壽司郎 (已結業)

🎾 壽司郞開左3個月🍣日日個booking app都額滿🤡仲難過reg科🤡今日終於book到啦🤩🤩😈電話book左之後去到register返就有得入去👍🏻-⚾紅碟 $12/銀碟 $17/金碟 $22/黑碟 $27基本上壽司郎淨係得4個價錢既選擇🤔但壽司種類我覺得算好多🤤overall我食咁多款覺得冇一款係伏🤩而且佢啲飯仲要係暖既🍚🔥以呢個價錢黎講性價比真係超高🤤推薦赤蝦/油甘魚/鰈魚鰭邊/大呑拿魚腩👅👅-⚽總評⚽一句講哂:努力去book枱吧😂因爲現場等位應該等到2046😂😂等佢紅磡店開埋應該會少啲啲啲啲人既🤡佢既缺點就只有多人等🚶🏻‍♂️下次想試下佢啲甜品同熱食🤤-🏐 壽司郎佐敦彌敦道348號彌敦坊UG樓11:00 - 23:00

話說同我女朋友早一個月訂左位，都幾期待坐低叫左好多野食，味道都幾好，芝士三文魚，蝦之類大拖羅唔好叫，麻麻地，係回轉見到靚先好拎，比得你既都樣衰衰中拖就幾好紫菜大多數都淋，但都可以接受，始終性價比都高但佢個海膽係臭既，食完我女朋友尋日就嘔左成晚，我今日就肚痛，希望佢可以正視下生鮮度既問題

主打平價壽司既壽司郎開左都接近兩個幾月，人氣一直冇減退，一去到餐廳見到滿滿都是等待入座既客人，好在早前我用App預約左日期同時間，去到餐廳只要登記返，唔洗5分鐘就可以入座🥳客人可以用iPad點單，壽司會係上面個條輸送帶送到🤣送黎既速度仲好快，幾分鐘就有本人就推介蝦3味（右下）👍🏻$17就有齊甜蝦、鮮蝦、赤蝦，赤蝦同單點既一樣咁新鮮，抵食特選中吞拿魚腩$17，油花同色澤比起大吞拿魚腩確實有稍遜色一點，帶有少許口感特選大吞拿魚腩$27，有入口即融既感覺，同埋口控充滿吞拿魚腩嘅油香😋極上鰻魚$22，味道普通，鰻魚比較乾身，冇骨但試左一次就夠🙈油甘魚$17兩件，完全唔腥，同埋佢唔係薄切，質感幾細滑🤤兩個人加埋都食左20碟，埋單$380左右，價錢同連鎖式壽司店差不多，但多一個選擇，而且有不同吞拿魚腩同埋多款天婦羅壽司，值得一去再去🤤

這裡有很多壽司的選擇，過江龍的這一間算不錯，上食物的速度快，服務員態度好，食物質素新鮮，好喜歡三文魚壽司！還點了一個甜品，抹茶蛋糕，抹茶色濃，有驚喜！下次會再來嘗嘗

【炙燒赤蝦壽司】 HKD12【炙燒鹽味三文魚壽司】 HKD12【蟹膏軍艦】 HKD12【鹽味牛排壽司】 HKD12主打100円平價壽司🍣嘅壽司郎係日本規模最大的連鎖式迴轉壽司店，係香港🇭🇰開業大概2⃣個禮拜，人龍長到超誇張。奉勸各位忍唔住心急想去試嘅朋友仔👫切記要係app📱度攞位。依度嘅壽司款式頗多，淨係$12嘅款式都夠你食飽飽🤩我地嗌左超過十款壽司，而我個人就只會食火炙🔥同半熟嘅壽司，友人就奉生必食。如果同我一樣都係喜愛食熟或者半熟嘅野，我會推薦炙燒赤蝦🦐同炙燒鹽味三文魚🐟因為2樣都係大大隻好厚身。反而平時喜愛炙燒嘅我對炙燒芝士系列比較失望😔一來面頭嘅刺身細件，二來感覺上唔係好夾，所以都冇再encore。而蟹膏軍艦🦀嘅味道勁濃，鹽味牛排🥓雖然油油地，但係咸得黎又夠淋。而友人愛好食生野，當中對拖羅情有獨鍾，$17同$27嘅呑拿魚腩都有入口即融嘅感覺，不過分別就係貴啲嗰款當然就紋路靚啲，魚味同油膩感重啲。📍壽司郎佐敦彌敦道348號彌敦坊UG樓🚇港鐵佐敦站B1出口 步行約3分鐘🕑星期一至日 11:00-23:00

Book左三個月終於來到食😂😂！ 本身以為遲到 又要重新排隊明明預約寫2點45 但2點45 已組過左200幾個號碼，好彩去到原來預約又分另一條隊 一到即刻入到 😂！ 坐底店員主動問我地系味第一次來 服務細心， 而且壽司真系好高CP值好味過元氣同爭鮮 ！又抵食

今次唔打唔撞可以比我係電話即日拎票，去到現場都仲要等30 mins，佢d天婦羅非常好味，剌身都好ok，仲有得儲印花，係每人一張，24個印花後可以換個大公仔😍😍😍炸蝦真的很好味又脆又軟依個水牛芝士幾好味,不過食左佢會更快滯玉子壽司係每次黎必叫幾特別既壽司,不過都係普通既茄子蟹柳好味,下次會再叫期待儲夠印花換公仔

又一間日本過江龍登陸香港，今次係平價迴轉壽司Sushiro壽司郎，係現時日本銷量no.1既迴轉壽司店，店舖更多達四百幾間，自登陸佐敦後，真係太多人既關係，我決定等一個月後，仲要閒日去試排，結果等左大概45分鐘就可以入去了香港分店價錢由$12-$27不等，大部份既壽司都係1碟有2件，只有某幾款壽司係以單件計算，用餐時間只有60分鐘，一坐低我地已經瘋狂落單，壽司亦都好快送到，叫到一枱都係壽司絕對無難度大吞拿魚腩$27，中吞拿魚腩$17價錢差$10，但食落兩者既分別其實不大，兩件都肥美，相比下中吞絕對抵食海膽海苔包$17不是最鮮甜但未去到臭既，帶點甘味，$17我覺得可以接受貝三味$17新鮮爽口，好抵食原條海鰻$27味道不錯但比較淋身，我鍾意乾身d既鰻魚，如果燒耐d會更香更好味醬烤日本帆立貝$22帆立貝都幾大粒，好鮮甜，火灸後加埋個醬汁，好好食茶碗蒸$19點解凍既，原來篤得太興奮點錯左😆，凍既食法都真係第一次，面個層係類似湯既果凍，蛋好滑，出乎意料又幾好食喎最後我地係食左32碟，我都不敢想像自己究竟食左幾多舊壽司，食到放題咁，真係好crazy，食物質數絕對唔差，埋單都只係$6xx，又平又抵食！

住得近所以已經食咗4,5次😆每次都好滿足～見到有人話質素完全比唔上日本店 但我反而覺得呢個價錢 都算平靚正 種類又多 食物都算新鮮 環境又唔錯值得一試👍🏻.手機app預約到兩個月後真係好誇張啊～～😛建議如果想lunch食既話可以喺佢11點開門時係app到睇住時間拎飛😅如果想dinner食既話就可能有d難道🤣試過星期五五點半左右去拎飛就大概等兩個鐘 不過過咗號碼30分鐘內都有得補返嘅😇.japan’s #1 conveyor belt sushi chain - SUSHIRO!! 🍣 the menu is VAST & the quality of the sushi is SOLID 😋 - the ingredients are quite fresh & the texture of the sushi rice is quite good too! definitely worth trying but do keep in mind that the queue is craaazzyy (especially for dinners) good luck people 😉

早一個月前係APP訂左位,去到係大堂部機登記返訂位號碼,(記住過左你之前APP訂位時間,先登記就無用)等左幾分鐘就入坐,店員會問你之前有冇黎過,如果第一次黎會細心指示餐具等位置及點餐平板.用餐時間1 小時,食物水準中上.吞拿魚壽司......................日本SUSHIRO食一樣冇筋入口即化炸蝦壽司...........................好大隻 啲肉實唔會膠, 隻蝦仲要熱辣辣,比元X好食(炸蟹棒壽司  蟹棒好大條但味道好淡)壽喜燒牛排壽司.............好好味,有牛肉味又唔會老到咬唔開     (鹽味牛排壽司有啲偏咸)蟹膏壽司...........................好正,濃郁蟹膏味得黎又鮮甜蟹籽壽司...........................同元X差唔多,但SUSHIRO抵食$12赤蝦壽司...........................無元X咁鮮甜,赤蝦偏淡海膽壽司...........................完全唔掂,苦嘅,唔生鮮芭菲雪糕.......................... 雪糕有牛奶味同

唔係講笑，我真係好期待呢一餐！話哂日本最受歡迎既連鎖迴轉壽司店，當然要來香港店朝聖下其實排80分鐘真係好耐，取票後係對面永安行左一輪，再入番餐廳等成間餐廳大堂樓梯都企滿人當可以入座我被安排坐到卡位，位置同元氣一樣舒服，可以用pad落單 or 申手係輸送帶自取，整好後就有獨立輸送列車送到位連湯烏冬都可以送到，價錢碟碟都係$12-$30 好平我想推介大家食Tuna 拖羅, 質素同價錢唔成正比，好鬼正3隻蝦壽司set 我見隔離台 1人食4碟咁誇張，又拎一份試下，真係好好味反而三文魚壽司油香唔夠，三文角腩都有少少失望。總括我都好鐘意壽司郎，如果只係排半小時可以入去食，我會再來架

又一間日本過江龍餐廳進駐香港，平價回轉壽司店スシロー ，去日本時冇幫襯過，再加上太耐冇食壽司，今次可食返夠本，當然，過江龍平民價又係壽司，一定深受歡迎爆多人，第一時間睇下有冇得book，要用壽司郎apps先可以book位，但未來的2個月都full晒，又好想食，於是便決定早起身做第一批食客，等佢開門，餐廳開11:00，10:30去到，已有人排梗，實在太瘋狂了。 差不多11:00，餐廳比大家上去取票。 我地都算排得前，好快入到去。 餐廳面積頗大，木系為主，感覺柔和，有吧枱及方枱（卡位），吧枱每兩位之間都有隔板隔著，感覺有私人空間，而且位子尚算寬闊，坐得尚算舒適。 坐的位置。 入坐時，店員會講解一下細節，一小時用膳時間。 迴轉壽司，大同小異的格局，都講下，上層的輸送帶是order 的壽司專用，下層的就迴轉壽司自己取。 有醬油、甜豉油及柑橘醋等。 iPad 落單。 握壽司價格分：紅($12)、銀($17)、金($22)及黑碟($27)。 另有其他小食及甜品。 Order的壽司。 いただきます 炙燒三文魚腩，$12，第一碟未諗到食咩，叫住碟三文魚腩先，尚算肥美。

自從某間連鎖壽司店傳出有蟲，都唔敢再食啦，好彩有呢間來自日本既迴轉壽司店，壽司種類都幾多，而且抵食，各款壽司都幾新鮮，但海膽就真係可免則免，因為有d腥臭味，但整體黎講，試左好多款都好食，特別推介蝦三味，赤蝦好厚身好鮮味，總共三款蝦壽司都只係$17，性價比係極高，另外，帶子壽司都幾鮮甜，但就較為薄身，仲有就係，覺得中拖羅好食過大拖羅，魚油味頗重，好食！不過排隊等候時間就好長，我地walk in兩位，足足等左2個半鐘先入座, 下次真係要預早用App 預約左先。

張寶仔之前已經去過台灣食，超級好食，性價比極高，壽司很有鮮味，所以見到香港話要開，我地就即刻去食啦！其實點book枱都有技巧架，因為我哋係冇成功訂枱的，但就係佢開門嘅時候，11點正打開佢個app，立即禁飛，之後大約12點 1點就可以去食啦，就算係星期六日都可以成功食到㗎啦！最推介既係中拖羅！大拖羅食唔食都得，因為食咗幾舊都係有根嘅，怡中拖羅嘅油脂都好高，食落都已經好過癮，而且又好平，性價比極高！之後去應該都只係食中拖羅！ 另外燒鯖魚都非常好味，又平，好有魚油香味！大推！希望壽司郎遲啲會再開多啲分店！

早兩個月前book左位食本身都好期待 所以都有啲期望一坐低，佢杯碟係自己係迴轉上面攞既隻碟摸落癡立立用紙巾抹仲有豉油果啲顏色雖然食肆污糟都係人都知，但係日本野就真係有啲期望既之後叫左幾碟壽司 total 15碟加一個湯一個甜品頭果幾碟都可以 一食到海膽就死啦臭不特只，好苦而且即食紫菜都係淋既食完佢再食帶子都唔得，太濃味依個面豉湯都ok好飲既，啲蜆都鮮味既唔係無味果種本身係迴轉攞左依碟牛係dry少少既但個味好食所以又叫左一碟 都幾好食依個海老三味就比較抵17蚊三件三件都高質 最左邊個隻蝦就最好食大拖羅 一睇個樣唔肥又唔油咁無乜魚味食落又多筋 唔吸引27蚊唔知食左乜食完海膽食依個完全評價唔到食完依餐見到咁多人仲係出門排緊隊心諗如果排兩個鐘 我真係唔食啦