壽司郎 (已結業)

今次係第二次食壽司郎，早係一個月前已經book定，等到今日終於有得食。壽司郎絕對係平靚正，絕對啱晒市民大眾基本上所有卷物我都試過晒，因為實在太好食啦! 三文魚牛油果卷、炸蝦牛油果卷、鮮蝦牛油果卷、鰻魚卷等等，食落去內脆又有香濃嘅牛油果味，配合得天衣無縫，呢啲絕對真心要推介比大家，食過返尋味。刺身方面，我都食咗好多件三文魚、鮮蝦、元貝、北寄貝、吞拿魚等等，每碟都好大塊，選材又新鮮，真心平靚正我仲試埋佢個牛肉烏冬，雖然唔係話十分出色，但都不過不失水準之內。最後我仲試咗個綠茶巴菲，幾層不同配料搭配綠茶香味，好食到暈，幾個女仔share食最好不過。

好開心喺2019完結之前可以試到壽司郎😭 book咗兩個月終於食到，佢冇令我失望，我已經book定二月嘅位😂基本上所有生嘅壽司質素平均都幾高🤩 但係熟嘅就差啲，好似天婦羅咁就麻麻哋，好似冧左咁😕 我強烈推薦鍾意食魚生嘅朋友嚟食，你會食到捧住個肚走😉 但係你唔食魚生嘅，就冇咩可以揀，你會覺得失望😟佢每個月都會出一啲限定款，當中最驚喜亦都列入咗我嘅特別推薦排名嘅就係厚切長鰭腩肉😍 佢幾厚肉，差唔多有成1cm！魚油香超重，令人回味無窮🤤 雖然佢嘅肉質有少少筋，但係我覺得$12絕對抵食🤪 相反，雪花和牛就令我失望，佢嘅牛味唔係好重，可能切得好薄，個樣睇落有啲似ham $27唔值得試🤣質素高嘅壽司包括特選大吞拿魚腩、真鯛、帆立貝、鰈魚鰭邊💕 食材好新鮮，食落仲食到鮮甜味，好幸福嘅感覺，開心到要跳舞🥰 鰈魚鰭邊燒過好好食，平時都會嗌，但係呢度嘅做法特別啲，加咗塊有梅味嘅紫蘇葉，一齊食真係冇咁油膩😋特別推薦：▫️厚切長鰭腩肉$12 (12月限定)▪️特選大吞拿魚腩 $27▫️日本真鯛 $22▪️日本產帆立貝 $17▫️鰈魚鰭邊 $12

條龍好長，我拎完飛出左去行左個半鐘，返黎喏喏好有位。基本上全自助，店員會問係咪第一次去同講解點落餐，wasabi係邊個啲，唔記得左既話枱面都有個牌說明啲野放左係邊。我主要食左吞拿魚系列。大拖羅$27，中拖羅$17。坦白講呢間唔時都食到有筯既，但係咁既價錢我又覺得ok，同埋都食到吞拿魚油脂🤤食左件$12厚切鯛魚，堅係厚，雖然有筯😂又食左件炙燒鯛魚邊，食落有啲油脂bit出黎，係好味既。伏左一件$27肥牛壽司...唔好味，食多件拖羅好過。迴轉帶上壽司唔算多，但ok la我都鍾意用pad落order，感覺衛生啲lol成間店好日式，自己一個食都好舒服。埋單百幾蚊，如果好肚餓就唔建議，始終要等。但有時間就可以食啦，情價比good!

餐廳名：壽司郎。過江龍搬過來的香港主打迴轉壽司。體驗：排隊三小時，用餐一小時。迴轉體驗：直接拐彎的路軌送到面前。卡位坐低就開始計算時間。而且送到自己的座位前，起身就可以自取壽司，方便領取的還有醬油之類。桌面上會有甜醬油提供，給不同體驗口味的人多一些口感。|生火腿卷^嫩滑薄切，裡面的卷飯溫熱，青瓜也很脆。總體感覺：的確係好似去左的感覺。推薦：勁食吞拿魚！真的推薦吞拿魚，很多人都知道吞拿魚是不會比三文遜色的。如果排隊不是這麼長時間，相信我還會再來。應該是對於香港剛剛開始的分店，大多數捧場而已。

5點鐘拎票..排到9點先有得入去食！用左足足4個鐘先食到呢間日本過江龍！一心想試下呢間野有幾好食！點知一試就真係大失所望！總數食左20碟缺點：1. D飯好硬（每一碟都係）2. 三文魚冇味3. 吞拿魚好腥（叫左最貴個碟大吞但超多根）得3樣野好食：1. 南瓜天婦羅2. 蒸蛋3. 同厚切長鰭魚壽司

10月的時候剛好看到12月26日下午仍有位，便用apps訂了兩個座位，沒想到在香港吃日本一間平價壽司需要早兩個月訂，大概待壽司加開分店後，人流可以疏通一下吧!我們點了四碟中拖羅，都是用平板電腦點，每四碟就必須下單，應該是為了加快顧客用餐進度，不竟我們只有六十分鐘的用餐時間。以這個價錢，我認為質素是不錯的，令我驚訝的是，連普通拖羅的質素也很高。之後我們再點了大拖羅，可以看到比中拖羅更多油脂，但就切的厚度比較薄。說到最滿意的食物就是茶碗蒸，我每次到壽司店都會叫這個。雖然簡單，但不是每一家都做得好吃，但在這間壽司郎竟然可以吃到類近日本壽司店煮的味道。味道很鮮味，而且裏面有這麼大的帆立貝、蝦、煎過的雞肉和魚糕。因為太好吃，我們每個人都點了兩碗的茶碗蒸。

貴為日本人氣no.1迴轉壽司，佢地嘅賣點係價格親民，大部份壽司$12就有交易，最貴都唔超過$27，每月期間限定都有唔少正野（例如開張期間$12一件大拖羅），壽司款式有接近100款可以選擇，除左壽司我覺得佢地嘅炸物同甜品都做得幾好，價錢亦唔算貴。．另外值得一讚嘅係，無論吧枱或卡位，佢地座位與座位嘅空間感非常足夠，當日我其實係1個人去食，但都照俾4人卡位我（當時好多人排隊），坐得非常舒服，目測吧枱位都好闊落，每2個位之間都有大木板隔開，最後埋單價錢同x氣壽司相若，但壽司質素、服務同舒適度都比後者優勝，據聞佢地即將係黃埔同長沙灣開分店，到時大家又多個選擇🤗🤗·P.S.1️⃣:記得download app拎飛P.S.2️⃣：其實都有件壽司係伏，鰻魚+Camembert cheese呢個組合唔多掂

都唔知第幾次的壽司郎...真心會上癮....會再寫都係因為要寫佢係KEEP到水準...咁多次黎都係一樣!!!好多餐廳都係....一開始就好好食...慢慢水準會愈來愈下降..到最後係世上消失...作為一間日資餐廳，希望壽司郎可以保持!!香港人真係好需要你.....赤蝦赤蝦赤蝦赤蝦!!!都係赤蝦!!但記得....海膽係伏......千析唔好食...三文魚子都小伏..可以不吃...希望佢可以快的係香港開多的分店...同埋最緊要係做外賣.....

壽司郎呢間野由佢係香港開分店開始，就一直都好想試，可惜一直都未有機會去食，今日終於的起心肝😝一去到都見到幾多人排隊，等左一個鐘左右。雖然等得耐，但都覺得物超所值！！！野食質素幾好，價錢又抵，2個人明明食左勁多野，埋單都只係300幾蚊👍🏻

壽司郎由開張到而家都超級大排長龍！！！不過好味又高質嘅壽司當然大家都想食啦~~ 如果上網Apps訂位嘅話 真係要等幾個月啦！！今次我選擇排隊等位~~~排咗兩個鐘終於入到去啦~~~~感動！不得了不得了！！真係超級高質啊~價錢又唔貴喎~~難怪一直咁多人等位。。。值得架哈哈哈😄

在香港，現在想吃迴轉壽司有不錯的選擇囉！不過這間由日本來的平價壽司店要食何不是那麼容易 ... 我是利用手機APP預約訂座~但都只能訂到差不多2個月後的時間用餐當日來到店要先進行簽到，然後等叫號碼便可因為等後的客人實在太多了吧!? 用餐時間只有1小時入座前，店員會給您號碼牌，結帳的時候帶著這牌子出去就會知道是哪張桌子要結帳囉豉油碟、杯子都在迴轉帶上一層~包裝的Wasabi要等迴轉帶轉到來時才有醬油在桌子上～旁邊還有一個柚子醋，我覺得用來配油脂豐富的壽司來吃不錯也有酸薑，不過我覺得頗酸的～所以一般。茶是自己落綠茶粉+熱水其實有$17任飲，但有於用餐時間只有1小時~加了也不化算?我們除了可以在迴轉帶拿壽司外，也可以用平板直接下單有配圖，可以看到價錢和件數。不過每次只可以落四個Item當點好的東西要送來時，平板會有提示。基本上應該是沒有店員會送餐 ...因為點過湯拉麵和芭菲都是經高速輸送帶送到我們的座位還可以利用平板查一下訂單記錄，看看有什麼已經送來 (沒漏單的情況)壽司碟的顏色有四種，由$12 - $27 ～而且還頗多的都是紅色碟($12)！！黑色碟大都是期間限定，可能我去的是月尾? 有很

壽司郎已經喺香港開咗一段時間，但係到而家都係好多人排隊。 趁今日閒日放假 喺啲非熱門時間試下先。 嘩！ 兩點幾去到已經好多人喺reception度排隊，拿拿林攞張飛先！ 我覺得呢度個排隊設計幾好， 可以喺上網睇到排隊嘅情況， 到你號碼嗰陣 只要你喺30分鐘內返返去舖頭，張飛依然有效 。呢度嘅服務都幾好㗎，侍應都有禮又會留意客人需要。一坐低就會有職員問你之前食過未，然後就會教你點樣去落單。 呢度都係用平板電腦去落單既，然後食物就會喺個迴轉帶度送過嚟。我今日嗌咗幾款壽司， 全部都好好食呀！ 大部分都望到佢有種光澤好似好新鮮， 價錢仲非常之實惠呀 ！咁樣嘅質素真係完全收貨中吞拿魚腩壽司 $17 好甘香 都係＄17一件 一碟三款蝦嘅壽司都係＄17另外炸物都唔錯㗎我叫咗天婦羅蟹柳壽司同埋天婦羅南瓜，都唔會太油， 尤其個蟹柳都幾粗身啖啖肉味道幾好。其實仲想嗌多啲嘢食㗎仲有甜品都未試過可惜已經太飽喇如果佢唔係成日要排隊排咁耐 ，我真係想成日都嚟食㗎， 真係難怪佢咁多人排

近期非常火熱的人氣過江龍壽司郎, 聞說要排隊輪候2小時才安排入座, 令我不禁好奇去試一試究竟他有什麼魅力可以令人排隊也去吃呢??剛好在附近工作, 11:50直接過去, 沒有預約取票也不需要排隊, 算是幸運嗎??店員說限時一小時的用餐時間, 就直接帶我入座點了幾款人氣之選, 大拖羅, 中拖羅, 海膽壽司, 碎吞拿魚壽司老實說, 大拖羅是比較多根, 但都算新鮮中拖羅性價比最高, 這個價錢抵吃海膽壽司: 如果你平日是吃開高質素的海膽, 這裏的海膽應該會讓你失望了, 因為其苦澀味真的不輕蔥碎吞拿魚軍艦也是一般般吧, 價錢了反映一切反而最為驚喜的是它家的甜品, 吃下去的口感很像日式風格的焦糖燉蛋總結一下, 如果真的是傳聞中需要排隊才能吃到的, 我想大概不會再來了, 但如果不用排隊的話仍可以接受的吃了幾碟, 埋單$130多, 個人用餐時間只花了廿分鐘, 由當初店家提出的一小時時間限制有點不近人情, 畢竟店內的椅子談不上舒適, 冷氣亦偏凍, 真令人想不到有什麼理由需要在此逗留一小時呢??

火紅嘅壽司店，我同家姐早2個月前BOOK定，到今日終於食到，熱潮從未減退，去到樓下就話WALK IN 飛派哂，上到去一樣人山人海，一樣咁多人等位，排到去LIFT前，雖然我地已經上網BOOK左，但黎到一樣要等，不過唔係好耐，大約20分鐘左右就入到去。我地2個人食都安排左卡位比我地，好寬敞，之後戲肉就黎喇，職員同我地講入座計限時60分鐘，之後就要還枱，BOOK果時可能我地無留意，所以去到聽到佢咁講都有啲驚訝，但都正常嘅，出面有咁多人等位，都唔可以食咁耐，但1個鐘黎對我地黎講就有少少急喇，點解咁講呢??(請留意以下描述)我地已經爭分奪秒咁點野食同拎迴轉壽司食，食得好急，你可以話洗咩食到咁急，原因就係用機點果啲野食都黎得有少少慢(雖然一黎就黎幾樣)，因為咁可能有好多人都係拎住迴轉壽司食，但又有另一個問題出現，就係啲壽司師傅又整唔切，變到出面得番好少壽司食。之後就要無限輪迥咁等佢黎，之後快快手食，未有時間品嚐當中嘅味道，有少少牛嚼牡丹嘅感覺，等緊野食果時我都會去八卦望下人食成點，個個都埋頭苦幹係咁食。先講壽司嘅質素，其實以呢個黎講已經算唔錯，件件都係厚切咁制，吞拿魚腩有少少根，不過都可以接受。三

因為實在太難係app度約時間，所以星期五傍晚5點20分，男友放工衝去拎飛，顯示屏寫住尚需等170分鐘，我地就係附近行左2個幾鐘返黎，8點，終於入得。究竟為左咩香港人會捨得排隊? 唔通真係咁好食咩?好，因為我食左好多碟野食，我循例擺晒啲相上黎先，唔詳細講咁多，冇特別提嘅代表我冇咩印象，但唔伏，我再係下面逐一擊破當中「大伏」之選，同埋邊啲最抵食! 大伏1. 海膽: 嘩，一入口，果陣酸臭的腥味洶湧而至，我下一瞬間就吐了出來，不新鮮的海膽真係難以入口。2. 蟹膏: 我唔知自己食左咩，唔係平時蟹膏味，溝左其他調味料3. 蟹柳天婦羅壽司: 就係蟹柳加炸粉加飯，成件事好dry4. 魷魚天婦羅: 又係我唔知自己食左咩系列之一，魷魚唔知點解會好稔，冇彈性，更加冇咩味5. 拉麵: 冇咩特色，好細碗，料好少，湯底亦係唔濃抵食1. 蝦3味，3隻蝦(赤、甜、熟蝦)$17，夠新鮮2. 梅酒，好大一杯，甜甜地，仲有兩粒浸過酒的梅子俾你好，好爽口3. 吞拿魚壽司，好香，油脂充足其他都唔錯，但我唔太記得了，可以參考一下我影的相。其實都係抵食，味道唔會差，選擇又好多，REFILL好快，環境都舒適，只係好果次次排3個鐘就好