壽司派 (已結業)

食之前完全唔知唔知有呢間野都係諗住求其試下食物方面真係冇咩特別瀨尿蝦壽司就真係唔好食啦...勁鞋囉然後軟殼蟹壽司勁姑寒,好細粒蟹三文魚就唔錯ge但係間野冇咩其他野食嗌好少選擇本來我地仲order左蝦天婦羅咖但催左佢幾次都未到,我地就埋單走啦點知俾完錢佢就黎話送俾我地食喎..不過都係般je總括黎講,d野味道偏淡又少選擇,冇咩特別**師傳唔帶口罩真係唔係幾衛生,因為佢地都會同客講野的

朋友想試下這間sushi, 回到家看openrice先知劣評如潮!我們約7點入座, 坐迴轉位, 輸送帶上sushi款式不算太多, 但都幾新鮮, 排列都好整齊. 之後我哋再order甜蝦, 鰻魚, 都唔錯! waiter又自動黎加水, 不用叫, 都ok喎! 不過D壽司師傅最好就帶番個口罩, 衛生D!

Hi all,I went there once with my brother once. The environmet was clean n neat and the service was great.The waiter kept filling our tea cup n wearing similes all the time......Except the food.....sushi rice was dry and a little bit sour than regular. The fish was tasteless n not fresh-except the salmon....salmon is okay but not fatty. Besides, the sushi chief cutting the fish into very thin and tiny pieces .I paid full price but got half of the food quality. Thats why we wont go again.

其實D野唔係太難食，起碼D魚都勉強算係新鮮，但係D人o既服務態度真係令人倒胃。平日夜晚9:15去食，明明大把位，，又唔係有人等緊，開兩個迥轉位等成10分鐘……個個都黑口黑面咁，尤其D壽司師傅，好似你得罪佢全家咁，有冇搞錯？仲有呀，我9:30坐低，明明10:30 last order 11:00pm收工，間鋪好似收工咁D師傅全部做緊清潔，擺明趕客兼似唔想做……間o野仲要唔平喎，咁o既價錢食咁o既o野咁o既態度一D都唔值，以後都唔會再去！

其實呢件事不愉快既事件發生享上年年尾，我同屋企一行四人到新城市廣場Hip Sushi，去到好多人，我們攞了飛仔享門口等位等左四十五分鐘，其間叫了好多五至六位既枱(包括排後過我地既number)，但我地都無所謂啦，因為人地係六人枱，唔放四人入去都好正常，誰不知好快就發覺唔對路啦：我睇見有張四人枱埋單走人，心諗下個number嗌372就係我，四人枱喎，仲唔係到我？點知門口個staff嗌"373,三位！"然後我就見到佢地坐左埋去那張剛埋單的四人圓枱！Wah！我緊係即時埋去問點解啦，精彩對話如下：自稱"負責人"既男人說："個張係四人枱，但係有張椅借左比隔離枱，所以得三張椅，咪放三人入去囉！"我說："咁大間餐廳多張椅都無？無理由呀．．．""負責人"說："真係多張椅都無喎，唔通我叫你企享度食咩！"我說："好呀，我就企享度食，你即刻比個張枱我！""負責人"說："你企享度食，我都無枱比你嫁喎！"我說："我要同你地個負責人投訴!""負責人"說："我就係負責人啦，你同我講啦！"本人實在好氣頂，但又伸訴無門，由於太肚餓關係(我地呆等了45分鐘！)，我地都即刻去隔離餐廳醫肚先，然後我走到新城市廣場客戶部投訴，

之前情人節，買左飛睇11:50pm，未夠鐘　女朋友想黎依間sushi度試下，橫豎我都未係度試過，就即管試下啦～試之前無睇openrice，唔知咁多劣評，一試之下～真係劣得有道理.　佢表面好似同出面d迴轉壽司差唔多價錢，望真d　原來除左三文魚同三文魚腩之外，其他平均都比同類型壽司貴.　但係貴些少得黎，多數得兩種結果:1)同出面差唔多(eg帶子...) 2)唔係幾好食(eg海膽,油甘魚...) 仲有，師傅唔戴口罩又勁多野講(依句係咪好相熟呢～同之前有位朋友一模一樣!～點解?　因為依個係事實!)我坐左差唔多2個鐘，有2-3個師傅講足1個鐘，真係唔多衛生.　同埋又要叫人倒水，等得比較耐，除此之外環境方面都ok既總括黎講　都唔多抵食～

是日工地在沙田﹗收工與工友去左沙田新城市，到處諗找咩食，行左落底層廣場，去左呢間Hip壽司。等左一個字就有位坐喇，坐既地方係吧枱，0的死人餐牌放到迫迫狹狹的﹗搞到我仲打瀉左輸送帶的壽司，都知呢次係黑架喇﹗無計，打瀉左就只有自己食番啦....加州卷，無咩特別﹗食之無味...棄之可惜......完全無人理你，茶又無水又無，食左兩碟要"求"0的待應先比杯水你飲下﹗真係.....抵佢openrice 有30個劣評﹗攞個餐牌0黎睇下，發現呢度0的野一0的都唔平，開頭見佢其貌不揚裝潢普通以為元祿元氣抵食之流，點知0的壽司係$9--->$16--->$20--->$26--->$38咁去的﹗普通野都要成廿蚊兩件呢﹗三文魚，0的飯是散開的，三文魚好凍，唔知係咪岩岩0係凍櫃拿出來﹗瀨尿蝦乾過牛肉乾，成舊擦膠咁﹗真係想成塊車番去個壽司師傅到﹗工友食到扁哂嘴﹗呢碟野我真係食唔出入面0個0的係薑片定係酸瓜，總之工友話入面0的料咬唔開，係真係好有咬口，不過係咬完要吐番出來0個隻，係無薄荷味的"香口膠"。工友點左個魚自己食，只放左一件入口，腥到佢眼水都標埋，係咁飲水沖佢落喉嚨，佢一

星期六下晝差不多五點,我老公過來揾我,由於佢未食嘢,所以諗住揾嘢食,但全個商場的食肆都擠滿了人,好不容易才揾到間有位的,但明明有大把空位,都要等位喎.等咗大約五分鐘就埋位,叫了以下壽司:三文魚腩壽司($14)--可以,但絶對不算得上新鮮.瀨尿蝦壽司($14)--瀨尿蝦很乾很硬,不好食.油甘魚壽司($26)--油甘魚算是比較好食的,很肥美.北寄貝壽司($14)--北寄貝很乾,沒有鮮味.火焰三文魚($9)--無特別,中規中矩.軍艦蟹肉蟹羔($26)--揾笨,完全唔值,紫菜不脆,蟹肉完全無味.魚背+海膽壽司($32)--更加揾笨,十分不值,海膽很腥,又稀,魚背又細又無味.山海派海棉雞旦壽司($20)--好似食緊蛋糕咁,夠特別掛.火焰牛舌壽司($20)--牛舌比較硬,但總算有味.壽司飯偏硬,以上述價錢食上面啲嘢完全唔值,總括來說是一間貴的壽司店,但唔算好食,唯獨主動加水,值得一讚.不過原本$169,加一加咗$17,..

唔知係咪餐廳見之前嘅評語啦, 今晚去幫襯, 食品同服務都唔錯喎!我唔敢講識唔識食, 不過都好注重食物同服務質素.未夠7點, 等左一陣就有位, 全程d店員都好好態度, 自動自覺.我地唔鍾意坐bar, 所以就選左order檯. 上菜都好快, 而且大部份都好滿意, 只係個燒雪魚伴藕餅就真係麻麻地囉...佢地嘅海膽, 北寄貝, 三文魚腩真係好好食, 連同其他魚生都一樣好新鮮.d相縮到好細, 可能不太清楚..不過參考下咁啦

見到新城市廣場第一期地庫開咗咁多新食店,諗住試下,食咗咁多間壽司店,真係覺得以咁嘅價錢,最差嘅一間。首先因為晚嘅關係,明明冇咩人,都好似好耐先有人過嚟帶位,之後打開餐牌,其實都唔係好多款,特別少少都要$26一碟。而嘢食又唔係特別好同新鮮,我地叫咗個牛肉稻庭烏冬,點知佢聽錯咗俾咗兩碗我地,都算啦,因為細碗可以食埋, 除咗真係稻庭烏冬好味外,湯底就比較淡。結果一d都唔滿足咁,我覺得以咁嘅價錢,可以食得更好。

心血來潮想食壽司又貪就腳,咁就出事了...唉...=.=夜晚9點幾,明明成間野都唔full得嗰三四成客,但就係都要d新入嚟既客人坐响近門口reception,攪到d人坐到好似好迫咁,對面迴轉枱就得幾丁人...講番d壽司啦,真係只係比元綠好少少,都算係同類形連鎖迴轉壽司店之中最最最最...差的...>_<-魚生唔夠新鮮-上菜速度慢-侍應未訓醒,淨係識企埋一堆傾計-師傅唔戴口罩又勁多野講-漏單-三文魚腩壽司竟然有魚鱗(有三塊魚鱗)ps.坐响我隔離的男孩子話比個女侍應聽無豉油,叫個女侍應幫佢加番落個樽度,加完之後佢竟然放响個男仔面前,完全無意識放番去個調味架度,個男仔呆咗一秒,跟住唯有自己放番好,唉....d侍應一d咁簡單既侍客之道都唔識...>__<....唉

上星期試了意大利餐廳，今個星期試對面的壽司店。由於之前未看過食評，原來又是多麼喊面的一間。時間尚早可以選擇bar 枱 ，我覺得這間壽司店頗細心，在迴轉帶上，每款壽司之前都有個牌，介紹是那一款壽司，擺放位置較為齊整。不似其他壽司店，第一碟三文魚壽司、第二碟加州卷，第三碟是甜蝦壽司，如果有些壽司未必容易分辨，很多時都搞不清吃了什麼壽司。三文魚腩及劍魚刺身，由於三文魚腩比三文魚只貴$10，當然要腩的部位，所以好肥美；而劍魚較為差點，魚肉有根。試了好幾款壽司及卷物，軟殼蟹卷、鰻魚卷、三文魚蟹子卷、三文魚鰻魚卷，三文魚腩壽司、鰻魚壽司、鵝肝壽司......這大眾化價錢來說，算是不錯，起碼最基本功夫的手握壽司，做得結實，不會鬆散。服務也合格，唯一缺點是壽司師傅太多說話，一邊做壽司、一邊傾計，水花四濺。

Salmon taste no-taste but only cold.Tuna also taste nothing and "梅" (bad texture).醋青魚sushi is really horrible.And the salad of tofu and 'thousand-year-egg' is... Oh, God ! No words to describe them!

去0左三次三次都幾滿意食物新鮮我特別鐘意佢個帶子壽司粒帶子好大粒,好鮮甜三文魚壽司就不過不失,勝在夠平表面上價錢好似較元氣貴但係較為大件同埋手握壽司0係口感方面真係好0的唔似用機壓0個0的咁易散I like it

本人1月10日到此店進食,其服務態度勁差,第一忘記了為本人安排坐位, 只是給了一張單給我,而他沒有把人數寫下在他們的登記紙上。第二當我上前查問有關坐位安排情況的時候,此店職員更聲明我們沒有聽到他們的號碼,但當時他根本沒有把有關人數寫上,我又點會miss左呢!!最後他們把原本沒有坐的位置安排給另外一些食客。第三當本人向此店經理投訴此事要求更改有關坐位的時候,他開頭話會安排,但當經過十分鐘時間,他仍未為我們安排另一個坐位。第四經理再跟我們講過是我們miss 左,不是他們有問題。是我們有問題。有話\"口講冇朋\"仍然話係我們有問題,又話我們沒有聽清楚。我叫佢\了解一下先又可以問下他們的同事係唔係真係有呢件事。佢\女同事認予是她忘記了。之後佢\仲問返我\"咁你宜家想點呀\"。態度勁勁勁差。又話冇其他位置可以安排。第五經理根本冇唸過重新為我們安排坐位,態度勁勁差,冇服務,冇水準。根本不是解決問題。只是冇理會冇follow!!本人希望在於表達對此食店表達不滿。本人今日生日希望同家人開開心心食餐\飯。結果受到如此對待真是不滿。