店夏铭记食Lunch。舖头唔算大，但环境干净企理，楼底几高，所以唔会有压迫感，都几好坐。而且系香港少见嘅优质服务态度。用餐期间不断见到唔少熟客仔嚟光顾，感觉系呢度喺附近应该好有口碑。🥢 葱花鹅肠豉油王捞粗鹅肠处理得干净，冇腥味，质地爽口，加上豉油王嘅香甜咸味，捞埋粗面一齐食，面身烟韧有嚼劲，唔会烂晒或者过咸。面头洒满葱花，添多一层香气，好上瘾。🥢 鲜炸鱼片条切片（1条）炸鱼片条系佢地名物，出面炸得香脆干爽，鱼肉就保持到滑嫩鲜甜。鱼蛋鱼味好浓，质感亦分外弹牙。🥢 紫菜鱼三味河（鱼蛋、墨鱼丸、鱼皮饺）汤底系清甜鱼汤，得出系用鱼骨慢慢熬制嘅味道，紫菜多到差啲见唔到啲面，份量比得好大方。鱼蛋弹牙，鱼味自然，墨鱼丸偏向实净，内里有啲芫茜，香味突出；鱼皮饺皮薄带韧，馅料唔会太咸，整体都不错。🥢 云吞水饺净食云吞皮薄，虾肉爽口；水饺则馅料丰富，食到有木耳、笋同猪肉，口感不错。🥢 炸黄鳝鱼炸黄鳝鱼皮炸得够干身，咬落去脆卜卜，鱼味浓郁，听店员讲，佢地嘅炸黄鳝鱼系每日用几多鱼整鱼蛋，就有几多鱼皮攞黎炸，鱼骨就攞黎煲鱼汤，感觉好新鲜。
继续阅读
您可能会有兴趣的...