影片
开饭介绍
来自日本的回转寿司店，CP值高，近百款传统寿司及创作寿司。同时亦新增了香港限定寿司，以满足香港人的口味。
继续阅读
营业时间
今日营业
10:30 - 22:00
星期一至日
10:30 - 22:00
以上资料只供参考，请与餐厅确认详情
相关文章
个人都钟意食寿司郎，因为佢啲寿司款式比较多，同埋个质素亦都比较好。但每次去好多时都好多人排队，所以通常都系三四点𠮶啲时间去就可以唔使排， 佢啲寿司一嚟比较新鲜，价钱亦都好贴地， 食物质素亦都好过其他集团式嘅寿司店， 至少未见过佢哋件寿司送到嚟𠮶阵件鱼生同旧饭系分开。😳😳今次就点咗赤虾、油甘鱼、三文鱼，仲有佢地好多时期间限定嘅三文鱼籽茶碗蒸，赤虾都好新鲜，唔会食到有腥味同埋肉质都唔系霉。另一个原因好钟意食寿司郎就系除咗佢哋寿司新鲜，佢哋做嘅甜品都好好食，好高质，同埋好多时都会有新款推出，呢个抹茶巴菲都好好食，有抹茶蕨饼同埋红豆蓉喺上面， 之后中间有啲绿茶嘅mousse同埋有啲cereal脆脆，仲有呢个被封为系寿司郎名物嘅奶茶味catalana，好香浓嘅奶茶味，而件catalana texture亦都好rich，同埋有一样嘢比较好就系佢细细件食咗都唔觉得好漏。👍🏻👍🏻👍🏻
继续阅读
平时食寿司郎都觉得水准好稳定，今日闷闷地，做完嘢就去食返个tea见到有新嘢就试吓，因为我不嬲食开 炙烧三文鱼、盐烧三文鱼腩、三文鱼籽军舰、炙烧左口鱼裙边，炙烧双螺，同埋茶碗蒸🤭先嚟北极岩鱼$17 ，冇鱼味冇鱼油香佢其实系食咗个零呀！ 😂之后就系三文鱼半敲烧，其实都系啲巧立名目嘅嘢！就系烤三文鱼，但系干身少少🤭睇图都知冇乜鱼油 $17/2旧，比起普通嘅三文鱼贵咗$5，但佢依家好似做紧promo $10一碟生既三文鱼🍣（我唔食生既三文鱼，所以可能记错）之后就到象拔蚌，一件系生，另一件系烤嘅，用鼻闻过唔臭，无炙烧味👀兼唔觉得新鲜因为食落冇乜爽口感，但系肉质清甜！$17有两旧算系咁～我觉得新款真系唔及旧款，因为旧款性价比高，又好味啲，三文鱼、左口鱼裙边又有鱼油香，双螺爽口又炙烧味好出，大推三文鱼子军舰，$22有两旧，好味😋
继续阅读
成日都好想食寿司郎，但系次次见到大排长龙都放弃咗今日五点几喺黄埔附近做完嘢，见到寿司郎等20几张枱就有得食，就试吓排队结果等咗半个钟就可以入座，入座起1小时要还枱，所以要食得快用iPad落单，款式好多，限定嘅款式都系大概$20左右，非常抵食其中最钟意嘅都系佢嘅季节限定，$19三件虾寿司非常之抵食鹅肝寿司亦都系encore之选，鹅肝粉粉嫩嫩食落唔会好滞，一个人食咗四嚿咁多，食到六点几差唔多七点已经卖晒小朋友叫咗茶碗蒸嚟食，估唔到平凡嘅茶碗蒸又整得几好食㖞，个汁好鲜甜，仲有劲多海鲜，十分之推介
继续阅读
入到寿司郎 但系鹅肝寿司冇货所以入到去都有少少失望 不过唔紧要啦照食见到而家茶碗蒸竟然有冻嘅 上面啫喱状嘅物体应该系啲鸡汤或者佢哋个汤变咗做啫喱入面都算系足料 本身有嘅材料例如帆立贝、虾、毛豆等等都有不过硬系觉得食落去怪怪地 建议大家食返热嘅跟住新出个蛋糕就声称系用赖户内嘅柠檬🍋 系都OK好食嘅不过未至于好surprise / 好特别
继续阅读
夜晚唔知食乜嘢好，因为收工时间比较早，见到寿司郎系唔需要排队就可以入去食啦。所以，我谂都冇谂到就冲咗入去食。一入到去揿部平板电脑，就见到佢原来已经系出咗八月餐单啊，八月餐单最大嘅特色就系有一只新嘅颜色碟，就系白色颜色碟，只系价值港币$10 ，的确几抵食，但系选择就唔多。讲返食物先，今次叫咗两款三文鱼，一款系红碟港币$12 ，另一款系银色碟港币$17 ，的确系贵啲𠮶款三文鱼系好食啲鱼肉亦都厚身啲。另外仲有叫咗吞拿鱼都好好味。
继续阅读