壽司郎 (已結業)

今日終於來到壽司郎，之前都嚟食過，真係太好太抵食。上次我用個apps訂位，今次同幾個好朋友突然之間呢，好想食呢間心頭好。 所以我哋幾個呢有咗呢排隊啦。不過我都算好彩唔係等咗好耐九個字到就可以入去坐低。入到去真係好開心終於可以要嚟食。 嗌咗勁多嘢食，啲質素呢完全冇變差啦，完全保持到日本嘅水準。 大食嘅我梗係瘋狂呀勁多嘢食 。三文魚，吞拿魚同埋海膽等等。 我仲叫咗好多雜物例如係炸薯餅炸薯條等等。 當然唔少得食埋佢啲甜品呀，又有雪糕又有蛋糕 。 我哋幾個女仔嘻嘻哈哈咁就到過咗一個好愉快嘅下午啦。

個題目says it all! 原來壽司可以咁抵食而且咁好味架！一個月我已經食左第三次，等了又等都要係咁食壽司郎！ 唔講咁多，種點推介：＃ 池魚壽司# ***** ***** 10/10好香魚味！！！！我唔知仲可以講啲乜。吖，好抵食！＃鰻魚卷 ＃ ***** ***** 10/10好肥美！唔只係肥鰻魚，仲要係超好食！＃魷魚天婦羅壽司 ＃ 9.5/10好正.... 好大塊魷魚天婦羅，好滿足。＃三文魚壽司 ＃ ***** **** 9/10我戒左三文魚好耐，但壽司郎既三文魚令我破戒。其他ok但未至於超好味而又有影相既有：＃ 拉面 ＃ ***** ** 7/10無乜特別。＃ 北寄背壽司 ＃ ***** ** 7/10好得意個樣，但細隻左啲。＃帆立貝壽司 ＃ ***** ** 7/10個肉質比較軟身，欠咬口。＃蟹柳天婦羅 ＃ ***** ** 7/10啲蟹柳太軟身。2個人埋單啱啱好食左400蚊野，其實仲有食左超多碟，但掛住食無影相，下次再share!

開咗一段時間終於食到啦經apps book位,大概2個月時間先book到6:45-7:00pm嘅晚飯時段Apps內好多時間都係得3-5pm好難就到去食，又唔想wall in等位當日早咗booking時間10分鐘報到6:35pm已經人山人海...連walk in都截飛好彩一早book咗...等咗15分鐘左右就有位入到去好開心有卡位坐😌方便影相旁邊有部機可以自行落單，經類似列車形式送到位上...好方便唔洗員工又可以自助斟茶同調味料...又可以係迴旋帶自己拎壽司...2個人一齊食咗20碟壽司1碗面1份炸薯已經好足夠好飽...壽司都好新鮮份量充足...以平價壽司嚟比，性價比高埋單共$380...好抵...可以再encore!!

日本平價迴轉壽司#壽司郎 8月喺佐敦開左第一間分店 但小編到12月先有機會食到 因為基本上一個月內都係full booking 起碼一個月前已經要喺佢個app到預約 誇張到...😧不過黎緊喺黃埔同荔枝角會陸續開多兩間分店 到時應該可以分減啲人流既👹---------------------------入座之後 店員會講解一次用餐模式同埋餐具擺放位置 店員會踎低講野以表尊重同禮貌👍🏻壽司分4只顏色碟價錢 最平$12一碟 最貴$27 當然仲有其他小食、熱食同甜品 最貴都只係$32既拉麵🍜.#壽喜燒牛排 $12牛排其實係薄切牛肉 牛肉味重 比想像中有咬口 醃得入味 $12夠哂抵食#醬烤鰈魚鰭邊 $12（一件）鰈魚呢個名都係第一次聽 爽爽地幾好食 個醬汁幾惹味 最特別系魚下面有塊紫蘇 一入口好大浸紫蘇香湧出黎 但就蓋過左鰈魚既味道#精選海膽 $27 呢個系期間限定既 紫菜喺飯底下但仲意想不到地好脆 海膽亦都有回甘 算唔錯#蝦三味 $17$17有3件壽司好抵！有赤蝦、熟蝦、甜蝦 赤蝦肉質爽口且厚肉 甜蝦都幾鮮甜 熟蝦朋友食左🤣#特選中吞拿魚腩 $17 （一件）中拖羅既顏色幾靚 粉紅中帶明顯紋路

壽司郎 #佐敦呢間日本過江龍嘅壽司店開業一段時間依然咁長人龍，特登五點幾嚟到攞飛，七點幾終於有得食，不過食物種類的確幾多，而且幾抵食，同元氣價位相似，不過唔係美心旗下，咁梗係支持呢間啦！嚟緊仲會喺黃埔荔枝角開分店，相信可以唔使排咁長人龍，更多人食得到。當日兩個人食咗$500(連加一)，飽到上心口！難以逐一介紹，而且每樣味道都不俗，唯有重點推介幾款！特別推介佢嘅天婦羅，隻炸粉本身個味好好，口感非常香脆！另外佢嘅個炙燒三文魚田樂味增握壽司係咁多款三文魚裏面最好食！甜甜地，大力推介！除咗壽司之外，仲試咗個蝦味雲吞拉麵、抹茶蕨餅芭菲平平哋都幾好味！講真如果遲啲唔使排咁耐隊嘅話，真係可以間唔中就嚟食一次。味道:4.4/5性價比:4.2/5

這家日本壽司店從開業起已經人流滿滿，很多時候想利用不同途徑預定座位都會發現爆滿的情況，就算是walk-in也大機會籌很快已經派光，可說是座位難求。排除萬難終於可以一試大眾好評又抵食既迴轉壽司。老老實實，看到很多評論希望以這個便宜價錢得到e.g.廚師發辦的質素，如果對壽司有同樣的要求，還是笑笑換間餐廳吧。基本有5種顏色，不同價錢的碟，分別是最便宜的$12，然後是$17、$22、$27用平板點餐還可以體驗下食物怎從輸送帶運過來，熱食像麵條、天婦羅之類的都要這樣點的。我覺得壽司的款式雖然不少，但其中很多常見的"基本款"都佔了多數。其實價錢又不貴，見到新奇的可以先試試再說。倒是覺得甜品方面比較有心思，芭菲之外沒想到還有新寵。卡達拉娜 ♥♥♥♥♥ 還特地網上查一下這是什麼才點，除了表面的脆焦糖，其他部份就像會融化的雪糕x芝士蛋糕，不過因為味道濃郁，太飽再食整件會有點膩。最後收銀檯後面可以看到各式的壽司款吉祥物，據說是找數之後存點數可以換的~

我之前經APP預約左一個月後嘅下午茶時間去食，點知個日個仔要面試所以食唔到。今次終於食到啦，我同老公walk in 去，半日下午２點都好多人呀，比較多年輕人黎食。好彩有位座下唔駛齋企，等左半小時後終於入坐。侍應簡單介紹後我地就開動了。見到好多指示一目了然醬油都有３種選擇我食個隻係柚子醬油，好清新，可以帶到海鮮鮮味。首先我地係面前個顯示屏落order，叫左2碟特選大吞拿魚腩（＄２７，得一件）真係好肥美，冇乜筋，好食。極上鰻魚＄２２價錢比較貴，但佢係厚切嘅，所以食到好飽滿赤貝＄１７三文魚＄１２池魚＄１２　（有２件嫁我食左一件先記得影）三文魚腩配三文魚子＄１７　（一件）左：油甘魚（＄１７）；　右：芥末章魚軍艦（＄１２）赤蝦＄１２　（得一件）特選中吞拿魚腩＄１７　（得一件）有筋，但都ＯＫ我地一半係迴轉拎，一半係顯示屏落order，其實迴轉嘅壽司好多都好齊全，所以我覺得幾岩Ｄ老人家去。你地知啦，香港Ｘ氣係用手機APP，我媽佢唔識用手機落單，老花又睇唔清餐牌攪到唔敢叫野食，所以有迴轉嘅幾岩佢地食。我地２個人食左２百幾蚊左右，好滿意，侍應都好有禮貌。我覺得食品質素係好過Ｘ氣個Ｄ，但係太多人排隊啦，經

今日黎到呢間大名鼎鼎既壽司郎book左兩個月先等到今日 好期待門口勁多人 好在有訂咋限時60分鐘都夠既 一坐低 瘋狂叫黎得好快 迴轉都好多花款推介：三文魚壽司 🍣芝士燒三文魚壽司炸蝦天婦羅手握吞拿魚卷吞拿魚拖羅心太軟甜蝦壽司蟹膏壽司 （ 蟹膏唔會太咸 十分之好）不推介： 手握一口海膽卷 唔係太新鮮 小小淡味同苦味 $17 算係咁既 好大舊 總括而言 性價比好高 正爆

今次嚟壽司郎我食嘢係超級期待，因為其實我喺日本福岡食過一次，水準非常之高，而且食物種類好多嘢揀，價錢仲好親民。今次係香港開分店。 當要去試一試。 我早就下載咗佢個apps,係個度登記book位。 都要成1個月先有位。 其實可以walk in 去攞位，但係我又唔想麻煩所以一早約咗先。。兩點幾去到果然好多人喺出面排隊。入到去食嘢個環境都好乾淨好靚，。而且佢用ipad點餐同日本一模一樣。嘢食種類都好多。有炸物，甜品，壽司，仲有好多喺香港好少見嘅種類。 。價錢都好親民一啲都唔貴。值得一試，值得一試。讚

好耐無食迴轉壽司，好期待！！睇落係好僕實嘅日本迴轉壽司店，座位分隔好好，每枱都有自己空間，坐得舒服。壽司方面，吞拿魚同埋三文魚壽司都好新鮮👍🏻，仲要係厚切，好過連鎖個啲好多！茶碗蒸就普普通通，蛋都夠滑，但高湯不夠濃。但可惜平日下午茶時段都要排成個鐘

沒有誇張，我真的在兩個月前經壽司郎的app訂檯。足足兩個月後，終於有機會來試了！根據預約時間大約中午十二點到達，門外已經有大量客人在等候。經app訂檯的客人到達後要先簽到，由於我不太清楚簽到怎麼做，就請教店舖職員，原來就在取飛的同一屏幕上，輸入訂檯號碼就完成簽到手續，十分方便。還在簽到時，一位帶著女兒來食壽司的媽媽以為我再輸入電話號碼登記取飛，我解釋說我是在兩個月前訂檯的，今天來食，她的樣子十分驚訝。當我在教她可以下載app來訂位不用在餐廳外慢慢等時，店員已經叫我的號碼了，由簽到至入座時間還不到一分鐘，大約半分鐘多一點，根本不用等。叫號的店員給我一塊膠牌，上面印上檯號和過去的路線，同時另一位店員也會帶領我。坐下後，簡單介紹基本設施，就可以開動了！朋友剛見到有日本產帆立貝，一碟兩件，就拿了一碟大家食。我平時對帶子刺身興趣不大，這件帶子卻令我另眼相看。帶子味道鮮甜，肉質十分軟滑，有些厚度的帶子令口感更豐富，好食來壽司郎怎麼可以不吃吞拿魚呢？我決定先由最基本的開始食。吞拿魚有淡淡的魚味，沒有很出色但不會差，以紅碟價錢$12食到兩件吞拿魚壽司，是超值的了。其實食這碟吞拿魚之前，我也食了藍鰭吞拿

🍣朝聖系列X平民高質壽司🤭▫️餐廳：壽司郎 Sushiro▫️地點：全香港有2間分店📍佐敦彌敦道348號彌敦坊UG樓（港鐵佐敦站 B1 出口, 步行約3分鐘）▫️營業時間：星期一至日11:00 - 23:00▫️價錢：$60+—美味：🍣🍣🍣🍣環境：🍣🍣🍣 🍣（超多人，walk in 預45分鐘📍最好早D 同apps拎位）價錢：🍣🍣🍣+0.5🍣—👧🏻👦🏻最鐘意食壽司🍣香港唔同既日本餐廳都會食🤗之前都介紹過幾間，不過好食就貴，平就唔好食😫食間一次滿足晒你兩個要求🤩🤩平平地但高質，有日本🇯🇵既質素♥️♥️～📍炙燒羅勒三文魚/炙燒芝士三文魚（$12-2件）兩款三文魚都好好食，同上面既芝士/配料好夾🤩平時係其他壽司店都要$9+一件🤨🤨依到好抵食～📍特大虎蝦天婦羅🍤卷（$27-3件）係有甜蛋同特大虎蝦既卷物，一啖放唔晒一舊入口😋係幾大舊而且炸得好食🍤🍤～📍特選大吞拿魚腩（$27-1件）睇到圖一都知有幾大條🤩而且賣相好吸引，鐘意食吞拿魚腩既你會覺得有入口即溶既感覺～其他壽司都好好食唔一一介紹😬有興趣就DM問🤩～

我覺得要平有貴的，要視乎你選擇好似$22一個布甸，就不是太抵了南瓜天婦羅 $12有4塊就正了.儲印仔滿3個，就有一個公仔送好得意呀！.不過要好晚才有得食（walk-in)Booking 去到下年1月

話說我同事話呢間迴轉壽司過江龍好出名，於是提早咗book枱，試一試佢。book枱System好完善，可以起個kiosk到報到。員工服務質素好，環境好，餐具望落普通乾淨。食物味道都OK。而且好多選擇。點餐機設施新，容易操控。上菜速度快。第一次食火車迴旋壽司，感覺幾過癮。但。。。食物唔乾淨。。。搞到我肚痛左全日，去睇醫生腸胃炎。應該係啲魚生唔乾淨。我平時都好鍾意食日本野，第一次食到肚痾！大家真係要諗清諗楚夠唔夠膽去食！

特登提早兩個月book，滿心期待，終於可以食啦！因為之前已經喺台灣試過，一直都好想再食，知道喺香港開咗之後walk in一定排唔到，好彩你download左個app之後可以喺網上訂位，雖然已經訂多兩個月之後原來間分店其實都幾多位嘅，佢安排左我哋坐一個四人卡位，坐得都好舒服。咁樣點餐呢就係用返iPad點餐，自助形式10分方便。我哋一坐低就立即點左一輪野，全部都好好味，仲feel到啲壽司飯係暖既，好似三文魚真係幾好，炙燒壽司完全做到入口即溶，正呀咁大個海膽包都只不過係20幾蚊咋，去邊度搵呀？好感動終於有新嘅壽司店可以選擇，性價比又高最後想特別講下佢嘅甜品，我哋嗌左一個類似焦糖布甸嘅物體，上枱時見佢個樣就以為係焦糖布甸啦，點知佢係好晏好凍嘅。上面嗰層焦糖好脆，口感好特別，原來雪凍左嘅焦糖布丁係咁好食㗎最後我哋嗌多咗一個朱古力芭菲，都好有驚喜呀除咗上層有水果同埋朱古力布朗尼之外中間夾心層都有粟米片同埋其他配料，一啲都唔馬虎啊！食完一次已經要繼續去book下一次啦