壽司郎 (已結業)

去日本食過壽司郎，覺得好抵食，所以呢就想去香港店體驗一下！之前試過喺一點到去排隊，要等成200張枱，最後梗係無等到啦放棄左。今次十一點九左右去拎位，都要等成100張枱，但係好彩都去得好快，等咗大概九個字終於都有得坐低😂當時太餓啦，食食吓食咗21碟😂而且覺得價錢真係平，然後佢嘅質素都覺得唔錯所以呢就不斷不斷咁食！特別近排少食日本野，覺得好yummy! 特別好食既有：吞拿魚同赤蝦！價錢平食多幾碟都唔會覺得太奢侈！ 當日既海膽好麻麻，可以skip!我建議大家可以早啲去等位，越早去就越快有位！

排隊排左接近1.5小時，終於可以嘗試到過江龍寿司朗，一坐低即時試下佢地既新推廣，國產烤牛肉配海膽$27（呢件野唔講得笑，真係食完唔會再想食，牛肉超鞋~海膽係苦既😅）中伏係列，第2件（海鰻天婦羅），天婦羅炸得都幾好$12，呢件就合格喇!不過全餐都係得呢樣野叫滿意，其他寿司料其實全部都係細size,好似去左超市買寿司咁味道及新鮮都係普通貨式，最唔開心既係食左碗拉麵入面仲要有發泡膠粒😖，好在佢地有換另一碗俾我，不過都已經唔想再食，2個人lunch食左$302，都唔算好平,排隊時間長，食品都冇咩特別。其實真係唔會再黎囉。

壽司郎已開業了一段時間, 但依然係需要排長龍等位食. 所以如果唔想排隊就唯有用佢地既apps網上book位, 去到等約10分鐘便可入坐. 壽司送到你面前既速度極快. 這邊廂一點完order, 唔駛3~5 mins 便送到. 特別推介大吞拿魚腩 ($27/碟, 每碟一件), 色澤新鮮, 入口即溶, 算厚切厚身. 以呢個價錢黎講絕對抵食. 其他的壽司刺身亦相當抵食又新鮮😎 ❤店舖 : 壽司郎]💙地址 : 九龍彌敦道348號彌敦坊UG樓

人氣抵食日本壽司🍣第二次食以前比較好，可以用app拎飛；以家個app可以訂位，但攞吾到即日飛等左2個鐘先食到😣😣😣😣不過，壽司依然新鮮 好食😋不過如果可以吾洗等甘耐會更好😆😆😆

同阿妹兩個人食最後飽死但都仲有好多款壽司未食 太誇張每一分都好足料 價錢多數都係十幾蚊 好抵食最令我驚艷嘅 係朱古力芭菲 完全無唸過壽司店嘅甜品可以咁好食 以後每次光襯都要食一次🥰期待下次再試其他款

小弟之前係好多社交網站都見到呢間餐廳既報導，亦都話好難訂位。雖然係日本有見過但就未食過。早一個月前見到手機有得訂呢一日即刻訂左去到間餐廳即刻有日本迴轉壽司店既feel！去到入番你既訂位number就可以入座！留意番，用餐時間只有1個鐘～$12，滿滿既呑拿魚蓉，好正呢個價錢可以食到兩舊赤貝真係唔多！仲要塊赤貝機乎遮哂舊壽司飯$12 呑拿魚腩！壽司飯仲係微暖架見到呢款壽司即刻諗起以前x鮮$3舊！呢個不過不失啦。。。油甘魚好正好肥美，入口即溶！推薦！甜蝦都係正正常常啦～呢個海膽有d失望海膽既口感反而係有咬口，好奇怪。。。不過咁既價錢都唔可以要求太高雖然呢間餐廳係平價迴轉壽司店，但質素都唔差。仲有其他麵食同炸物都好吸引，不過因為小弟只能訂到4:30既枱(又唔想walk in等位)，所以真係食得唔多。唯有下次再黎食過

早幾星期前好好彩，係app預約到星期日下午時間食到壽司郎，預約左4:30去到太多人都要等一陣先入到去食，今次已經係我第三次去食喇🥰🥰🥰佢地嘅海膽壽司同拖羅壽司都係我的至愛，今次試左佢新出嘅牛肉海膽壽司，我自己覺得牛肉一般，牛肉蓋咗海膽味比較失色，其實樣樣壽司都好新鮮，可能人流多d貨去得快，所以樣樣都好好食，不過限時60分鐘食得比較趕。每次去都好期待儲夠印花換公仔，實在太多人等位，好難先食到👉🏻👈🏻

想食再很耐的🍣終於去排下隊啦朋友在1600 拎飛 - 622 這時叫飛3XX 我們出左去行街 約5 時多回去 等了 等了1820 終於有位啦店員服務態度超好首先會同我地講 你地位置係幾多號檯再帶位入去 再介紹番點樣落Order ,餐具 ，等等 整體上都幾好味 好抵食的拖羅 $27 一件我最鍾意食 香蔥碎吞拿魚🍣

I have made my reservation two years ago expecting a decent sushi quality, yet it was actually a horrible one. The waygu & uni was dry, salty, and flavorless. The chutoro was not defrosted well and broken. The batter in their fried (agemono) was too sweet. And the pickled ginger has an artificial sweetness. From top to bottom after waiting for two months, it’s definitely a poor one for the price.

老實講平時去開元氣食壽司，但近來真係唔想幫襯佢，所以要發掘下另外一間壽司店先得! 搵咗平日嘅Tea Time嚟試吓，諗住少啲人唔使排隊，點知原來一樣都係排晒長龍，都等左差不多成個鐘先可以入座，可以即場攞位或者用個app攞位，下次用個app攞位可能會快啲!! 整體來講呢度嘅壽司都幾好食，價錢分$12, $17, $22....都幾抵食，食材幾新鮮，壽司飯都係我鍾意嘅味道，赤海蝦幾大隻，炸芝士有拉絲，三文魚都幾鮮甜肥美，絕對願意再返嚟食，希望佢快啲喺香港開多幾間分店!!

近排FB有介紹11月份有期間限定壽司，不過成日好多人排隊放假晨早起咗身，不如早啲去試吓，差唔多10:55到，去到先攞飛，攞咗16號飛企埋一邊等，11:00開始叫number，所以好快就可以入座店員比咗個號碼牌我，跟住帶我入座再問我有冇嚟食過，跟住逐一講解，用ipad點餐嘅會喺上行輸送帶送到，下面輸送帶就係迴轉壽司自己攞嘅，同埋有放透明膠蓋嘅位置及Wasabi，最上層有杯同豉油碟，用餐時間一個鐘，結賬按ipad就有同事幫你。我鍾意佢裝綠茶粉個樽嘅設計，好似牙籤筒咁大個窿chok 啲綠茶粉感覺衛生啲酸薑就夠酸不過唔夠爽叫嘢食先，原來一次只係可以叫四款，食物到時ipad會提示你攞輸送帶你點嘅食物赤蝦好新鮮又大隻鯛魚又幾好味喎真係忍唔住要食多兩件赤蝦海膽做完美句號。飽哂未試過咁早食壽司，覺得自己為咗朝聖有啲誇張餐廳有告示~客人自己分返不同顏色嘅碟叠起，放喺靠邊嘅位置，方便店員數碟數，先按ipad結賬，店員隨即行到旁邊問係咪結賬，跟著就數碟數會當面同你講紅色幾多碟、銀色幾多碟、金色幾多碟，如果啱嘅話攞返號碟牌到收銀處付款就得㗎啦仲可以儲印花換公仔𠻹

壽司郎登陸香港率先試下日本登陸既壽司郎🍣🔖提提大家如果想食又吾想等 記得down返佢個app預先訂位 不過已經full到十二月我就係walk in 預等個半小時 拎左飛可以去附近行住等 亦都可以打電話去問到邊張枱必食👉🏻醬烤特選中拖羅壽司 💰$27入口既溶有油香卷物不錯不失 CP值高❤️抵食迴轉壽司 質素不錯新鮮如果吾再排隊必會回頭👍🏻👍🏻💰$160/ppl

這間由日本來港的人氣壽司店最為出名的是他們每時每分每秒都在大排長龍不管你有多早去到店舖取票(其實可下載他們的app預約但亦經常沒票可取)都一定會看到.........人頭湧湧!今天十二點取票....一直到兩點半才入座有卡座亦有吧檯...我們二人坐吧檯絕對值得一讚的是吧檯位置很闊落而且有小木板相隔鄰座不認識的食客有空間亦有私隱可選迴轉帶上的壽司亦可自己用平板自選然後就由上方的私家輸送帶送到你坐位面前壽司種類挺多的而且不要以為12蚊碟份量就很少它們的食材比例正常而且重要的是食我出真正新鮮即場製作炸物更加是入口仍舊溫熱的用餐時間60分鐘到了便會在平板上顯示提醒此店雁是值得再來不過就要有心理準備要等兩個半小時先取票然後看場電影吧

屋企人一早拎咗籌，差唔多到就叫我地全家落嚟。以前喺福岡食過一次，都要等半個鐘，喺香港就等咗大概個幾鐘，一樣咁好味呀！食咗一座山咁高嘅壽司，餐廳限時1小時，嗌左你既籌號，最遲半個鐘內要嚟到。購花之戀壽司整得好靚，三文魚嘅油脂都好豐富，呢個係嗌嘅，廚房整得好快。穴子壽司，燒得好好味。大吞拿魚腩，依個真係好抵食，$25，質素都唔錯，冇乜嘢筋。油甘魚壽司好味，好香。赤貝壽司好新鮮，10分彈牙鮮甜。反而拉麵麻麻哋，好重味精味，好咸。依度嘅海膽真係麻麻地，呼籲大家唔好試，始終一分錢一分貨。依個吞拿魚腩加啲沙律醬，用紫菜包住都好好味。甜品都唔差嘅，可以一試。

我們是9:30pm左右到的但也要排隊，太磨人了.食物款式多，可以自己點祖拿轉盤上的.質量還好，價錢多數是$12-$27左右，老實說也沒有很便宜，我們2人食都要$300結帳。.環境和服務不錯，坐得很舒服的，但last order 10:30pm有點太早。