壽司郎 (麗新商業中心)

营业中

休息中

日本人氣壽司郎開業到依加成日都大排長龍，小啲耐性都等唔到位。兩個月前用手機app訂位，等到頸都長🦒終於食到，唔洗等位既感覺好爽😏店員簡介期間限定同埋點餐操作。🍣壽司款式頗多，仲有炸物同甜品揀。價錢分為四，紅色碟($12)、銀色碟($17)、金色碟($22)、黑色碟($27)。透過平板電腦自助點餐，相當方便。三文魚迷瘋狂🙋🏻‍♀️😈第一round幾乎點哂所有三文魚唔同口味。上菜速度超快，多啲黎密啲口👅💭海膽海苔包 平時唔太好海膽，黎到點都要試一試，鮮甜唔腥，不錯啊。💭蔥花吞拿魚軍艦吞拿魚蓉份量多，都幾慷慨，配搭蔥花食好香好滋味。💭赤蝦/灸燒赤蝦半透明赤蝦好肥美，蝦肉彈牙。肉質比另一款天然生蝦雙味更正👍💭帶子雙味（味噌灸燒 · 醬油灸燒)我試左味噌口味，咸香味濃，帶子都幾大隻。麵鼓湯成日飲，味噌配搭帶子真係第一次食，又夾到啵。💭灸燒羅勒/芝士三文魚🤤呢個係我食親壽司必點。一啖一件，入口即溶，好滿足。💭厚切三文魚入口滿滿魚油香。💭柚子胡椒軟殼蝦天婦羅🤢🥵軟殼蟹食得多，第一次食軟款蝦，連頭都食得。炸到好脆口，但食唔到柚子胡椒味👉👈💭抹茶蕨餅芭菲🤢🥵雲呢拿雪糕，淋左小小抹茶醬，滿足唔到抹茶控。雪糕

昨晚下班約了朋友吃晚飯，朋友提議去壽司郎吃，等了很耐才等到位實在太肚餓了，坐低便即刻點了我最愛的拖羅，味道 ok, 但沒有第一次吃咁好食海膽壽司一般花之戀都唔錯玉子壽司都唔錯三文魚壽司麻麻炸天婦羅手卷味道 ok炸蝦壽司無乜味，唔好食帆立貝壽司d帆立貝好細件，而且味道麻麻朱古力窩夫一般甜薯味道 ok總括而言，這間餐廳無我第一次去食咁好食，第一次去食時覺得食物很新鮮，而且價格合理，但這次要排隊等很耐，而且食物質素也下降了!

等咗一百張枱，先有枱，間間分店都咁多人。食過幾次都係覺得第一次最正，海膽壽司又細舊咗，沒有鮮甜味。今次去試咗個白桃雪芭，幾有驚喜，可能我鍾意食甜品。不過17蚊舊吞拿魚腩壽司都抵食，難怪長期排隊。

好高期待，好大落差提前一個月預約，到店之後有空位都無得坐，等到預約時間先可以入座。其實發覺一半座位都無人。應當都唔係疫情原因。唔知點解要等。其次服務生口齒不清，態度敷衍。開舖一個鐘啫⋯好似未訓醒，完全聽唔清楚佢介紹D咩。鞠躬係180度⋯食物質素都差，wasabi冇味。飯捏得散。刺身雪藏味重，有筋，有腥味。除左差都俾唔到其他評價，簡直慘不忍睹⋯炙燒壽司同茶碗蒸好少少，正常味道。已經係我食過最難食既壽司⋯吉x島既都好食過佢喇！價錢係平，味道實在太差！！！救命，點解有咁多好評？絕無下次

是夜在深水埗運動場做完運動行過馬路到對面的sushiro平日lunch time 見好多人排隊但今晚已經過咗9點, 等嘅人少d, 只等咗15分鐘左右可以入座了,雖然講明10點15分左右就last order.但我們實在饑腸碌碌, 只用了差不多一個鍾時間狂掃22碟壽司, 一碟小食(炸甜蝦) 盛惠$369推介嘅有天婦羅壽司, 主要係呢個size夠大, 蝦夠大, 包外圍嘅壽司米飯也多, 一碟三件, 實在豐富, 其他的壽司類魚生一點也不吝嗇大大片, 唯獨是壽司米醋不夠酸味,同糖嘅甜味平衡上有點失衡, 唔推介嘅可能會係腐皮壽司,內裡米飯太少, 蛋壽司也是比較失望嘅質素, 希望店方能夠放多一些心機在這類型最基本的種類方面, 最簡單的要做得好其實不容易, 亦往往最容易被忽略,

又想吃壽司，就特地又到壽司郎!依然是這麼多人在外面等候，今日我們5點多拿票，7點左右就能進去吃了依然是很高質，很好吃!等待是值得的!有新出的食品，一定會再來的!

一位難求既壽司郎有幸食過兩次，真係難book位到一個點，其實係咪真係咁好食呢？🌚大部份壽司都新鮮好食，其實覺得同元氣差不多，但佢多選擇之下唔覺唔覺就樣樣都想食，樣樣都嗌啲😆最後埋單發覺都唔係好抵食，每人200走唔甩，貴過食元氣😆今次主要都係食鰻魚壽司、燒三文魚壽司，魚肉大大件唔孤寒，三文魚有油香、鰻魚鬆軟無骨刺。但海膽就食唔到有鮮味。

原來佢嘅中拖羅真係好好味! 建議大家如果可以網上book位嘅話就book咗先 （當日係星期日）因為真係超級多人排隊我同朋友兩個人都排咗over 三個鐘佢會有個預計時間你要等幾耐。所以途中我哋去咗隔離嘅戲院度睇戲。出到嚟之後都仲等一個鐘。哈哈 撇除等候時間，食物質素非常高，試咗大約12至15款食物。整體質素好好👍👍非常推介 必食中拖羅 三文魚子 左口魚 真叼 帶子 😆同埋甜品： 焦糖布甸🍭🍮美中不足：係有份油甘魚唔係太新鮮 同埋我哋食嗰份海膽相對好似唔係咁新鮮 我同朋友 兩份嘅海膽都係麻麻地🥺我哋下次都會再去 人均消費大約$250左右 🤫🥰 其實以咁樣嘅價錢同咁樣嘅質素來講。真係好抵食- 真實食評「五個⭕️為滿分」味道：⭕️⭕️⭕️⭕️⭕️/滿分爆棚環境：⭕️⭕️⭕️/等候時間實在太長價錢：⭕️⭕️⭕️⭕️/算係好抵食架啦

今次食秋冬限定（食慾之秋），有多款特別壽司，其中揀了數款有興趣來食。鱈魚白子軍艦，軟綿綿好creamy好濃郁，配酸酸甜甜醋jelly，味道幾夾。白子係香港少見，有興趣又未試過嘅朋友，可以試下，價錢及味道都好吸引。帶子雙味，醬油炙燒唔會好咸，燒過有醬油香，味道也濃縮左；味噌炙燒偏咸，但味噌沉實的咸香味，仲有種田野feel。海松食貝，爽爽地有微微鮮味，幾清爽。螢光魷魚，味道好咸鮮濃郁，咬落去爆發鮮甜汁液，估唔到咁正。蝦三味，好抵食，有甜蝦的柔軟鮮甜，仲有熟蝦的爽彈甘甜，還有虎蝦的彈牙鮮味。吞拿魚蓉好肥美甘香，魚脂入口更易溶化，滿口魚香。池魚肉質結實爽口，味道清淡，魚味明顯。巴斯克烤芝士蛋糕，果然特別香軟，味道濃郁，口感軟綿輕盈。

之前一直book唔到，book到都要等個幾月。未試過荔枝角新分店，之前都係試佐敦的。手機預約去到等左十幾分鐘就有得入都算快，職員都係好禮貌咁問你係咪第一次試食同你講解，限時60分鐘所以好快叫到成枱都係好係野食，坐bar枱所以有少少逼唔夠位擺。中拖羅一如以往高質，叫左幾件，仲有期間限定既海膽好新鮮，仲有個好似係叫帶子雙食嘅都兩個食法都好好食，三文魚腩加三文魚子都係好食。期間限定嘅仲有一個叫油甘魚天身寫住係特殊部位嘅壽司，因為佢冇相好似好神秘所以就叫咗黎試，都幾好食。另外仲有個新既開心果蛋糕都幾好食。總結，試過兩間分店，水準都係高，係食壽司嘅高CP值之選。

上次經過舖頭見到爆多人等位 心諗乜料呀 排晒長龍 咁啱有次早去荔枝角果邊 就去試一試間野去到未夠鐘開門 已經有人响到等 實在太誇張排了半小時 用餐時間一小時 係小左啲 不過ok la!壽司大大舊 好味 好新鮮 好正 二人午餐 埋單4百零蚊 我覺得都ok ar

又黎壽司郎啦😋一坐低就order左個溫泉蛋烏冬，流心蛋加彈牙日本烏冬，又係好難唔好食的。甜蝦帶子壽司正常水準，肥牛真係同壽司飯唔夾咖🌚原條鰻魚又係必食之選。你估佢唔到甜品係做到好好，食完仲想食呀。

自從無再食某連鎖壽司店後，都好少食壽司，成日聽到人話食壽司郎壽司郎，今次同男朋友見到只需等10分鐘我地就即刻㩒飛去食！雖然見人排隊成日排好耐，但原來有個壽司郎apps等位都幾方便呀～格黎就係戲院睇陣trailer就已經到我地～必試既一定係吞拿魚同卡達拉娜～平時食既吞拿魚我都會覺得好腥唔好食，但呢到既吞拿魚唔腥之餘仲好易入口，同日本個啲有得揮！而我男朋友就最鐘意食壽喜燒牛肉壽司，因為佢係正宗食肉獸，所以肉類佢都岩！佢仲狂encore🤣🤣另外比較深刻仲有帆立貝同鰻魚，但其實好多都好好食～仲有個焦糖蕃薯！係凍食但啲焦糖佈滿個蕃薯真係好正仲好有口感，最後個甜品卡達拉娜真係好正！！愛食甜野既必試啊😍😍

呢間壽司店開張到而家都係咁多人去追捧，次次拎飛都要等好耐，如果book枱更加係要等幾個月之後，所以策略永遠都係拎完飛之後去附近行吓，通常一個鐘之後就差唔多可以入座，今次都係咁⋯首先當然食大拖羅，油花雪花入口即溶嘅口感，赤身肉質實淨充滿魚香～花之戀壽司大大件、鰻魚壽司香濃醬汁、帶子壽司新鮮、蝦壽司三款都唔錯～～最正既係海膽壽司，份量多多，鮮味十足，唔會腥，good!仲有茶碗蒸，嫩滑既蒸蛋，又有海鮮既鮮味！

其實我都book左兩個月後同屋企人食，但真係好想搶先嚟個preview😭所以自己一條友去試，點知！！雖然係禮拜六，但等25分鐘就有位😍我果陣16:00攞位無咩人，但一去到16:10-16:15就突然人山人海🥴‼️以我不專業嘅推斷，週末想食又唔想等咁耐，最好15:30-16:00攞飛‼️1️⃣$12 期間限定北海道產稻烤三文魚x1 (5分滿分，推薦程度: 🌕🌕🌕🌖)頭一啖無食葉，感覺係幾普通嘅三文魚壽司，無咩稻烤嘅味道🤔但食埋塊葉，三文魚嘅油香突出左好多🤤結論係，中間塊香葉(?)一定要一齊食！2️⃣$12鮮蝦天婦羅x2 (5分滿分，推薦程度: 🌕🌕🌕🌕🌕)滿分！！兩隻蝦都長過我食指，炸衣熱得嚟脆，但令我非常驚喜嘅係，一咬落去，裡面嘅蝦都係爽口到不得了👅有水準到令我對其他天婦羅款都好有興趣！3️⃣$12鹽燒厚切鯖魚 x2 (5分滿分，推薦程度: 🌕🌕🌕🌕🌕)無骨 + 唔腥 + 厚肉 + 調味啱啱好，無話可說直接再次滿分🤤食完覺得好幸福🤣最特別係上面有蘿蔔蓉解膩/ 癖腥，又真係幾有用🤔4️⃣$12長鰭吞拿魚x2 (5分滿分，推薦程度: 🌕🌕🌕🌗)我對呢碟無特別印象，只能說明佢普普通通😂但亦係呢碟令我發掘到下圖右