壽司郎 (黃埔天地)

营业中

休息中

係短短一個月內發生左兩次食物上有毛既情況！🤮🤮🤮一次係堂食一次係外賣真係好難接受！！！同店員反映既時間都唔覺佢地係認真對待，只係想打發我走就算！唔會再幫襯，大家要小心！！！

Intro: 之前就喺壽司郎試左個抹茶蕨餅芭菲，而今次就揀左巴士克烤芝士蛋糕做飯後甜品，個賣相真係幾吸引，只係賣$27蚊，諗都唔諗就叫左啦～___________________🍽 究極巴士克烤芝士蛋糕💰 27 ⭐️7.5/10✍🏻 蛋糕嘅大小差唔多，但賣相加分！✍🏻 面頭係燒左嘅芝士同焦糖，每一口都要夾埋呢部分食✍🏻 蛋糕嘅口感都幾軟滑，餅底就散左少少✍🏻 芝士味唔算濃，個人喜愛更濃嘅味道___________________🏠 sushiro📍 荃灣大壩街4-30號荃灣廣場3層301-302號舖⭐️ 8/10 （甜品）___________________

又到每個月去壽司郎食限定商品嘅時間, 今次有好多以鮟鱇魚肝同鯡魚為主嘅時令食材紅瞳赤鯥 / 大切油甘魚配鮟鱇魚肝 / 大切日本產油甘魚腩 - 雖然係最貴價, 但都係最推薦, 魚油香最足而且幼嫩鮟鱇魚肝軍艦 / 鱈魚白子軍艦 / 甑島産銀帶鯡 - 重口味必食鮟鱇魚肝同鱈魚白子, 不過當日賣相就真係差左少少,  銀帶鯡都幾好日本銀帶鯡天婦羅 / 豚肉味噌湯烏冬 / 巴斯克烤芝士蛋糕 - 炸物、熱食同甜品向來都有信心保證, 今次都唔例外昆布漬比目魚 / 炙烤鯡魚配梅肉醬 / 烤鰆魚 - 頭兩款都唔差, 但都係紫蘇葉太大塊, 遮掩咗本身魚味, 比目魚更加唔覺有昆布漬過; 反而烤鰆魚就太勁烤過嘅焦味同有D嚡口花之戀 / 小肌 - 都係固定menu有, 花之戀嚟到又係炒哂車咁; 不過小肌有驚喜, 高性價比

11月期間限定，又係試伏專員出動既時間！今次無試匀所有新品，但都食左大部份，淨係兩隻黑碟兩件壽司已經$60～① 島原和牛 $27 正！！！油香和牛，有少少入口溶化感覺！② 三陸産炙燒喜之次 $27 肉質有少少爽口，食落唔算好特別。比我揀多次，我會食多件和牛！.③ 長崎産炸池魚 $17大大件炸魚外脆內軟，肉質唔算滑，但好彩唔會好油。④ 長崎産魷魚鬚天婦羅 $173條魷魚鬚幾大條，但炸粉太厚，食落一般。⑤ 油甘魚 $17⑥ 北海道産海櫻鱒 $17普普通通，無乜特別既油甘魚同三文魚，都可以一試。如果二揀一既話我會比較推介前者，三文魚腩好食過海櫻鱒。.⑦ 日本産鹽漬沙甸魚 $12鹽漬既果然味道偏鹹，而鹹之中仲有啲腥。

因為平日，下午食無等得咁耐，都係一個鐘多啲，不過好食嘅嘢點都要等吓嘅每次去都會試新野😋啲刺身壽司🍣好新鮮，最鍾意食壽司郎嘅天婦羅🍤整得超好食下次會再去食。

壽司郎新推出左一款「究極巴斯克烤芝士蛋糕」($27)試過味道的確唔錯如果你有機會排隊食到壽司郎就不妨試埋呢款芝士蛋糕...今次呢款蛋糕係同西班牙餅店Mallorca推出既聯乘面層撒上砂糖炙燒令芝士有少少半溶中層有軟滑芝士慕絲底層芝士蛋糕綿密整體食到芝士香又唔會太膩

又係出動去食 壽司郎 期間限定嘅時間喇， 今次嘅主題係「秋之味道巡遊」（秋の味巡り），主打一啲秋天當造嘅食材，覺得今次限定 好多樣野都幾好食。 不過先講最貴果款先， 「特大水煮松葉蟹配紅楚蟹拌蟹膏」， 可能太掛住日本嘅味道，覺得呢個只係不過不失， 蟹味唔出， 蟹膏嘅質地亦係一般。 MVP 呢，係「炙燒三文魚腹」，肥美肉厚，好食到立即二刷左 幾款天婦羅又係有驚喜，壽司郎嘅炸物一向有水準，不過都係偏啖口啲，落單可以落埋包鹽， 加啲鹽更佳限定甜品今次就係聯乘西班牙王室都認證嘅麵包蛋糕店「Mallorca」推出限定甜品「究極巴斯克烤芝士蛋糕」，將兩款芝士蛋糕二合為一， 效果幾好， 要試。「北海道產秋刀魚」，秋天嘅魚，呢個都唔差， 幾鮮味。「秋鰹魚腩」，正常發揮「生七味醬漬長鯺吞拿魚」，佢有少少辣辣地嘅，幾特別。 「炙燒紅葉鯛」，上面果舊柚子我自己就覺不太夾， 就咁食仲好食「銀魚仔蛋黃醬油海苔包」， 呢個一般， 再加上會漏汁有少少捩棄食壽司郎 係會上癮嘅，又睇下下個月又有咩新野～

#究極巴斯克烤芝士蛋糕 👅9/10 $27唔係講笑 真係好好食呀‼️‼️可唔可以將佢變做恆久款💞其實我就好少何會喺出面食巴斯克芝士蛋糕因為自己整到 非常容易😂只要將啲材料撈埋 擺入焗爐就可以🤓👍🏻簡單到不得了 節儉嘅我就好少何出去食.但係今次嘅期間限定款巴斯克芝士蛋糕同平時食開嘅好唔同🔥個樣都吸引超級多🥰🥰🥰尤其是係個芝士蛋糕上面鋪嘅炙燒芝士🧀香到癲左🥰🥰🥰 唔係講笑🫀🫀上面就好似卡達拉娜上面嗰層焦糖脆卜卜‼️‼️ 極香😍😍中間嗰層芝士口感非常順滑🔥🔥芝士味亦都超級香濃🥰（非講笑）跟住我就睇返資料顯示：呢個蛋糕係由Mallorca人氣商品巴斯克烤芝士蛋糕同壽司郎炙燒半溶芝士蛋糕結合而成我平時係唔會食壽司郎嘅黑碟😂一黎我覺得好貴 有啲心痛荷包（但又成日走咗去喪食$12紅碟 笑死）而且份量都好足夠 食到尾有少少「漏喉」但都係好好食👍🏻😍如果下次去壽司郎嘅時候仲有呢一款蛋糕🍰我一定一定會再食😍

・　炙燒紅葉鯛🍁 ($22)呢款外觀真係好靚🥰🥰🥰好配合秋天嘅主題🍁好似兩塊紅葉喺上面咁！面頭有啲似桃膠嘅醬，配合埋炙燒嘅鯛魚，超好食！好有鮮味，雖然價錢比起其他貴咗，22蚊2件，但係都值得試嘅😆💕✨・　秋鰹魚腩🍣 ($17)好少食鰹魚，見佢幅相顏色咁靚，就叫咗嚟試吓😻佢係似紅石榴咁嘅顏色😍面頭有啲薑蓉同蔥花😆味道正常，冇三文魚味道咁重🤭價錢方面還好，兩舊$17🤤🤤・　炙燒三文魚腹🍣 ($12)呢款真係好好食！三文魚本身就已經係我嘅至愛🥰🥰佢仲要燒得啱啱好，三文魚腹比三文魚其他部位多肉，但又冇三文魚腩咁肥膩，所以呢個部位又厚肉又唔油膩😻😻真的不錯😆😆😆 12蚊一舊都可接受！ ・　銀魚仔蛋黃醬油海苔包🍯 ($12)見到佢外型咁特別就叫咗嚟試吓，佢啲銀魚仔好多💯💯鹹鹹地加上甜甜地嘅蛋黃醬，味道都OK🥰不過未必會再食多次🤔🤔・　北海道產秋刀魚🐟 ($17)呢款就比起上面嗰幾款口味清淡少少，如果點太多豉油又搶咗個味，但係個人覺得唔點豉油就咁食，就有少少腥味🥲🥲所以個人唔係特別鍾意食秋刀魚🥹🥹🥹・　生七味醬漬長鰭吞拿魚🍣 ($12)呢一款好特別，係橙色嘅吞拿魚唔知係咪因為加咗一啲七味醬所以令到佢

今日星期六，落樓下經過，心諗拎張飛睇吓等幾耐，點知等幾十張，就決定行一陣再返嚟半個鐘就有位，就是下九月之選，大部份都係來自北海道最值得欣賞嘅係清森縣特特大帆立貝，黑色，價值$27一件，仲話超限量一嚟到，就見到佢比平時特大的厚身，咬落去，仲有少少凍冰冰，但係非常鮮甜，帆立貝嘅味道好出，好值得試另外試咗幾個九月先有嘅北海道產壽司，都OK嘅，但係就冇回味無窮嘅感覺至於炸公魚都值得一試，熱辣辣咁送到上嚟，魚肉嫩幼，又可以食埋啲骨，補充鈣質，鍾意嘅話用綠茶鹽加調味，更加惹味

最早黎又或者佢就嚟last order會有得汁雞walk in，成日都係呢兩個方法食😹 壽司質素一般般啦，但係佢嘅甜品真係好食，最鍾意食卡達拉娜，記得要等10至15分鐘解凍！

今日lunch 好想食日本野，同朋友行行下經過壽司郎又見冇乜人等位，即刻禁下飛仔睇下等幾耐。好彩見號碼都吾算耐，等咗大約半個鐘就有位了。埋位第一時間叫左cp值極高既吞拿魚腩壽司海膽都係必食之選！最後當然要食埋件cake先滿足🥰

一個月前已經係網上book定今日去食壽司郎，點知天文台預早話會掛8號風球，心諗唔係掛食壽司郎先嚟打風，打去問好彩打風正常營業，今期係壽司郎三週年創業祭，有幾款限時美食，特別推介蜂蜜牛油味卡達拉娜，面層有焦糖既脆，入口有牛油既香，又香又滑

今次想主要評論三款食物，分別係叉燒壽司、心太軟同埋蜜瓜味雪芭。炙燒生姜醬叉燒 $12見到叉燒非常之多汁，放入口嘅時候因為多汁嘅關係唔會覺得塊叉燒太乾。雖然好多汁，但係唔會過鹹，鹹味啱啱恰到好處。醬汁嘅生薑味唔算非常之濃，比起生薑汁更加似日式叉燒汁。總言之係好味嘅。心太軟 $22一上枱就聞到好香嘅朱古力味，可能因為心太軟仲係暖嘅。傳來嘅朱古力味非常之誘人，令我都非常之想搶咗男朋友嘅心太軟嚟食。心太軟會附上一Pat忌廉，而呢一個忌廉奶味非常之重，係我非常之鍾意嘅味道。另外心太軟一切開係流心嘅，啲朱古力慢慢咁流出來。食起上嚟係非常之溫暖，而且濃朱古力味。只可惜份量太細。蜜瓜味雪芭 $12呢個雪芭非常之盞鬼，有一個蜜瓜造型嘅外殼。外殼入面有淺綠色嘅雪芭，雪芭有非常之香甜嘅蜜瓜味，感覺有啲似食緊蜜瓜糖。食完之後可以帶走個雪芭蜜瓜造型嘅外殼，非常可愛。

壽司郎真係一個月總要食一次。款式多得嚟，而且價錢都好合理，食到高質野🤪今日有人拎定飛等我，更加開心到飛起👩🏽‍🚀（男士們睇到，自己識做啦！🤭）壽司款🍣其實都唔洗多介紹，相信大家睇其他食評都一定會知😎我今次要講係佢嚟港三週年祭典嘅款式🤗蜂蜜牛油味卡達拉娜🍰🍯仲有新出嘅蜜桃芭菲🧁先講卡達拉娜，之前有食過都知佢有層脆糖喺面，今次改咗蜂蜜牛油味🧈🍯，就有種咸咸甜甜嘅味道，加埋本新蛋糕嘅質地，相信中意食又咸又甜嘅人，一定明白我講果種好味😋另外蜜桃芭菲🧁，有四五舊大嘅蜜桃+牛奶軟雪糕+蜜桃雪芭，真係為我呢一餐劃上圓美句號🤤大家唔好錯過喇😁