壽司郎 (已結業)

今日我終於同到我家姐一齊去食壽司郎!🥰🥰平時等位都要等差唔多成個半鐘甚至乎要預先兩個月訂位先可以食到。但係今日我哋大約5:00左右去等位，5:45就有得食等咗大約45分鐘。應該係我有史以來第一次等得最短嘅時間😂，可能因為琴日大雨又或者疫情嘅關係減少左好多人出去食嘢。我想講壽司郎啲壽司平但都好有質素，就例如嗰個吞拿魚壽司佢真係好甜相比起出面要廿幾三十蚊 1件嗰啲壽司郎仲好好食😂。同埋我想講佢個赤燒帶子壽司真係好好食！最重要嘅係佢個帶子真係好大件，就算唔係叫赤燒帶子就咁嗌返普通帶子佢都好鮮甜。其實係壽司難食嘅全部壽司都好新鮮😍😍😍最後其實我食壽司郎嘅感想係我覺得壽司郎最好食嘅嘢係甜品😂😂😂😂！可能你會覺得好奇怪但我想講佢個千層蛋糕真係超級好食仲好食過Lady M(我覺得)😂😂。如果你哋等位要等成兩個鐘可以出去食一轉晚飯，然後再返去睇吓到你哋未。如果就到嘅話可以入去食甜品，其實佢其他甜品都好好食可以嘗試❤️。

疫情稍緩👧🏻👦🏻終於出去食下野🤣終於去左壽司郎！但因為太即興無用app拎定飛等左成個半鐘🙈🙈.大家都食過好多次唔逐一點評，揀啲推薦既同埋伏既重點講下啦🤣.🌟推薦🌟🔸醬烤鰈魚鰭邊$12 ｜油脂豐富，搽左醬醬同輕炙過既表面好香，中間放左紫蘇葉解膩，不錯🔸蝦三味$17｜超抵食既一碟！赤蝦鮮甜肥美🔸炙燒赤鯥$17｜比較少見既款式🤔魚肉鮮甜，面頭燒到勁香口🔸青森縣產炸帆立貝伴他他醬$27｜有原粒大大粒帆立貝係入粒！炸完配上他他醬好滋味🤤.👌🏻值得一試👌🏻🔸厚切燒鯖魚$12｜平時鯖魚都多細骨但佢依個挑晒骨太方便了🤣抵食🔸壽喜燒牛排$12｜加左壽喜燒汁都係無得輸，但略嫌太油🔸三文魚牛油果卷$22｜另一抵食之選😙 🔸抹茶蕨餅芭菲$32｜本身以為會好伏點知又唔係！個雪糕正正常常，但中間有抹茶蛋糕同埋紅豆蓉好配，重點係粒蕨餅居然係軟糯好食既😍.❌不了❌🔸納豆軍艦$12｜去左咁多次日本都無食過納豆😂，👦🏻話想試下。嗯...我唔鐘意佢陣味🔸炸蝦天婦羅拼盤$27｜炸皮唔算厚都脆，但好油😵🔸開心果意大利芝士餅$22｜得甜味無開心果味🙈芝士味又淡.性價比真心高既，而且又有期間限定款，抵佢分店一直開😂 有時間有心機既

開餐一個人，疫情底下，打工仔或多或少都要被迫放無薪假或者年假，我就係其中一個。在壽司郎app中預先訂位，好多日期都爆滿，見到有空檔就即刻攝位。預約時間到達後，要在門口的電腦系統自行簽到，平日午飯時段，門口有很多人在等候，我以為要等好耐，點知5分鐘內就可以入座，果然有預約係好啲。店內提供濕紙巾，同小型膠袋，唔知係咪拎黎放口罩。侍應無問我係咪第一次黎，不過唔緊要啦，每間壽司店都大同小異，在電子屏下單，好快食物就運送到。我中意壽司落壽司醋，但呢度比我既感覺係落得好重手，其次飯太黏。比較欣賞醬烤鰈魚鰭邊及帆立貝紫菜唔係脆身，而海膽有少少腥醬油漬蝦略嫌味道太濃大粒帆立貝吃不出鮮味，有點失望其他壽司不過不失，飯底係壽司精粹，但味道不是我杯茶，所以就算不用排隊，也不會考慮再光顧。

第2次食，都係用app來book，不過要等2個月2先食到。另外，walk-in排隊太耐，暫時未考慮。佐敦店用餐時間得60mins，比較趕的，但常客就夠時間，因為落單、點餐、送餐都幾快。今次2個人來食，瘋狂進食16碟，加2件甜品，好滿足。我地覺得比較好味好以下款：三文魚腩肥美，魚油豐富，口感嫩滑。長鰭吞拿魚反而平靚正蟹膏同芥末魷魚超濃郁，冇得輸，回味無窮，而且唔腥。三味蝦就最抵食，3款都好味，虎蝦爽甜，熟蝦鮮甜，甜蝦嫩甜。魷魚好好味好鮮嫩鰈魚反而幾好味又嫩，又唔腥甜品先最吸引，千層蛋糕好食到飛起，入口層次分明，cream將千層pancake融合一起，入口化開好咪。奶茶卡達拉娜，味道濃郁，奶茶味濃濃，口感幼滑，面層焦糖脆香甜美。味道比較麻麻 ：中拖好似赤身咁瘦，仲要有筋，跟本咬唔入，食唔到，超失望。油甘魚好肥美，油光好靚，但今次肉質偏爽硬。吞拿魚蓉估唔到咁失望，冇咩味，又冇脂香，肉質爛哂，唔似魚蓉。鯖魚超咸，又熟熟地咁，好難食。三文魚籽太細粒太少啦，好似縮左水咁唔抵食。今次食物質素一般，水準難保持，不過2個人食，可以試到多d款，所以發現幾款味道麻麻的壽司，但大部份壽司都好味又抵食。

早兩個月前的預約用apps禁左好多日先book到，良心價錢，中上質素，店內格式同餐牌都係日本有間連鎖100yen壽司店十分相似。但除左鰻魚吾靚又冬，其他都好好味，由其是 大虎蝦天婦羅卷， 腐皮烏冬係日本烏冬。 紫菜同 飛魚子都新鮮。 蟹膏有少少水狀甘， 鯖魚馬馬，水煮松葉蟹好有蟹味。不過真係好難book，希望下次仲約到，去到真係有牌寫明不接walk in。

壽司郎永遠都係咁難book,但係又唔想walk in 去排隊，所以每一次都係喺個app先訂到大約一個月後嘅日子。同埋每一次去都會有啲限定款式的食品同新產品，所以令我好期待😆上次去冇得飲梅酒，今次終於有返喇，大大杯都係$2x 幾蚊！好抵！所以就算用餐時間得一小時我都飲咗3杯😆😆😆⭐️左口魚壽司⭐️一直都係我嘅最愛，$12一件，咁嘅質素相對嚟講真係好抵食！忍唔住食咗4件😝唔好以為得壽司好食，壽司郎的小食和甜品質素都幾好架！特別今次試咗⭐️炸帆立貝配他他醬⭐️，好香口好crispy,大大粒好抵食！仲有每一次都order的⭐️朱古力心太軟⭐️...細細件過下口癮 甜下 啱啱好☺️☺️☺️總之壽司郎的質素同性價比係相當高！而家冇得去日本旅行，去壽司去解下鄉愁係一個不錯的選擇😊 期待將來會喺港島開分店！

終於食到早兩個月前book到嘅Sushiro🥳 雖然已早咁多book但係都係得下午茶嘅時間🤣 有四個價錢嘅碟 - ❤️紅 $12 / 🤍銀 $17 / 💛金 $22 / 🖤黑 $27, 呢個價錢嚟講係幾高性價比, 重點係唔駛再食元氣😉💛 可能我哋都係叫咗啲大路嘢, 整體質素都算平均, 冇話邊碟特別伏, 特別鍾意呑拿魚腩, 好肥美好邪惡🤤-🌟- Recommended💖👉🏻 𝗧𝗼𝗽炙燒帶子🌟醬烤碟魚鰭邊碟魚鰭邊-👉🏻 𝗠𝗶𝗱𝗱𝗹𝗲長鰭吞拿魚🌟特選中吞拿魚腩🌟特選大吞拿魚腩-👉🏻 𝗕𝗼𝘁𝘁𝗼𝗺雪花和牛雙味極上鰻魚炸蝦牛油果卷-🍴7/10

Fatvava揾食😋日式迴轉壽司油甘魚 $17必點！超好食，新鮮，油脂高，全口都係魚油同鮮甜既味道，超高質！冠軍🏆特選中吞拿魚腩 $17點！入口即融化，油脂分布平均，好鮮好正！鰈魚鰭邊 $12唔洗點！無乜味道，少少咬口少少鮮味。葱花吞拿魚軍艦 $12可唔點！冇乜感覺，魚碎魚蓉冇乜口感。炙熱芝士三文魚 $12可唔點！芝士味唔濃，唔太夾，點三文魚就夠！厚切三文魚 $17點！正，新鮮，夠厚夠肥美夠口感。日本產頂級池魚 $12唔點！較乾身既魚，腥味高。日本產帆立貝 $17可點！一開二既帶子，新鮮既，可以再鮮甜少少。炙熱三文魚腩 $12點！三文魚新鮮，魚腩油胸多，魚味非常香濃。雪花和牛雙味 $17可以唔點！和牛感覺唔重，冇乜牛味，薄切既口感欠奉。茶碗蒸 $19可以點下！滑既，入面入帶子菇，蛋味可以更濃！蝦刺身壽司 $12點！爽口新鮮既蝦肉，肥美有口感。原條海鰻壽司 $27唔點！冇乜魚味，魚身薄帶少少魚腥。咖啡卡達拉娜 $22必點！芝士既香滑加上濃濃咖啡味，係口入面慢慢融化，陣陣咖啡回甘，有驚喜！好食！。📍油甘魚必點，有時有極上版，但太晏會冇晒。📍去YouTube live 睇下要等幾耐，間間唔同

網上book位要等一個月先有，於是滴起心肝過黎排隊，排左一個半鐘隊，終於到我食啦～ . 其實都唔洗企係度等一個半鐘，睇住YouTube直播叫號，見到差唔多再過去食。一定要keep好票🎫，即便過左號，半個鐘內仍然有效～.🌼蒸碗蛋 $19呢個真係必食～料超足，有蟹柳等，蒸蛋好嫩滑，性價比好高。.🌼雪花肥牛肥牛有d甜甜地，味道ok，唔算太驚艷。.🌼花之戀沙律醬幾好味😋 三文魚新鮮且大塊。.🌼大拖羅壽司拖羅顏色好吸引，味道亦唔錯。😋.🌼海膽壽司必食必食！味道好鮮，淡淡嘅甜味。.🌼帶子壽司超大塊帶子～.🌼三文魚壽司新鮮美味 顏色鮮豔 正！.etc....不能盡錄，疫情過後一定會再食！

要回顧一下壽司郎真的抵食又好味剛去時係開業一個月後當然是要網上訂座仲要係1個月前book定1個月後，walk-in食要排成2個幾鐘添！有吧枱位有梳化位～book位已選好了！有限時～好似只得1個鐘！都食得較急～但質素亦沒有失望到衣家差不多一年～網上訂座是長期full的，現在開了多間分店仍然要搶、疫情下都仍然多人！真的很想再吃，大拖羅好好味，有日本的口感！每人都是2百元左右，飽飽又好質素記得烏冬都很好味，平靚正

大家都唔想食28日旅行套餐，人人都留港消費，去唔到北海道就唯有扮去咗，北海道海螺今個月special, 爽，巨型加上薄荷葉，夏天食一流，天婦羅沙甸魚唔洗怕腥，脆槳唔厚，大拖羅入口即溶無筋又無渣，牛肉壽司大堆頭唔羶，原條海鰻肉質好林，無骨，赤貝大隻爽口，鯛魚切得厚好有份量，次次都會叫鰻魚，大大件唔會一夾就爛，唔會太多鰻魚汁，唔夠可以自己加枱上有成支鰻魚汁比你加幾多都得，叫多幾件可以自己砌一個爆汁鰻魚飯

疫情底下，大家都要預6點翻屋企，因為夜晚6點後起出面就無野食，原本睇下有無D餐廳有折頭優惠或者外賣特價，來到壽司郎先有個驚奇發現，原來晏晝4點係無落到場同埋仲有壽司食咖，雖然要響應限聚，但唔洗排隊嘅壽司朗更加吸引😍😍😍第一次來原來都要知好多野，好似凍水起邊度斟，汽水點任飲，點樣攞野食同點野食都要研究下先可以開動最基本嘅規矩係睇顏色碟firm價錢，紅$12，銀$17，金$22，黑$27，黑碗$27，黑白碗$32總體來講係好食同感覺都平，即使最尾係嗌左最多黑碟，因為係試過好味之後番灼，好食推介有好多，唔一定全部係黑碟😂😂<日本產帆立貝握壽司>好大粒同好甜咖<生和牛壽司>食落一D都唔似生牛肉<厚切三文魚腩握壽司>好有水準嘅三文魚，肥美鮮甜<原條海鰻握壽司>好淋同好滑，舊鰻魚直接滑左落喉嚨<鹽味牛排握壽司>好有牛味，同生和牛好有區別咖<特選大吞拿魚腩握壽司>正，好充實嘅拖羅特色種類<生火腿握壽司>好似煙肉咁<蟹膏軍艦>中意膏嘅朋友就會中意佢嘅鮮味<北海道漬鯡魚

壽司郎早前進駐香港，而家已經有四間分店，但要一嚐正宗日本迴轉壽司嘅滋味真係唔容易。最近因應疫情，佢哋推出咗外賣套餐，就打算買外賣啦！不過第一日都唔成功，因為電話落單都話要等兩個半鐘，但我有鍥而不捨嘅精神，第二日有策略地落單，所以終於可以試到！晚上8:30到達，不過店內都大概有八個食客喺度等緊外賣，好彩等大概10分鐘就可以快快樂樂回家去。首先我點咗一份A餐一人前，全部都係店內最人氣嘅款式，包括有油甘魚、魷魚、厚切三文魚、日本產帆立貝、赤蝦、特選中吞拿魚腩、極上鰻魚、蔥花吞拿魚軍艦，共八件，另外仲付上酸薑片，每件壽司都好新鮮，而且魚塊比一般出面食到嘅特別大件，呢個價錢食到呢個質素，真係好超值！另外就係福袋set，見到佢社交平台介紹話入面嘅款式係每一日同埋每間分店都唔一樣，真係好期待😆開頭見到佢話外賣福袋只限每晚六點後供應外賣自取，仲以為係賣剩蔗之類，返到屋企一打開，真心覺得抵到不得了👏🏼👏🏼首先$135有14件壽司，即係平均唔使$10件，而且其中兩件仲係極大北海道產帆立貝同超靚入口即溶嘅拖羅，真係一路食一路心心眼😍！呢間壽司郎真係聞名不如見面，難怪咁多食神一直追捧，店內真係一位難求，希望佢

呢間過江龍開左咁耐，都book唔到位，反正要清假，突登請日AL睇下咩料子先。book就book左兩個月，仲要約到2:45先有位。 原來預約仲要唔保證你呢個時間一定有位俾到你，所以預約既意義似乎唔大！冇諗過預約兩個月，限時食得一個鐘咁多，所以一坐埋位我地好似飢荒兒童咁瘋狂叫野食。推介：油甘魚，碟魚，蝦，藍鰭，魚類我覺得食落比較印象深刻，入口即溶既感覺真係好正唔推介：中吞拿，蟹膏，同牛肉咩和牛個啲。中吞拿好多筋，可能係得唔好彩。蟹膏有啲腥，似爭x。牛肉似打邊爐未熟既牛，味好乾，似生肉乾壽司。甜品咁岩買一送一，以為好伏，食落去似雪糕，上面加左焦糖，士多啤梨都唔算甜！店員推薦咖啡味，話其實用cream打出黎，唔係雪糕黎老老實實，排3個鐘先食到既話就真係不了，所以我都係隨緣每日㩒下apps算不過抵食既！

咁壽司郎開咗咁耐，終於有時間去食。之前喺台灣都食過一次壽司郎，所以香港開咗都上嚟食下。咁我係喺星期三嗰日去食嘅，咁我聽我啲朋友講就話佐敦呢間店會係排得最快，咁咁我哋就大概12:30左右去等位，咁就1:30左右入座。之前我排過荔枝角一次，但等咗成差唔多兩個鐘都未到我，所以相對上佐敦店真係會快啲。咁我都係大概食飯喺台灣嗰陣時食嗰啲啦，其實味道都係差唔多嘅之後價錢相距就貴少少，同埋等位又耐少少。咁就講返我覺得佐敦店可以推介嘅嘢食啦，咁我就試咗兩樣野我覺得一定要食嘅，第一個就係茶碗蒸，因為個茶碗蒸好足料，同埋好夠味而且唔會太咸。咁第二樣嘢就係佢嗰個三款蝦嘅壽司，一嚟佢價錢好平$17，但係都係好鮮。咁其他嘅壽司不過不失啦普遍上都係好食嘅，咁我哋嗰日兩個人就食咗大概$500左右，識咗大概係20幾碟左右，唔算太貴因為我哋都係食啲比較貴少少嘅嘢。