壽司郎 (黃埔天地)

营业中

休息中

見到個個排你都會去想排嘅壽司郎紅磡永遠都超多人排一等到報復式點餐吞拿魚麻麻地一個冰感炙燒可以甜品一定係全場最好食嘅卡特拉娜每次嚟都一定要食芝士味好香奶味好濃仲係好似焦糖燉蛋嗰啲脆脆喺上面真係好正雞軟骨其香幾好食三文魚正常甜蝦都唔錯有芝士類嘅壽司都係好好味唯一美中不足某嚿壽司裏面有塊紫蘇葉唔係我鍾意嘅味道每次都唔小心中伏再嗌整體嚟講壽司郎未係話好好食不過喺紅磡冇乜選擇壽司平價嘅情況下就只能夠食壽司郎所以永遠都好多人排隊三百幾蚊一定食到好飽好飽甜品真係好出色仲有芝士炙燒系列都十分好

好耐冇食壽司郎🍣 今次佢又出咗啲新嘢，但我係唔會屈服食芫荽㗎❌ 食翻平時食開嘅，同埋試下少少新嘢就算😗 (好掛住蟹腳😭😭😭💔 松葉蟹腳世一☝🏻)🤍特盛海螺 ($12)🐚有塊香草係壽司度🌿 唔知大家鍾唔鍾意，但我覺得夾埋一齊勁難食😭🤮 之後個啲我都夾走咗，果然所有臭草都是難食的😞🤍特大極上北寄貝 ($22)有少少海水味，貝味好出，幾好😋🤍鹽味牛排 ($12)之前嚟都好想試，但係每次都掛住食魚食到好飽，今次終於有機會🥰 估咗呢件壽司幾好食，充滿油脂香，仲有好少好少入口溶嘅感覺👍🏻🤍特選中吞拿魚腩 ($17)🐡：有筋🤍特選大吞拿魚腩 ($27)🐡：好食好多，因為多啲油脂，好食啲，同埋重點係冇筋

好少寫食評，呢間分店只有一個字~ 差！同其他分店相比，呢間嘅服務真係不敢恭維。。。雖然知道服務行業唔易做，而且壽司郎工作量相對係高，但客人似欠咗佢哋，態度怠慢，食物質素亦比其他分店差，開店初期還不錯，但耐咗就每況愈下，可能因為覺得唔憂做掛，壽司飯鬆散，一夾就跌，魚生比較不一，如果接近截單時間，點餐機會顯示系統繁忙，落唔到單，兩樽豉油冇晒，亦唔會有人理你，由客人係度等，話知你冇得食啦⋯⋯如果可以選擇，大家都係稍移玉步吧！

依家越嚟越多分店其實都唔係真係等好耐 今日等咗一個鐘已經有位！小妹第二次食only😬都係諗住試吓新嘢▶️ 香蔥赤蝦 ($12) 👍🏻今期特別款 上面一大堆乾蔥 之後一大隻生蝦 仲有啲沙律醬生蝦食落黏黏地🦐好新鮮 乾蔥係平時蔥油拌麵嘅乾蔥 配埋一齊又幾好食喎😋▶️ 醬烤日本產帆立貝 ($22)Sushiro啲帆立貝全部好厚切同鮮甜😍不過呢個醬烤咗同平時正常嘅冇分別 可以食返正常嗰隻▶️ 海螺雙味 ($22)一碟兩款 一款係有醬油 另一款係檸檬🍋海螺咬落爽彈 平時我少食 所以唔知叫唔叫好味我淨係知片檸檬好酸🤣▶️ 蟹柳沙律醬 ($12)之前都食過 鍾意佢蟹柳夠大條但係今次佢賣相出事 件壽司反咗😗可能因為太忙同埋佢落得太多太多沙律醬 淨係食到沙律醬味…▶️ 芝麻漬海鮮紫蘇包 ($12)第一次試 上面超多魚籽 入口即爆汁 跟住有啲生魚 最失敗係我唔知原來塊葉就係紫蘇😂冇食到 以為係裝飾只怪我唔識食▶️ 鱈魚白子軍艦 ($17) 👍🏻呢個都係唔知咩嚟 但係係今期特別款之一 咁就叫咗上面有啲橙色啫喱 食落酸酸地 好似果jam咁？鱈魚唔係我一般諗嘅鱈魚 依個形狀好似個腦嘅物體🧠質感好有趣 偏凍 然後有啲slim

去開附近打保齡球，諗住晚餐食壽司郎。拎咗飛之後都要等三個鐘。灸燒嘅壽司自己覺得最好食！ 同埋發現原來茄子壽司都幾好食🤣 甜品就樣樣試下，全部都ok, 又冇好特朗！希望快啲開多啲分店唔駛等咁耐啦

5月18日約下午5時到,唯一讚係不用等位,暫時食過最差既分店,比起外賣更差1）壽司飯過多水2）魚生切得好薄3）吞拿魚蓉軍艦有骨4）限定芫茜好少忘記影相作證,希望此分店能改進

依家疫情咁嚴重小妹都太唔敢出去食嘢... 所以今次就嚟實測吓壽司郎嘅堂食定外賣好食啲啦！由於小妹唔太食生嘢所以堂食同外賣都叫熟食為主🤣 比較之下就會覺得外賣嘅性價比略為高，雖然無得揀壽司，但其實我去到堂食都係order差唔多嘅食物🙈 加上嗰日排咗成三個鐘所以prefer外賣哈哈😬食物方面私心推介炙燒芝士同炙燒羅勒😋 茶碗蒸 同炸雞軟骨都好好食，值得推介😃！而抹茶蕨餅芭菲就一般，又貴又唔好食，下次試吓其他甜品先😕朋友話如果大家食生食為主就建議去返堂食啦😂 始終食材較新鮮，而且多好多選擇～ 壽司郎堂食 (黃埔)蟹柳天婦羅 $12炙燒芝士三文魚 $12炙燒羅勒三文魚 $12炙燒芝士鮮蝦 $12炙燒羅勒鮮鮮蝦 $12蝦三味 $17鹽醋漬鯖魚 $12油甘魚 $17特大虎蝦天婦羅卷 $27茶碗蒸 $19炸雞軟骨 $27抹茶蕨餅芭菲 $32堂食總數：$201 （兩人）壽司郎外賣：特製盛合（$268 三人前）炙燒芝士三文魚（$12 x 3）炙燒羅勒三文魚（$12 x 3）醬烤鰈魚鰭魚（$12 x 3）壽喜燒牛肉（$12 x 3）極上鰻魚（$22 x 3）醬烤日本帆立貝（$17 x 3）厚切燒鯖魚（$1

食過好幾間壽司郎，黃埔呢一間係令我最失望既環境同壽司質素都無其他分店甘好平日放假早上去食，等左差唔多半小時就入得，算好快不過，佢既環境唔係太乾淨，座位枱面無擦乾淨。同埋壽司質素真係唔係幾好，最令人失望既係藍鯨吞拿魚腩，有好大既筋同埋無果種油脂入口化開既快感其他壽司既處理都無其他分店甘好，所以叫埋其他野食頂肚黃金脆薯同其他分店都差唔多，無太大出入另外我都係鍾意原味既卡達拉娜多過奶茶味，奶茶味我覺得麻麻地夾。蜜瓜味雪葩好可愛，裝係個小蜜瓜殼入面，味道都好突出，下次再試吓其他甜品

iFOOD_ProMax 係疫情底下，偶爾都會買下外賣去郊外野下餐咁今次經過黃埔花園的壽司郎大排長龍，既然都冇可能等到堂食，就決定左直接買外賣盛盒Set B。三人份量Set B有火炙羅勒三文魚，火炙芝士三文魚，火炙左口魚裙邊，火炙帆立貝，火炙鰻魚，火炙牛肉，火炙鯖魚，火炙赤蝦（各3舊）值得一提的是火炙左口魚裙邊真係非常肥美，油脂飽滿，咬口彈牙，魚油滲透落壽司飯，惹味非常整體黎講，外賣質素其實同堂食幾乎冇分別，鮮度即使係提取後30分鐘都足以保持。加上正值冬天，氣溫對於食物都有加乘😆不過夏天就建議都係乖乖排隊堂食la🤣📍紅磡黃埔天地享膳坊(第4期)地下G10號舖

今次食壽司郎冇等咁耐，因為係平日嚟所以小人啲，所以就15分鐘今次壽司郎又新出左食物啦佢個樣好似溶晒咁，但係個樣完全冇影響個蛋糕個味道，個抹茶蛋糕好軟林林個cream佢話對小朋友嚟講好好味，因為佢好甜，咁我搽蛋糕配埋嗰個cream唔會變成死甜個水牛芝士外面好脆卜卜，入面軟林林，入邊嘅水牛芝士仲好有彈性添好似呢幅圖咁個芝士可以拉到好長好有彈性，如果你想影張相係一條芝士拉到好長嘅話，你一定要食呢個。佢個水牛芝士好似普通芝士嘅味道，淨係鹹咗少少，佢個水牛芝士如果你想佢好似彈弓咁彈，你食嘅時候一定要掹住個舊芝士，然後就用筷子夾住佢外面，就可以整成呢個效果㗎啦環境：🌞🌞🌞🌛食物：🌞🌞🌞🌞🌝衛生：🌞🌞🌞🌞🌜舒服：🌞🌞🌞🌞

壽司郎嘅壽司唔多講啦，佢嘅壽司有幾咁好食，款款都有幾咁出色大眾周知啦，不過今次介紹嘅就係期間限定嘅壽司同埋甜品，我唔記得咗佢個名，多多見諒啦🙇🏻‍♀️🙇🏻‍♀️但大概我都知道佢係咩嚟嘅首先要介紹嘅就係呢一個入口即溶宇治抹茶蛋糕，呢個名我記得呀夠深刻，但其實即溶嘅係側邊嘅cream，但蛋糕都好軟熟同埋都好重抹茶味，like👍🏻之後嗌咗個鮟鱇魚肝壽司，我見佢幾特別所以就叫嚟試吓，佢個質感有啲似蛋黃，比我預期中冇咁腥，食落去個質感幾特別，但佢完全冇平時食開鴨肝或者鵝肝嘅嗰啲味道同質感，不過都唔錯嘅😆😆最後叫咗個🐟真鱸壽司，佢個色偏白，口感食落去同油甘魚差唔多，但佢反而唔係好重魚嘅味，質感唔錯👍🏻大家快啲去試啦😆😆

Sushi is cheap, but the lines are always so incredibly long. They're always delayed for at least 30 min even when you order ahead of time, so end up I always have to place my order around 5pm. With that said, I'm always slightly worried that the fish will go bad. I especially enjoy their tuna. It doesn't have that icy texture common for cheap sushi places.

這個蜜瓜味雪葩外面是有一個杯的形狀很像真的哈密瓜一樣，但是請勿拿走這個杯，雪葩的味道很爽和很甜，有一點像哈密瓜的味道還有，這個是期間限定的，不只這個甜品還有很多不同的甜品，我下次會再試新的甜品再寫食評。這一幅圖外殼就是這個杯，下面這一張的圖很不像你撳點餐的圖片，因為它很像只是一個波波型的雪糕球。下面這幅圖就是我最喜歡吃的軟殼蟹，因為它有脆卜卜的軟殼蟹、沙律和蟹籽很夾，因為他這個軟殼蟹鹹了一點 點，但是因為他有飯中和。 下面這個可樂餅都是很好吃的裏面也有少少青豆，不喜歡吃豆人也可以吃因為他不是很感覺到。

第18次壽司郎，阿女要儲公仔無辦法。每次去食，多數試期間限定。10:30開門，平日10:45去到也不用排隊，直入；星期六日就要早啲到，大約9:55前到就一定食到頭一轉。

為咗試佢每月嘅新限定款式，🤰🏻又黎到一個月至少食一次嘅壽司郎🌝🌝極上厚切長鰭大吞拿魚腩 $12超抵食之選，比普通$12/2件嗰款，佢嘅魚油味更重更入口即化，但質素唔穩定，食嘅第一舊有啲筋🌚但第二舊好滑嫰🌝🌝赤烏賊雙味（生 • 炙燒）$12炙燒過嘅烏賊幾香口👍🏻仲有微辛醬汁加持幾夾幾好食，而生烏賊就係平時嗰款，煙煙韌韌夾埋塊紫蘇葉幾清香🌗黑鯥 $12少韌，冇乜魚油香，可以唔使試🌖平政 $17不過不失，冇大驚喜亦唔伏，但好食過黑鯥冇咁韌🌝明太子薯條 $12成日聽人講壽司郎薯條好食，今次終於第一次試🤣幼身薯條炸得香脆熱辣辣，點埋微辛而香濃嘅明太子醬非常好食🌝👍🏻🌗油甘魚天身 $17其貌不揚，外表睇落又乾又細舊過普通嗰隻油甘魚，但食落都ok滑唔韌，但同普通嗰款分別唔大🌝🌝大人の焦糖慕絲撻 $22一個🌝都唔足以表達，初初見到大人の，以為係有酒，再睇埋佢英文寫著bitter,心諗唔通係咖啡，點知完全錯晒🤣原來係唔甜反而有少少甘香嘅焦糖慕絲，焦糖味非常香濃🤤👍🏻令🤰🏻諗起走甜版嘅樂家杏仁糖🤣配埋伴碟嘅超濃奶香忌廉同底層嘅餅乾撻皮食，一絕👍🏻