壽司廣廚房 (已結業)

第一次逼到唔寫食評的我要寫食評。門口帶位姨姨混亂，又話有位又原來無位。入到去叫左幾樣野壽司 ：$250，日本食的話 3/400yen質素，唔難食但唔太值尼個價錢。天婦羅冷烏冬：$140，烏冬係碎烏冬。天婦羅mini size，蝦係凍的，裹了炸粉的甜蝦一樣。牛肉壽喜燒：$220，size同和民個個一樣，係牛肉高級少少，但都係碎碎地。味道ok，其實壽喜燒好難整到難食。總括黎講，呢間餐廳同壽司廣係同一個集團，壽司廣貴質素高，係值。而平民版的kitchen，我期望比其他地方貴d，係質素會係好d，而唔係咁。結果3個人7/8成飽，都無意欲再叫落去，搵地方食湯水算。

上文提到，黃雨之下，來了新城市廣場覓食，下午吃完銀座梅林，行左一陣街就到夜晚，雖然唔係好肚餓，但點都要試下呢間「壽司廣廚房」事關本人都算係壽司廣既常客，多數係銅鑼灣分店食，今次見佢開係沙田實在覺得奇怪，重要加上「廚房」兩隻字，究竟點解呢？六點幾去到，先睇睇個Menu哇一聲先，價錢實在好平好抵，一個壽司Set大約二百幾蚊，呢個價錢係壽司廣只係食到午餐，夜晚就實過千，所以即刻仆入去啦。帶位既姐姐有點奇怪，就係店鋪有大量位置，佢係都要將啲人迫埋一堆，正常黎講六點幾呢個時間唔會多人，兩個人坐一張四人枱，正常坐滿先開始搭枱；但佢就一開始已經要所有客人搭枱，開頭我同食友坐四人枱，見間鋪咁多位，放左個袋係隔離，但帶位既姐姐就係都要帶個客過黎坐，個客坐左陣都要求坐去吧枱其實日式壽司店只有吧枱先會坐埋一起，同隔離左右同師傅交流下，而其他枱都會畀番一定既私隱客人，就算你想幫公司賺更多而要求所有人搭枱，安排入座既時候應該知會一聲，就算係要搭都應該將枱與枱之間保留一段距離～Order了兩個壽司Set，價錢大約二百元一份，食物方面確實是一分錢一分貨，質素與賣相都相對地平民化，魚子軍艦和海膽軍艦既紫菜都係林曬，吞