壽司郎 (麗新商業中心)

营业中

休息中

「壽司郎」無人不識，隨住佢愈來愈多分店，開到連長沙灣同荔枝角交界都有一間。位置相對隔涉，但人流仍然好高👏，呢個世界上已經無嘢阻止到香港人對日本菜嘅喜愛。朋友喺長沙灣嗰邊返工，由於佢好想食，我又仲未試過，所以佢等餐廳一開門就去㩒飛仔，你知啦壽司郎個App長期都無哂即日籌，甚或訂到2046都無㗎嘛😂。意外地呢日早上11點半左右㩒飛，20分鐘內應該就入得；但我未嚟得切，所以佢唯有拎後補飛(即叫原號碼後30分鐘內適用)。我哋最終12點3左右入得，雖則拎飛嗰陣有分迴轉位或者卡位，不過原來安排入座時都係無分，但都會問聲你O唔OK迴轉位嘅。嗌飛次序我唔知係點，你唔會估到補飛幾時會嗌😅。唉，我仲發現一樣幾令人失望嘅事情😞，就係餐廳多人等位某程度上係故意「造」出嚟。本身我天真以為餐廳為符合防疾要求只開一半座位，所以門口望到嘅迴轉枱無坐滿係正常。但點知原來唔係🙄，例如我坐11號位，旁邊10號位根本唔係有上一台客食完要執枱抹枱先唔嗌住，而係等張枱足足空咗15分鐘、我哋開始食嘢，先至有個男仔入座。我相信門口見到嘅座位亦係同一情況，目測唔覺之前有人食完。今時今日嘅壽司店竟然仲有迴轉帶，真係有點匪夷所思、多此一舉

搶黎食呢間餐廳好耐啦，因為次次都話排晒長龍，就冇黎食，今次見今日放假所以就過咗嚟呢間野度食啦，點知10點都未夠出邊都已經有人排緊隊大家真係好誇張好似全部都好想返鄉下嘅感覺😂😂😂今次食呢個壽司早餐其實都唔錯呀雖然朝頭早食生冷野感覺有少少搞笑，但係我哋揀咗啲熱嘢食，包括烏冬同埋天婦羅，另外都有食咗唔同嘅壽司，感覺幾新鮮可能因為佢啱啱開舖嘅關係啦，最後我覺得呢間舖頭最好食嘅係佢個甜品，因為佢係一個芝士蛋糕但係上邊有少少好似焦糖布甸嗰隻焦糖脆脆地嘅感覺真係好正

撇取好難㩒飛的問題，的確好味，又平d,又特別d!今期食到好味的有：溫泉蛋烏冬、壽喜燒、白桃芭菲。溫泉蛋烏冬：個烏冬都唔係太粗或者好硬，加埋滑滑溫泉蛋，加埋脆卜卜，好味。因為有脆卜卜，要快食，唔係就淋晒。加少少豉油仲好味😋。壽喜燒：牛肉少少甜味、配上燒汁，好正。牛肉又不嚡口，好入味。白桃芭菲：依個是期間限定。爽甜白桃，白桃味芭菲，下面是蛋糕，配合一齊吃，不得了。值得吃的。最後，佢地防疫措施做得嚴緊，每個食客都會比佢地探頭下。

想食壽司郎好耐，但係朋友用過app都係長期book唔到枱，周末walk in 又要等好耐難得閒日星期一放假，特登揀咗兩點幾先去攞飛， 因為想盡快入座， 所以揀咗不論迴轉或者卡位，都會坐嘅位置， 等咗大概20分鐘，就已經有位. 攞飛之後， 我都特登成日開着個YouTube 睇， 但係我發現佢YouTube係真係要不停咁refresh，先至可以見到佢真實叫枱嘅號碼. 坐低咗， 職員就好有禮貌咁問， 之前有冇食過，如果冇食過嘅話，佢就會詳細啲介紹返啲杯啊茶包啊Wasabi啊等等係邊度攞好耐未試過食真正嘅迴轉壽司，而家有好多餐廳都改咗係order. 係迴轉壽司帶上面攞壽司，好處就係可以見到先揀如果迴轉帶無， 就可以用佢枱面嘅電子版order總括嚟講覺得佢啲食物好新鮮好味同抵食， 唔怪得平日都要等咁耐，今次因為之前食咗嘢都幾飽，所以冇見到甜品，諗住下次會再試多啲唔同款式

一直想試下係咪真係咁高質，有日就平日去左食，11點零鍾到等十零分鐘就有，因為平時加上好多人拎左飛冇到 好快就食到。total食左20碟全部都好新鮮但中吞拿魚就少少失望，因為唔係好多油脂，有少少酸。最出色係火灸左口魚，佢個到叫鰈魚，大大塊，好香，好重油脂。除左吞拿魚少少失望其他都係好食其他都係好食 但冇話特別好好好高質。只係價錢對比其實比較貴既連鎖壽司店 會簡壽司郎。另外個南瓜天芙羅 好好食好抵。12蚊有4塊

第二次食壽司郎🍣星期五係荔枝角分店5:00拎飛 5:35就入得!今次試左其他上次冇食既野當中有幾款真係有驚喜！😍🌟必食推介(о´∀`о)🍤 <炸蝦天婦羅拼盤> $27呢個真心有驚喜🤤炸衣薄又香脆💕食落唔會好油膩同厚粉 ～有蝦、冬菇、南瓜、甜薯各兩件同紫蘇葉✨蝦大大隻 啖啖肉 甜薯同南瓜都好甜 超正🤤以呢個價錢黎講有咁既質素真心高質！！🍣<特選大吞拿魚腩/ 吞拿魚腩>$27/$17呢個基本上係壽司郎必食之選😆👦🏻都encore左幾碟大拖同中拖！油脂分布平均 重魚油香 入口即融🤤🍧<朱古力香莓芭菲> $32雪糕好滑好香牛奶味 🥛質地比較水 食落唔會太膩配料超豐富！有粟米片、雜莓、朱古力醬、士多啤梨醬✨仲有舊好正好香濃既Brownie🍫除左卡達拉娜仲可以試下呢個甜品😋▁▁▁▁▁▁▁▁▁▁▁▁▁▁▁▁▁▁🧚🏻‍♀️必食推介 • Encore之選✨🐟<極上鰻魚> $27壽司黎講我最鍾意食鰻魚！壽司郎都算係滿足到我🥰有好多選擇而且質素唔錯！有極上鰻魚、鰻魚卷、特長海鰻等選擇😚🥚<茶碗蒸> $19超抵食之選‼️蛋好嫩滑！有湯

日本菜一向都係香港人好鍾意食嘅菜系，特別係壽司，我諗十個香港人九個都好鍾意食！近呢幾年都有好多日本嘅連鎖式壽司店進軍香港，今次我同一班朋友就去咗壽司郎試吓啦！早係兩個月之前我哋試吓上網預約 ，點知預約嘅時間已經要喺兩個月之後，所以我哋都一早book定到時大家一齊調更去食！我自己之前就冇食過，但係同行嘅朋友話佢哋之前walk in去至少都要等三四個鐘先有得食，所以我自己都充滿期待㗎！入到去之後發現其實佢嘅價錢同某大型連鎖藍店都係差唔多，不過擺入口你就知道真係好食好多！大部份壽司水準都好高，我自己特別推介炙燒吞拿魚腩，壽喜燒牛肉，葱花吞拿魚同埋鰻魚卷，唯一有啲美中不足嘅係佢嘅蟹膏壽司嘅蟹膏太稀，同埋味道唔夠鮮甜，不過呢個價錢黎講我覺得真係值得一試嘅，如果遲啲冇咁多人嗰陣大家都可以去試吓！

如果唔walk-in，呢間要早幾個月book位先食到，當日去到都已經爆場，嚟得呢度當然要試出名嘅拖羅啦，大大舊，味道都唔錯，壽司嘅質素都保持到一定嘅水準，至少比出面一啲壽司店好食，價錢相對嚟講貴啲啲，不過你話係咪好食到值得特登去排好耐隊試，我又覺得未至於，間唔中試吓係無妨。仲有可以試吓卡達拉娜，出面未必有咁多地方食到，好甜好漏，鍾意食甜嘅就啱哂，佢果時搞買一送一優惠，不過兩個係多得濟。

想食壽司郎好耐好耐好耐！（重要既事講3次😂）次次上網book都要book到成两個月之後💩限眾令放寬之後朋友就即刻約去食😝今次係walk in，同朋友吹住水等好快過🤪不過都等左成個半鐘左右🍣一坐低即試藍鯨吞拿魚🤩好好味！好有口感🥺🥺少少肥唔會太濟😍忍唔住叫左两碟來食🤪🍣叉燒壽司朋友鐘意試新野🤨個叉燒壽司5050😂其他會好食好多😂🍣燒茄子壽司又係朋友傑作🤣都係果句，新野都係伏伏地😛🍧白桃味芭菲喱個好食！推薦大家食！牛奶味雪糕好好食！好重牛奶味相反桃味比淡，真係牛奶味搭夠杯野最底係cream，朋友鐘意食cream相反我就麻麻🤪成杯都係牛奶雪糕筒我會開心d😍其實我地食左好多好多好多壽司🤫好多都好好食又抵！🤪好過放棄年青人既元氣多多聲🤭

行過好多次都見到好多人等位，一直無勇氣等，今日咁岩有朋友話想試，大家又得閒，就決定去等。 我地好大勇氣係1點黎拎飛204號😹,睇下螢光幕先57號。出左去行幾轉都未到，等左足足兩粒鐘係3點可以入座。一入座既刻食左幾碟壽司，相都未影得切，發現壽司切身都好大件又新鮮，溫度適中，飯值得一讚，佢既溫度唔會太凍，份量岩岩好，食多都唔會好濟！ 叫左個天婦羅魚壽司，黎到戈時個炸魚係新鮮整仲係熱，再睇價錢平民，平均12-25蚊/碟 壽司， 選擇都好多，仲有限定元壽，咁既價錢食到咁高質素既壽司😋😋😋好滿意～最後付款2人一共157元，真係好食又抵食，不過下次都入係避開高峰時間好啲！

< Sushiro 壽司郎 🍣 > 📍荔枝角、黃大仙、佐敦、黃埔壽司郎已經黎咗香港一年👏🏻今個月有創業祭🤣 10:50 去到已經要等80張枱 於是等咗三個鐘先入得😣今次試咗好多創業祭嘅期間限定壽司😛😛🍣極上厚切長鰭大吞拿魚腩 $12黎嘅目的就係食拖羅🤤🤤🤤好肥美又大塊 不過有少少筋 冇donki嗰啲咁入口即溶 但係都好重魚油味 大滿足🥰🥰🐟炙燒赤鯥 $17呢個燒得好香😋魚肉幾滑 比想像中好食 可以一試🤣🧄🥓日本產極上蒜味生火腿 $12味道正常 好重蒜味 生火腿有肉味 整體普通🐟芥末鰈魚鰭邊軍艦 $12開頭以為浸芥末味會好辣 但係又ok 唔會蓋咗魚味 鰈魚滑到唔洗咬 美中不足係啲紫菜淋咗😢🦐天然生蝦雙味 (生、醬油漬）$17醬油漬食到有少少醬油味 唔算太濃 不過又食唔到蝦嘅甜味😢相反生蝦好食好多 加咗啲檸檬汁令到蝦嘅鮮甜味更加突出 唔錯👍🏻👍🏻🍤青森縣產炸帆立貝伴他他醬 $27壽司郎嘅炸物冇令我失望🤣🤣呢個真心好好食😭 帆立貝大大粒 入面好嫩 炸得啱啱好 配埋他他醬食一流😋👍🏻

壽司郎呢排咁hit見其他人對佢嘅comment都有好有唔好決定都係親身試吓係app度book位2個月內已經爆棚決定搵個平日walk in🙆🏻‍♀️係app睇左搵間相對等候時間短啲嘅分店去最後去咗荔枝角分店🙆🏻‍♀️大概12點去到 見到門口已經企左好多人😳拎咗飛要等8十幾個號碼而個商場除咗壽司郎之外都係冷冷清清冇乜野行😳好彩有朋友陪住一齊等 如果唔係真係悶到傻🥺由12點一直等到2點半終於入得職員話用膳時間係1個鐘而佢講其他野嘅時候講得好快 基本上係聽唔清楚佢講咩😂搵晒全枱面都冇發現有芥辣問職員先知原來係迴轉壽司帶上面要等佢轉過嚟先拎到😳我哋主要都係用佢枱面嘅平板電腦叫野食送餐速度都幾快☺️食物質素正常可能咁啱坐正風口位 而佢個冷氣又開得好勁所以只係想快啲埋單走人😂因為太凍嘅關係 所以叫左碗蜆肉味噌湯😆蜆肉係連殼嘅都有好幾隻食落都幾鮮😙壽司質素同其他連鎖店差唔多冇太大分別如果要等2個鐘先食到嘅話應該就會選擇返其他連鎖店了😳

壽司廊開左咁耐一直都好想黎試十一點三到去拎位，大約十二點半就有得食啦過左號 店員都好好，比我地輪下一張枱其實都冇傳聞中要等咁耐有熱水同抺茶粉 可以沖抺茶飲下面係迴轉壽司，上面係高速線用ipad落單，簡單易用因為實在係食左太多壽司啦影唔曬呀最中意就係帆立貝壽司$27大大件帆立貝，超甜我仲食左兩舊大滿足茶碗蒸都幾好食😋其他壽司都係正常水平可惜冇刺生....如果唔洗等太耐，一定會再encore壽司廊呀😬

小弟因為地利之宜，光顧過呢間壽司郎好多次。有時盲中中過到去，明明平日都要排2個鐘或者直頭無晒Walk-in都幾掃興所以依家叻咗，見佢排45分鐘就即刻落樓去排，結果等大約一個鐘就入到去當然為咗食壽司排成個鐘係一件好反智嘅事，但心癮難耐，最後都係俾個胃戰勝咗由於香港壽司郎踏入一周年，推出嘅大拖腩壽司實在太吸引所以一入到去直接叫咗兩碟！色澤同肥美度都幾好，但味道就...嗯，都係日本好食啲啦。不過$12碟，Ｗhat do you expect？最少唔會酸，唔會有筋，我覺得性價比算幾高既選擇其他壽司都係一貫水準。上次食海膽都仲OK，但今次就有少少臭同苦，唔夠新鮮了。海膽呢樣嘢，喺香港真係勇者先好叫然後試新野炙燒紅鯥（大眼雞），一食落去就有陣淡淡然嘅腥味...因為小弟對腥係零包容，真心唔ＯＫ。但如果你本身鍾意鯖魚嗰類，愈腥愈High嘅，其實可以一戰一個人嘅戰積，雖然中左一兩碟伏，但Overall都仲係好值得捧場既（如果你得閒／有三個月前預約）P.S. 果件蛋糕好普通，唔值$22

返part time 經過,見佢新開張日日大排長龍，已想食，諗住book定，點知係冇電話book,要下戴app,用app book枱， 但個app show出來，未來两個月都係full, R晒頭， 唯有walk in摶一摶。我和老佛爺攞位策略係攞完籌，去隔離睇戲，睇完戲睇吓到我地未，點知過咗龍，但會翻叫籌，等咗幾個字就到我地。落單用pad點單，易用方便，路軌有上下，上邊路軌係運送點餐用的，下邊是迴轉。點餐後好快就到，夠晒效率，可能得一個鐘頭限時食，真係慢慢黎，吾使急，最緊要快。難怪咁多人排隊，出品會在一貫連鎖壽司店之上，又不算太貴，係最衰限一小時，都食得急了點。一輪狂風掃落葉後，加個甜品寫個句號，大滿足。埋單 413， 人均207元，還可接受。