壽司郎 (麗新商業中心)

营业中

休息中

壽司郎最近好受歡迎個個都話要去食於是今日第一次同屋企人食壽司郎本來想用手機apps book位但近幾個月嘅位都full晒所以唯有去walk in早上1100鐘到 諗住夠早啦食中午點知已經要開始等位等左差唔多20-30分鐘終於到我地入去食限時60分鐘位置好寬闊 好舒服揀好落單嘅壽司之後 好快就來到好有效率 款式好多好好食 性價比高基本上其實唔洗60分鐘已經食飽我最鍾意食佢嘅天婦羅蝦我以前好少食 覺得天婦羅麻麻但佢呢到嘅天婦羅好食到我叫左兩碟！

自從吸取左第一次6點拎飛 等左三個鐘九點半都未有得食而走人既經驗下今次四點就去拎飛 等左一個鐘左右就入得一入門口店員已經比定濕紙巾同膠袋裝口罩 非常貼心埋位就即刻點野食 除左有得拎迴轉壽司之外 仲可以用平板點餐 不過就限左每次落四碟 開頭覺得四碟四碟咁嗌好麻煩又想黎唔切唔夠時間食(因為得一小時用餐時間)但原來諗多左 基本上一落單唔駛5分鐘就到由於我最愛你三文魚 所以點左花之戀 厚切三文魚炙燒芝士三文魚 炙燒鹽味三文魚黎試雖然價錢比出面平 但三文魚一樣新鮮 唔會細條 炙熱芝士三文魚更encore 再encore另外仲叫左鰻魚卷 甜蝦 日本產帆立貝 海膽壽司 茶碗蒸鰻魚同甜蝦正常水平 帆立貝大大粒！海膽鮮甜 只係賣相唔太美觀 茶碗蒸超滑以咁既價錢食到水準以上既壽司 抵晒

今次係我第二次食壽司郎～我真係覺得性價比高值得一試！整體來講味道未至於超美味，就係日本嗰啲平價迴轉壽司嘅水平，但係咁嘅價錢咁嘅水準仲想點喎，好食過爭鮮、元氣，人均大概$150左右。推薦油甘魚、蟹膏、燒鰈魚裙邊，呢幾隻都好抵食！我覺得三文魚可以唔使食，無味。然後熱食嘅話茶碗蒸值得一試，個蛋好香甜又夠滑，餡料充足！不過仲有一個最大嘅問題就係好難預約，真係唔係話想食就可以食到，冇辦法啦唯有等吓

講到香港大型連鎖壽司店一定要試吓壽司郞！ 除咗壽司有質素外，價錢仲好親民， 難怪網上預約長期都full。我哋上網預約唔到，所以選擇閒日walk-in等位， 大概等20分鐘就入得。 (公眾假期星期六日等位，最少都要一個鐘)壽司郎環境同日本大型連鎖壽司店一樣， 有吧枱同卡位選擇。 入座後，店員遞上擺放口罩的膠袋以及消毒濕紙巾。日式抹茶粉醬油、堅魚汁、日本生薑平板點菜，另外可以拎輸送帶上的壽司。池魚壽司大拖羅中拖羅推薦！油甘魚壽司 $17油甘魚新鮮肥美，高質。推薦！吞拿魚魚茸壽司軍艦 $12推薦！ 火炙大大粒帆立貝 帆立貝新鮮厚肉， 推薦！三文魚壽司  除咗有刺身壽司之外，仲有唔少熟食選擇。推薦！茶碗蒸呢個茶碗蒸有驚喜！ 入邊好多海鮮好足料， 例如有帆立貝、鮮蝦、冬菇等。蛋壽司 $12炸雞軟骨 炸帆立貝粒軍艦壽司 $17芝士火炙三文魚壽司   松葉蟹兩味 $27可以一試！甜番薯 $12唔推薦大家叫甜番薯，同日本食完全唔同口感， 食得出甜番薯雪左好耐， 冇外脆內軟嘅口

拎飛攻略： 等朋友收工食壽司郎，4:15個啲下午時間等大約半個鐘就入得！但因為朋友未放工，所以5:30再拎飛，都要等到8:30先入得（當日6:00就停止派壽）入去個陣門口都仲有好多人等緊！經驗之談，如果想食7:30，5點就要拎飛（370-380個啲壽就岩） 如果網上訂位，要提早兩個月，去到仲要等一陣環境：今次坐吧枱，幾闊落，枱下有位放袋。卡位好大，多數坐4人，但上次網上訂位，兩個人都被安排坐卡位食物：推介中拖羅，一埋位即叫4碟！入口即溶！唔需要食到大拖羅（但都好高質）另外，蝦刺身壽司好鮮味，飯都握得岩岩好，聲稱用日本米，濕度剛好。其他生壽司，例如帆立貝、厚切三文魚都高其他連鎖店幾班，價錢都差不多。甜品仲食埋抹茶芭菲好大杯，兩個人share都得！上面有抹茶朱古力、蕨餅同紅豆蓉，用粟米脆脆鋪底平衡返甜度。 但抹茶本身都偏甜，所以食晒成杯都幾漏，但整體好食，如蕨餅再煙韌啲就好！價錢：最平$12一碟，例如三文魚壽司，質素依然好好！想食好啲，如拖羅$20-$30一碟依然唔貴價最後兩個人食左20樣野，埋單約$440！抵！

可以walk in，由5點等到九半都入唔到，過左號碼半個鐘內返黎可以補後補下張，仲要未計電話一早預約果啲，眼見入面啲職員動作慢到痴線，台又少，有啲4人台係咁放2人入去，試一次真係夠，叫號碼仲要一定講句，唔好意思要你等咁耐，真係聽到就嬲，叫號碼就叫號碼啦，重覆又重覆講唔好意思，聽到都煩！

兩個月前預约终於有幸可以品嚐近期人氣的壽司店~壽司郎。其實我喺日本已經食過呢間壽司店，當時覺得無乜特别，但的確以便宜取勝。估唔到喺香港開舖，旋即瘋魔萬千食客，每當想品嚐都需要等上一至兩個月，真的不容小覷其受歡迎程度。人頭湧湧，座無虛席，如不是預先訂位，想找個“吉”位的確很難。雖然係人多，但人潮的管理做得相當好，只要你有預訂座位，最多等十分鐘左右，職員便可以替你安排合適的座位，服務一流！兩人座非常舒適，而且乾淨雅潔，既方便又不失私人空間，迴轉軌一直運送新鮮的壽司，食客可以自由拿取。如果想食迴轉軌沒有的食物，則可以喺枱面嘅電腦版點菜，既方便又有效率。今期推介貝VS蝦，貝三貫（有赤貝、北寄貝及海螺）也只售$17，白鳥貝$12，海螺$22。唔好以為平野無好，雖然價錢吸引，食物的質素都有返咁上下。睇吓貝三貫（由下至上，分别係北寄貝、海螺、赤貝）份量唔细，最少上面的魚生能夠蓋過整件壽司飯。加上魚生的厚薄適中，绝對不是薄到透光的那種壽司。三文魚腩壽司$17，魚肉非常肥厚，從側面看可以清楚看到其厚度和三文魚油的分佈。雖然價錢大眾化，但食物的份量、新鮮度及質素卻沒有因此而下降。鰈魚鰭邊壽司是我的至愛，一

今次第一次來長沙灣分店，照舊都係提早兩個月用app book定位🤫等左大約15分鐘就入得店內唔夠佐敦多位，應該算係分店中最細果間。職員都好有禮貌，值得一讚👏🏻特盛三文魚配三文魚子（期間限定）$27呢個都幾抵食，魚子唔算太䶢，新鮮！！特盛甜蝦 $12（期間限定）甜蝦新鮮，咁多隻畫面好正😂😂值得一試特盛長鰭吞拿魚 $22（期間限定）整體食物新鮮，平靚正，食到放題咁款都係$200～一個人第一次試壽司郎甜品系列，雙層卡達幕絲-士多啤梨（買一送一）$22 兩件做緊分店優惠先買一送一，口感似雪糕，面頭係蕉糖，正常發揮。小朋友會鐘意，但大人會想食多粒帆立貝壽司多d😂戰績個個月都差唔多，$400幾出門口咁岩商場搞緊優惠，食滿$400有一張戲票送，食完仲送埋張飛😅（自己去商場換領）

📍 壽司郎 長沙灣長沙灣道680號麗新商業中心地下G38號舖兩個月前喺 @sushiro.hk 個app都訂左位 所以啱啱個weekend終於去到朝聖喇! 🥳 壽司郎主打平靚正壽司 試完認同佢性價比的確好高! 佢地都係用碟嘅顏色分類 有$12/$17/$22/$27四種 例如兩件芝士火炙三文魚都係$12 而兩件厚切三文魚壽司就$17等等🍣 我最中意炙燒鹽味三文魚同特選大吞拿魚腩 encore左幾次😂 三文魚每款都新鮮但唔過肥 食完唔會好滯仲有一款芝士火炙三文魚壽司 冷熱交融 正🧀吞拿魚腩就合乎期望地油脂豐腴 口感豐富 食完仲有after taste喺口中久久不散😍 非常推介！另一surprise係——通常平價壽司都會差到啲壽司飯好難食 一係太濕太散 一係就太乾太硬(然後都會散) 但壽司郎啲壽司飯keep到個structure外 軟硬同溫度都適中 所以係正嘅！基本上係爭X嘅價錢 但千X以上嘅質素 所以真係幾抵食! 食完出去見到有多過50人排緊 所以提大家一句 👇🏻記住用app訂位記住用app訂位記住用app訂位重要野講左3次 祝大家訂位成功😂

大夏天時唔係太想食飯，過到嚟長沙灣睇嘢，比我發現新大陸，原來呢度開咗一間，大家有去過都知道要排隊，純粹唔係太趕時間，撞下彩睇吓會唔會輪到30分鐘內有枱，攞咗籌好lucky等20個就到我，大約20分鐘左右可以入坐，第一時間落order最愛池魚，一如既往唔腥新鮮，蕃薯條原來好好食，面有糖醬脆皮，入面軟儒，蝦3味質素平均，赤蝦好正，北寄貝同平時去食開嘅好唔同，份量係多咗一倍，原隻開邊夾住舊飯，海螺正值推介中，爽口無滑潺潺，鰻魚無碎骨，好鮮味

日本人氣大熱迴轉壽司，價錢十分親民同材料新鮮☺️係香港想晚餐食都要早2個月係電話預約先食到😭雖然呢間壽司鋪冇日本咁平，但都係分$12/17/22/27 4種價錢👍🏻CP值十分高，食完係會想快啲可以再食🥰會覺得食呢間仲好過食元氣果啲大型連鎖餐廳😆🌟特別推介🌟角落評分：🌕🌕🌕🌕🌕厚切中吞拿魚腩 $17表面望落似普通吞拿魚，食落好甘香，因為厚切所以口感好肥美🥰肥美得嚟但又唔會太溜(比起最貴果款)👍🏻食多幾碟都仲得😍三文魚三味 $17有三文魚、三文魚腩同火灸三文魚腩☺️呢個價錢超值🤩三文魚同三文魚腩都好新鮮同冇根😋食落好肥美👍🏻火灸就做到層次感，燒得啱啱好厚度☺️北海道粟米忌廉可樂餅 $17即叫即炸好脆口👍🏻粟米忌廉整得好流心好滑🥰食落感覺係外脆內軟😍記住一定要襯熱要食☺️油甘魚腦天 $17腦天即係魚頭頭頂位，屬於魚嘅稀有部位☺️佢比普通油甘魚少啲油脂但口感比較好😋由於平時冇得食，所以值得一試👍🏻松葉蟹軍艦 $17蟹肉都多同新鮮😊望落蟹膏好似好細份咁，但其實咬落口果陣啲蟹膏會爆晒出嚟🤩口感好正，成口都會被蟹膏佔滿晒🥰唔洗點豉油已經夠晒味，整體係好好食😆腐皮烏冬 $27腐皮係日本果種大大塊腐皮重要有三塊😍

為咗食正嘢可以去到幾盡？！就係早成2個月book定位去食日本過江龍迴轉壽司店🍣壽司郎啦🤣今次嚟食6月限定嘅【特盛祭】有好多款重量級壽司都好吸引！好似疊住咗好多料係同一粒壽司咁😋不過肚空空，廢是一嚟就食生冷嘢，所以叫咗碗拉麵嚟食先！【特盛蜆肉鯛魚湯拉麵】湯頭好鮮甜！蜆肉超多❣️拉麵口感好煙韌，好好食！【柚子胡椒炸軟殼蝦天婦羅】好好好好食！食隻軟殼蝦就連殼都可以一齊食，啖啖肉！之後就瘋狂食壽司，肚餓得制，好多都唔記得影相就食咗！原來壽司郎除咗壽司正之外，啲甜品都好出色！今次叫咗2款嚟試！【抹茶蛋捲】抹茶味好濃！🍵蛋捲好軟熟，夾埋紅豆一齊食真係不得了！【雙層卡達拉娜】咖啡牛奶味☕️好香好濃，甜度適中！冰冰涼涼好好食😋賣單2個人$300鬆啲，好抵食👍🏻雖然好難book位，但都會再繼續幫襯！

-🦄壽司郎 @sushiro.hk-特盛甜蝦 Hkd12Rating🌕🌕🌕🌑🌑特盛長鰭吞拿魚 Hkd22Rating🌕🌕🌕🌕🌑特盛海螺 Hkd17Rating🌕🌕🌕🌕🌑特盛蟹雙味 Hkd27Rating🌕🌕🌕🌕🌑北海道產八爪魚 Hkd12Rating🌕🌕🌗🌑🌑八爪魚 Hkd17Rating🌕🌕🌕🌑🌑醤烤日本產帆立貝 Hkd22Rating🌕🌕🌕🌕🌕溫泉蛋烏冬 Hkd27Rating🌕🌕🌕🌕🌑-今日係我第九次來壽司郎🍣🤤‼️依然都係去返最近既荔枝角分店😂就算今日係星期一嘅上就 岩岩開門冇幾耐都依然好多人係門外排隊 好在我預約左不過都等左約20-30分鐘先入到🤭🤭😢咁岩今日6月1日星期一就食到佢既6月新品就等我率先為大家介紹一下其中幾款啦😛-🖤特盛甜蝦🦐🖤上個月都推出過既新品壽司 今個月可以再ENCORE一件壽司上面有8條甜蝦 甜蝦控會好滿足🔥不過我唔係特別好食甜蝦 所以感覺一般😂只係覺得幾抵食 比起普通得兩條甜蝦嘅話呢個有8條會正好多 不過我就鍾意滅曬啲蝦尾再一次過一啖咁擺落口 呢個步驟有啲煩😂🖤特盛長鰭吞拿魚🖤呢款壽司好邪惡呀 面頭有我最愛嘅吞拿魚腩蓉入口好CREAMY 再加埋啲蔥直頭冇

壽司郎在香港短短1年時間開咗幾間分店，我已經第6次食喇🤓🤓一嚟小編鍾意食壽司，二來首先我嘅甜品真係好好味，三嚟用料真係好新鮮👍🏻👍🏻 -特大帆立貝$22鮮 甜 真係好大，要encore -壽喜燒和牛壽司燒汁甜甜，好惹味-辣味三文魚正牙，撈得好好味！仲叫左千層蛋糕🍰，芝士蛋糕，同牛乳布丁🍮壽司係其次，甜品先係重點，全部都好濃，好滑，好香同朋友要一人點一樣交換食先開心，所以晤好晤記得留定肚食最好味嘅甜品唷

壽司郎登陸香港不久，已有3間分店。人潮完全沒有退減過。網上訂座實在太難訂了，打算碰碰運氣，walk-in 去吃。相約朋友放工去吃，以為自己很醒目，選一間不太旺的店，自問6:20到了荔枝角店，怎料120張walk-in 籌已在10分鐘前派完。我們失望又傷心，於是去了D2吃其他餐廳，試試2小時後回來，如果可以的話，吃1，2碟，拿個彩，總算試到。晚上9:45，我們回到店，不負所望，真的有位置，但10點就截單，要趕快下單。我們其實已很飽。所以只好叫幾款淺嘗一下。我們點了葱呑拿魚軍艦，看上去以為饀料很少，原來是大錯特錯，內裏的呑拿魚蓉毫不吝嗇，充滿口腔。油甘魚，大片，油脂分布多，咬下油甘魚油多得不得了。甜蝦，適合少飯人士，只有一件飯，甜蝦卻有8隻，十分滿足。長鰭呑拿魚，朋友最愛這款，魚身軟滑，入口接近即溶。脆炸甜蕃薯，此時我們已有9成9飽，但甜蕃薯都沒有令我們失望，挺脆的，沾滿蜜糖，蕃薯肉很粉。總體價格十分之便宜，是某大連鎖壽司店的一半價錢左右，款式卻多而不同，大部分是12元一碟，2件的。下次我們一定要餓著進去大吃大喝。