壽司郎 (翔盈里)

营业中

休息中

由一開始佐敦,黃大仙,樂富店都有食開,每間店都有個共通點就係質數會越做越差.依家回轉帶自取壽司好多都係轉來轉去都係果d,少咗人會拿,原因真係好差,已為自己食緊争鮮😂三文魚腩好食,其他果d三文魚佢哋切到好古怪,會冇咗魚紋路.油甘魚有時食會好香魚油味,有時會好腥！池魚壽司正常！吞拿魚蓉軍艦正常！原條海漫好味！自己落單出品都係好參差.食咁耐唯一叫有保證三味蝦,叫做次次食可以食返果個味同口感.依家基本上唔再值得排隊等位去食.

✨✨首先因為佢係即叫即整，d飯係好軟熟吾會雪到好硬又好凍！各位記得拎豉油Wasabi！一人前超值三文魚盛合($88)(🍚7/10）三文魚控必試晚餐之選！三文魚新鮮冇腥味！包括三文魚三文魚腩煙熏三文魚厚切三文魚炙燒三文魚辣味三文魚🍣！⭐️特別推介⭐️煙熏三文魚(煙熏味岩岩好)(🍚8/10）厚切三文魚(超厚切啖啖肉食得出鮮味)(🍚8/10）生伴三文魚軍艦(生拌汁惹味超讚!)(🍚8.5/10）🥓壽喜燒牛排($12/2件)(🍚8/10) 推介❗️係煮到入哂味既壽喜燒肥牛！大大塊有d仲有2塊，個味岩岩好吾會好喊肥牛吾會太薄剛好有咬口，重點係食落juicy，正！🐟厚切燒鯖魚($12/2件)(🍚8.5/10) 推介❗️驚喜推介！第一次食鯖魚壽司，無骨！厚切接近1cm，燒到好鮮味完全吾腥，超讚！🧀炙燒芝士三文魚($12/2件)(🍚3/10）太多太多太多芝士，雖然芝士燒過好香，但係完全蓋過三文魚味道，似係芝士壽司多d。🦐炙燒赤蝦($12/件)(🍚5/10）赤假大隻肥美亦燒到好香，外表100分不過有少少不新鮮。🇯🇵醬燒日本帆立貝($22/件)(🍚8/10) 推介❗️超厚身！勁juicy！好鮮甜！醬燒味剛好吾會搶走帆

排3個幾鐘終於可以食到佢喇...食左佢30幾碟食返夠本先.. 佢除左啲野好食過爭鮮好多倍之外.. 啲野食仲好新鮮.. 最好食就係個吞拿魚腩.. 堅冇得輸.. 又點左個炸雞仲用左佢個唔知係咪🍋 汁個支野.. 原來咁樣都好好食.. 下次大家可以試下.. 我見得黃大仙有呢支野.. 樂富冇架

終於食到壽司郎啦！終於食到壽司郎啦！終於食到壽司郎啦！之前一直都想食，但上網訂檯要等2個月！趁年尾清假專登拎假避開繁忙時間2pm黎食。。。點知到左餐廳都係要等一陣，好彩等左15分鐘就入得。落order超方便，用檯上部pad落order,壽司就會好快由運輸帶送到黎！而且啲壽司真係超抵食，大大隻爽甜赤蝦壽司只係$12碟！🤩海膽壽司$27，十分值！份量多而且好新鮮！👍👍👍仲要推介羅勒炙三文魚，都係$12😋白鯛同吞拿魚蓉都係CP值極高🎖反而特大吞拿魚腩有點失望，食完覺得太油🙈

終於食到壽司郎喇😍 朋友一早出去排定隊🙈walkin仲要星期日已經諗住要排好耐😗朋友岩岩食左已經要兩個月前預訂位，點知排隊時間出奇地快👍🏻🥳半個鐘時間左右已經可以入坐🤩無論壽司、刺身都好新鮮，疫情關係衛生真係要做得好足🙏🏻。最後2個人食咗14碟壽司🍣再叫多個拉麵、炸雞🍜都好好食呀🥰湯底非常濃郁，拉麵彈牙掛湯，叉燒肥瘦均勻，炸雞粉唔厚粉，咬落脆口又多汁，非常juicy 好滿意😎

話說香港壽司郎多人去就係人都知，就算依家開到第五間分店，peak hour都要等2-3個鐘，今日就去試下究竟有咩特別之處令到香港人排咁耐都去食。咁話說我張飛就下午5點9左右攞，等下等下等到7點半終於叫到我張飛，真係嗌我number個陣時都有啲感動，到入咗去，職員就好有禮貌問我有無黎過食，佢知我無就好詳細咁同我講啲點餐用餐嘅細節，禮貌上做得係唔錯，但之後職員同我講用餐時間係60分鐘，我真係喊出黎，等咗成差唔多2個鐘，換黎一個鐘嘅鯨吞快感，都真係幾過癮。到點餐環節，可能壽司郎想你喺回轉條帶攞壽司多過用機點餐，所以每次用機點餐都只可以落4碟，但見佢回轉帶上面啲壽司真係擺到就嚟發霉都無人攞，試問點攞得落手😂😂或者壽司郎知我減緊肥，所以唔俾一次用機點咁多，真係好貼心💪🏻咁因為得一個鐘頭嘅關係，全程都好似開跑車咁款，食物質素我覺得有啲係唔錯，但有啲都幾令人失望，有一舊三文魚壽司直頭幫我碎上咁款😂😂可能知本人啲牙力麻麻地，又係一個細心位。而叫咗海膽壽司，舊海膽可能見到就黎要俾人食落肚嘅關係，個色水都比平時嘅海膽黎得要黑，可能想配合返等位同用餐嘅氣氛掛😏全餐令我覺得叫好嘅係喺吞拿魚方面我覺得油香都唔錯

一早book定壽司郎，就可以見到千其百趣嘅畫面，口裏說減肥，身體卻很誠實。口裏說肚屙，身體卻不排斥。今次盡量叫晒啲熟嘅先鰻魚簡直係熟壽司嘅不二之選，雖然冇千兩咁正，但係壽司郎就比較貼地經濟實惠三舊鰻魚令人好懷念雖然呢個都唔係好熟，但係呢個真係冇辦法抗拒，白白淨，又咁香。呢個就真係燒熟咗啦，兩碟都係三文魚，一碟係香草，一碟係芝士。當然係香草特別啦呢啲就係就咁燒三文魚腩，不過不失，可以更好啤酒都係一如既往

想去壽司郎食飯真係好難，閑閑哋都要等幾粒鐘，今次同朋友特登喺午市時段過嚟排隊，先可以食到。特登去黃大仙諗住少人啲，但都幾多人去排。🙈/炙燒芝士三文魚🌟望落去外表夠哂吸引，而味道都真係好好食❤️，原來三文魚配芝士係咁夾，火燒完芝士更加香，唔沾醬油都夠哂味。/厚切中吞拿魚腩🌟見到係期間限定，諗住試吓，但食落真係一般，唔係幾新鮮。🙈/極上鰻魚🌟呢個一定要試！鰻魚片切到好厚身，大舊到遮住咗件飯，加埋鰻魚醬，好好食。/蝦三味🌟有齊赤蝦、熟蝦、甜蝦三件握壽司都係$17，性價比高，甜蝦有三隻係上面好鮮甜，而赤蝦幾爽口，抵食！/松葉蟹軍艦🌟有齊蟹膏同蟹肉，幾鮮幾好食。

壽司郎每隔一段時間會改一次特地menu，今期推介的menu有一些鱈魚魚子個d，平時睇日劇《深宵食堂》見到有主角會食燒鱈魚子，我又好好奇試下...🙈🙈口感好奇怪，食唔慣...唔會再試，相都無影！有一碟壽司是隻蝦上面有一堆蔥，蔥炒香過，蝦身好肥美，好吸引，但成舊擺落口，蔥太多，咬唔開，明明配搭好好，但食到最後好似阿婆咁「莓莓」下🙈建議放少d蔥！除左壽司外，我覺得壽司郎的小食同甜品都好食！推介炸雞翼同炸軟殼蝦，炸完唔會好油，蝦肉彈牙唔霉，連蝦頭都可以食埋👍👍建議烤芝士蛋糕放少d cream，太多反而阻住食，而且食芝士蛋糕已經有罪惡感，食多兩啖cream更加大罪惡感😭綠茶紅豆不過不失，正正常常！

呢個 #星期日 #小秘書 一朝早約咗去做 #massage，諗住可以鬆下副 #老骨頭🥳 點知遇着個呃鐘嘅怪姨姨... 唉😫美夢幻滅👉🏻👈🏻 既然係咁🤔一於 #化悲憤為食量，好想去食碗 #麻辣湯米線 補充吓💪🏻點知原來有人一早喺「壽司郎」book咗位，見佢誠意👊🏽👊🏽... 我又點好意思掃興呢😅 其實早兩個月 #小秘書 已經幫襯過 #壽司郎 #香港店，不過除咗 #名氣、同 #店內擺設 有啲唔同之外，#食物品質 又唔係真係大家吹噓咁好😏 而且 #員工 成日喺門口叫咪... 我覺得佢哋好嘈、影響緊我囉👉🏻👈🏻所以今次再返嚟，我真係有嘗試過細心研究，系統係比其他本土嘅 #壽司店 完善嘅，不過啲魚生都係細細塊，#豉油 又真係鹹咗啲😝 #海松食貝 外表有啲似 #吞拿魚，食落口會感覺到 #貝殼類 嘅爽口。不過我呢兩次都有order #青森縣 #炸帆立貝，肉質好肥美，加少少 #他他醬 喺面，口感唔會太油膩、熱辣辣... 我最歡喜🤤但係最令人費解嘅係佢啲 #杯 同 #豉油碟... 永遠要擺喺回轉壽司帶上面，咁啱今日我哋坐個 #卡位 攞嘢又唔順手、加上我隻手又短... 要執齊啲 #餐具，真係有啲論盡囉🤪

黃大仙嘅壽司郎開10點半，我哋10點26分到達，開始排隊入去鋪頭。條隊都幾長，估唔度最後我哋都入到，唔洗排第二輪食呢間壽司，都食著幾次， 最喜歡食嘅係松葉蟹膏壽司，17紋2件抵食之餘又美味 總有個期間限定嘅吞拿魚蓉香蒽手捲壽司，12紋有4件抵食又有吞拿魚味，正 長鰭吞拿魚壽司，12紋有2件味道又有魚味，除著唔夠嫩滑，但物超所值反觀件17紋嘅吞拿魚壽司，唔抵食，雖然係有少少魚味27紋件吞拿魚壽司入口係香滑同有吞拿魚味，但價錢頗貴（味道同Donki 嘅吞拿魚壽司差不多）但呢間壽司郎係抵食又好味嘅，我會想食時就會去食

講食壽司郎講左好耐，見荔枝角同樂富分店好早已經無得walk in，就去黃大仙分店拎飛。等左好耐終於可以入座，入座的時候派左濕紙巾同膠袋裝口罩，店員知道我地第一次黎會同我地講解一次點餐用餐須知。用平板落單後，壽司好快就送到，一開頭幾款壽司飯壓得唔夠實一夾就散，之後有改善可能唔同師傅整。食左咁多款，推介中吞拿魚腩，個人感覺食落油脂豐富，同大吞拿魚腩分別不大更抵食；海螺咬落好爽口，好喜歡個口感 。

星期六日食壽司郎要一早預約定，要不然就一早來取票不過近來連樂富都有分店，應該會易點有位吧黃大仙店都有很多卡位，四人坐都舒服，最喜歡它的芥末是獨立包裝，比較衛生。餐廳有提供膠袋給客人放置口罩壽司🍣經自動運輸帶出餐，刺身鮮甜，尤其是赤貝。熟食壽司的款式比較少，卷物、手卷大部份都是熟蝦。甜蝦壽司好抵食，有兩三隻甜蝦，可以開心分享。炸物炸得比較燶，有點熱氣。蟹膏軍艦的蟹膏份量很多，雖然賣相一般但鹹鹹的蟹膏十分惹味。

自從樂富開咗分店 黃大仙好似小咗人排隊正 岩哂住喺黃大仙附近嘅我每次岀新野 都會忍唔住黎試一下唔係好記得每樣野叫咩名 哈哈重點推介下呢個蛋糕必試 我就第一次食個fd好似話原來之前出過 但係冇咗一段時間平時黎親都一定會食一條長方形上邊有焦糖果個甜品三個人嚟食 叫咗一件蛋糕之後忍唔住叫多咗兩件 一人一件佢上面白色嗰啲唔係好食到咩味 蛋糕本身好味 入口唔會好死甜 順帶一提 佢有個桃味雪糕 都好好味入面有桃肉 雲呢拿雪糕 桃味雪芭不過今次黎到冇咗讚完就要踩下 呢個十級難食上面個醬汁味道好奇怪 之後油甘魚整到好油 唔推薦正正常常 味道偏淡醬汁個舊 醬汁味道太濃烈 推薦舊芝士會唔會太大舊🤣🤣🤣鮮甜 好味👍🏻👍🏻👍🏻

等左半個鐘鬆啲先有位，地點亦唔係太近黃大仙同鑽石山地鐵站（行１０分鐘左右）不過真係乜都抵返哂，樣樣都好食，特別係個芝士蝦，仲送埋袋比你袋口罩，都幾貼心希望香港再開多Ｄ分店，完全取代元氣壽司