影片
更多
2020-10-19
3243 浏览
「寿司郎」无人不识，随住佢愈来愈多分店，开到连长沙湾同荔枝角交界都有一间。位置相对隔涉，但人流仍然好高👏，呢个世界上已经无嘢阻止到香港人对日本菜嘅喜爱。朋友喺长沙湾𠮶边返工，由于佢好想食，我又仲未试过，所以佢等餐厅一开门就去㩒飞仔，你知啦寿司郎个App长期都无哂即日筹，甚或订到2046都无㗎嘛😂。意外地呢日早上11点半左右㩒飞，20分钟内应该就入得；但我未嚟得切，所以佢唯有拎后补飞(即叫原号码后30分钟内适用)。我哋最终12点3左右入得，虽则拎飞𠮶阵有分回转位或者卡位，不过原来安排入座时都系无分，但都会问声你O唔OK回转位嘅。嗌飞次序我唔知系点，你唔会估到补飞几时会嗌😅。唉，我仲发现一样几令人失望嘅事情😞，就系餐厅多人等位某程度上系故意「造」出嚟。本身我天真以为餐厅为符合防疾要求只开一半座位，所以门口望到嘅回转枱无坐满系正常。但点知原来唔系🙄，例如我坐11号位，旁边10号位根本唔系有上一台客食完要执枱抹枱先唔嗌住，而系等张枱足足空咗15分钟、我哋开始食嘢，先至有个男仔入座。我相信门口见到嘅座位亦系同一情况，目测唔觉之前有人食完。今时今日嘅寿司店竟然仲有回转带，真系有点匪夷所思、多此一举
「寿司郎」无人不识，随住佢愈来愈多分店，开到连长沙湾同荔枝角交界都有一间。位置相对隔涉，但人流仍然好高👏，呢个世界上已经无嘢阻止到香港人对日本菜嘅喜爱。
朋友喺长沙湾𠮶边返工，由于佢好想食，我又仲未试过，所以佢等餐厅一开门就去㩒飞仔，你知啦寿司郎个App长期都无哂即日筹，甚或订到2046都无㗎嘛😂。意外地呢日早上11点半左右㩒飞，20分钟内应该就入得；但我未嚟得切，所以佢唯有拎后补飞(即叫原号码后30分钟内适用)。
我哋最终12点3左右入得，虽则拎飞𠮶阵有分回转位或者卡位，不过原来安排入座时都系无分，但都会问声你O唔OK回转位嘅。嗌飞次序我唔知系点，你唔会估到补飞几时会嗌😅。
唉，我仲发现一样几令人失望嘅事情😞，就系餐厅多人等位某程度上系故意「造」出嚟。本身我天真以为餐厅为符合防疾要求只开一半座位，所以门口望到嘅回转枱无坐满系正常。但点知原来唔系🙄，例如我坐11号位，旁边10号位根本唔系有上一台客食完要执枱抹枱先唔嗌住，而系等张枱足足空咗15分钟、我哋开始食嘢，先至有个男仔入座。我相信门口见到嘅座位亦系同一情况，目测唔觉之前有人食完。
今时今日嘅寿司店竟然仲有回转带，真系有点匪夷所思、多此一举！正正因为寿司要即叫即整先新鲜，放喺度嘅往往无人问津，所以趋势先将回转带淘汰🤔。我肯肯定同你讲我自己就唔会拎回转带上嘅寿司食。同时，餐厅亦因为有回转带而令埋单时要店员嚟数碟...，又无聊又嘥大家时间。
点餐系用电子屏幕自行落单🖥，每次只可以点四款食物...，有啲烦，要分好多次，但可能因为佢知回转枱唔够位摆😜。价钱算OK嘅，大致上分为几个价格，消费几多自己话事，最平$12𠮶款都有好多选择，丰俭由人。
未食之前已经再有另一样嘢令我几唔高兴，就系大部份寿司碟嘅碟边都唔太干净，掂完只手有油😖。利申我系用筷子食寿司，而唔系用手。其实睇相(下面介绍食物啲图片)都见到啰，就知我无讲大话。
终于入正题，到食物部份🙈。先讲整体感觉就系味道好普通，唔想承认都要讲某集团嘅X气寿司系明显好食啲，价钱定位亦差唔多。
炸甜虾
$17
12 浏览
0 赞好
0 留言
茶碗蒸
$19
8 浏览
0 赞好
0 留言
炸鸡软骨
$17
10 浏览
0 赞好
0 留言
吞拿鱼
6 浏览
0 赞好
0 留言
三文鱼牛油果卷
$22
9 浏览
0 赞好
0 留言
炙烧罗勒三文鱼
7 浏览
0 赞好
0 留言
昆布渍比目鱼($12/1件)及北海道产稻烤三文鱼($12/1件)，两款好似都系期间限定款式。前者特别在于鱼生同饭中间加咗块香叶(昆布?)🌿，散发住独特嘅香气。后者嘅实物同相片差好远，果然食物相片只供参考，所谓嘅烤边消失了，只系得一片较厚嘅三文鱼，上面加几粒三文鱼子，同样地搭多块香叶，但味道算唔错。
油甘鱼($17/2件)及寿喜烧牛排($12/2件)，前者我无食到，不过见几厚切。后者系创意寿司款式吧，传统料理店应该无？味道还可以，🐮酱烧牛肉够惹味，但肉身偏薄，唔太够喉。
牛油果熟虾
$12
7 浏览
0 赞好
0 留言
我哋总共食咗红色碟8只[$12]、银色碟4只[$17]、金色碟1只[$22]、黑色碟2只[$27]、白色五角容器2只[$17]、黑色容器1只[$27]同蒸蛋[$19]，连加一服务费$352，人均$176，价钱中等啦，毕竟都食咗好多件😚。寿司郎长沙湾呢间分店有样好嘅地方就系，目前喺该商场用电子消费满$300有一张戏飞送，食够三百其实唔难。
总括嚟讲，寿司郎真系被人吹大咗好多，寿司质素平庸到不得了，个人认为称唔上好食。排队三十分钟以下先可以考虑一试🍣，如果要用上几个钟等候或者上网「买筹」就不了、不了、不了！我明白好多人嘅心态系想食寿司，但又唔会再帮衬某店，寿司郎因此而变成唯一选择。不过佢无论喺味道、衞生同入座安排都未能令人满意，有极大改善空间🙏🏻。
张贴
