影片
更多
2008-02-14
1 浏览
是日工地在沙田﹗收工與工友去左沙田新城市，到處諗找咩食，行左落底層廣場，去左呢間Hip壽司。等左一個字就有位坐喇，坐既地方係吧枱，0的死人餐牌放到迫迫狹狹的﹗搞到我仲打瀉左輸送帶的壽司，都知呢次係黑架喇﹗無計，打瀉左就只有自己食番啦....加州卷，無咩特別﹗食之無味...棄之可惜......完全無人理你，茶又無水又無，食左兩碟要"求"0的待應先比杯水你飲下﹗真係.....抵佢openrice 有30個劣評﹗攞個餐牌0黎睇下，發現呢度0的野一0的都唔平，開頭見佢其貌不揚裝潢普通以為元祿元氣抵食之流，點知0的壽司係$9--->$16--->$20--->$26--->$38咁去的﹗普通野都要成廿蚊兩件呢﹗三文魚，0的飯是散開的，三文魚好凍，唔知係咪岩岩0係凍櫃拿出來﹗瀨尿蝦乾過牛肉乾，成舊擦膠咁﹗真係想成塊車番去個壽司師傅到﹗工友食到扁哂嘴﹗呢碟野我真係食唔出入面0個0的係薑片定係酸瓜，總之工友話入面0的料咬唔開，係真係好有咬口，不過係咬完要吐番出來0個隻，係無薄荷味的"香口膠"。工友點左個魚自己食，只放左一件入口，腥到佢眼水都標埋，係咁飲水沖佢落喉嚨，佢一
收工與工友去左沙田新城市，到處諗找咩食，行左落底層廣場，去左呢間Hip壽司。
等左一個字就有位坐喇，坐既地方係吧枱，0的死人餐牌放到迫迫狹狹的﹗搞到我仲打瀉左輸送帶的壽司，都知呢次係黑架喇﹗
無計，打瀉左就只有自己食番啦....
加州卷，無咩特別﹗食之無味...棄之可惜......
完全無人理你，茶又無水又無，食左兩碟要"求"0的待應先比杯水你飲下﹗真係.....抵佢openrice 有30個劣評﹗
攞個餐牌0黎睇下，發現呢度0的野一0的都唔平，開頭見佢其貌不揚裝潢普通以為元祿元氣抵食之流，點知0的壽司係$9--->$16--->$20--->$26--->$38咁去的﹗普通野都要成廿蚊兩件呢﹗
三文魚，0的飯是散開的，三文魚好凍，唔知係咪岩岩0係凍櫃拿出來﹗
瀨尿蝦乾過牛肉乾，成舊擦膠咁﹗真係想成塊車番去個壽司師傅到﹗工友食到扁哂嘴﹗
呢碟野我真係食唔出入面0個0的係薑片定係酸瓜，總之工友話入面0的料咬唔開，係真係好有咬口，不過係咬完要吐番出來0個隻，係無薄荷味的"香口膠"。
工友點左個魚自己食，只放左一件入口，腥到佢眼水都標埋，係咁飲水沖佢落喉嚨，佢一向都唔怕腥都竟然會有呢個反應，可想而知呢度0的刺身有幾新鮮﹗
雖然我唔食魚不過都知只要是新鮮的就算是紅衫魚都未必會腥而係鮮甜﹗
全球最經典的兩款惹味壽司，先評右手面的蟹子魷魚，魷魚是凍到好似出面天氣一樣，入口要叫呵﹗呵﹗呵﹗好似食雪糕因太凍而作出的自然生理反應﹗硬得不得了﹗我最愛就係魷魚對呢款壽司真係無限失望﹗
左面的是海膽，係我地兩個食完之後飛筷子轉身埋單的因由﹗入口腥味濃得有好飲左一杯"尿"一樣﹗真係......我不是說笑，是一陣強烈如漒水也不能形容"尿"味﹗
有如公廁無水沖廁集了千萬個體戶的尿液倒了一杯出來飲左佢一樣﹗
邊有咁架？個壽司師傅自己有冇試過？未試過又或者明知唔新鮮唔好整出來害人啦﹗工友差0的食到喊左出來﹗
沖左兩杯水入口都辟唔走0的尿味，最後我在口袋拿出兩粒爽浪香口膠一人一粒解決呢個生理問題再轉身叫埋單再叫左一聲"好X難食"走人﹗
真係好野﹗有睇我blog都知我好少彈話咩唔好食，次次都話好食居多，不過今次真的按捺不住，openrice將會有呢間野的第31個劣評，係我寫的﹗
张贴
